ಖಾಸಗಿ ಹೆಲ್ತ್ ಚೆಕ್‌ಅಪ್ಸ್ ಸಂಸ್ಥೆಯು ಎನ್‌ಎಂ ಮೆಡಿಕಲ್ ಸಹಯೋಗದಲ್ಲಿ, ಬೆಂಗಳೂರಿನಲ್ಲಿ ಆರು ಸಮಗ್ರ ಆರೋಗ್ಯ ತಪಾಸಣೆ ಮತ್ತು ವೆಲ್‌ನೆಸ್ ಕೇಂದ್ರ ಗಳನ್ನು ಆರಂಭಿಸುವುದಾಗಿ ಘೋಷಿಸಿದೆ. ಈ ಕೇಂದ್ರಗಳು ಶಿವಾಜಿನಗರ, ಓಲ್ಡ್ ಏರ್‌ ಪೋರ್ಟ್ ರಸ್ತೆ, ಕಸ್ತೂರಿ ನಗರ, ಎಚ್‌ಎಸ್‌ಆರ್ ಲೇಔಟ್, ಎಲೆಕ್ಟ್ರಾನಿಕ್ ಸಿಟಿ ಮತ್ತು ವೈಟ್‌ಫೀಲ್ಡ್‌ನಲ್ಲಿ ಸ್ಥಾಪನೆಯಾಗಿವೆ.
ಈ ವಿಸ್ತರಣೆಯು ಆಧುನಿಕ ಮುನ್ಸೂಚನಾ ಆರೋಗ್ಯ ಮತ್ತು ದೀರ್ಘಾಯುಷ್ಯಕ್ಕೆ ಸಂಬಂಧಿಸಿದ ನ್ಯೂಬರ್ಗ್‌ನ ದೂರದೃಷ್ಟಿಯನ್ನು ಸಾಕಾರಗೊಳಿಸುವ ಮಹತ್ವದ ಹೆಜ್ಜೆಯಾಗಿದೆ.
ರೋಗಲಕ್ಷಣಗಳು ಕಾಣಿಸಿಕೊಂಡ ನಂತರ ಚಿಕಿತ್ಸೆ ಪಡೆಯುವ ವಿಧಾನದಿಂದ ಹೊರಬಂದು, ಆರೋಗ್ಯದ ಅಪಾಯಗಳನ್ನು ಮುಂಚಿತವಾಗಿಯೇ ಗುರುತಿಸುವುದು ಹಾಗೂ ವೈಯಕ್ತಿಕ ಅಗತ್ಯ ಗಳಿಗೆ ಅನುಗುಣವಾಗಿ ಆರೋಗ್ಯವನ್ನು ನಿರ್ವಹಿಸುವುದನ್ನು ಉತ್ತೇಜಿಸುವುದು ಇದರ ಉದ್ದೇಶ ವಾಗಿದೆ.
ಈ ಸಮಗ್ರ ವೆಲ್‌ನೆಸ್ ಮಾದರಿಯು ರೇಡಿಯಾಲಜಿ, ಪ್ಯಾಥಾಲಜಿ, ಹೃದ್ರೋಗ ಚಿಕಿತ್ಸೆ, ಗ್ಯಾಸ್ಟ್ರೋ ಎಂಟರಾಲಜಿ, ದಂತ ಆರೈಕೆ, ನೇತ್ರ ಚಿಕಿತ್ಸೆ, ಶ್ರವಣ ಪರೀಕ್ಷೆ ಮತ್ತು ಜಿನೋಮಿಕ್ಸ್ ಸೇರಿದಂತೆ ವಿವಿಧ ವೈದ್ಯಕೀಯ ಸೇವೆಗಳನ್ನು ಒಂದೇ ವೇದಿಕೆಯಲ್ಲಿ ಒದಗಿಸುತ್ತದೆ. ಇದರಿಂದ ವ್ಯಕ್ತಿಗಳ ಆರೋಗ್ಯದ ಕುರಿತು ಹೆಚ್ಚು ಸಮಗ್ರ ಮತ್ತು ವೈಯಕ್ತಿಕ ಒಳನೋಟಗಳನ್ನು ಪಡೆದು, ರೋಗಗಳ ಅಪಾಯವನ್ನು ಮುಂಚಿತವಾಗಿ ಗುರುತಿಸಲು, ತಡೆಗಟ್ಟಲು ಹಾಗೂ ಆರಂಭಿಕ ಹಂತದಲ್ಲಿಯೇ ಪತ್ತೆಹಚ್ಚಲು ನೆರವಾಗಲಿದೆ.
ಇದನ್ನೂ ಓದಿ: Health Tips: ಬೆಳೆಯುವ ಮಕ್ಕಳ ಮೂಳೆಗಳ ಆರೈಕೆ ಹೇಗೆ?
ಖಾಸಗಿ ಹೆಲ್ತ್ ಚೆಕ್‌ಅಪ್ಸ್ ಸಂಸ್ಥೆಯ ಸುಧಾರಿತ ರೋಗನಿರ್ಣಯ ಪರಿಣತಿಯನ್ನು, ವೈದ್ಯಕೀಯ ಇಮೇಜಿಂಗ್ ಮತ್ತು ಸಮಗ್ರ ಆರೋಗ್ಯ ತಪಾಸಣೆ ಕ್ಷೇತ್ರದಲ್ಲಿ ಎನ್‌ಎಂ ಮೆಡಿಕಲ್ ಹೊಂದಿರುವ ದೀರ್ಘಕಾಲದ ಅನುಭವದೊಂದಿಗೆ ಸಂಯೋಜಿಸಲಾಗಿದೆ.
ಇದರ ಜೊತೆಗೆ, ವೈಯಕ್ತಿಕ ಆರೋಗ್ಯದ ಕುರಿತು ಒಳನೋಟಗಳು, ಆರೋಗ್ಯಕರ ವಯೋವೃದ್ಧತೆ ಮತ್ತು ದೀರ್ಘಕಾಲೀನ ಯೋಗಕ್ಷೇಮಕ್ಕೆ ಒತ್ತು ನೀಡುವ ನ್ಯೂಬರ್ಗ್‌ನ ಹೊಸ ತಲೆಮಾರಿನ ಮುನ್ಸೂಚನಾ ಆರೋಗ್ಯ ಮತ್ತು ದೀರ್ಘಾಯುಷ್ಯ ಉಪಕ್ರಮವಾದ *ಅಟ್ಲಾಸ್ ಲಾಂಜೆವಿಟಿ (Atlas Longevity)*ಯನ್ನು ಬೆಂಗಳೂರಿನಲ್ಲಿ ಶೀಘ್ರದಲ್ಲೇ ಪರಿಚಯಿಸಲು ಸಂಸ್ಥೆ ಸಿದ್ಧತೆ ನಡೆಸುತ್ತಿದೆ.
ಸಂಸ್ಥೆಯ ಸಂಸ್ಥಾಪಕ, ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕರಾದ ಡಾ. ಜಿ.ಎಸ್.ಕೆ. ವೇಲು ಮಾತನಾಡಿ, “ಆರೋಗ್ಯ ಸೇವೆಗಳ ಭವಿಷ್ಯವು ಕೇವಲ ರೋಗಗಳನ್ನು ಪತ್ತೆ ಹಚ್ಚುವುದರಲ್ಲಿ ಮಾತ್ರವಲ್ಲ; ಆರೋಗ್ಯದ ಅಪಾಯಗಳನ್ನು ಆರಂಭದಲ್ಲಿಯೇ ಗುರುತಿಸಿ, ಜನರು ದೀರ್ಘಕಾಲ ಆರೋಗ್ಯವಾಗಿರಲು ಸಹಾಯ ಮಾಡುವುದರಲ್ಲಿದೆ. ವಿವಿಧ ವೈದ್ಯಕೀಯ ವಿಭಾಗಗಳು ಮತ್ತು ಸುಧಾರಿತ ರೋಗನಿರ್ಣಯ ತಂತ್ರಜ್ಞಾನಗಳನ್ನು ಒಂದೇ ವೇದಿಕೆಯಲ್ಲಿ ಸಂಯೋಜಿಸುವ ಮೂಲಕ, ಮುನ್ಸೂಚನಾ, ತಡೆಗಟ್ಟುವ ಮತ್ತು ವೈಯಕ್ತಿಕ ಅಗತ್ಯಗಳಿಗೆ ಅನುಗುಣವಾದ ಆರೋಗ್ಯ ಸೇವೆಗಳನ್ನು ಬೆಂಗಳೂರಿನಾದ್ಯಂತ ಹೆಚ್ಚಿನ ಜನರಿಗೆ ಲಭ್ಯವಾಗುವಂತೆ ಮಾಡುವುದು ನಮ್ಮ ಗುರಿಯಾಗಿದೆ,” ಎಂದು ಹೇಳಿದರು.
ಸಂಸ್ಥೆಯ ಮುಖ್ಯ ವೈದ್ಯಕೀಯ ನಿರ್ದೇಶಕರಾದ ಡಾ.ಸುಜಯ್ ಪ್ರಸಾದ್ ಮಾತನಾಡಿ, “ಸುಧಾರಿತ ಪ್ಯಾಥಾಲಜಿ, ಜಿನೋಮಿಕ್ಸ್ ಮತ್ತು ವಿವಿಧ ವೈದ್ಯಕೀಯ ವಿಶೇಷ ವಿಭಾಗಗಳನ್ನು ಸಂಯೋಜಿಸುವ ಮೂಲಕ, ಆರೋಗ್ಯ ಸೇವೆಗಳನ್ನು ಸಾಮಾನ್ಯ ತಪಾಸಣೆಗಳಿಗೆ ಸೀಮಿತಗೊಳಿಸದೆ, ವೈಯಕ್ತಿಕ ಆರೋಗ್ಯದ ಅಪಾಯಗಳನ್ನು ಮುಂಚಿತವಾಗಿ ಅಂದಾಜಿಸುವುದು, ರೋಗಗಳನ್ನು ತಡೆಗಟ್ಟುವುದು ಮತ್ತು ಆರಂಭಿಕ ಹಂತದಲ್ಲಿಯೇ ಪತ್ತೆಹಚ್ಚುವುದರತ್ತ ಕೊಂಡೊಯ್ಯಲು ನಾವು ಉದ್ದೇಶಿಸಿದ್ದೇವೆ,” ಎಂದು ತಿಳಿಸಿದರು.
ಮುಂಬೈನ ಎನ್‌ಎಂ ಮೆಡಿಕಲ್‌ನ ಅಧ್ಯಕ್ಷರಾದ ಡಾ. ನಿಲೇಶ್ ಶಾ ಮಾತನಾಡಿ, “ಮುಂಬೈನಲ್ಲಿ ಸಮಗ್ರ ಆರೋಗ್ಯ ತಪಾಸಣೆ ಸೇವೆಗಳಲ್ಲಿ ಮೂರು ದಶಕಗಳ ಮುಂಚೂಣಿ ಅನುಭವ ಹೊಂದಿರುವ ಎನ್‌ಎಂ ಮೆಡಿಕಲ್‌ನ ಪರಿಣತಿಯನ್ನು, ಪ್ಯಾಥಾಲಜಿ, ಜಿನೋಮಿಕ್ಸ್ ಮತ್ತು ಸಮಗ್ರ ರೋಗ ನಿರ್ಣಯ ಕ್ಷೇತ್ರಗಳಲ್ಲಿ ಖಾಸಗಿ ಹೆಲ್ತ್ ಚೆಕ್‌ಅಪ್ಸ್ ಸಂಸ್ಥೆಯ ಸುಧಾರಿತ ಸಾಮರ್ಥ್ಯಗಳೊಂದಿಗೆ ಸಂಯೋಜಿಸುತ್ತಿದ್ದೇವೆ. ಇದರ ಮೂಲಕ ತಡೆಗಟ್ಟುವಿಕೆ, ಆರಂಭಿಕ ರೋಗನಿರ್ಣಯ ಮತ್ತು ಹೆಚ್ಚು ಆರೋಗ್ಯಕರ, ದೀರ್ಘಾಯುಷ್ಯದ ಜೀವನಕ್ಕೆ ಒತ್ತು ನೀಡುವ ಹೊಸ ತಲೆಮಾರಿನ ಮುನ್ಸೂಚನಾ ಆರೋಗ್ಯ ಹಾಗೂ ದೀರ್ಘಾಯುಷ್ಯ ಸೇವೆಗಳನ್ನು ಬೆಂಗಳೂರಿಗೆ ಪರಿಚಯಿಸುತ್ತಿದ್ದೇವೆ,” ಎಂದು ಹೇಳಿದರು.
ಭಾರತ, ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ), ದಕ್ಷಿಣ ಆಫ್ರಿಕಾ, ಶ್ರೀಲಂಕಾ ಮತ್ತು ಅಮೆರಿಕ ಸೇರಿದಂತೆ ಹಲವು ದೇಶಗಳಲ್ಲಿ ಸಂಸ್ಥೆಯು ತನ್ನ ಸೇವಾ ಜಾಲವನ್ನು ಹೊಂದಿದೆ.200ಕ್ಕೂ ಹೆಚ್ಚು CAP ಮತ್ತು NABL ಮಾನ್ಯತೆ ಪಡೆದ ಪ್ರಯೋಗಾಲಯಗಳನ್ನು ಹೊಂದಿರುವ ನ್ಯೂಬರ್ಗ್, ದೇಶದ ವೇಗವಾಗಿ ಬೆಳೆಯುತ್ತಿರುವ ಮತ್ತು ವಿಶ್ವಾಸಾರ್ಹ ರೋಗ ನಿರ್ಣಯ ಜಾಲಗಳಲ್ಲಿ ಒಂದಾಗಿ ಗುರುತಿಸಿಕೊಂಡಿದೆ.
ಸಂಸ್ಥೆಯು ಅತ್ಯಾಧುನಿಕ ಸಮಗ್ರ ರೋಗನಿರ್ಣಯ ತಂತ್ರಜ್ಞಾನಗಳನ್ನು ಒದಗಿಸುತ್ತಿದ್ದು, ಅನುಭವಿ ಕ್ಲಿನಿಕಲ್ ಪ್ಯಾಥಾಲಜಿಸ್ಟ್‌ಗಳು, ಬಯೋಕೆಮಿಸ್ಟ್‌ಗಳು, ಜೆನೆಟಿಸಿಸ್ಟ್‌ಗಳು, ರೇಡಿಯಾಲಜಿಸ್ಟ್‌ಗಳು ಮತ್ತು ಇತರ ಪ್ರಮಾಣೀಕೃತ ಆರೋಗ್ಯ ವೃತ್ತಿಪರರ ತಂಡದಿಂದ ಬೆಂಬಲಿತವಾಗಿದೆ.
ಪ್ಯಾಥಾಲಜಿ ಮತ್ತು ರೇಡಿಯಾಲಜಿ ವಿಭಾಗಗಳಲ್ಲಿ 6,000ಕ್ಕೂ ಹೆಚ್ಚು ವಿಧದ ಪರೀಕ್ಷೆಗಳನ್ನು ನಡೆಸುವ ಸಾಮರ್ಥ್ಯ ಹೊಂದಿರುವ ಸಂಸ್ಥೆಯು ವಾರ್ಷಿಕವಾಗಿ 3 ಕೋಟಿ ಪರೀಕ್ಷೆಗಳನ್ನು ನಿರ್ವಹಿಸುತ್ತದೆ. ಜಾಗತಿಕವಾಗಿ 250ಕ್ಕೂ ಹೆಚ್ಚು ನಗರಗಳಲ್ಲಿ ವೈಯಕ್ತಿಕ ಚಿಕಿತ್ಸಾ ವಿಧಾನಗಳಿಗೆ ಸಂಬಂಧಿಸಿದ ಹೊಸ ತಲೆಮಾರಿನ ರೋಗನಿರ್ಣಯ ತಂತ್ರಗಳನ್ನು ಅಭಿವೃದ್ಧಿಪಡಿಸುವಲ್ಲಿ ಸಂಸ್ಥೆ ಕಾರ್ಯ ನಿರ್ವಹಿಸುತ್ತಿದೆ.
ಮನೆಬಾಗಿಲಿಗೆ ಮಾದರಿ ಸಂಗ್ರಹ ಸೇವೆಗಳ ಮೂಲಕ 5,500ಕ್ಕೂ ಹೆಚ್ಚು ಪಿನ್‌ಕೋಡ್‌ಗಳಿಗೆ ಸೇವೆ ತಲುಪಿಸುತ್ತಿರುವ ನ್ಯೂಬರ್ಗ್, ನಿಖರವಾದ ಮತ್ತು ಕೈಗೆಟುಕುವ ರೋಗನಿರ್ಣಯ ಸೇವೆಗಳನ್ನು ಎಲ್ಲ ಸಮುದಾಯಗಳಿಗೂ ಲಭ್ಯವಾಗುವಂತೆ ಮಾಡುವ ಗುರಿಯನ್ನು ಹೊಂದಿದೆ.