ನವದೆಹಲಿ: ಮುಂಬರುವ 2025ರ ಐಸಿಸಿ ಚಾಂಪಿಯನ್ಸ್‌ ಟ್ರೋಫಿ ಹಾಗೂ ಭಾರತ ಪ್ರವಾಸದ ಟಿ20ಐ ಸರಣಿಗೆ ಇಂಗ್ಲೆಂಡ್‌ ತಂಡವನ್ನು (England Squad) ಪ್ರಕಟಿಸಲಾಗಿದೆ. 2023ರ ಐಸಿಸಿ ಏಕದಿನ ವಿಶ್ವಕಪ್‌ ಟೂರ್ನಿಯ ಬಳಿಕ ಇದೇ ಮೊದಲ ಬಾರಿ ಇಂಗ್ಲೆಂಡ್‌ ಏಕದಿನ ತಂಡಕ್ಕೆ ಮಾಜಿ ನಾಯಕ ಜೋ ರೂಟ್‌ ಮರಳಿದ್ದಾರೆ. ಮುಂದಿನ ವರ್ಷ ಫೆಬ್ರವರಿ ಹಾಗೂ ಮಾರ್ಚ್‌ ಅವಧಿಯಲ್ಲಿ ಐಸಿಸಿ ಚಾಂಪಿಯನ್ಸ್‌ ಟ್ರೋಫಿ ಟೂರ್ನಿಯು ಪಾಕಿಸ್ತಾನದ ಆತಿಥ್ಯದಲ್ಲಿ ನಡೆಯಲಿದೆ. ಈ ತಿಂಗಳ ಆರಂಭದಲ್ಲಿ ನ್ಯೂಜಿಲೆಂಡ್‌ ವಿರುದ್ಧದ ಮೂರನೇ ಟೆಸ್ಟ್‌ ಪಂದ್ಯದಲ್ಲಿ ಸ್ನಾಯು ಸೆಳೆತ ಗಾಯಕ್ಕೆ ತುತ್ತಾಗಿದ್ದ ಇಂಗ್ಲೆಂಡ್‌ ಟೆಸ್ಟ್‌ ತಂಡದ ನಾಯಕ ಬೆನ್‌ ಸ್ಟೋಕ್ಸ್‌ ಅವರು ಇನ್ನೂ ಚೇತರಿಸಿಕೊಳ್ಳುತ್ತಿದ್ದಾರೆ ಹಾಗೂ ಸಂಪೂರ್ಣ ಫಿಟ್‌ ಇಲ್ಲದ ಕಾರಣ ಅವರನ್ನು ಐಸಿಸಿ ಚಾಂಪಿಯನ್ಸ್‌ ಟ್ರೋಫಿ ತಂಡಕ್ಕೆ ಪರಿಗಣಿಸಿಲ್ಲ. ಚಾಂಪಿಯನ್ಸ್‌ ಟ್ರೋಫಿಗೂ ಮುನ್ನ ಭಾರತದ ಪ್ರವಾಸ ಕೈಗೊಳ್ಳಲಿರುವ ಇಂಗ್ಲೆಂಡ್‌ ತಂಡ, ಮೂರು ಪಂದ್ಯಗಳ ಏಕದಿನ ಸರಣಿ ಹಾಗೂ 5 ಪಂದ್ಯಗಳ ಟಿ20ಐ ಸರಣಿಯನ್ನು ಆಡಲಿದೆ. ಇಂಗ್ಲೆಂಡ್‌ ಸೀಮಿತ ಓವರ್‌ಗಳ ತಂಡಕ್ಕೆ ಹೆಡ್‌ ಕೋಚ್‌ ಆಗಿ ಬ್ರೆಂಡನ್‌ ಮೆಕಲಮ್‌ ಮುಂದುವರಿಯಲಿದ್ದಾರೆ. ಇಂಗ್ಲೆಂಡ್‌ ಏಕದಿನ ತಂಡ ಹಾಗೂ ಟಿ20ಐ ತಂಡಗಳಿಗೆ ತಲಾ 15 ಆಟಗಾರರನ್ನು ಆರಿಸಲಾಗಿದೆ. ಜೋ ರೂಟ್‌ ಅವರು ಕೇವಲ ಏಕದಿನ ತಂಡಕ್ಕೆ ಮಾತ್ರ ಆಯ್ಕೆಯಾಗಿದ್ದಾರೆ. ಯುವ ಲೆಗ್‌ ಸ್ಪಿನ್ನರ್‌ ರೆಹಾನ್‌ ಅಹ್ಮದ್‌ ಅವರು ಇಂಗ್ಲೆಂಡ್‌ ಟಿ20ಐ ತಂಡಕ್ಕೆ ಆಯ್ಕೆಯಾಗಿದ್ದಾರೆ. Breaking squad news! 🚨Our squads to tour India and for the Champions Trophy! 📝Click below for the details 👇— England Cricket (@englandcricket) December 22, 2024 ಇಂಗ್ಲೆಂಡ್‌ ತಂಡ ಜನವರಿ 17 ರಂದು ಭಾರತಕ್ಕೆ ಪ್ರಯಾಣ ಬೆಳೆಸಲಿದೆ. ಜನವರಿ 22 ರಂದು ಕೋಲ್ಕತಾದ ಈಡನ್‌ ಗಾರ್ಡನ್ಸ್‌ ಕ್ರೀಡಾಂಗಣದಲ್ಲಿ ಮೊದಲನೇ ಪಂದ್ಯದ ಮೂಲಕ ಟಿ20ಐ ಸರಣಿ ಆರಂಭವಾಗಲಿದೆ. ಇಂಗ್ಲೆಂಡ್‌ ಎರಡೂ ತಂಡಗಳನ್ನು ವಿಕೆಟ್‌ ಕೀಪರ್‌-ಬ್ಯಾಟ್ಸ್‌ಮನ್‌ ಜೋಸ್‌ ಬಟ್ಲರ್‌ ಮುನ್ನಡೆಸಲಿದ್ದಾರೆ. ಇಂಗ್ಲೆಂಡ್‌ ಏಕದಿನ ತಂಡ: ಜೋಸ್‌ ಬಟ್ಲರ್‌ (ನಾಯಕ), ಜೋಫ್ರಾ ಆರ್ಚರ್‌, ಗಸ್‌ ಅಟ್ಕಿನ್ಸನ್‌, ಜಾಕೋಬ್‌ ಬೆಥೆಲ್‌, ಹ್ಯಾರಿ ಬ್ರೂಕ್‌, ಬ್ರೈಡನ್‌ ಕಾರ್ಸ್‌, ಬೆನ್‌ ಡಕೆಟ್‌, ಜೇಮಿ ಓವರ್ಟನ್‌, ಲಿಯಾಮ್‌ ಲಿವಿಂಗ್‌ಸ್ಟೋನ್‌, ಆದಿಲ್‌ ರಶೀದ್‌, ಜೋ ರೂಟ್‌, ಸಾಕಿಬ್‌ ಮಹ್ಮೂದ್‌, ಫಿಲ್‌ ಸಾಲ್ಟ್‌, ಮಾರ್ಕ್‌ ವುಡ್‌ ಇಂಗ್ಲೆಂಡ್‌ ಟಿ20ಐ ತಂಡ: ಜೋಸ್‌ ಬಟ್ಲರ್‌ (ನಾಯಕ), ರೆಹಾನ್‌ ಅಹ್ಮದ್‌, ಜೋಫ್ರಾ ಆರ್ಚರ್‌, ಗಸ್‌ ಅಟ್ಕಿನ್ಸನ್‌, ಜಾಕೋಬ್‌ ಬೆಥೆಲ್‌, ಹ್ಯಾರಿ ಬ್ರೂಕ್‌, ಬ್ರೈಡನ್‌ ಕಾರ್ಸ್‌, ಬೆನ್‌ ಡಕೆಟ್‌, ಜೇಮಿ ಓವರ್ಟನ್‌, ಜೇಮಿ ಸ್ಮಿತ್‌, ಲಿಯಾಮ್‌ ಲಿವಿಂಗ್‌ಸ್ಟೋನ್‌, ಆದಿಲ್‌ ರಶೀದ್‌, ಸಾಕಿಬ್‌ ರಶೀದ್‌, ಫಿಲ್‌ ಸಾಲ್ಟ್‌, ಮಾರ್ಕ್‌ವುಡ್‌ ಭಾರತ ಹಾಗೂ ಇಂಗ್ಲೆಂಡ್‌ ಒಡಿಐ ಸರಣಿಯ ವೇಳಾಪಟ್ಟಿ ಮೊದಲನೇ ಏಕದಿನ ಪಂದ್ಯ, ನಾಗ್ಪುರ-ಫೆಬ್ರವರಿ 6ಎರಡನೇ ಏಕದಿನ ಪಂದ್ಯ, ಕಟಕ್-ಫೆಬ್ರವರಿ 9ಮೂರನೇ ಏಕದಿನ ಪಂದ್ಯ, ಅಹಮದಾಬಾದ್‌-ಫೆಬ್ರವರಿ 12 ಈ ಸುದ್ದಿಯನ್ನು ಓದಿ: ENG vs NZ: ಇತಿಹಾಸ ಬರೆದ ನ್ಯೂಜಿಲೆಂಡ್‌, ಅನಗತ್ಯ ದಾಖಲೆ ಹೆಗಲೇರಿಸಿಕೊಂಡ ಇಂಗ್ಲೆಂಡ್‌!