ಉದ್ಯೋಗಸ್ಥರಿಗಾಗಿ ಶೀಘ್ರ ಫುಡ್‌ಡೆಲಿವರಿ ಮಾಡಲು “ಡೆಸ್ಕ್‌ಈಟ್ಸ್‌” ಪರಿಚಯಿಸಿದ ಸ್ವಿಗ್ಗಿ

ಬೆಂಗಳೂರು: ಭಾರತದ ಪ್ರಮುಖ ಆನ್-ಡಿಮಾಂಡ್ ಪ್ಲಾಟ್‌ಫಾರ್ಮ್ ಸ್ವಿಗ್ಗಿ ಲಿಮಿಟೆಡ್, ಐಟಿ ಹಾಗೂ ಇತರೆಡೆ ಕೆಲಸ ಮಾಡುವರಿಗಾಗಿ ಡೆಸ್ಕ್‌ಈಟ್ಸ್‌ ಪ್ರಾರಂಭಿಸುವುದಾಗಿ ಘೋಷಿಸಿದೆ.

ಈ ಕುರಿತು ಮಾತನಾಡಿದ ಸ್ವಿಗ್ಗಿಯ ಉಪಾಧ್ಯಕ್ಷ , (ಆಹಾರ ತಂತ್ರ, ಗ್ರಾಹಕ ಅನುಭವ ಮತ್ತು ಹೊಸ ಉಪಕ್ರಮಗಳು) ಶ್ರೀ ದೀಪಕ್ ಮಲೂ, ಇದು ಭಾರತದ 30 ನಗರಗಳಲ್ಲಿನ 7 ಸಾವಿರಕ್ಕೂ ಅಧಿಕ ಟೆಕ್ ಪಾರ್ಕ್‌ಗಳು, ವ್ಯಾಪಾರ ಕೇಂದ್ರಗಳು ಮತ್ತು ಕಾರ್ಪೊರೇಟ್ ಕಾಂಪ್ಲೆಕ್ಸ್‌ಗಳಲ್ಲಿ ಕೆಲಸ ಮಾಡುವ ವೃತ್ತಿಪರರಿಗಾಗಿ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಫುಡ್ ಅನುಭವವಾಗಿದೆ.

ದೆಹಲಿ, ಮುಂಬೈ, ಬೆಂಗಳೂರು, ಚೆನ್ನೈ, ಗುರುಗ್ರಾಮ್, ಪುಣೆ ಮತ್ತು ಕೋಲ್ಕತ್ತಾದಂತಹ ನಗರ ಗಳಲ್ಲಿ ಇದು ಲಭ್ಯವಿದೆ. ಡೆಸ್ಕ್‌ ಈಟ್‌, ಕಚೇರಿಯಲ್ಲಿರುವಾಗ ಸುಲಭ, ವೇಗ ಮತ್ತು ವೈವಿಧ್ಯಮಯ ಆಹಾರ ಸೇವೆಯ ಅಗತ್ಯಗಳನ್ನು ಪೂರೈಸಲು ವಿನ್ಯಾಸಗೊಳಿಸಲಾಗಿದೆ. ಈ ಸಂಗ್ರಹವು 200,000 ಕ್ಕೂ ಹೆಚ್ಚು ರೆಸ್ಟೋರೆಂಟ್‌ಗಳಿಂದ ಸುಮಾರು 7 ಲಕ್ಷ ಆಹಾರ ಪದಾರ್ಥಗಳನ್ನು ಒಳಗೊಂಡಿದೆ. ಬಳಕೆದಾರರು ಸ್ವಿಗ್ಗಿ ಅಪ್ಲಿಕೇಶನ್‌ನಲ್ಲಿ "ಆಫೀಸ್‌" ಅಥವಾ "ವರ್ಕ್‌" ಎಂದು ಟೈಪ್ ಮಾಡುವ ಮೂಲಕ ಈ ಸೇವೆಯನ್ನು ಪಡೆಯಬಹುದು.

ಇದನ್ನೂ ಓದಿ: ‌Bengaluru News: ಬೆಂಗಳೂರಿನಲ್ಲಿ ಸಂಚಾರ ಪೊಲೀಸರನ್ನು ಅವಾಚ್ಯವಾಗಿ ನಿಂದಿಸಿದ್ದ ಹಿಂದಿ ಮಹಿಳೆ ಸೇರಿ ಇಬ್ಬರು ಅರೆಸ್ಟ್

ಡೆಸ್ಕ್‌ಈಟ್ಸ್‌ ವಿಶೇಷವಾಗಿ ಕಚೇರಿಗೆ ಹೋಗುವವರ ಅನುಕೂಲಕ್ಕಾಗಿ ಕೆಲವು ಸಂಗ್ರಹಗಳನ್ನು ಒಟ್ಟುಗೂಡಿಸಿದೆ, ಉದಾಹರಣೆಗೆ ವ್ಯಾಲ್ಯೂ ಕಾಂಬೋ, ಸ್ಟ್ರೆಸ್‌ ಮಂಚೀಸ್‌, ಡೆಡ್‌ಲೈನ್‌ ಡೆಸೆರ್ಟ್ಸ್‌, ಹೆಲ್ತ್‌ ನೂಡಲ್ಸ್‌ ಸೇರಿದಂತೆ ಅನೇಕ ಸಂಗ್ರಹಗಳು ಸೇರಿವೆ,. ಪೈಲಟ್ ಹಂತದಲ್ಲಿ ಗಮನಿಸಿದ ಕೆಲವು ಟ್ರೆಂಡ್‌ಗಳ ಪ್ರಕಾರ, ಸ್ಟ್ರೆಸ್‌ ಮಂಚೀಸ್‌ ವಿಭಾಗದಲ್ಲಿ ಬೆಂಗಳೂರಿನಲ್ಲಿ ಚಿಕನ್ ಪಾಪ್‌ಕಾರ್ನ್, ಮುಂಬೈನಲ್ಲಿ ಫ್ರೈಸ್ ಮತ್ತು ಗುರುಗ್ರಾಮ್‌ನಲ್ಲಿ ಗಾರ್ಲಿಕ್ ಬ್ರೆಡ್‌ಸ್ಟಿಕ್‌ಗಳು ಹೆಚ್ಚು ಜನಪ್ರಿಯ ವಾಗಿವೆ. ಮತ್ತೊಂದೆಡೆ, ಹೆಲ್ತಿ ನೂಡಲ್ಸ್‌ ವಿಭಾಗದಲ್ಲಿ, ಸಲಾಡ್‌ಗಳು ಎಲ್ಲಾ ನಗರಗಳಲ್ಲೂ ಜನಪ್ರಿಯವಾಗಿವೆ. ಇದಲ್ಲದೆ, ಡೆಸ್ಕ್‌ ಈಟ್ಸ್‌ ಆದೇಶಗಳ ಸಂಖ್ಯೆಯಲ್ಲಿ ಮುಂಬೈ ಅಗ್ರಸ್ಥಾನದಲ್ಲಿದೆ.

"ಇಂದಿನ ಕಾರ್ಪೊರೇಟ್ ವೃತ್ತಿಪರರಿಗೆ ಸಮಯ ಕಡಿಮೆ ಮತ್ತು ಆಯ್ಕೆಗಳು ಹೆಚ್ಚು. ಡೆಸ್ಕ್‌ಈಟ್ಸ್‌ ಮೂಲಕ ನಾವು ಕಾರ್ಯನಿರತ ಕೆಲಸದ ದಿನದಲ್ಲಿ ಆಹಾರ ವಿತರಣೆಯ ಅನುಭವವನ್ನು ಮರು ರೂಪಿಸಿದ್ದೇವೆ. ಸಭೆಗಳ ನಡುವೆ ತ್ವರಿತವಾಗಿ ತಿನ್ನಲು ಅಥವಾ ಡೆಡ್‌ಲೈನ್ ನಂತರ ತಂಡ ದೊಂದಿಗೆ ಆಚರಿಸಲು ಡೆಸ್ಕ್‌ಈಟ್ಸ್‌ ಸೂಕ್ತವಾಗಿದೆ. ಕಚೇರಿಯ ಸ್ಥಳದಲ್ಲಿ ತಟ್ಟೆಗಳು ಮತ್ತು ಕಟ್ಲರಿಗಳು ಲಭ್ಯವಿಲ್ಲದಿದ್ದಾಗ, ಅಥವಾ ನೀವು ಒಂದೇ ಸಮಯದಲ್ಲಿ ಹಲವು ಕೆಲಸಗಳನ್ನು ನಿರ್ವಹಿಸುತ್ತಿರುವಾಗ, ಸುಲಭವಾಗಿ ತಿನ್ನಲು ಅನುಕೂಲವಾಗುವ ಆಹಾರವನ್ನು ಹುಡುಕುವುದು ಕಷ್ಟ. ಇಂತಹ ಸಂದರ್ಭಗಳನ್ನು ನಾವು ಅರ್ಥಮಾಡಿಕೊಂಡಿದ್ದೇವೆ. ಡೆಸ್ಕ್‌ಈಟ್ಸ್‌ ಈ ಎಲ್ಲಾ ಸಮಸ್ಯೆಗಳನ್ನು ಪರಿಹರಿಸುವ ಗುರಿ ಹೊಂದಿದೆ ಮತ್ತು ನಿಮ್ಮ ಡೆಸ್ಕ್‌ನಲ್ಲಿ ಊಟ ಮಾಡುವ ಅನುಭವವನ್ನು ಮರು ವ್ಯಾಖ್ಯಾನಿಸುತ್ತದೆ" ಎಂದರು.

ಈ ಉಪಕ್ರಮವು ಕೇವಲ 3 ತಿಂಗಳೊಳಗೆ 7 ಸಾವಿರಕ್ಕೂ ಅಧಿಕ ಟೆಕ್ ಪಾರ್ಕ್‌ಗಳಲ್ಲಿ ಹಾಗೂ 30ಕ್ಕೂ ಹೆಚ್ಚು ನಗರಗಳಲ್ಲಿ ಪ್ರಾರಂಭವಾಗಿದ್ದು, 14 ಸಾವಿರ ಕಂಪನಿಗಳ 1.5 ಲಕ್ಷ ಉದ್ಯೋಗಿಗಳು ಈ ಸೌಲಭ್ಯವನ್ನು ಪಡೆದುಕೊಂಡಿದ್ದಾರೆ. ಅಷ್ಟೆ ಅಲ್ಲದೆ, ಉದ್ಯೋಗಿಗಳು ಸಾಕಷ್ಟು ರಿಯಾಯಿ ಯನ್ನು ಸಹ ಪಡೆದುಕೊಳ್ಳಬಹುದು.