ಬೆಂಗಳೂರು: ಬೆಂಗಳೂರಿನ ಬನ್ನೇರುಘಟ್ಟ ರಸ್ತೆಯಲ್ಲಿರುವ ಅಪೋಲೊ ಹಾಸ್ಪಿಟಲ್ಸ್, ಇಂಟ್ಯೂ ಟಿವ್ ಸಂಸ್ಥೆಯು ಅಭಿವೃದ್ಧಿಪಡಿಸಿರುವ ನೆಕ್ಸ್ಟ್ ಜನರೇಷನ್ ರೋಬೋಟಿಕ್-ಅಸಿಸ್ಟೆಡ್ ಸರ್ಜಿಕಲ್ ಸಿಸ್ಟಮ್ ಡಾ ವಿಂಚಿ 5 ಅನ್ನು ಪರಿಚಯಿಸಿದ ಭಾರತದ ಮೊದಲ ಕೆಲವು ಆಸ್ಪತ್ರೆಗಳಲ್ಲಿ ಒಂದಾಗಿದೆ.
ಈ ತಂತ್ರಜ್ಞಾನದ ಅಳವಡಿಕೆಯು ಅಪೋಲೊ ಹಾಸ್ಪಿಟಲ್ಸ್‌ನ ರೋಬೋಟಿಕ್-ಅಸಿಸ್ಟೆಡ್ ಸರ್ಜರಿ ಕಾರ್ಯಕ್ರಮದಲ್ಲಿ ಪ್ರಮುಖ ಬೆಳವಣಿಗೆಯನ್ನು ಗುರುತಿಸುತ್ತದೆ. ಇದು ಶಸ್ತ್ರಚಿಕಿತ್ಸೆಯ ಸಮಯದಲ್ಲಿ ಶಸ್ತ್ರಚಿಕಿತ್ಸಕರ ಉಪಕರಣಗಳು ದೇಹದ ಅಂಗಾಂಶಗಳೊಂದಿಗೆ ಹೇಗೆ ಸಂವಹನ ನಡೆಸುತ್ತವೆ ಎಂಬುದನ್ನು ಸರ್ಜನ್‌ಗಳು ಇನ್ನಷ್ಟು ಉತ್ತಮವಾಗಿ ಗ್ರಹಿಸಲು ನೆರವಾಗುತ್ತದೆ.
ಈ ವ್ಯವಸ್ಥೆಯನ್ನು ಈಗಾಗಲೇ ಐದು ಪ್ರಮುಖ ವಿಭಾಗಗಳಲ್ಲಿ ಬಳಸಲಾಗುತ್ತಿದೆ: ಹೃದಯ ಶಸ್ತ್ರಚಿಕಿತ್ಸೆ, ಕ್ಯಾನ್ಸರ್ ಶಸ್ತ್ರಚಿಕಿತ್ಸೆ, ಸ್ತ್ರೀರೋಗ ಶಸ್ತ್ರಚಿಕಿತ್ಸೆ, ಜೀರ್ಣಾಂಗ ವ್ಯೂಹದ ಶಸ್ತ್ರಚಿಕಿತ್ಸೆ ಮತ್ತು ಮೂತ್ರನಾಳ ಶಸ್ತ್ರಚಿಕಿತ್ಸೆ.
ಇದನ್ನೂ ಓದಿ: Apollo Founder: 26 ಸಾವಿರ ಕೋಟಿ ಒಡೆಯ... 92 ವರ್ಷ ವಯಸ್ಸಿನಲ್ಲೂ ವಾರಕ್ಕೆ ಆರು ದಿನ ಕೆಲಸ ಮಾಡ್ತಾರೆ!
ರೋಬೋಟಿಕ್-ಅಸಿಸ್ಟೆಡ್ ಶಸ್ತ್ರಚಿಕಿತ್ಸೆಯ ಸಮಯದಲ್ಲಿ, ಶಸ್ತ್ರಚಿಕಿತ್ಸಕರು ಚಿಕಿತ್ಸೆ ನೀಡಬೇಕಾದ ಭಾಗದ ಸ್ಪಷ್ಟ ಮತ್ತು ವರ್ಧಿತ ನೋಟವನ್ನು ಒದಗಿಸುವ ಕನ್ಸೋಲ್ ಮೂಲಕ ಕಾರ್ಯಾಚರಣೆ ನಡೆಸುತ್ತಾರೆ ಹಾಗೂ ಶಸ್ತ್ರಚಿಕಿತ್ಸೆಯ ಉಪಕರಣಗಳ ಮೇಲೆ ನಿಖರ ನಿಯಂತ್ರಣವನ್ನು ಸಾಧಿಸುತ್ತಾರೆ. ಡಾ ವಿಂಚಿ 5 ವ್ಯವಸ್ಥೆಯ ಪ್ರಮುಖ ವೈಶಿಷ್ಟ್ಯವೆಂದರೆ ಅದರ ಫೋರ್ಸ್ ಫೀಡ್‌ಬ್ಯಾಕ್ ತಂತ್ರಜ್ಞಾನ. ಇದು ಸೂಕ್ತವಾದ ಉಪಕರಣಗಳೊಂದಿಗೆ ಬಳಸಿದಾಗ, ಶಸ್ತ್ರಚಿಕಿತ್ಸೆಯ ಸಮಯದಲ್ಲಿ ಅಂಗಾಂಶಗಳ ಮೇಲೆ ಪ್ರಯೋಗಿಸಲಾಗುವ ಒತ್ತಡವನ್ನು ಗ್ರಹಿಸಲು ಸರ್ಜನ್‌ ಗಳಿಗೆ ನೆರವಾಗುತ್ತದೆ. ಇದು ಸರ್ಜನ್‌ ಗಳು ಕಣ್ಣಿನಿಂದ ನೋಡುವುದರ ಜೊತೆಗೆ ಹೆಚ್ಚುವರಿಯಾಗಿ ಸ್ಪರ್ಶ ಜ್ಞಾನವನ್ನು ನೀಡುತ್ತದೆ, ಇದರಿಂದಾಗಿ ಸೂಕ್ಷ್ಮ ಅಂಗಾಂಶಗಳನ್ನು ಹೆಚ್ಚು ಜಾಗರೂಕತೆಯಿಂದ ನಿರ್ವಹಿಸಲು ಸಾಧ್ಯವಾಗುತ್ತದೆ. ಈ ಸಂಪೂರ್ಣ ಪ್ರಕ್ರಿಯೆಯ ಉದ್ದಕ್ಕೂ ಶಸ್ತ್ರಚಿಕಿತ್ಸಕರೇ ಸಂಪೂರ್ಣ ನಿಯಂತ್ರಣದಲ್ಲಿರುತ್ತಾರೆ. ರೋಬೋಟಿಕ್ ವ್ಯವಸ್ಥೆಯು ಸರ್ಜನ್‌ ಗಳಿಗೆ ನೆರವಾಗುತ್ತದೆಯೇ ಹೊರತು, ಸ್ವತಂತ್ರವಾಗಿ ಕಾರ್ಯಾಚರಣೆ ನಡೆಸುವುದಿಲ್ಲ.
ಅಪೋಲೊ ಹಾಸ್ಪಿಟಲ್ಸ್ ವೈಸ್ ಚೇರ್ ಪರ್ಸನ್ ಡಾ. ಪ್ರೀತಾ ರೆಡ್ಡಿ ಅವರು, "ಭಾರತದಲ್ಲಿ ಡಾ ವಿಂಚಿ 5 ತಂತ್ರಜ್ಞಾನವನ್ನು ಪರಿಚಯಿಸಿದ ಮೊದಲ ಕೆಲವು ಆಸ್ಪತ್ರೆಗಳಲ್ಲಿ ಒಂದಾಗಿರುವುದು ವೈದ್ಯಕೀಯ ತಂತ್ರಜ್ಞಾನದಲ್ಲಿನ ನಿರಂತರ ಹೂಡಿಕೆಯ ಮೂಲಕ ಆರೋಗ್ಯ ಸೇವೆಯನ್ನು ಸುಧಾರಿಸುವ ಅಪೋಲೊದ ಬದ್ಧತೆಯನ್ನು ಬಿಂಬಿಸುತ್ತದೆ. ಬನ್ನೇರುಘಟ್ಟ ರಸ್ತೆಯ ಆಸ್ಪತ್ರೆಯಲ್ಲಿ ಇದನ್ನು ತಂದಿರುವುದು ರೋಬೋಟಿಕ್-ಅಸಿಸ್ಟೆಡ್ ಶಸ್ತ್ರಚಿಕಿತ್ಸೆಯಲ್ಲಿನ ನಮ್ಮ ಅನುಭವವನ್ನು ಮತ್ತಷ್ಟು ಬಲಪಡಿಸುತ್ತದೆ ಮತ್ತು ನಮ್ಮ ಶಸ್ತ್ರಚಿಕಿತ್ಸಾ ಸಾಮರ್ಥ್ಯಗಳನ್ನು ವಿಸ್ತರಿಸುವಲ್ಲಿ ಒಂದು ಪ್ರಮುಖ ಮೈಲಿಗಲ್ಲಾಗಿದೆ. ಪ್ರತಿಯೊಂದು ನಿರ್ಧಾರದಲ್ಲೂ ರೋಗಿಗಳ ಅಗತ್ಯಗಳನ್ನು ಗಮನದಲ್ಲಿಟ್ಟುಕೊಂಡು, ಇಂತಹ ಸುಧಾರಿತ ತಂತ್ರಜ್ಞಾನಗಳಿಗೆ ಸೂಕ್ತ ಕ್ಲಿನಿಕಲ್ ಪರಿಣತಿ ಮತ್ತು ಕಟ್ಟುನಿಟ್ಟಾದ ತರಬೇತಿಯ ಬೆಂಬಲವಿದೆ ಎಂಬುದನ್ನು ಖಚಿತಪಡಿಸಿಕೊಳ್ಳುವುದೇ ನಮ್ಮ ಆದ್ಯತೆಯಾಗಿದೆ" ಎಂದು ಹೇಳಿದರು.
ಡಾ ವಿಂಚಿ 5 ವ್ಯವಸ್ಥೆಯು ಸುಧಾರಿತ 3ಡಿ ಇಮೇಜಿಂಗ್, ಉಪಕರಣಗಳ ಉತ್ತಮ ನಿಯಂತ್ರಣ ಮತ್ತು ಸರ್ಜನ್‌ ಗಳ ಅನುಕೂಲಕ್ಕಾಗಿ ಮರುವಿನ್ಯಾಸಗೊಳಿಸಲಾದ ಕನ್ಸೋಲ್ ಸೇರಿದಂತೆ 150 ಕ್ಕೂ ಹೆಚ್ಚು ತಾಂತ್ರಿಕ ಸುಧಾರಣೆಗಳನ್ನು ತಂದಿದೆ. ಶಸ್ತ್ರಚಿಕಿತ್ಸೆಯ ಸಮಯದಲ್ಲಿ ಅಂಗಾಂಶಗಳ ಮೇಲೆ ಬೀಳುವ ಒತ್ತಡವನ್ನು ಮೇಲ್ವಿಚಾರಣೆ ಮಾಡಲು ಮತ್ತು ಸರ್ಜಿಕಲ್ ವೀಡಿಯೊವನ್ನು ಪರಿಶೀಲಿಸಲು ಶಸ್ತ್ರಚಿಕಿತ್ಸಕರಿಗೆ ಸಹಾಯ ಮಾಡುವ ವೈಶಿಷ್ಟ್ಯಗಳನ್ನು ಸಹ ಇದು ಒದಗಿಸುತ್ತದೆ. ಸರ್ಜನ್‌ ಗಳು ಶಸ್ತ್ರಚಿಕಿತ್ಸೆ ನಡೆಸುವಾಗ ಈ ಉಪಕರಣಗಳು ಹೆಚ್ಚುವರಿ ಮಾಹಿತಿಯನ್ನು ನೀಡಿ ಬೆಂಬಲಿಸುತ್ತವೆ, ಆದರೆ ಸಂಪೂರ್ಣ ನಿಯಂತ್ರಣವು ಶಸ್ತ್ರಚಿಕಿತ್ಸಕರ ಬಳಿಯೇ ಇರುತ್ತದೆ.
ಅಪೋಲೊ ಹಾಸ್ಪಿಟಲ್ಸ್ ಮ್ಯಾನೇಜಿಂಗ್ ಡೈರೆಕ್ಟರ್ ಡಾ. ಸುನೀತಾ ರೆಡ್ಡಿ ಅವರು, "ಬನ್ನೇರುಘಟ್ಟ ರಸ್ತೆಯ ಅಪೋಲೊ ಆಸ್ಪತ್ರೆಯಲ್ಲಿರುವ ಡಾ ವಿಂಚಿ 5 ತಂತ್ರಜ್ಞಾನವು ಫೋರ್ಸ್ ಫೀಡ್‌ಬ್ಯಾಕ್ ನಂತಹ ಸುಧಾರಿತ ಸಾಮರ್ಥ್ಯಗಳನ್ನು ತಂದಿದೆ. ಇದು ಉಪಕರಣಗಳನ್ನು ಬಳಸುವಾಗ ಬೀಳುವ ಒತ್ತಡವನ್ನು ಸರ್ಜನ್‌ ಗಳು ಉತ್ತಮವಾಗಿ ಗ್ರಹಿಸಲು ಸಹಾಯ ಮಾಡುತ್ತದೆ. ಇದು ಸೂಕ್ಷ್ಮ ಶಸ್ತ್ರಚಿಕಿತ್ಸೆಗಳ ಸಮಯದಲ್ಲಿ ಹೆಚ್ಚಿನ ಜಾಗರೂಕತೆ ವಹಿಸಲು ಮತ್ತು ಶಸ್ತ್ರಚಿಕಿತ್ಸೆಯ ಸಮಯ ದಲ್ಲಿ ಸರಿಯಾದ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಬೆಂಬಲಿಸುತ್ತದೆ. ಆರೋಗ್ಯ ರಕ್ಷಣೆಯು ಬೆಳೆಯುತ್ತಿರುವಂತೆ, ಇಂತಹ ನಾವೀನ್ಯತೆಗಳನ್ನು ಜವಾಬ್ದಾರಿಯುತವಾಗಿ ಕ್ಲಿನಿಕಲ್ ಅಭ್ಯಾಸದಲ್ಲಿ ಅಳವಡಿಸಿಕೊಳ್ಳುವುದು ಮತ್ತು ರೋಗಿಗಳ ಆರೈಕೆಗಾಗಿ ನಮ್ಮ ತಂಡಗಳು ಇವುಗಳನ್ನು ಪರಿಣಾಮ ಕಾರಿಯಾಗಿ ಬಳಸಲು ಸಜ್ಜಾಗಿರುವುದನ್ನು ಖಚಿತಪಡಿಸಿಕೊಳ್ಳುವುದೇ ನಮ್ಮ ಮುಖ್ಯ ಗುರಿಯಾಗಿದೆ" ಎಂದು ಹೇಳಿದರು.
ಈ ಹೊಸ ತಂತ್ರಜ್ಞಾನದ ಸೇರ್ಪಡೆಯೊಂದಿಗೆ, ಬನ್ನೇರುಘಟ್ಟ ರಸ್ತೆಯ ಅಪೋಲೊ ಆಸ್ಪತ್ರೆಯು ತನ್ನ ರೋಬೋಟಿಕ್-ನೆರವಿನ ಶಸ್ತ್ರಚಿಕಿತ್ಸಾ ಸಾಮರ್ಥ್ಯವನ್ನು ಮತ್ತಷ್ಟು ಬಲಪಡಿಸಿಕೊಂಡಿದೆ. ಶಸ್ತ್ರಚಿಕಿತ್ಸೆಯ ಆಯ್ಕೆಯು ಪ್ರತಿಯೊಬ್ಬ ರೋಗಿಯ ವೈದ್ಯಕೀಯ ಸ್ಥಿತಿ ಮತ್ತು ಚಿಕಿತ್ಸೆ ನೀಡುವ ವೈದ್ಯರ ಮೌಲ್ಯಮಾಪನವನ್ನು ಆಧರಿಸಿರುತ್ತದೆ. ರೋಬೋಟಿಕ್-ಅಸಿಸ್ಟೆಡ್ ಶಸ್ತ್ರಚಿಕಿತ್ಸೆಯು ಪ್ರತಿಯೊಬ್ಬ ರೋಗಿಗೆ ಅಥವಾ ಎಲ್ಲಾ ರೀತಿಯ ಚಿಕಿತ್ಸಾ ವಿಧಾನಗಳಿಗೆ ಸೂಕ್ತವಾಗದಿರಬಹುದು.
ಡಾ. ಪ್ರತಾಪ್ ಸಿ. ರೆಡ್ಡಿ ಅವರು 1983ರಲ್ಲಿ ಚೆನ್ನೈನಲ್ಲಿ ಮೊದಲ ಆಸ್ಪತ್ರೆಯನ್ನು ಪ್ರಾರಂಭಿಸಿದರು. ಇಂದು, ಅಪೋಲೊ ವಿಶ್ವದ ಅತ್ಯಂತ ದೊಡ್ಡ ಸಂಯೋಜಿತ ಆರೋಗ್ಯ ಸೇವಾ ಸಂಸ್ಥೆಗಳಲ್ಲಿ ಒಂದಾಗಿದೆ. ಇದು 26ಆಸ್ಪತ್ರೆಗಳಲ್ಲಿ 10,400 ಕ್ಕೂ ಹೆಚ್ಚು ಹಾಸಿಗೆಗಳು 6,800 ಕ್ಕೂ ಹೆಚ್ಚು ಫಾರ್ಮಸಿಗಳು, 2,9000 ಕ್ಕೂ ಹೆಚ್ಚು ಕ್ಲಿನಿಕ್‌ಗಳು ಮತ್ತು 500 ಕ್ಕೂ ಹೆಚ್ಚು ಟೆಲಿಮೆಡಿಸಿನ್ ಕೇಂದ್ರಗಳನ್ನು ಹೊಂದಿದೆ. ಹೃದ್ರೋಗ ವಿಜ್ಞಾನ ವಿಭಾಗದಲ್ಲಿ, ಅಪೋಲೊ 3,00,000 ಕ್ಕೂ ಹೆಚ್ಚು ಆಂಜಿಯೋಪ್ಲಾಸ್ಟಿಗಳು ಮತ್ತು 5,00,000 ಕ್ಕೂ ಹೆಚ್ಚು ಶಸ್ತ್ರಚಿಕಿತ್ಸೆಗಳನ್ನು ನಡೆಸಿದೆ.
ರೋಗಿಗಳಿಗೆ ಗುಣಮಟ್ಟದ ಆರೈಕೆ ದೊರೆಯುವಂತೆ ಮಾಡಲು ಅಪೋಲೊ ನವೀನ ತಂತ್ರಜ್ಞಾನ ಗಳು, ಉಪಕರಣಗಳು ಮತ್ತು ಚಿಕಿತ್ಸಾ ವಿಧಾನಗಳನ್ನು ತರಲು ಸಂಶೋಧನೆ ಮತ್ತು ನಾವೀನ್ಯತೆ ಗಳಲ್ಲಿ ನಿರಂತರ ಹೂಡಿಕೆ ಮಾಡುತ್ತಿದೆ. ಅಪೋಲೊದ 1,20,000 ಕುಟುಂಬ ಸದಸ್ಯರು ರೋಗಿಗಳಿಗೆ ಅತ್ಯುತ್ತಮ ಆರೈಕೆಯನ್ನು ನೀಡಲು ಮತ್ತು ಜಗತ್ತನ್ನು ಮತ್ತಷ್ಟು ಉತ್ತಮಗೊಳಿಸಲು ಸಮರ್ಪಿತ ರಾಗಿದ್ದಾರೆ.