ಬೆಂಗಳೂರು: ವಿಶ್ವದ ಅತ್ಯಂತ ಹಳೆಯ ಶಾಲೆಗಳಲ್ಲಿ ಒಂದಾದ ದಿ ಕಿಂಗ್ಸ್ ಸ್ಕೂಲ್ ಕ್ಯಾಂಟರ್ಬರಿ ಇಂದು ಬೆಂಗಳೂರಿನ ಫೋರ್ ಸೀಸನ್ಸ್ ಹೋಟೆಲ್ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ದಿ ಕಿಂಗ್ಸ್ ಸ್ಕೂಲ್ ಕ್ಯಾಂಟರ್ಬರಿ, ಬೆಂಗಳೂರು ಶಾಲೆಯ ಆರಂಭವನ್ನು ಅಧಿಕೃತವಾಗಿ ಘೋಷಿಸಿತು.
ಕ್ರಿ.ಶ. 597ರಲ್ಲಿ ಸ್ಥಾಪನೆಯಾದ ದಿ ಕಿಂಗ್ಸ್ ಸ್ಕೂಲ್ ಕ್ಯಾಂಟರ್ಬರಿ 1,400 ವರ್ಷಗಳಿಗೂ ಹೆಚ್ಚಿನ ಶೈಕ್ಷಣಿಕ ಪರಂಪರೆಯನ್ನು ಹೊಂದಿದೆ. ಹೊಸ ಶಾಲೆಯು ಈ ಐತಿಹಾಸಿಕ ಪರಂಪರೆ, ಸುದೀರ್ಘ ಶೈಕ್ಷಣಿಕ ಅನುಭವ ಮತ್ತು ಕಿಂಗ್ಸ್ನ ವಿಶಿಷ್ಟ ಶಿಕ್ಷಣ ಮೌಲ್ಯಗಳನ್ನು ಬೆಂಗಳೂರಿನ ಸಂಸ್ಕೃತಿ, ಚೈತನ್ಯ ಮತ್ತು ಸ್ಥಳೀಯ ಪರಿಸರದೊಂದಿಗೆ ಸಂಯೋಜಿಸಲಿದೆ.
ಈ ಸಹಭಾಗಿತ್ವವು ಕಿಂಗ್ಸ್ ಕ್ಯಾಂಟರ್ಬರಿಯ ಮೌಲ್ಯಗಳು ಮತ್ತು ಶೈಕ್ಷಣಿಕ ತತ್ವಗಳನ್ನು ವಿದ್ಯಾಶಿಲ್ಪ್ ಎಜುಕೇಶನ್ ಗ್ರೂಪ್ನ ಆಳವಾದ ಶೈಕ್ಷಣಿಕ ಪರಿಣತಿ, ಸ್ಥಳೀಯ ಜ್ಞಾನ ಮತ್ತು ಬೆಂಗಳೂರಿನಲ್ಲಿ ಶಿಕ್ಷಣ ಕ್ಷೇತ್ರದತ್ತ ಹೊಂದಿರುವ ದೀರ್ಘಕಾಲದ ಬದ್ಧತೆಯೊಂದಿಗೆ ಒಟ್ಟುಗೂಡಿಸುತ್ತದೆ.
ಇದನ್ನೂ ಓದಿ: Complete education is free in Odisha: ಒಡಿಶಾದಲ್ಲಿ ಸಂಪೂರ್ಣ ಶಿಕ್ಷಣವೇ ಉಚಿತ: ಇಡೀ ದೇಶಕ್ಕೆ ಮಾದರಿ
ಶಾಲೆಯು 2027-28ನೇ ಶೈಕ್ಷಣಿಕ ವರ್ಷದಲ್ಲಿ ತನ್ನ ಮೊದಲ ವಿದ್ಯಾರ್ಥಿಗಳನ್ನು ಸ್ವಾಗತಿಸಲಿದೆ. ಇದರೊಂದಿಗೆ ಕಿಂಗ್ಸ್ನ ಸುದೀರ್ಘ ಪಯಣದಲ್ಲಿ ಹೊಸ ಅಧ್ಯಾಯ ಆರಂಭವಾಗಲಿದ್ದು, ಭಾರತದ ಅತ್ಯಂತ ಕ್ರಿಯಾಶೀಲ ನಗರಗಳಲ್ಲಿ ಒಂದಾದ ಬೆಂಗಳೂರಿನಲ್ಲಿ ಬೆಳೆಯುತ್ತಿರುವ ಮಕ್ಕಳಿಗೆ ವಿಶಿಷ್ಟ ವಾದ ಕಿಂಗ್ಸ್ ಶಿಕ್ಷಣವನ್ನು ಪಡೆಯುವ ಅವಕಾಶ ದೊರೆಯಲಿದೆ.
ಈ ಸಹಭಾಗಿತ್ವದ ಕುರಿತು ಮಾತನಾಡಿದ ವಿದ್ಯಾಶಿಲ್ಪ್ ಎಜುಕೇಶನ್ ಗ್ರೂಪ್ನ ವ್ಯವಸ್ಥಾಪಕ ನಿರ್ದೇಶಕ ಡಾ. ಕಿರಣ್ ಪೈ ಅವರು, “ದಿ ಕಿಂಗ್ಸ್ ಸ್ಕೂಲ್ ಕ್ಯಾಂಟರ್ಬರಿ 1,400 ವರ್ಷಗಳಿಗೂ ಹೆಚ್ಚಿನ ವಿಶಿಷ್ಟ ಪರಂಪರೆಯನ್ನು ಹೊಂದಿದೆ. ಈ ಪರಂಪರೆಯನ್ನು ಬೆಂಗಳೂರಿಗೆ ತರುವುದು ಹೊಸ ಮತ್ತು ಉತ್ಸಾಹಭರಿತ ಅಧ್ಯಾಯದ ಆರಂಭವಾಗಿದೆ.
ಮೂಲ ಶಾಲೆಯೇ ಇಲ್ಲಿನ ಶಿಕ್ಷಣದ ರೂಪುರೇಷೆ ಸಿದ್ಧಪಡಿಸುವುದು ಮತ್ತು ಅದನ್ನು ಅನುಷ್ಠಾನ ಗೊಳಿಸುವುದರಲ್ಲಿ ಸಕ್ರಿಯ ಪಾತ್ರ ವಹಿಸುವಂತಹ ಸಹಭಾಗಿತ್ವವನ್ನು ನಾವು ಬಯಸಿದ್ದೇವೆ. ಜೊತೆಗೆ ಸಂಸ್ಥೆಯಾದ್ಯಂತ ಉನ್ನತ ಗುಣಮಟ್ಟ ಕಾಯ್ದುಕೊಳ್ಳುವುದು ನಮ್ಮ ಉದ್ದೇಶವಾಗಿದೆ.
ನಾವು ಒಟ್ಟಾಗಿ ವಿದ್ಯಾರ್ಥಿಗಳಿಗೆ ನಿಜವಾದ ಜಾಗತಿಕ ಕಿಂಗ್ಸ್ ನೆಟ್ವರ್ಕ್ನ ಭಾಗವಾಗುವ ಅವಕಾಶ ಗಳನ್ನು ಸೃಷ್ಟಿಸುತ್ತಿದ್ದೇವೆ. ಇದು ಅವರನ್ನು ಅಂತಾರಾಷ್ಟ್ರೀಯ ಸಮುದಾಯ ಮತ್ತು ಪ್ರತಿಷ್ಠಿತ ಹಳೆಯ ವಿದ್ಯಾರ್ಥಿಗಳ ಪರಂಪರೆಯೊಂದಿಗೆ ಸಂಪರ್ಕಿಸಲಿದೆ,” ಎಂದು ಹೇಳಿದರು.
ಈ ಸಂದರ್ಭದಲ್ಲಿ ಯುನೈಟೆಡ್ ಕಿಂಗ್ಡಮ್ ಮತ್ತು ಭಾರತದ ನಡುವಿನ ಶೈಕ್ಷಣಿಕ ಸಹಕಾರದ ಮಹತ್ವ ಹಾಗೂ ಶಿಕ್ಷಣ, ನಾವೀನ್ಯತೆ ಮತ್ತು ಅವಕಾಶಗಳ ಅಂತಾರಾಷ್ಟ್ರೀಯ ಕೇಂದ್ರವಾಗಿ ಬೆಂಗಳೂರಿನ ಬೆಳೆಯುತ್ತಿರುವ ಪಾತ್ರದ ಕುರಿತೂ ಚರ್ಚಿಸಲಾಯಿತು.
ಬ್ರಿಟಿಷ್ ಡೆಪ್ಯುಟಿ ಹೈ ಕಮಿಷನ್, ಬೆಂಗಳೂರಿನ ಡೆಪ್ಯುಟಿ ಹೆಡ್ ಆಫ್ ಮಿಷನ್ ಶ್ರೀ ಓವನ್ ರಿಚರ್ಡ್ಸ್ ಅವರು, “ದಿ ಕಿಂಗ್ಸ್ ಸ್ಕೂಲ್ ಕ್ಯಾಂಟರ್ಬರಿ ಸರಿಯಾದ ಸಮಯದಲ್ಲಿ, ಸರಿಯಾದ ದೇಶ ಮತ್ತು ಸರಿಯಾದ ರಾಜ್ಯಕ್ಕೆ ಬಂದಿದೆ. ಭಾರತದ ಅಪಾರ ಮಾನವ ಸಂಪನ್ಮೂಲ ಸಾಮರ್ಥ್ಯ ಮತ್ತು ಜ್ಞಾನ ಪಡೆಯುವ ಉತ್ಸಾಹವು ಶೈಕ್ಷಣಿಕ ಸಹಕಾರಕ್ಕೆ ಭಾರತವನ್ನು ಸಹಜ ಪಾಲುದಾರನನ್ನಾಗಿಸಿದೆ.
ಶಿಕ್ಷಣ ಕ್ಷೇತ್ರದಲ್ಲಿ ಯುಕೆ ಮತ್ತು ಭಾರತ ತಮ್ಮ ಸಹಭಾಗಿತ್ವವನ್ನು ಮತ್ತಷ್ಟು ಗಟ್ಟಿಗೊಳಿಸುತ್ತಿರುವ ಸಂದರ್ಭದಲ್ಲಿ, ಕಿಂಗ್ಸ್ನಂತಹ ಸಂಸ್ಥೆಗಳು ಮುಂದಿನ ಪೀಳಿಗೆಯ ಜಾಗತಿಕ ಪ್ರತಿಭೆಗಳನ್ನು ಬೆಳೆಸು ವಲ್ಲಿ ಪ್ರಮುಖ ಪಾತ್ರ ವಹಿಸಲಿವೆ. ಹೆಚ್ಚುತ್ತಿರುವ ಸಂಕೀರ್ಣ ಜಗತ್ತನ್ನು ಸಮರ್ಥವಾಗಿ ಎದುರಿಸಲು ಅಗತ್ಯವಾದ ವಿಮರ್ಶಾತ್ಮಕ ಚಿಂತನೆ, ಪ್ರಾಮಾಣಿಕತೆ, ದೃಢತೆ, ಕುತೂಹಲ ಮತ್ತು ಜ್ಞಾನವನ್ನು ಈ ಶಾಲೆ ತನ್ನ ವಿದ್ಯಾರ್ಥಿಗಳಲ್ಲಿ ಬೆಳೆಸಲಿದೆ ಎಂಬ ವಿಶ್ವಾಸ ನನಗಿದೆ,” ಎಂದು ಹೇಳಿದರು.
ಈ ಉದ್ಘಾಟನಾ ಕಾರ್ಯಕ್ರಮದಲ್ಲಿ ದಿ ಕಿಂಗ್ಸ್ ಸ್ಕೂಲ್ ಕ್ಯಾಂಟರ್ಬರಿ ಮತ್ತು ವಿದ್ಯಾಶಿಲ್ಪ್ ಎಜುಕೇಶನ್ ಗ್ರೂಪ್ನ ಹಿರಿಯ ನಾಯಕರು, ಶಿಕ್ಷಣ ಕ್ಷೇತ್ರದ ಪ್ರಮುಖರು, ಗಣ್ಯರು, ಸಂಸ್ಥಾಪಕ ಪಾಲುದಾರರು ಹಾಗೂ ಬೆಂಗಳೂರು ಸಮುದಾಯದ ಸದಸ್ಯರು ಭಾಗವಹಿಸಿದ್ದರು. ಬ್ರಿಟಿಷ್ ಡೆಪ್ಯುಟಿ ಹೈ ಕಮಿಷನ್, ಬೆಂಗಳೂರಿನ ಡೆಪ್ಯುಟಿ ಹೆಡ್ ಆಫ್ ಮಿಷನ್ ಶ್ರೀ ಓವನ್ ರಿಚರ್ಡ್ಸ್ ಮತ್ತು ಮಿನರ್ವಾ ಇಂಟರ್ನ್ಯಾಷನಲ್ ಎಜುಕೇಶನ್ ಲಿಮಿಟೆಡ್ನ ಸಿಇಒ ಶ್ರೀ ಟೋನಿ ಪುರಿ ಕೂಡ ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.
ಈ ಸಹಭಾಗಿತ್ವಕ್ಕೆ ಅಧಿಕೃತ ರೂಪ ನೀಡುವ ನಿಟ್ಟಿನಲ್ಲಿ ವಿದ್ಯಾಶಿಲ್ಪ್ ಎಜುಕೇಶನ್ ಗ್ರೂಪ್ನ ವ್ಯವಸ್ಥಾಪಕ ನಿರ್ದೇಶಕ ಡಾ. ಕಿರಣ್ ಪೈ ಮತ್ತು ದಿ ಕಿಂಗ್ಸ್ ಸ್ಕೂಲ್ ಕ್ಯಾಂಟರ್ಬರಿ ಇಂಟರ್ನ್ಯಾಷ ನಲ್ನ ವ್ಯವಸ್ಥಾಪಕ ನಿರ್ದೇಶಕಿ ಶ್ರೀಮತಿ ನೀನಾ ಹಂಟ್ ಅವರು ಎರಡೂ ಸಂಸ್ಥೆಗಳ ಹಿರಿಯ ಪ್ರತಿನಿಧಿಗಳ ಸಮ್ಮುಖದಲ್ಲಿ ತಿಳುವಳಿಕೆ ಒಪ್ಪಂದಕ್ಕೆ (MoU) ಸಹಿ ಹಾಕಿದರು.
ನಂತರ ದಿ ಕಿಂಗ್ಸ್ ಸ್ಕೂಲ್ ಕ್ಯಾಂಟರ್ಬರಿ, ಬೆಂಗಳೂರಿನ ಫೌಂಡಿಂಗ್ ಹೆಡ್ ಆಫ್ ಪ್ರೆಪ್ ಶ್ರೀಮತಿ ಲೀ ಹೋಮ್ಸ್-ಹಿಲ್ ಅವರು ಬೆಂಗಳೂರು ಶಾಲೆಯನ್ನು ಪರಿಚಯಿಸಿದರು. ಅವರು ಶಾಲೆಯ ಶೈಕ್ಷಣಿಕ ದೃಷ್ಟಿಕೋನವನ್ನು ಹಂಚಿಕೊಂಡರು ಮತ್ತು ರೆಂಡರ್ ಮಾಡಲಾದ ಚಿತ್ರಗಳು ಹಾಗೂ ಚಲನ ಚಿತ್ರಗಳ ಮೂಲಕ ಪ್ರಸ್ತಾವಿತ ಕ್ಯಾಂಪಸ್ನ ಮೊದಲ ವಿವರವಾದ ನೋಟವನ್ನು ಪ್ರಸ್ತುತಪಡಿಸಿದರು.
ದಿ ಕಿಂಗ್ಸ್ ಸ್ಕೂಲ್ ಕ್ಯಾಂಟರ್ಬರಿ, ಬೆಂಗಳೂರು 2027-28ನೇ ಶೈಕ್ಷಣಿಕ ವರ್ಷದಲ್ಲಿ ನರ್ಸರಿ, ರಿಸೆಪ್ಷನ್, ಇಯರ್ 1 ಮತ್ತು ಇಯರ್ 2 ತರಗತಿಗಳೊಂದಿಗೆ ಆರಂಭವಾಗಲಿದೆ. ಮೂರು ವರ್ಷ ವಯಸ್ಸಿನಿಂದ ಮಕ್ಕಳಿಗೆ ಪ್ರವೇಶ ನೀಡಲಾಗುತ್ತದೆ. ಆರಂಭಿಕ ವಿದ್ಯಾರ್ಥಿಗಳು ಮುಂದಿನ ತರಗತಿಗಳಿಗೆ ಸಾಗು ತ್ತಿದ್ದಂತೆ ಹೆಚ್ಚುವರಿ ಇಯರ್ ಗ್ರೂಪ್ಗಳನ್ನು ಹಂತ ಹಂತವಾಗಿ ಸೇರಿಸಲಾಗುತ್ತದೆ.
ಕಾಲಕ್ರಮೇಣ ಬೆಂಗಳೂರು ಕ್ಯಾಂಪಸ್ ಅನ್ನು ಸಂಪೂರ್ಣ ಶಾಲಾ ವ್ಯವಸ್ಥೆಯಾಗಿ ಅಭಿವೃದ್ಧಿ ಪಡಿಸುವ ಯೋಜನೆ ಇದ್ದು, ಶಾಲೆಯ ಬೆಳವಣಿಗೆಯೊಂದಿಗೆ ಮಕ್ಕಳು ಕಿಂಗ್ಸ್ ಸಮುದಾಯ ದಲ್ಲಿಯೇ ತಮ್ಮ ಶಿಕ್ಷಣವನ್ನು ಮುಂದುವರಿಸಲು ಸಾಧ್ಯವಾಗಲಿದೆ.
ಈ ಹಂತ ಹಂತದ ವಿಧಾನವು ಶಾಲೆಯ ಸಂಸ್ಕೃತಿ, ಪರಂಪರೆ ಮತ್ತು ಶೈಕ್ಷಣಿಕ ನಿರೀಕ್ಷೆಗಳನ್ನು ಆರಂಭಿಕ ವಿದ್ಯಾರ್ಥಿಗಳು ಹಾಗೂ ಅವರ ಕುಟುಂಬಗಳೊಂದಿಗೆ ಕ್ರಮಬದ್ಧವಾಗಿ ಬೆಳೆಸಲು ಅವಕಾಶ ನೀಡಲಿದೆ. ದಿ ಕಿಂಗ್ಸ್ ಸ್ಕೂಲ್ ಕ್ಯಾಂಟರ್ಬರಿಯ ಪರಂಪರೆ ಮತ್ತು ಸುದೀರ್ಘ ಶೈಕ್ಷಣಿಕ ಅನುಭವದಿಂದ ಆಳವಾದ ಪ್ರೇರಣೆ ಪಡೆದಿದ್ದರೂ, ಬೆಂಗಳೂರು ಶಾಲೆಯು ಕೇವಲ ಕ್ಯಾಂಟರ್ಬ ರಿಯ ಮಾದರಿಯನ್ನು ಮತ್ತೊಂದು ಸ್ಥಳದಲ್ಲಿ ಪುನರಾವರ್ತಿಸುವುದಿಲ್ಲ. ಇದು ಕಿಂಗ್ಸ್ನ ವಿಶಿಷ್ಟ ಗುರುತನ್ನು ಹೊಂದಿರುವುದರ ಜೊತೆಗೆ ಬೆಂಗಳೂರು, ಇಲ್ಲಿನ ಮಕ್ಕಳು ಮತ್ತು ಕುಟುಂಬ ಗಳ ವೈಶಿಷ್ಟ್ಯಗಳಿಂದಲೂ ರೂಪುಗೊಳ್ಳಲಿದೆ.
ಹೀಗಾಗಿ ಈ ಆರಂಭವು ಕೇವಲ ಹೊಸ ಶಾಲೆಯ ಉದ್ಘಾಟನೆಯಷ್ಟೇ ಅಲ್ಲ. ಇದು ಹದಿನಾಲ್ಕು ಶತಮಾನಗಳಿಗೂ ಹಿಂದೆ ಕ್ಯಾಂಟರ್ಬರಿಯಲ್ಲಿ ಆರಂಭವಾದ ಶೈಕ್ಷಣಿಕ ಪಯಣದ ಹೊಸ ಅಧ್ಯಾಯವಾಗಿದೆ.
2027ರಲ್ಲಿ ಮೊದಲ ವಿದ್ಯಾರ್ಥಿಗಳು ಶಾಲೆಗೆ ಕಾಲಿಟ್ಟಾಗ, ಅವರು ಬೆಂಗಳೂರಿನಲ್ಲಿ ಆರಂಭ ವಾಗುವ ಈ ಹೊಸ ಪಯಣದ ಮೊದಲ ದಿನದಿಂದಲೇ ಅದರ ಭಾಗವಾಗಲಿದ್ದಾರೆ. ಮುಂದಿನ ಹಲವು ಪೀಳಿಗೆಗಳವರೆಗೆ ಶಾಲೆಯ ಗುರುತಾಗಲಿರುವ ಸಂಸ್ಕೃತಿ, ಪರಂಪರೆ ಮತ್ತು ಸಮುದಾಯ ವನ್ನು ರೂಪಿಸುವಲ್ಲಿ ಅವರು ಪ್ರಮುಖ ಪಾತ್ರ ವಹಿಸಲಿದ್ದಾರೆ.