ವಾಷಿಂಗ್ಟನ್: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ (Donald Trump) ಅವರು ಎಫ್‌ಬಿಐ ನಿರ್ದೇಶಕ ಕಾಶ್ ಪಟೇಲ್ ಅವರನ್ನು ಪದಚ್ಯುತಗೊಳಿಸುವ ಬಗ್ಗೆ ಚಿಂತಿಸುತ್ತಿದ್ದಾರೆ ಎಂಬ ಮಾಧ್ಯಮ ವರದಿಗಳನ್ನು ಶ್ವೇತಭವನ (White House) ನಿರಾಕರಿಸಿದೆ. ಪಟೇಲ್ ಅವರ ವೃತ್ತಿಪರ ನಡವಳಿಕೆಯ ಬಗ್ಗೆ ತೀವ್ರ ಪರಿಶೀಲನೆ ನಡೆಯುತ್ತಿರುವ ಹಿನ್ನೆಲೆಯಲ್ಲಿ ಈ ಆರೋಪಗಳನ್ನು ತಳ್ಳಿಹಾಕಿದೆ. ಎಂಎಸ್ ನೌ (MS NOW) ಸುದ್ದಿ ಸಂಸ್ಥೆಯು ವರದಿ ಮಾಡಿರುವ ಪ್ರಕಾರ, ಅಧ್ಯಕ್ಷರು ಮತ್ತು ಅವರ ಹಿರಿಯ ಸಹಾಯಕರು ಎಫ್‌ಬಿಐ ಮುಖ್ಯಸ್ಥರ ಕುರಿತು ಬರುತ್ತಿರುವ ಅಹಿತಕರ ಶೀರ್ಷಿಕೆಗಳಿಂದ ಹೆಚ್ಚು ಬೇಸರಗೊಂಡಿದ್ದಾರೆ ಮತ್ತು ಅವರನ್ನು ಸಹ-ಉಪನಿರ್ದೇಶಕರಾದ ಆಂಡ್ರ್ಯೂ ಬೈಲಿ (Andrew Bailey) ಅವರೊಂದಿಗೆ ಬದಲಾಯಿಸಲು ಪರಿಗಣಿಸುತ್ತಿದ್ದಾರೆ ಎಂದು ವರದಿಯಾಗಿತ್ತು. ಆದರೆ, ಈ ವರದಿಗಳು ಸುಳ್ಳು ಎಂದು ಶ್ವೇತಭವನ ಹೇಳಿದೆ.
ಶ್ವೇತಭವನದ ಪತ್ರಿಕಾ ಕಾರ್ಯದರ್ಶಿ ಕ್ಯಾರೋಲಿನ್ ಲೀವಿಟ್ ಸಾಮಾಜಿಕ ಮಾಧ್ಯಮದಲ್ಲಿ ಈ ಊಹಾಪೋಹವನ್ನು ನಿರಾಕರಿಸಿದರು. ಇದನ್ನು ಸಂಪೂರ್ಣವಾಗಿ ಸುಳ್ಳು ಎಂದು ಹೇಳಿದರು. ಅಧ್ಯಕ್ಷರು ಮತ್ತು ಪಟೇಲ್ ಇರುವ ಫೋಟೋವನ್ನು ಅವರು ಪೋಸ್ಟ್ ಮಾಡಿದರು. ಇಬ್ಬರೂ ಓವಲ್ ಆಫೀಸ್‌ನಲ್ಲಿ (Oval Office) ಕಾನೂನು ಜಾರಿ ತಂಡದೊಂದಿಗೆ ಸಭೆ ನಡೆಸುತ್ತಿದ್ದಾಗ ಈ ವದಂತಿ ಹೊರಬಿದ್ದಿದೆ ಎಂದು ವಿವರಿಸಿದರು. ಆ ಶೀರ್ಷಿಕೆಯನ್ನು ಜೋರಾಗಿ ಓದಿದ ನಂತರ, ಅಧ್ಯಕ್ಷ ಟ್ರಂಪ್ ಅವರು ನಕ್ಕು, ಇದು ಸಂಪೂರ್ಣವಾಗಿ ಸುಳ್ಳು. ಬನ್ನಿ ಕಾಶ್, ನೀವು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದ್ದೀರಿ ಎನ್ನುತ್ತಾ ಅವರಿಗೆ ತೋರಿಸಲು ಒಂದು ಫೋಟೋ ತೆಗೆದುಕೊಳ್ಳೋಣ ಎಂದು ಹೇಳಿದ್ದನ್ನು ಅವರು ನೆನಪಿಸಿಕೊಂಡರು.
ಭಾರತದೊಂದಿಗೆ ನ್ಯಾಯಯುತ ವ್ಯಾಪರ ಒಪ್ಪಂದ ಎಲ್ಲರಿಗೂ ಒಳ್ಳೆಯದೆಂದ ಟ್ರಂಪ್
ಪಟೇಲ್ ಅವರ ಉದ್ಯೋಗ ಭದ್ರತೆಯ ಬಗ್ಗೆ ಮುಂದುವರಿದಿರುವ ವದಂತಿಗಳು, ಸಾರ್ವಜನಿಕ ಹಾಗೂ ಆಂತರಿಕ ಮಟ್ಟದಲ್ಲಿ ಗಮನಸೆಳೆದ ಹಲವು ಪ್ರಮುಖ ವಿವಾದಗಳಿಂದ ಉದ್ಭವಿಸಿವೆ. ವಿಮರ್ಶಕರು, ಪಟೇಲ್ ಅವರು ವೈಯಕ್ತಿಕ ಮತ್ತು ಅಧಿಕೃತ ಜವಾಬ್ದಾರಿಗಳ ಮಧ್ಯೆ ಗಡಿ ಸ್ಪಷ್ಟವಾಗಿಲ್ಲ ಎಂಬ ವಿಷಯವನ್ನು ಪ್ರಶ್ನಿಸಿದ್ದಾರೆ. ವಿಶೇಷವಾಗಿ ಪಟೇಲ್ ಅವರ ಬ್ಯೂರೋ ಸಂಪನ್ಮೂಲಗಳ ಬಳಕೆಯ ಬಗ್ಗೆ ವಿಮರ್ಶಕರು ಪ್ರಶ್ನೆಗಳನ್ನು ಎತ್ತಿದ್ದಾರೆ.
ಇದರೊಳಗೆ, ಪಟೇಲ್ ತಮ್ಮ ಗೆಳತಿ, ಗಾಯಕಿ ಅಲೆಕ್ಸಿಸ್ ವಿಲ್ಕಿನ್ಸ್ ಅವರಿಗೆ ಭದ್ರತೆ ಒದಗಿಸುವ ಉದ್ದೇಶದಿಂದ FBI ಟಾಕ್ಟಿಕಲ್ ತಂಡಗಳನ್ನು ನಿಯೋಜಿಸಿದ್ದಾರೆಂಬ ವರದಿಗಳು ಸೇರಿವೆ. ಜೊತೆಗೆ, ಅವರು ಸರ್ಕಾರಿ ವಿಮಾನಗಳನ್ನು ವೈಯಕ್ತಿಕ ಪ್ರಯಾಣಗಳಿಗೆ ಬಳಸಿಕೊಂಡಿರುವ ಆರೋಪಗಳೂ ಇದ್ದು, ಇವುಗಳ ಬಗ್ಗೆ ಪಟೇಲ್, ಸುರಕ್ಷಿತ ಸಂವಹನ ಸೌಲಭ್ಯಗಳಿಗೆ ನಿರಂತರ ಪ್ರವೇಶವನ್ನು ಉಳಿಸಿಕೊಳ್ಳಲು ಅವು ಅಗತ್ಯವೆಂದು ಸಮರ್ಥಿಸಿಕೊಂಡಿದ್ದಾರೆ. ಇದಲ್ಲದೆ, ಪಟೇಲ್ ಅವರು ಸಾಮಾಜಿಕ ಮಾಧ್ಯಮದಲ್ಲಿ ನಡೆಯುತ್ತಿರುವ FBI ತನಿಖೆಗಳ ಕುರಿತು ಮಾಡುವ ಸಾರ್ವಜನಿಕ ಟಿಪ್ಪಣಿಗಳು, ಒಂದು ಉನ್ನತ ಕಾನೂನು ಜಾರಿಗೆ ಮಾಡುವ ಅಧಿಕಾರಿಯ ಪರಿಧಿಗೆ ಅಸಾಧಾರಣವೆಂದು ಹಲವು ಕಾನೂನು ತಜ್ಞರು ಗಮನಿಸಿದ್ದಾರೆ.
ವಿವಾದಗಳು ಮತ್ತು ನಿರಂತರ ಊಹಾಪೋಹಗಳ ಹೊರತಾಗಿಯೂ, ಅಧ್ಯಕ್ಷ ಟ್ರಂಪ್ ಅವರು ಪಟೇಲ್ ಅವರನ್ನು ಸಾರ್ವಜನಿಕವಾಗಿ ಹೊಗಳುವುದನ್ನು ಮುಂದುವರೆಸಿದ್ದಾರೆ. ಇತ್ತೀಚಿನ ರೇಡಿಯೋ ಸಂದರ್ಶನದಲ್ಲಿ ಅವರು ಎಫ್‌ಬಿಐ ಮುಖ್ಯಸ್ಥರ ಬಗ್ಗೆ ಬಹಳಷ್ಟು ವಿಶ್ವಾಸ ಹೊಂದಿದ್ದಾರೆ ಎಂದು ಹೇಳಿದ್ದಾರೆ.