ಟೆಹರಾನ್, ಮಾ. 22: ಮಧ್ಯಪ್ರಾಚ್ಯ ಸಂಘರ್ಷದ (middle east conflict) ಮಧ್ಯೆ, ಅರೆಬ್ಬಿ ಸಮುದ್ರದಲ್ಲಿ ಇಂಗ್ಲೆಂಡ್ (United Kingdom) ಪರಮಾಣು ಚಾಲಿತ ಜಲಾಂತರ್ಗಾಮಿ ನೌಕೆಯನ್ನು ನಿಯೋಜಿಸಿದೆ ಎಂದು ಡೈಲಿ ಮೇಲ್ ವರದಿ ಮಾಡಿದೆ. ವರದಿಯ ಪ್ರಕಾರ, ಟೊಮಾಹಾಕ್ ಕ್ರೂಸ್ ಕ್ಷಿಪಣಿಗಳನ್ನು ಹೊಂದಿದ HMS ಆನ್ಸನ್ ಅನ್ನು ಉತ್ತರ ಅರೇಬಿಯನ್ ಸಮುದ್ರದಲ್ಲಿ (Arabian Sea) ನಿಯೋಜಿಸಲಾಗಿದೆ ಎಂದು ಹೇಳಲಾಗಿದೆ.
ಈ ಮಾಹಿತಿ ನಿಜವಾಗಿದ್ದರೆ, ಈ ನಿಯೋಜನೆಯಿಂದ ಪ್ರಾದೇಶಿಕ ಸಂಘರ್ಷವು ತೀವ್ರಗೊಂಡಲ್ಲಿ ಇರಾನ್ ಮೇಲೆ ಬ್ರಿಟನ್ ದಾಳಿ ನಡೆಸಬಹುದು. ಇದಕ್ಕೂ ಮೊದಲು ಶುಕ್ರವಾರ (ಮಾ. 20), ಹೊರ್ಮುಜ್ ಜಲಸಂಧಿಯಲ್ಲಿ ಹಡಗುಗಳ ಮೇಲೆ ದಾಳಿ ಮಾಡುತ್ತಿರುವ ಇರಾನಿನ ಕ್ಷಿಪಣಿ ತಾಣಗಳ ಮೇಲೆ ದಾಳಿ ನಡೆಸಲು, ಅಮೆರಿಕ ಸೇನೆಗೆ ಬ್ರಿಟನ್ನಲ್ಲಿರುವ ತಾಣಗಳನ್ನು ಬಳಸಲು ಬ್ರಿಟಿಷ್ ಸರ್ಕಾರ ಅನುಮತಿ ನೀಡಿತ್ತು ಎಂದು ತಿಳಿದುಬಂದಿದೆ.
ಇರಾನ್ ಮೇಲೆ ದಾಳಿ ಮಾಡಲು ಬ್ರಿಟಿಷ್ ನೆಲೆಗಳನ್ನು ಬಳಸಬೇಕೆಂಬ ಅಮೆರಿಕದ ವಿನಂತಿಯನ್ನು ಈ ಹಿಂದೆ ಇಂಗ್ಲೆಂಡ್ ಪ್ರಧಾನಿ ಕೀರ್ ಸ್ಟಾರ್ಮರ್ ತಿರಸ್ಕರಿಸಿದ್ದರು. ಆದರೆ ಮಧ್ಯಪ್ರಾಚ್ಯದಾದ್ಯಂತ ಬ್ರಿಟಿಷ್ ಮಿತ್ರರಾಷ್ಟ್ರಗಳ ಮೇಲೆ ಇರಾನ್ ದಾಳಿ ನಡೆಸಿದ ನಂತರ ಅದು ತನ್ನ ನಿಲುವನ್ನು ಬದಲಾಯಿಸಿಕೊಂಡಿದೆ. ಅಮೆರಿಕವು ಹಿಂದೂ ಮಹಾಸಾಗರದಲ್ಲಿ ಜಂಟಿ ಅಮೆರಿಕ-ಇಂಗ್ಲೆಂಡ್ ನೆಲೆಯಾದ ಆರ್ಎಎಫ್ ಫೇರ್ಪೋರ್ಡ್ ಮತ್ತು ಡಿಯಾಗೋ ಗಾರ್ಸಿಯಾವನ್ನು ಬಳಸಬಹುದು ಎಂದು ಹೇಳಿದರು.
ಇಸ್ರೇಲ್ ಪ್ರಮುಖ ಪರಮಾಣು ಸಂಶೋಧನಾ ತಾಣದ ಮೇಲೆ ಇರಾನ್ ದಾಳಿ
ಡೈಲಿ ಮೇಲ್ ವರದಿಯ ಪ್ರಕಾರ, ಎಚ್ಎಂಎಸ್ ಆನ್ಸನ್ ಮಾರ್ಚ್ 6ರಂದು ಆಸ್ಟ್ರೇಲಿಯಾದ ಪರ್ತ್ನಲ್ಲಿರುವ ಬಂದರಿನಿಂದ ಹೊರಟಿತು. ಈ ಜಲಾಂತರ್ಗಾಮಿ ನೌಕೆ ಪ್ರತಿ 24 ಗಂಟೆಗಳಿಗೊಮ್ಮೆ ಮೇಲ್ಮೈಗೆ ಬಂದು ಲಂಡನ್ನ ಶಾಶ್ವತ ಜಂಟಿ ಪ್ರಧಾನ ಕಚೇರಿಯೊಂದಿಗೆ ಸಂಪರ್ಕ ಸಾಧಿಸುತ್ತದೆ ಎಂದು ವರದಿ ಹೇಳಿದೆ. ಬ್ರಿಟಿಷ್ ಮಾಧ್ಯಮ ಉಲ್ಲೇಖಿಸಿರುವ ರಕ್ಷಣಾ ಮೂಲಗಳ ಪ್ರಕಾರ, ದಾಳಿ ನಡೆಸುವ ಯಾವುದೇ ಆದೇಶವನ್ನು ನೇರವಾಗಿ ಪ್ರಧಾನಿ ಸ್ಟಾರ್ಮರ್ ಅನುಮೋದಿಸಲಿದ್ದಾರೆ.
ಶನಿವಾರ (ಮಾ. 22) ಇರಾನ್ ಸುಮಾರು 2,500 ಮೈಲುಗಳು (4,000 ಕಿ.ಮೀ.) ದೂರದಲ್ಲಿರುವ ಡಿಯೆಗೋ ಗಾರ್ಸಿಯಾ ತಾಣವನ್ನು ಗುರಿಯಾಗಿಸಿಕೊಂಡಿತು. ಇರಾನ್ ಹಾರಿಸಿದ ಎರಡು ಕ್ಷಿಪಣಿಗಳಲ್ಲಿಯೂ ದ್ವೀಪಕ್ಕೆ ಹೊಡೆತ ಬಿದ್ದಿಲ್ಲದಿದ್ದರೂ, ಈ ಪ್ರಯತ್ನವು ಟೆಹರಾನ್ನ ಬಳಿ ಇದುವರೆಗೆ ತಿಳಿದಿದ್ದಕ್ಕಿಂತ ಹೆಚ್ಚಿನ ದೂರ ಪ್ರಯಾಣಿಸಬಹುದಾದ ಕ್ಷಿಪಣಿಗಳು ಇರಬಹುದು ಎಂಬುದನ್ನು ಸೂಚಿಸುತ್ತದೆ. ಅದರ ಬದಲಾಗಿ, ತಾತ್ಕಾಲಿಕ ಪ್ರಯೋಗಕ್ಕಾಗಿ ತನ್ನ ಅಂತರಿಕ್ಷ ಕಾರ್ಯಕ್ರಮದ ಉಡಾವಣೆ ತಂತ್ರಜ್ಞಾನವನ್ನು ಬಳಸಿರಬಹುದು ಎಂಬ ಅನುಮಾನ ಮೂಡಿಸಿದೆ.
ಬ್ರಿಟನ್ ರಕ್ಷಣಾ ಸಚಿವಾಲಯದ ಮೂಲದ ಪ್ರಕಾರ, ಈ ದಾಳಿ ಸರ್ಕಾರವು ಇರಾನ್ನ ಕ್ಷಿಪಣಿ ತಾಣಗಳ ಮೇಲೆ ದಾಳಿ ಮಾಡಲು ಅಮೆರಿಕ ಸೇನೆಗೆ ಬ್ರಿಟಿಷ್ ಸೈನಿಕ ತಾಣಗಳನ್ನು ಬಳಸಲು ವಿಶೇಷ ಅನುಮತಿ ನೀಡುವ ಮೊದಲು ನಡೆದಿದೆ ಎಂದು ತಿಳಿಸಿದೆ.
ಈ ಕ್ಷಿಪಣಿಗಳು ಇಸ್ರೇಲ್ ಮೇಲೆ ದಾಳಿ ಮಾಡುವ ಉದ್ದೇಶವನ್ನು ಹೊಂದಿಲ್ಲ. ಯುರೋಪಿಯನ್ ದೇಶಗಳನ್ನು ಗುರಿಯಾಗಿಸಿ ದಾಳಿಗಳನ್ನು ನಡೆಸಲಾಗಿದೆ. ಬರ್ಲಿನ್, ಪ್ಯಾರಿಸ್ ಮತ್ತು ರೋಮ್ ಎಲ್ಲವೂ ಬೆದರಿಕೆ ವ್ಯಾಪ್ತಿಯಲ್ಲಿವೆ ಎಂದು ಇಸ್ರೇಲಿ ಮಿಲಿಟರಿ ಮುಖ್ಯಸ್ಥ ಇಯಾಲ್ ಜಮೀರ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.