ಶನಿವಾರ ಬಂತು ಅಂದ್ರೆ ಬಿಗ್ ಬಾಸ್ (Bigg Boss Kannada 12) ವೀಕ್ಷಕರು ಕಿಚ್ಚನ ಪಂಚಾಯ್ತಿಗೆ ಕಾಯುತ್ತಿರುತ್ತಾರೆ. ಅದರಲ್ಲೂ ಈ ವಾರವಂತೂ ಇನ್ನಷ್ಟು ಕಾದಿದ್ದಾರೆ ವೀಕ್ಷಕರು. ಕಾರಣ, ಬಿಗ್ ಬಾಸ್ ಸೀಸನ್‌ 11 ಸ್ಪರ್ಧಿಗಳು ಎಂಟ್ರಿ ಕೊಟ್ಟಿದ್ದಾರೆ. ಗಿಲ್ಲಿ ಹಾಗೂ ಮಾಜಿ ಸ್ಪರ್ಧಿಗಳ ಅತಿರೇಕದ ವರ್ತನೆಗೆ ಪಂಚಾಯ್ತಿ (Kichchana Panchayti) ಆಗಲೇ ಬೇಕು ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದರು. ಅತಿರೇಕ ಯಾರದ್ದು? ಎಡವಿದ್ದು ಯಾರು? ಎಂದು ಕಿಚ್ಚನ ಪಂಚಾಯ್ತಿಯಲ್ಲಿ ಇಂದು ಗೊತ್ತಾಗಲಿದೆ.
ಅತಿಥಿಗಳು ಅತಿರೇಕ ಮಾಡಿದ್ರಾ?
ಮನೆಗೆ ಪ್ರವೇಶ ಮಾಡಿದಂತಹ ಅತಿಥಿಗಳು ಅತಿರೇಕ ಮಾಡಿದ್ರಾ? ಸಿಬ್ಬಂದಿಗಳು ಗೆದ್ರಾ? ಅಥವಾ ಹೆಡ್‌ ವೇಟರ್‌ ಆಗಿ ಎಡುವು ಬಿದ್ರಾ? ಪ್ರಶ್ನೆ ಯಾರಿಗೆ ಉತ್ತರ ಯಾರಿಗೆ? ಪಾಠ ಯಾರಿಗೆ ಅಂತ ಕಿಚ್ಚ ಹೇಳಿದ್ದಾರೆ.
ಇದನ್ನೂ ಓದಿ: Bigg Boss Kannada 12: ಗೆಸ್ಟ್‌ಗಳ ಈ ನಡೆಯ ಬಗ್ಗೆ ಗಿಲ್ಲಿ ಬೇಸರ; ಧ್ರುವಂತ್‌, ಸೂರಜ್‌ ಬಳಿ ಹೇಳಿದ್ದೇನು?
ಪ್ರೋಮೋದಲ್ಲಿ ಗಿಲ್ಲಿ ಅವರು ಅತಿಥಿಗಳನ್ನ ಕಾಮಿಡಿ ಮಾಡಿರೋದು ಜೊತೆಗೆ ರೋಸ್ಟ್‌ ಮಾಡಿರುವ ದೃಶ್ಯ ಕೂಡ ಇದೆ. ಹೀಗಾಗಿ ಗಿಲ್ಲಿಗಂತೂ ಪಾಠ ಇರೋದು ಫಿಕ್ಸ್‌ ಅಂತ ಕಮೆಂಟ್‌ ಮಾಡಿದ್ದಾರೆ ನೆಟ್ಟಿಗರು. ಯಾವ ಅತಿಥಿಗಳು ಇವರ ತರ ಅತಿರೇಕ ವರ್ತನೆ ಮಾಡುವುದಿಲ್ಲ ಅವರಿಗೂ ಕಿಚ್ಚನ ಕ್ಲಾಸ್‌ ಇರಲಿದೆ ಅಂತ ಕಮೆಂಟ್‌ ಮಾಡುತ್ತಿದ್ದಾರೆ.
ಗಿಲ್ಲಿ ನಟ ಅವರು ಈ ವಾರ ಬಿಗ್ ಬಾಸ್ ಮನೆಯಲ್ಲಿ ಸಾಕಷ್ಟು ಏರಿಳಿತ ಕಂಡರು. ಮನೆಗೆ ಬಂದ ಅತಿಥಿಗಳಿಂದ ತೊಂದರೆ ಅನುಭವಿಸಿದರು. ಈ ವೇಳೆ ಬಿಗ್ ಬಾಸ್ ಮನೆಯಲ್ಲಿ ಯಾರೊಬ್ಬರೂ ಅವರನ್ನು ಬೆಂಬಲಿಸಿಲ್ಲ. ಆದರೆ, ಸ್ಪಂದನಾ ಮಾತ್ರ ಗಿಲ್ಲಿಯ ಬೆಂಬಲಕ್ಕೆ ನಿಂತಿದ್ದರು. ಅವರ ಬಗ್ಗೆಯೂ ಒಳ್ಳೆಯ ಪ್ರತಿಕ್ರಿಯೆ ವ್ಯಕ್ತವಾಗಿದೆ.
ಕಲರ್ಸ್‌ ಕನ್ನಡ ಪ್ರೋಮೋ
ಮನೆಯಿಂದ ಹೊರಗೆ ಹೋಗೋದು ಯಾರು?
ಈ ವಾರ ಬಿಗ್ ಬಾಸ್ ಮನೆಯಲ್ಲಿ ರಘು, ದ್ರುವಂತ್, ಅಶ್ವಿನಿ ಗೌಡ, ಮಾಳು, ಜಾನ್ವಿ, ಕಾವ್ಯಾ ಹಾಗೂ ಗಿಲ್ಲಿ ನಾಮಿನೇಟ್ ಆಗಿದ್ದಾರೆ. ಎಲ್ಲರೂ ಈ ವಾರ ಉತ್ತಮವಾಗಿ ಆಟ ಆಡುತ್ತಿದ್ದಾರೆ. ಇವರ ಪೈಕಿ ಒಬ್ಬರು ಎಲಿಮಿನೇಟ್ ಆಗೋದು ಪಕ್ಕಾ. ಅತಿಥಿಗಳು ಬಂದಿರುವುದರಿಂದ ಯಾರನ್ನು ಎಲಿಮಿನೇಷನ್ ಮಾಡದೆಯೂ ಇರಬಹುದು ಎಂದು ಹೇಳಲಾಗುತ್ತಾ ಇದೆ.
ಗಿಲ್ಲಿ ನಟ, ಅಶ್ವಿನಿ ಗೌಡ, ಕಾವ್ಯ ಶೈವ, ಮಾಳು ನಿಪನಾಳ, ಜಾಹ್ನವಿ, ಧ್ರುವಂತ್‌ ಮತ್ತು ರಘು ಅವರು ಈ ವಾರ ನಾಮಿನೇಟ್ ಆಗಿದ್ದಾರೆ. ರಘು ಅವರನ್ನು ಹೊರತುಪಡಿಸಿ, ಮಿಕ್ಕೆಲ್ಲಾ ಸ್ಪರ್ಧಿಗಳು ಮನೆಯವರಿಂದ ನಾಮಿನೇಟ್ ಆಗಿದ್ದರೆ, ರಘು ಅವರನ್ನು ಮಾತ್ರ ಕ್ಯಾಪ್ಟನ್‌ ಆಗಿದ್ದ ಅಭಿಷೇಕ್ ಅವರು ಡೈರೆಕ್ಟ್‌ ನಾಮಿನೇಟ್ ಮಾಡಿದ್ದಾರೆ.
ಇದನ್ನೂ ಓದಿ: Bigg Boss Kannada 12: ವಾರದ ಪಂಚಾಯ್ತಿಯಲ್ಲಿ ಕಿಚ್ಚ ಯಾವ ವಿಷಯ ಚರ್ಚಿಸಬೇಕು?
ಈ ಏಳು ಮಂದಿಯಲ್ಲಿ ಈ ವಾರ ಯಾರು ಎಲಿಮಿನೇಟ್ ಆಗಬಹುದು ಎಂಬ ಬಗ್ಗೆ ಕುತೂಹಲ ಹೆಚ್ಚಿದೆ. ಎಲ್ಲರೂ ಕೂಡ ಕಳೆದ ಹಲವು ದಿನಗಳಿಂದ ಬಿಗ್ ಬಾಸ್ ಮನೆಯಲ್ಲಿ ತಮ್ಮ ಗುರುತನ್ನು ಮೂಡಿಸುತ್ತಿದ್ದಾರೆ. ಮಾಳು ಅವರನ್ನು ಎಲ್ಲರೂ ಸೈಲೆಂಟ್‌ ಎಂದುಕೊಂಡಿದ್ದರು. ಅವರು ಕೂಡ ಒಮ್ಮೆ ಕ್ಯಾಪ್ಟನ್‌ ಆಗಿ ತಮ್ಮ ಹವಾ ತೋರಿಸಿದ್ದಾರೆ. ಧ್ರುವಂತ್‌ ಕೂಡ ಆಟದ ರೀತಿಯನ್ನು ಬದಲಾಯಿಸಿಕೊಂಡಿದ್ದಾರೆ.