ಭಾರತದ ಆಧ್ಯಾತ್ಮಿಕ ಮತ್ತು ಭಕ್ತಿ ಕ್ಷೇತ್ರವನ್ನು ಆಧರಿಸಿ ತಂತ್ರಜ್ಞಾನ ಉದ್ಯಮ ನಿರ್ಮಿಸುವ ಆಲೋಚನೆ ಹೇಗೆ ಹುಟ್ಟಿಕೊಂಡಿತು?

ಭಕ್ತಿ ಭಾರತೀಯರ ದೈನಂದಿನ ಜೀವನದಲ್ಲಿ ಆಳವಾಗಿ ಬೆಸೆದುಕೊಂಡಿದೆ. ಆದರೆ ನಾವು ಈ ಕ್ಷೇತ್ರವನ್ನು ಗಮನಿಸಲು ಆರಂಭಿಸಿದಾಗ, ತಂತ್ರಜ್ಞಾನವು ಇಲ್ಲಿ ಅರ್ಥಪೂರ್ಣವಾಗಿ ಹೆಚ್ಚಿನ ಬದಲಾವಣೆ ತಂದಿರಲಿಲ್ಲ ಎಂಬುದು ನಮಗೆ ತಿಳಿಯಿತು. ಒಬ್ಬ ಭಕ್ತರಿಗೆ ನೂರಾರು ಕಿಲೋ ಮೀಟರ್ ದೂರದಲ್ಲಿರುವ ದೇವಾಲಯದೊಂದಿಗೆ ಆಳವಾದ ನಂಟಿರಬಹುದು. ಆದರೆ ಆ ದೇವಾಲಯದೊಂದಿಗೆ ಸಂಪರ್ಕದಲ್ಲಿರಲು ಬಹುತೇಕ ಸಂದರ್ಭಗಳಲ್ಲಿ ಅಲ್ಲಿಗೆ ಖುದ್ದಾಗಿ ಭೇಟಿ ನೀಡಬೇಕಾಗುತ್ತಿತ್ತು.

ಈ ಅಂತರವನ್ನು ಕಡಿಮೆ ಮಾಡುವ ಉದ್ದೇಶದಿಂದಲೇ AppsForBharat ಅನ್ನು ಆರಂಭಿಸ ಲಾಯಿತು. ಭಕ್ತಿಯನ್ನು ಡಿಜಿಟಲ್ ರೂಪಕ್ಕೆ ಬದಲಿಸುವುದು ಅಥವಾ ದೇವಾಲಯಕ್ಕೆ ಖುದ್ದಾಗಿ ಭೇಟಿ ನೀಡುವ ಅನುಭವಕ್ಕೆ ಪರ್ಯಾಯವನ್ನು ಸೃಷ್ಟಿಸುವುದು ನಮ್ಮ ಉದ್ದೇಶವಾಗಿರಲಿಲ್ಲ. ಬದಲಾಗಿ, ದೂರದಂತಹ ಅಡೆತಡೆಗಳನ್ನು ತಂತ್ರಜ್ಞಾನದ ಮೂಲಕ ಕಡಿಮೆ ಮಾಡಿ, ಜನರು ತಮ್ಮ ಆಧ್ಯಾತ್ಮಿಕ ಸಂಪ್ರದಾಯಗಳೊಂದಿಗೆ ಅಧಿಕೃತ ಮತ್ತು ನೈಜ ರೀತಿಯಲ್ಲಿ ಸಂಪರ್ಕದಲ್ಲಿರಲು ಸಾಧ್ಯವಾಗಬಹುದೇ ಎಂಬುದನ್ನು ನಾವು ನೋಡಲು ಬಯಸಿದ್ದೆವು.

ಇದನ್ನೂ ಓದಿ: Interview with MLA Dr. Manthar Gowda: ಕೊಡಗು ಜಿಲ್ಲೆಯ ಅಭಿವೃದ್ದಿಯೇ ನನ್ನ ರಾಜಕೀಯದ ಗುರಿ !

ಈ ಆಲೋಚನೆಯೇ ಮುಂದೆ ಶ್ರೀ ಮಂದಿರವಾಗಿ ರೂಪುಗೊಂಡಿತು. ಇಂದು ಶ್ರೀ ಮಂದಿರ 4 ಕೋಟಿಗೂ ಹೆಚ್ಚು ಡೌನ್‌ಲೋಡ್‌ಗಳು, 50 ಲಕ್ಷ ಮಾಸಿಕ ಸಕ್ರಿಯ ಬಳಕೆದಾರರು ಮತ್ತು 100ಕ್ಕೂ ಹೆಚ್ಚು ದೇವಾಲಯಗಳೊಂದಿಗೆ ಪಾಲುದಾರಿಕೆ ಹೊಂದಿದೆ. ತಂತ್ರಜ್ಞಾನ ಮತ್ತು ಸಂಪ್ರದಾಯಗಳು ಪರಸ್ಪರ ವಿರುದ್ಧವಾಗಿರಬೇಕಾಗಿಲ್ಲ ಎಂಬುದನ್ನು ಈ ಬೆಳವಣಿಗೆ ತೋರಿಸುತ್ತದೆ. ತಂತ್ರಜ್ಞಾನ ವನ್ನು ಸೂಕ್ತವಾಗಿ ಬಳಸಿದರೆ, ಹಲವು ತಲೆಮಾರುಗಳಿಂದ ನಡೆದುಕೊಂಡು ಬಂದಿರುವ ಸಂಪ್ರದಾಯಗಳೊಂದಿಗೆ ಜನರು ಇನ್ನಷ್ಟು ಹತ್ತಿರವಾಗಿರಲು ಅದು ನೆರವಾಗಬಹುದು.

1. ಭಕ್ತರ ಬದಲಾಗುತ್ತಿರುವ ಡಿಜಿಟಲ್ ನಡವಳಿಕೆಯನ್ನು ಅರ್ಥಮಾಡಿಕೊಂಡಂತೆ ಶ್ರೀ ಮಂದಿರ ಹೇಗೆ ವಿಕಸನಗೊಂಡಿದೆ?

ನಾವು ಕಂಡುಕೊಂಡ ಪ್ರಮುಖ ಸಂಗತಿಗಳಲ್ಲಿ ಒಂದು ಎಂದರೆ, ಭಕ್ತರು ಡಿಜಿಟಲ್ ಮತ್ತು ಭೌತಿಕ ಭಕ್ತಿಯನ್ನು ಎರಡು ಪ್ರತ್ಯೇಕ ವಿಷಯಗಳಾಗಿ ನೋಡಬೇಕೆಂದಿಲ್ಲ. ಒಬ್ಬರು ತಮ್ಮ ಮನೆಯ ಸಮೀಪದ ದೇವಾಲಯಕ್ಕೆ ನಿಯಮಿತವಾಗಿ ಭೇಟಿ ನೀಡುತ್ತಲೇ, ತಾವು ಖುದ್ದಾಗಿ ಹೋಗಲು ಸಾಧ್ಯವಾಗದ ಉಜ್ಜಯಿನಿ, ಕಾಶಿ, ತಿರುವಣ್ಣಾಮಲೈ, ಉಡುಪಿ ಅಥವಾ ಗೋಕರ್ಣದಲ್ಲಿ ದೇವಾಲಯಗಳಲ್ಲಿ ಶ್ರೀ ಮಂದಿರದ ಮೂಲಕ ಪೂಜೆ ಅಥವಾ ಚಢಾವಾದಲ್ಲಿ ಭಾಗವಹಿಸಬಹುದು.

ಈ ಅರಿವೇ ಶ್ರೀ ಮಂದಿರದ ಬೆಳವಣಿಗೆಯ ದಿಕ್ಕನ್ನು ರೂಪಿಸಿದೆ. ನಾವು ಅಧಿಕೃತ ಭಕ್ತಿ ವಿಷಯ ಗಳೊಂದಿಗೆ ಆರಂಭಿಸಿದ್ದೆವು. ಬಳಕೆದಾರರನ್ನು ಇನ್ನಷ್ಟು ಚೆನ್ನಾಗಿ ಅರ್ಥಮಾಡಿಕೊಂಡಂತೆ, ವೇದಿಕೆಯು ಪೂಜೆ, ಚಢಾವಾ, ಸೇವೆ ಮತ್ತು ದೇಶದ ವಿವಿಧ ದೇವಾಲಯಗಳೊಂದಿಗೆ ಸಂಪರ್ಕದ ಮೂಲಕ ಭಕ್ತರು ಇನ್ನಷ್ಟು ಆಳವಾಗಿ ಭಾಗವಹಿಸಲು ಅವಕಾಶ ಕಲ್ಪಿಸುವ ರೀತಿಯಲ್ಲಿ ಬೆಳೆಯಿತು.

ವಿದೇಶಗಳಲ್ಲಿ ನೆಲೆಸಿರುವ ಭಾರತೀಯರಲ್ಲಿಯೂ ಇದೇ ರೀತಿಯ ನಡವಳಿಕೆಯನ್ನು ನಾವು ನೋಡುತ್ತಿದ್ದೇವೆ. ನಮ್ಮ ಒಟ್ಟು ಬೇಡಿಕೆಯ ಸುಮಾರು 20% ಭಾರತೀಯ ವಲಸಿಗರಿಂದ ಬರುತ್ತಿದೆ. ಭಾರತದಿಂದ ಸಾವಿರಾರು ಕಿಲೋಮೀಟರ್ ದೂರದಲ್ಲಿ ವಾಸಿಸುವವರಿಗೆ, ತಮ್ಮ ಬೇರುಗಳೊಂದಿಗೆ ಸಂಪರ್ಕದಲ್ಲಿರಲು, ಪ್ರಮುಖ ಧಾರ್ಮಿಕ ಆಚರಣೆಗಳಲ್ಲಿ ಭಾಗವಹಿಸಲು ಮತ್ತು ಭಾರತದ ದೇವಾಲಯಗಳೊಂದಿಗಿನ ನಂಟನ್ನು ಮುಂದುವರಿಸಲು ತಂತ್ರಜ್ಞಾನ ಸರಳ ಮಾರ್ಗವಾಗ ಬಹುದು.

1. ಭಕ್ತರು, ದೇವಾಲಯಗಳು ಮತ್ತು ಸ್ಥಳೀಯ ಸಮುದಾಯಗಳನ್ನು ಸಂಪರ್ಕಿಸುವ ಡಿಜಿಟಲ್ ವ್ಯವಸ್ಥೆಯನ್ನು ನಿರ್ಮಿಸುವಾಗ ಇರುವ ಪ್ರಮುಖ ಅವಕಾಶಗಳು ಮತ್ತು ಸವಾಲುಗಳು ಯಾವುವು?

ಭಾರತದ ದೇವಾಲಯ ವ್ಯವಸ್ಥೆ ಅತ್ಯಂತ ವೈವಿಧ್ಯಮಯವಾಗಿದೆ. ಕರ್ನಾಟಕದ ಒಂದು ದೇವಾಲಯದ ಸಂಪ್ರದಾಯಗಳು ಮತ್ತು ಆಚರಣೆಗಳು ಉತ್ತರ ಪ್ರದೇಶ ಅಥವಾ ತಮಿಳುನಾಡಿನ ದೇವಾಲಯಕ್ಕಿಂತ ಸಂಪೂರ್ಣವಾಗಿ ಭಿನ್ನವಾಗಿರಬಹುದು. ಒಂದೇ ರಾಜ್ಯದೊಳಗೂ ಆಚರಣೆಗಳು, ಭಾಷೆಗಳು ಮತ್ತು ಪದ್ಧತಿಗಳಲ್ಲಿ ಸಾಕಷ್ಟು ವ್ಯತ್ಯಾಸಗಳಿರುತ್ತವೆ. ಇದೇ ವೈವಿಧ್ಯ ಈ ಕ್ಷೇತ್ರದಲ್ಲಿ ಕೆಲಸ ಮಾಡುವುದನ್ನು ಇನ್ನಷ್ಟು ಆಸಕ್ತಿದಾಯಕವಾಗಿಸುತ್ತದೆ.

ತಂತ್ರಜ್ಞಾನದ ಮೂಲಕ ದೇಶದ ವಿವಿಧ ದೇವಾಲಯಗಳಿಗೆ ಭಕ್ತರನ್ನು ಇನ್ನಷ್ಟು ಹತ್ತಿರ ತರುವ ದೊಡ್ಡ ಅವಕಾಶ ಇಲ್ಲಿದೆ. ದೇವಾಲಯಗಳನ್ನು ತಿಳಿದುಕೊಳ್ಳಲು, ಅವುಗಳ ಸಂಪ್ರದಾಯಗಳು ಮತ್ತು ಆಚರಣೆಗಳನ್ನು ಅರ್ಥಮಾಡಿಕೊಳ್ಳಲು ಹಾಗೂ ದೂರದ ಕಾರಣದಿಂದ ಖುದ್ದಾಗಿ ಭೇಟಿ ನೀಡಲು ಸಾಧ್ಯವಾಗದಿದ್ದರೂ ದೇವಾಲಯಗಳೊಂದಿಗೆ ಸಂಪರ್ಕದಲ್ಲಿರಲು ತಂತ್ರಜ್ಞಾನ ನೆರವಾಗಬಹುದು.

ಆದರೆ ಎಲ್ಲ ದೇವಾಲಯಗಳನ್ನೂ ಒಂದೇ ಮಾದರಿಗೆ ತರುವ ಪ್ರಯತ್ನ ಮಾಡಬಾರದು ಎಂಬುದು ಬಹಳ ಮುಖ್ಯ. ಪ್ರತಿಯೊಂದು ದೇವಾಲಯ ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದನ್ನು ಅರ್ಥಮಾಡಿಕೊಳ್ಳಬೇಕು, ಅರ್ಚಕರು ಮತ್ತು ದೇವಾಲಯದ ಆಡಳಿತದೊಂದಿಗೆ ಮಾತನಾಡಬೇಕು, ಸ್ಥಳೀಯ ಸಂಪ್ರದಾಯಗಳನ್ನು ತಿಳಿದುಕೊಳ್ಳಬೇಕು ಮತ್ತು ಅದಕ್ಕೆ ಅನುಗುಣವಾಗಿ ತಂತ್ರಜ್ಞಾನ ವನ್ನು ರೂಪಿಸಬೇಕು. ಸಂಪ್ರದಾಯವು ತಂತ್ರಜ್ಞಾನಕ್ಕೆ ಹೊಂದಿಕೊಳ್ಳಬೇಕು ಎನ್ನುವುದಕ್ಕಿಂತ, ತಂತ್ರಜ್ಞಾನವೇ ಸಂಪ್ರದಾಯಕ್ಕೆ ಹೊಂದಿಕೊಳ್ಳಬೇಕು.

1. AppsForBharat ಕುರಿತು ನಿಮ್ಮ ದೀರ್ಘಾವಧಿಯ ದೃಷ್ಟಿಕೋನವೇನು? ಭಾರತದಲ್ಲಿ ಡಿಜಿಟಲ್ ಭಕ್ತಿ ಕ್ಷೇತ್ರವು ಮುಂದಿನ ದಿನಗಳಲ್ಲಿ ಹೇಗೆ ಬೆಳೆಯಲಿದೆ ಎಂದು ನೀವು ಭಾವಿಸುತ್ತೀರಿ?

ಜನರು ತಮ್ಮ ಭಕ್ತಿ ಮತ್ತು ಆಧ್ಯಾತ್ಮಿಕ ಆಚರಣೆಗಳೊಂದಿಗೆ ಸಂಪರ್ಕದಲ್ಲಿರುವ ವಿಧಾನ ಮುಂದಿನ ದಿನಗಳಲ್ಲಿ ಇನ್ನಷ್ಟು ಸುಲಭ ಮತ್ತು ಅನುಕೂಲಕರವಾಗಲಿದೆ ಎಂದು ನಾವು ನಂಬುತ್ತೇವೆ. ದೇವಾಲಯಗಳಿಗೆ ಖುದ್ದಾಗಿ ಭೇಟಿ ನೀಡುವುದು ಯಾವಾಗಲೂ ಮಹತ್ವದ್ದಾಗಿಯೇ ಉಳಿಯುತ್ತದೆ. ಆದರೆ ಖುದ್ದಾಗಿ ಭೇಟಿ ನೀಡಲು ಸಾಧ್ಯವಾಗದ ಸಂದರ್ಭಗಳಲ್ಲಿಯೂ ಜನರು ದೇವಾಲಯ ಮತ್ತು ತಮ್ಮ ಆಧ್ಯಾತ್ಮಿಕ ಸಂಪ್ರದಾಯಗಳೊಂದಿಗೆ ಸಂಪರ್ಕದಲ್ಲಿರಲು ತಂತ್ರಜ್ಞಾನ ನೆರವಾಗಬಹುದು.

ಆದ್ದರಿಂದ ನಮ್ಮ ದೀರ್ಘಾವಧಿಯ ದೃಷ್ಟಿಕೋನವು ಧಾರ್ಮಿಕ ಅನುಭವಗಳನ್ನು ಕೇವಲ ಆನ್‌ಲೈನ್‌ಗೆ ತರುವುದಕ್ಕಿಂತ ಬಹಳ ದೊಡ್ಡದಾಗಿದೆ. ಶ್ರೀ ಮಂದಿರವನ್ನು ಭಾರತದ ಅಧಿಕೃತ ಭಕ್ತಿ ಮತ್ತು ಆಧ್ಯಾತ್ಮಿಕ ವೇದಿಕೆಯಾಗಿ ನಿರ್ಮಿಸುವುದು ನಮ್ಮ ಗುರಿ. ಜನರು ತಮ್ಮ ಆಧ್ಯಾತ್ಮಿಕ ಪಯಣದ ವಿವಿಧ ಹಂತಗಳಲ್ಲಿ ಭಕ್ತಿಯನ್ನು ಅನುಭವಿಸಲು, ವ್ಯಕ್ತಪಡಿಸಲು ಮತ್ತು ಇನ್ನಷ್ಟು ಆಳವಾಗಿಸಿಕೊಳ್ಳಲು ನೆರವಾಗಲು ನಾವು ಬಯಸುತ್ತೇವೆ. ದೇವಾಲಯಗಳು ಮತ್ತು ಸಂಪ್ರದಾಯ ಗಳೊಂದಿಗೆ ಸಂಪರ್ಕದಲ್ಲಿರುವುದು, ಅಧಿಕೃತ ಆಚರಣೆಗಳಲ್ಲಿ ಭಾಗವಹಿಸುವುದು ಹಾಗೂ ದೈನಂದಿನ ಆಚರಣೆಗಳಿಂದ ಹಿಡಿದು ಜೀವನದ ಪ್ರಮುಖ ಸಂದರ್ಭಗಳವರೆಗೆ ಆಧ್ಯಾತ್ಮಿಕ ಜ್ಞಾನವನ್ನು ಪಡೆಯುವುದೂ ಇದರ ಭಾಗವಾಗಿದೆ.

ಈ ಅವಕಾಶ ಎಷ್ಟು ದೊಡ್ಡದಾಗಬಹುದು ಎಂಬುದರ ಸೂಚನೆಗಳನ್ನು ನಾವು ಈಗಾಗಲೇ ನೋಡುತ್ತಿದ್ದೇವೆ. ಇಂದು ಶ್ರೀ ಮಂದಿರ 4 ಕೋಟಿ ಡೌನ್‌ಲೋಡ್‌ಗಳು, 50 ಲಕ್ಷ ಮಾಸಿಕ ಸಕ್ರಿಯ ಬಳಕೆದಾರರು ಮತ್ತು 100ಕ್ಕೂ ಹೆಚ್ಚು ದೇವಾಲಯಗಳೊಂದಿಗೆ ಪಾಲುದಾರಿಕೆ ಹೊಂದಿದ್ದು, ಭಾರತ ಮತ್ತು ವಿದೇಶಗಳಲ್ಲಿ ಬಳಕೆದಾರರನ್ನು ಹೊಂದಿದೆ.

ಮುಂದೆ ನಾವು ಇನ್ನಷ್ಟು ದೇವಾಲಯಗಳು, ಹೆಚ್ಚಿನ ಪ್ರಾದೇಶಿಕ ಭಾಷೆಗಳು ಹಾಗೂ ಇನ್ನಷ್ಟು ಅಧಿಕೃತ ಭಕ್ತಿ ಮತ್ತು ಆಧ್ಯಾತ್ಮಿಕ ಅನುಭವಗಳತ್ತ ಗಮನ ಹರಿಸಲಿದ್ದೇವೆ. ಭಾರತದಲ್ಲಿ ಜನರು ಭಕ್ತಿಯನ್ನು ಆಚರಿಸುವ ವಿಧಾನವನ್ನು ಬದಲಿಸುವುದು ನಮ್ಮ ಉದ್ದೇಶವಲ್ಲ. ಬದಲಾಗಿ ದೂರ, ಸಮಯ, ಮಾಹಿತಿ ಮತ್ತು ಲಭ್ಯತೆಯಂತಹ ಅಡೆತಡೆಗಳನ್ನು ಕಡಿಮೆ ಮಾಡಿ, ಜನರು ತಮ್ಮ ಭಕ್ತಿ ಮತ್ತು ಆಧ್ಯಾತ್ಮಿಕ ಪಯಣದೊಂದಿಗೆ ಸಂಪರ್ಕದಲ್ಲಿರುವುದನ್ನು ಸುಲಭಗೊಳಿಸುವುದು ನಮ್ಮ ಉದ್ದೇಶ.

1. ಕರ್ನಾಟಕ ಮತ್ತು ದಕ್ಷಿಣ ಭಾರತದಲ್ಲಿ ಶ್ರೀ ಮಂದಿರಕ್ಕೆ ಯಾವ ರೀತಿಯ ಸ್ವೀಕಾರ ಸಿಗುತ್ತಿದೆ? ಈ ಭಾಗದಲ್ಲಿ ಭಕ್ತಿಗೆ ಸಂಬಂಧಿಸಿದಂತೆ ಯಾವುದಾದರೂ ವಿಶಿಷ್ಟ ಪ್ರವೃತ್ತಿಗಳು ಕಂಡುಬರುತ್ತಿವೆಯೇ?

ದಕ್ಷಿಣ ಭಾರತ ನಮಗೆ ವಿಶೇಷವಾಗಿ ಆಸಕ್ತಿದಾಯಕವಾಗಿದೆ. ಏಕೆಂದರೆ ಇಲ್ಲಿನ ಭಕ್ತಿ ಸ್ಥಳೀಯ ದೇವಾಲಯಗಳು, ಕುಟುಂಬದ ಸಂಪ್ರದಾಯಗಳು ಮತ್ತು ಹಲವು ತಲೆಮಾರುಗಳಿಂದ ನಡೆದುಕೊಂಡು ಬಂದಿರುವ ಆಚರಣೆಗಳೊಂದಿಗೆ ಆಳವಾಗಿ ಬೆಸೆದುಕೊಂಡಿದೆ.

ಕರ್ನಾಟಕವೊಂದರಲ್ಲೇ 1 ಲಕ್ಷಕ್ಕೂ ಹೆಚ್ಚು ಭಕ್ತರು ಶ್ರೀ ಮಂದಿರದ ಮೂಲಕ ಪೂಜೆ ಮತ್ತು ಚಢಾವಾದಲ್ಲಿ ಭಾಗವಹಿಸಿದ್ದಾರೆ. ದಕ್ಷಿಣ ಭಾರತದಲ್ಲಿ ಬೆಂಗಳೂರು ಮತ್ತು ಹೈದರಾಬಾದ್ ಒಟ್ಟಾಗಿ ನಮ್ಮ ಸಕ್ರಿಯ ಭಕ್ತರ ಸಂಖ್ಯೆಯ ಅರ್ಧಕ್ಕಿಂತ ಹೆಚ್ಚಿನ ಪಾಲನ್ನು ಹೊಂದಿವೆ. ಇದರ ಜೊತೆಗೆ ಕರ್ನಾಟಕ, ತೆಲಂಗಾಣ, ಆಂಧ್ರ ಪ್ರದೇಶ ಮತ್ತು ತಮಿಳುನಾಡಿನಾದ್ಯಂತ ಭಾಗವಹಿಸುವಿಕೆ ಹೆಚ್ಚುತ್ತಿರುವುದನ್ನೂ ನಾವು ನೋಡುತ್ತಿದ್ದೇವೆ.

ಕರ್ನಾಟಕದಲ್ಲಿ ವಿಶೇಷವಾಗಿ ಕಂಡುಬರುವ ಒಂದು ಪ್ರವೃತ್ತಿ ಎಂದರೆ ಕುಟುಂಬಕ್ಕೆ ನೀಡಲಾಗುವ ಮಹತ್ವ. ಭಕ್ತರು ತಮ್ಮ ಹೆಸರಿನಲ್ಲಿ ಮಾತ್ರವಲ್ಲದೆ ಕುಟುಂಬದ ಸದಸ್ಯರ ಹೆಸರು ಮತ್ತು ಗೋತ್ರ ಗಳನ್ನು ಸೇರಿಸಿ ಸಂಕಲ್ಪ ತೆಗೆದುಕೊಳ್ಳುವುದನ್ನು ನಾವು ಆಗಾಗ್ಗೆ ನೋಡುತ್ತೇವೆ. ನಾಗದೋಷ ಪರಿಹಾರ, ಪಿತೃ ದೋಷ ಅಥವಾ ಪಿತೃ ಶಾಂತಿ ಪೂಜೆಗಳ ಜೊತೆಗೆ ಅರ್ಚನೆ, ಅಭಿಷೇಕ ಮತ್ತು ಇತರ ದೇವಾಲಯ ಸೇವೆಗಳಲ್ಲಿಯೂ ಹೆಚ್ಚಿನ ಆಸಕ್ತಿ ಕಂಡುಬರುತ್ತಿದೆ.

ಇನ್ನೊಂದು ಆಸಕ್ತಿದಾಯಕ ಸಂಗತಿ ಎಂದರೆ, ಭಕ್ತರು ತಮ್ಮ ರಾಜ್ಯದ ದೇವಾಲಯಗಳಿಗೆ ಮಾತ್ರ ಸೀಮಿತರಾಗಿಲ್ಲ. ಕರ್ನಾಟಕದ ಬಳಕೆದಾರರು ತಿರುವಣ್ಣಾಮಲೈ, ಕಾಶಿ, ಉಜ್ಜಯಿನಿ ಮತ್ತು ದೇಶದ ಇತರ ಯಾತ್ರಾ ಕೇಂದ್ರಗಳ ಪೂಜೆಗಳಲ್ಲಿಯೂ ಭಾಗವಹಿಸುತ್ತಿದ್ದಾರೆ. ತಂತ್ರಜ್ಞಾನವು ಭಕ್ತರ ಆಧ್ಯಾತ್ಮಿಕ ಪಯಣವನ್ನು ಭೌಗೋಳಿಕ ಗಡಿಗಳನ್ನು ಮೀರಿ ವಿಸ್ತರಿಸಲು ನೆರವಾಗುತ್ತಿದೆ.

1. ಕರ್ನಾಟಕದ ದೇವಾಲಯಗಳು ಮತ್ತು ಸ್ಥಳೀಯ ಸಮುದಾಯಗಳೊಂದಿಗೆ ಕೆಲಸ ಮಾಡುವಾಗ ಅಲ್ಲಿನ ಸ್ಥಳೀಯ ಸಂಪ್ರದಾಯಗಳು ಹಾಗೂ ದೇವಾಲಯದ ನಿರ್ದಿಷ್ಟ ಆಚರಣೆಗಳನ್ನು ಗೌರವಿಸುವುದನ್ನು ಶ್ರೀ ಮಂದಿರ ಹೇಗೆ ಖಚಿತಪಡಿಸಿಕೊಳ್ಳುತ್ತದೆ?

ನಮ್ಮ ದೃಷ್ಟಿಕೋನ ಬಹಳ ಸರಳವಾಗಿದೆ — ಒಂದು ದೇವಾಲಯದ ಸಂಪ್ರದಾಯವನ್ನು ಆ ದೇವಾಲಯವೇ ನಮಗಿಂತ ಚೆನ್ನಾಗಿ ತಿಳಿದಿರುತ್ತದೆ. ಒಂದು ಆಚರಣೆಯನ್ನು ಹೇಗೆ ನಡೆಸಬೇಕು ಎಂದು ದೇವಾಲಯಕ್ಕೆ ಹೇಳುವುದು ನಮ್ಮ ಕೆಲಸವಲ್ಲ. ಅದು ಸಾಂಪ್ರದಾಯಿಕವಾಗಿ ಹೇಗೆ ನಡೆದುಕೊಂಡು ಬಂದಿದೆ ಎಂಬುದನ್ನು ಅರ್ಥಮಾಡಿಕೊಂಡು, ಅದಕ್ಕೆ ಅನುಗುಣವಾಗಿ ತಂತ್ರಜ್ಞಾನವನ್ನು ರೂಪಿಸುವುದು ನಮ್ಮ ಕೆಲಸ.

ಯಾವುದೇ ದೇವಾಲಯದೊಂದಿಗೆ ಕೆಲಸ ಆರಂಭಿಸುವ ಮೊದಲು, ನಮ್ಮ ತಂಡಗಳು ಅಲ್ಲಿನ ಪದ್ಧತಿಗಳನ್ನು ಅರ್ಥಮಾಡಿಕೊಳ್ಳಲು ಸಮಯ ಕಳೆಯುತ್ತವೆ ಮತ್ತು ದೇವಾಲಯದ ಆಡಳಿತ ಹಾಗೂ ಅರ್ಚಕರೊಂದಿಗೆ ಚರ್ಚಿಸುತ್ತವೆ. ಕರ್ನಾಟಕದಲ್ಲಿ ಕನ್ನಡ ಮಾತನಾಡುವ ನಮ್ಮ ತಂಡಗಳು ಅರ್ಚಕರು, ದೇವಾಲಯದ ಆಡಳಿತ ಮತ್ತು ಸ್ಥಳೀಯ ಸಂಯೋಜಕರೊಂದಿಗೆ ನೇರವಾಗಿ ಕೆಲಸ ಮಾಡುತ್ತವೆ. ಸಣ್ಣ ವಿಷಯಗಳಿಗೂ ಸಾಂಸ್ಕೃತಿಕ ಮತ್ತು ಧಾರ್ಮಿಕ ಮಹತ್ವ ಇರಬಹುದಾದ ಕಾರಣ, ಈ ಸ್ಥಳೀಯ ತಿಳುವಳಿಕೆ ಬಹಳ ಮುಖ್ಯ.

ಇಂದು ಕರ್ನಾಟಕದಲ್ಲಿ ಉಡುಪಿ ಶ್ರೀ ಕೃಷ್ಣ ಮಠ, ಕೂಡ್ಲಿ ಶೃಂಗೇರಿ ಮಠ ಮತ್ತು ರಾಮನಾಥ ಪುರದ ಪ್ರಸನ್ನ ಸುಬ್ರಹ್ಮಣ್ಯ ಸ್ವಾಮಿ ದೇವಾಲಯ ಸೇರಿದಂತೆ ಹಲವು ಸಂಸ್ಥೆಗಳು ಮತ್ತು ದೇವಾಲಯಗಳೊಂದಿಗೆ ನಾವು ಕೆಲಸ ಮಾಡುತ್ತಿದ್ದೇವೆ.

ರಾಮನಾಥಪುರದ ಪ್ರಸನ್ನ ಸುಬ್ರಹ್ಮಣ್ಯ ಸ್ವಾಮಿ ದೇವಾಲಯ ಇದಕ್ಕೆ ಉತ್ತಮ ಉದಾಹರಣೆ. ಶ್ರೀ ಮಂದಿರದ ಮೂಲಕ ಕರ್ನಾಟಕದ ಹೊರಗಿನ, ತೆಲಂಗಾಣ ಮತ್ತು ಆಂಧ್ರ ಪ್ರದೇಶ ಸೇರಿದಂತೆ ಇತರ ರಾಜ್ಯಗಳ ಭಕ್ತರೂ ಈಗ ಈ ದೇವಾಲಯದ ಬಗ್ಗೆ ತಿಳಿದುಕೊಂಡು, ಅಲ್ಲಿನ ಪೂಜೆ ಮತ್ತು ಸೇವೆಗಳಲ್ಲಿ ಭಾಗವಹಿಸುತ್ತಿದ್ದಾರೆ.

ನಮ್ಮ ದೃಷ್ಟಿಯಲ್ಲಿ ಭಕ್ತಿಯ ಕ್ಷೇತ್ರದಲ್ಲಿ ತಂತ್ರಜ್ಞಾನದ ಪಾತ್ರ ಇದೇ ಆಗಿರಬೇಕು — ಭಾರತದ ದೇವಾಲಯಗಳ ಸಂಪ್ರದಾಯಗಳ ಮೂಲ ಸ್ವರೂಪವನ್ನು ಬದಲಿಸದೆ, ಹೆಚ್ಚಿನ ಜನರು ಅವುಗಳ ಬಗ್ಗೆ ತಿಳಿದುಕೊಳ್ಳಲು ಮತ್ತು ಅವುಗಳೊಂದಿಗೆ ಸಂಪರ್ಕ ಬೆಳೆಸಲು ನೆರವಾಗುವುದು.