Indian Tariffs: ಅಮೆರಿಕ ಮದ್ಯದ ಮೇಲೆ 150% ಸುಂಕ- ಭಾರತದ ಬಗ್ಗೆ ದೊಡ್ಡಣ್ಣ ಮತ್ತೆ ಗರಂ!

ವಾಷಿಂಗ್ಟನ್: ಅಮೆರಿಕದ ಮದ್ಯ ಮತ್ತು ಕೃಷಿ ಉತ್ಪನ್ನಗಳ ಮೇಲೆ ಭಾರತ 150% ಸುಂಕ(American Tariffs)ವಿಧಿಸುತ್ತಿರುವ ಬಗ್ಗೆ ಶ್ವೇತಭವನ ಮತ್ತೆ ಅಸಮಾಧಾನ ವ್ಯಕ್ತಪಡಿಸಿದೆ. ಈ ಬಗ್ಗೆ ಶ್ವೇತಭವನದ ವಕ್ತಾರೆ ಕ್ಯಾರೋಲಿನ್ ಲೀವಿಟ್ ಮಾಧ್ಯಮಗೋಷ್ಠಿ ನಡೆಸಿದ್ದು, ಅಮೆರಿಕದ ಮೇಲೆ ವಿವಿಧ ರಾಷ್ಟ್ರಗಳು ವಿಧಿಸಿರುವ ಸುಂಕಗಳ ಬಗ್ಗೆ ವಿಷಾದ ವ್ಯಕ್ತಪಡಿಸಿದ್ದಾರೆ. ಇದೇ ವೇಳೆ ಅಮೆರಿಕದ ಮದ್ಯ ಮತ್ತು ಕೃಷಿ ಉತ್ಪನ್ನಗಳ ಮೇಲೆ ಭಾರತ ವಿಧಿಸಿರುವ ಸುಂಕಗಳನ್ನು ಉಲ್ಲೇಖಿಸಿದ್ದಾರೆ. ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಪರಸ್ಪರ ಸಂಬಂಧದಲ್ಲಿ ನಂಬಿಕೆ ಇಡುತ್ತಾರೆ ಮತ್ತು ನ್ಯಾಯಯುತ ಮತ್ತು ಸಮತೋಲಿತ ವ್ಯಾಪಾರ ಪದ್ಧತಿಗಳನ್ನು ಹೊಂದಲು ಬಯಸುತ್ತಾರೆ ಎಂದು ಹೇಳಿದರು.

ಕೆನಡಾ ತನ್ನ ಅತಿದೊಡ್ಡ ಸುಂಕ ದರದೊಂದಿಗೆ ದಶಕಗಳಿಂದ ಅಮೆರಿಕ ಮತ್ತು ಅಮೆರಿಕನ್ನರನ್ನು ಕಿತ್ತು ತಿನ್ನುತ್ತಿದೆ. ಕೆನಡಿಯನ್ನರು ಅಮೆರಿಕದ ಜನರು ಮತ್ತು ಇಲ್ಲಿನ ನಮ್ಮ ಕಾರ್ಮಿಕರ ಮೇಲೆ ವಿಧಿಸುತ್ತಿರುವ ಸುಂಕಗಳ ದರಗಳನ್ನು ನೀವು ನೋಡಿದರೆ, ಅದು ಭೀಕರವಾಗಿದೆ. ಭಾರತ ಮತ್ತು ಜಪಾನ್ ವಿವಿಧ ಅಮೆರಿಕ ಉತ್ಪನ್ನಗಳ ಮೇಲೆ ವಿಧಿಸಿರುವ ಸುಂಕಗಳನ್ನು ಲೀವಿಟ್ ಮತ್ತಷ್ಟು ಉಲ್ಲೇಖಿಸಿದ್ದಾರೆ. ಇಂದು ಅಮೆರಿಕದಲ್ಲಿ ಅಮೆರಿಕದ ವ್ಯವಹಾರಗಳು ಮತ್ತು ಕಾರ್ಮಿಕರ ಹಿತಾಸಕ್ತಿಗಳನ್ನು ನಿಜವಾಗಿಯೂ ನೋಡಿಕೊಳ್ಳುವ ಅಧ್ಯಕ್ಷರಿದ್ದಾರೆ ಎಂದು ಅವರು ಹೇಳಿದರು.

ವಾಸ್ತವವಾಗಿ, ನನ್ನ ಬಳಿ ಕೆನಡಾವನ್ನು ಮಾತ್ರವಲ್ಲದೆ ಮಂಡಳಿಯಾದ್ಯಂತ ಸುಂಕಗಳ ದರವನ್ನು ತೋರಿಸುವ ಚಾರ್ಟ್ ಇದೆ. ನೀವು ಕೆನಡಾವನ್ನು ನೋಡಿದರೆ, ಅಮೆರಿಕನ್ ಚೀಸ್ ಮತ್ತು ಬೆಣ್ಣೆ ಮೇಲೆ ಸುಮಾರು 300 ಪ್ರತಿಶತ ಸುಂಕ ವಿಧಿಸುತ್ತಿದೆ. ನೀವು ಭಾರತವನ್ನು ತೆಗೆದುಕೊಂಡರೆ, ಅಮೆರಿಕನ್‌ ಮದ್ಯದ ಮೇಲೆ 150 ಪ್ರತಿಶತ ಸುಂಕ ವಿಧಿಸುತ್ತಿದೆ. ಸಾಲದೆನ್ನುವಂತೆ ಕೃಷಿ ಉತ್ಪನ್ನಗಳ ಮೇಲೆ ಶೇ.100ರಷ್ಟು ಸುಂಕ ವಿಧಿಸುತ್ತಿದೆ. ಜಪಾನ್ ಅಕ್ಕಿಗೆ 700 ಪ್ರತಿಶತ ಸುಂಕ ವಿಧಿಸಲಾಗುತ್ತಿದೆ ಎಂದರು.

ಈ ಸುದ್ದಿಯನ್ನೂ ಓದಿ: Pak Ambassador: ಪಾಕ್‌ ರಾಯಭಾರಿಗೆ ಅಮೆರಿಕದಲ್ಲಿ ನೋ ಎಂಟ್ರಿ; ವೀಸಾ ಇದ್ರೂ ಗಡಿಪಾರು- ಏನಿದು ಈ ಘಟನೆ?

ಕೆಲವು ದಿನಗಳ ಹಿಂದೆಯಷ್ಟೇ ಅಮೆರಿಕ ಸಂಸತ್‌ ಅನ್ನು ಉದ್ದೇಶಿಸಿ ಮಾತನಾಡಿ ನೂತನ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್ ಕೂಡ ಭಾರತದ ಸುಂಕ ನೀತಿ ಬಗ್ಗೆ ಕಿಡಿಕಾರಿದ್ದರು. ಇತರ ದೇಶಗಳು ದಶಕಗಳಿಂದ ನಮ್ಮ ವಿರುದ್ಧ ಸುಂಕಗಳನ್ನು ಬಳಸುತ್ತಿವೆ ಮತ್ತು ಈಗ ಆ ಇತರ ದೇಶಗಳ ವಿರುದ್ಧ ಅವುಗಳನ್ನು ಬಳಸಲು ಪ್ರಾರಂಭಿಸುವ ಸರದಿ ನಮ್ಮದು. ಸರಾಸರಿ, ಯುರೋಪಿಯನ್ ಯೂನಿಯನ್, ಚೀನಾ, ಬ್ರೆಜಿಲ್, ಭಾರತ, ಮೆಕ್ಸಿಕೊ ಮತ್ತು ಕೆನಡಾ ರಾಷ್ಟ್ರಗಳು ನಾವು ವಿಧಿಸುವುದಕ್ಕಿಂತ ಹೆಚ್ಚಿನ ಸುಂಕಗಳನ್ನು ನಮಗೆ ವಿಧಿಸುತ್ತವೆ. ಇದು ತುಂಬಾ ಅನ್ಯಾಯ ಎಂದಿದ್ದರು.