ಭಾರತದಲ್ಲಿ ಫುಟ್ಬಾಲ್ ಕ್ರೀಡೆಗೆ ಹೆಚ್ಚುತ್ತಿರುವ ಜನಪ್ರಿಯತೆಯನ್ನು ಬಿಂಬಿಸುವ ‘ದಿ ಬ್ಯೂಟಿಫುಲ್ ಗೇಮ್ಸ್ ಇಂಡಿಯನ್ ಡೆಕೇಡ್’ ಎಂಬ ವಿಶೇಷ ಅಧ್ಯಯನ ವರದಿಯನ್ನು ಜಿಯೋಸ್ಟಾರ್ ಬಿಡುಗಡೆ ಮಾಡಿದೆ. BARC ಮತ್ತು ನೀಲ್ಸನ್ ಸಂಸ್ಥೆಯ ಗ್ರಾಹಕ ಸಂಶೋಧನೆಯ ಆಧಾರದ ಮೇಲೆ ತಯಾರಿಸಲಾದ ಈ ವರದಿಯ ಪ್ರಕಾರ, 2025/26ರ ಪ್ರೀಮಿಯರ್ ಲೀಗ್ ಟೂರ್ನಿಯು ಬರೋಬ್ಬರಿ 9.04 ಬಿಲಿಯನ್ ನಿಮಿಷಗಳಷ್ಟು ವೀಕ್ಷಣೆ ಪಡೆಯುವ ಮೂಲಕ ಹೊಸ ದಾಖಲೆ ಬರೆದಿದೆ.
ಕಳೆದ ಐದು ವರ್ಷಗಳಲ್ಲಿ ಜಿಯೋಸ್ಟಾರ್ನ ಟಿವಿ ಹಾಗೂ ಡಿಜಿಟಲ್ ವೇದಿಕೆಗಳಲ್ಲಿ ಪ್ರೀಮಿಯರ್ ಲೀಗ್ ವೀಕ್ಷಕರ ಸಂಖ್ಯೆ 2.4 ಪಟ್ಟು ಹೆಚ್ಚಾಗಿದ್ದು, ಪ್ರಸ್ತುತ ಭಾರತದಲ್ಲಿ 14.45 ಕೋಟಿಗೂ ಅಧಿಕ ಅಭಿಮಾನಿಗಳಿದ್ದಾರೆ.
ವರದಿಯ ಪ್ರಮುಖ ಮುಖ್ಯಾಂಶಗಳು
ಪ್ರಾದೇಶಿಕ ಬೆಳವಣಿಗೆ: ಪ್ರೀಮಿಯರ್ ಲೀಗ್ನ ಜನಪ್ರಿಯತೆ ಕೇವಲ ಮೆಟ್ರೋ ನಗರಗಳಿಗೆ ಸೀಮಿತವಾಗಿಲ್ಲ. ರಾಜಸ್ಥಾನ, ಬಿಹಾರ, ಜಾರ್ಖಂಡ್ ಹಾಗೂ ಉತ್ತರ ಪ್ರದೇಶಗಳಲ್ಲಿ ಇದರ ವೀಕ್ಷಣಾ ಪಾಲು 12% ರಿಂದ 25% ಕ್ಕೆ ಏರಿಕೆಯಾಗಿದ್ದು, ಶೇ. 200 ಕ್ಕೂ ಹೆಚ್ಚು ಬೆಳವಣಿಗೆ ಕಂಡಿದೆ. 10 ಲಕ್ಷಕ್ಕೂ ಹೆಚ್ಚು ಜನಸಂಖ್ಯೆ ಇರುವ ನಗರಗಳು ಮೊಬೈಲ್ ಹಾಗೂ ವೆಬ್ ವೀಕ್ಷಣೆಯಲ್ಲಿ 55% ಪಾಲು ಹೊಂದಿದ್ದರೆ, ಕನೆಕ್ಟೆಡ್ ಟಿವಿಯಲ್ಲಿ 63% ಪಾಲು ಹೊಂದಿವೆ.
ವೀಕ್ಷಣಾ ಸಮಯ: 2022ರ ಕತಾರ್ ಫಿಫಾ ವಿಶ್ವಕಪ್ ಬಳಿಕ ಭಾರತದಲ್ಲಿ ಪ್ರೀಮಿಯರ್ ಲೀಗ್ ವೀಕ್ಷಣೆ ಶೇ. 58 ರಷ್ಟು ಜಿಗಿತ ಕಂಡಿದ್ದು, ನಂತರದ ವರ್ಷಗಳಲ್ಲಿಯೂ ಎರಡಂಕಿಯ ಬೆಳವಣಿಗೆಯನ್ನು ಕಾಯ್ದುಕೊಂಡಿದೆ. ಒಟ್ಟು ವೀಕ್ಷಣಾ ಸಮಯದ ಶೇ. 27 ರಷ್ಟು ಭಾಗವು ಮಧ್ಯರಾತ್ರಿ 12 ರಿಂದ ಬೆಳಗಿನ 3 ಗಂಟೆಯ ಅವಧಿಯಲ್ಲಿ ದಾಖಲಾಗುತ್ತಿದ್ದು, ತಡರಾತ್ರಿ ಪಂದ್ಯ ನೋಡುವುದು ಅಭಿಮಾನಿಗಳ ಅಭ್ಯಾಸವಾಗಿದೆ.
ಲೈವ್ ಮ್ಯಾಚ್ ನೋಡುತ್ತಲೇ ಮಾಡಿ ಫುಡ್ ಆರ್ಡರ್! ಸ್ಟ್ರೀಮಿಂಗ್ ಲೋಕದಲ್ಲಿ ಜಿಯೋಹಾಟ್ಸ್ಟಾರ್-ಸ್ವಿಗ್ಗಿ ಕ್ರಾಂತಿ
'ಪ್ರೀಮಿಯಂ' ಗ್ರಾಹಕರು: ಭಾರತದ ಪ್ರೀಮಿಯರ್ ಲೀಗ್ ಪ್ರೇಕ್ಷಕರು ಹೆಚ್ಚಿನ ಖರೀದಿ ಸಾಮರ್ಥ್ಯವನ್ನು ಹೊಂದಿದ್ದಾರೆ ಎಂದು ವರದಿ ಹೇಳುತ್ತದೆ. 70% ಅಭಿಮಾನಿಗಳು ತಿಂಗಳಿಗೆ ₹40,000 ಕ್ಕಿಂತ ಹೆಚ್ಚು ಕ್ರೆಡಿಟ್ ಕಾರ್ಡ್ ಬಿಲ್ ಪಾವತಿಸುತ್ತಾರೆ; 67% ಮಂದಿ 751 ಕ್ಕಿಂತ ಹೆಚ್ಚು CIBIL ಸ್ಕೋರ್ ಹೊಂದಿದ್ದಾರೆ ಹಾಗೂ 87% ಮಂದಿ ವಿವಿಧ OTT, ಸಂಗೀತ ಹಾಗೂ ಕ್ರೀಡಾ ವೇದಿಕೆಗಳ ಪೇಯ್ಡ್ ಸಬ್ಸ್ಕ್ರೈಬರ್ಗಳಾಗಿದ್ದಾರೆ.
ಸಂಸ್ಥೆಗಳ ಪ್ರಮುಖರ ಪ್ರತಿಕ್ರಿಯೆ
ಪೌಲ್ ಮೊಲ್ನರ್ (ಮುಖ್ಯ ಮಾಧ್ಯಮ ಅಧಿಕಾರಿ, ಪ್ರೀಮಿಯರ್ ಲೀಗ್): "ಭಾರತದಲ್ಲಿ ಪ್ರೀಮಿಯರ್ ಲೀಗ್ಗೆ ವೇಗವಾಗಿ ಬೆಳೆಯುತ್ತಿರುವ ಅಭಿಮಾನಿಗಳ ಸಮುದಾಯವಿದೆ. ಜಿಯೋಸ್ಟಾರ್ ಜೊತೆಗೂಡಿ ಭಾರತದ ಅಭಿಮಾನಿಗಳಿಗೆ ಅತ್ಯುತ್ತಮ ವೀಕ್ಷಣಾ ಅನುಭವ ನೀಡಲು ನಾವು ಬದ್ಧರಾಗಿದ್ದೇವೆ"
ಅನುಪ್ ಗೋವಿಂದನ್ (ಸೇಲ್ಸ್ ಹೆಡ್, ಸ್ಪೋರ್ಟ್ಸ್ ವಿಭಾಗ, ಜಿಯೋಸ್ಟಾರ್): "ಭಾರತದಲ್ಲಿ ಪ್ರೀಮಿಯರ್ ಲೀಗ್ ಕೇವಲ ಪಂದ್ಯ ವೀಕ್ಷಣೆಯಾಗಿ ಉಳಿದಿಲ್ಲ, ಬದಲಿಗೆ ಲಕ್ಷಾಂತರ ಅಭಿಮಾನಿಗಳ ದೈನಂದಿನ ಜೀವನದ ಭಾಗವಾಗಿದೆ. ಮುಂದಿನ ಬೆಳವಣಿಗೆಯಲ್ಲಿ ಯುವಜನರು ಮತ್ತು ಮೆಟ್ರೋಯೇತರ ನಗರಗಳ ಪ್ರೇಕ್ಷಕರು ಪ್ರಮುಖ ಪಾತ್ರ ವಹಿಸಲಿದ್ದಾರೆ"
ಹೇಮಂತ್ ಕೆವಲ್ಯ (ಮೆಷರ್ಮೆಂಟ್ ಮುಖ್ಯಸ್ಥ, ನೀಲ್ಸನ್ ಇಂಡಿಯಾ): "ನೀಲ್ಸನ್ ಜಾಗತಿಕ ವರದಿಯ ಪ್ರಕಾರ, ಭಾರತದಲ್ಲಿ ಕ್ರಿಕೆಟ್ ನಂತರ ಫುಟ್ಬಾಲ್ ಎರಡನೇ ಅತ್ಯಂತ ಜನಪ್ರಿಯ ಕ್ರೀಡೆಯಾಗಿದೆ. ಈ ಅಧ್ಯಯನವು ಪ್ರೇಕ್ಷಕರ ಬದಲಾಗುತ್ತಿರುವ ವೀಕ್ಷಣಾ ಅಭ್ಯಾಸಗಳನ್ನು ಅರ್ಥಮಾಡಿಕೊಳ್ಳಲು ಸಹಾಯ ಮಾಡುತ್ತದೆ"