ಒಟಿಟಿಯಲ್ಲಿ (OTT) ಈ ವೀಕೆಂಡ್ ಇಂಟ್ರೆಸ್ಟಿಂಗ್ ಸಿನಿಮಾ ಹಾಗೂ ವೆಬ್ ಸೀರಿಸ್ಗಳು (Web Series) ಸ್ಟ್ರೀಮಿಂಗ್ ಆರಂಭಿಸುತ್ತಿವೆ. ತಮಿಳಿನ ಸೂಪರ್ ಹಿಟ್ 'ಥಾಯ್ ಕಿಳವಿ' (Thaai Kizhavi - JioHotstar) ಸಿನಿಮಾ ಕೂಡ ಈ ಲಿಸ್ಟ್ನಲ್ಲಿದೆ. ಕನ್ನಡದ ಒಂದು ಕಾಮಿಡಿ ಎಂಟರ್ಟೈನರ್ ಸಿನಿಮಾ ಕೂಡ ಒಟಿಟಿಗೆ ಬಂದಿದೆ. ಕೌಟುಂಬಿಕ ನಾಟಕಗಳು ಮತ್ತು ಜೈಲು ಹಾಸ್ಯಗಳಿಂದ ಹಿಡಿದು ಥ್ರಿಲ್ಲರ್ಗಳ ಮನರಂಜನೆಯ (Entertainment) ಮಿಶ್ರಣ ಈ ವಾರ ವೀಕ್ಷಕರಿಗೆ ಸಿಗಲಿದೆ.
ಲವ್ ಪಾಲಿಸಿ - ಈಟಿವಿ ವಿನ್
ಲವ್ ಪಾಲಿಸಿ ಹಾಸ್ಯ ಮತ್ತು ಭಾವನೆಗಳು ಒಂದಾಗಿರುವ ರೊಮ್ಯಾಂಟಿಕ್ ಕಿರುಚಿತ್ರವಾಗಿದೆ. ರವಿ ಶಿವ ತೇಜ ಮತ್ತು ಮಂಜು ಶ್ರೀ ನಟಿಸಿರುವ ಈ ಚಿತ್ರವು ಸರಳ ಪ್ರೇಮಕಥೆಯನ್ನು ಹೊಂದಿದೆ. ಏಪ್ರಿಲ್ 5, 2026 ರಿಂದ ಈಟಿವಿ ವಿನ್ನಲ್ಲಿ ಸ್ಟ್ರೀಮಿಂಗ್ಗೆ ಲಭ್ಯವಿದೆ.
ಇದನ್ನೂ ಓದಿ: Ankita Jayaram: ದ್ವಿತೀಯ ಪಿಯುಸಿ ಪರೀಕ್ಷೆಯಲ್ಲಿ ‘ಕರ್ಣ’ ನಟಿ ಅಂಕಿತಾ ಜಯರಾಮ್ ಗಳಿಸಿದ ಅಂಕವೆಷ್ಟು?
'ಥಾಯ್ ಕಿಳವಿ' (Thaai Kizhavi - JioHotstar)
ರಾಧಿಕಾ ಶರತ್ಕುಮಾರ್ ನಟಿಸಿರುವ ಥಾಯ್ ಕಿಳವಿ - ತಮಿಳು ಹಾಸ್ಯ-ನಾಟಕವಾಗಿದ್ದು, ಇದು ಪವುನುತಾಯಿ ಎಂಬ 70 ವರ್ಷದ ಮಹಿಳೆಯ ಕಥೆ. ಏಪ್ರಿಲ್ 10, 2026 ರಿಂದ ಜಿಯೋಹಾಟ್ಸ್ಟಾರ್ನಲ್ಲಿ ಸ್ಟ್ರೀಮಿಂಗ್ ಆಗಲಿದೆ. ರಾಧಿಕಾ ಶರತ್ಕುಮಾರ್ ಚಿತ್ರದ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಅಂದಾಜು 10 ಕೋಟಿ ರೂ. ಬಜೆಟ್ ಸಿನಿಮಾ 80 ಕೋಟಿ ರೂ.ಗೂ ಅಧಿಕ ಕಲೆಕ್ಷನ್ ಮಾಡಿ ದಾಖಲೆ ದಾಖಲೆ ಬರೆದಿತ್ತು. ಈ ವರ್ಷ ಮೊದಲ ಹಿಟ್ ತಮಿಳು ಸಿನಿಮಾ ಎನಿಸಿಕೊಂಡಿದೆ. ಬಡ್ಡಿ ವ್ಯವಹಾರ ಮಾಡುತ್ತಾ ಹಳ್ಳಿಯಲ್ಲಿ ಡಾನ್ ರೀತಿ ಅಬ್ಬರಿಸುವ ಪವುನುತಾಯಿ ಪಾರ್ಶ್ವವಾಯು ಸಮಸ್ಯೆಯಿಂದ ಹಾಸಿಗೆ ಹಿಡಿದ ಬಳಿಕ ನಡೆಯುವ ಘಟನೆಗಳೇ ಚಿತ್ರದ ಕಥೆ.
ಕಾಕ್ಕಿ ಸರ್ಕಸ್ - Zee5 (Kaakkee Circus - Zee5)
ಕಾಕ್ಕಿ ಸರ್ಕಸ್ ಹಾಸ್ಯ ಮತ್ತು ತನಿಖೆಯ ಮಿಶ್ರಣದ ಸಿನಿಮಾ. ಅಮೀನ್ ಬರಿಫ್ ನಿರ್ದೇಶಿಸಿದ ಈ ಸರಣಿಯು ಪುಸ್ತಕ ಪ್ರಿಯ ಜೈಲರ್ ಮತ್ತು ಅತಿಯಾದ ಉತ್ಸಾಹಿ ಕಾನ್ಸ್ಟೆಬಲ್ ಜೈಲಿಗೆ ನುಗ್ಗುವ ಕಳ್ಳನನ್ನು ಒಳಗೊಂಡ ವಿಚಿತ್ರ ಪ್ರಕರಣವನ್ನು ಕುರಿತು ಇದೆ. ರಾಜೇಶ್ ಮಾಧವನ್ ಮತ್ತು ಮುನಿಷ್ಕಾಂತ್ ನಟಿಸಿರುವ ಈ ಸಿನಿಮಾ ಏಪ್ರಿಲ್ 10, 2026 ರಿಂದ ZEE5 ನಲ್ಲಿ ಸ್ಟ್ರೀಮಿಂಗ್ ಆಗಲಿದೆ.
ರೆಪು ಉದಯಂ 10 ಗಂಟೆಲಕು - ಅಮೆಜಾನ್ ಪ್ರೈಮ್ ವಿಡಿಯೋ (Repu Udayam 10 Gantalaku - Amazon Prime Video)
ಚೆಂದು ಮುದ್ದು ನಿರ್ದೇಶನದ ಈ ತೆಲುಗು ಚಿತ್ರ ಥ್ರಿಲ್ಲರ್ ಆಗಿದೆ. ಅಭಿನವ್ ಗೋಮತಂ ಮತ್ತು ಹೆಬಾ ಪಟೇಲ್ ನಟಿಸಿದ್ದು, ಏಪ್ರಿಲ್ 6, 2026 ರಿಂದ ಅಮೆಜಾನ್ ಪ್ರೈಮ್ ವೀಡಿಯೊದಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ.
ನಾಂಗಲ್ - ಸನ್ಎನ್ಎಕ್ಸ್ಟಿ
ನಾಂಗಲ್ 1990 ರ ದಶಕದ ಉತ್ತರಾರ್ಧದಲ್ಲಿ ಊಟಿಯಲ್ಲಿ ನಡೆಯುವ ಒಂದು ಕಥೆ. ಅವಿನಾಶ್ ಪ್ರಕಾಶ್ ನಿರ್ದೇಶಿಸಿದ ಈ ಚಿತ್ರವು ಭಾವನಾತ್ಮಕ ಮತ್ತು ಕೌಟುಂಬಿಕ ಸವಾಲುಗಳನ್ನು ಎದುರಿಸುವಾಗ ತಂದೆಯ ಅಡಿಯಲ್ಲಿ ಬೆಳೆಯುವ ಮೂವರು ಯುವಕರ ಕಥೆಯನ್ನು ಹೇಳುತ್ತದೆ. ಮಿಥುನ್ ವಿ, ರಿತ್ವಿಕ್ ಎಂ ಮತ್ತು ನಿತಿನ್ ಡಿ ಒಳಗೊಂಡ ಈ ಚಿತ್ರ ಏಪ್ರಿಲ್ 10, 2026 ರಿಂದ ಸನ್ಎನ್ಎಕ್ಸ್ಟಿಯಲ್ಲಿ ಲಭ್ಯವಿರುತ್ತದೆ.
ಅಮೃತ ಅಂಜನ್
ಯೂಟ್ಯೂಬ್ನಲ್ಲಿ 'ಅಮೃತ ಅಂಜನ್' ಶಾರ್ಟ್ ಮೂವಿ ವೀಡಿಯೋಗಳು ಸಖತ್ ಸದ್ದು ಮಾಡಿತ್ತು. ಅದೇ ಟೈಟಲ್ನಲ್ಲಿ ಸಿನಿಮಾ ಮಾಡಿ ತಂಡ ಗೆದ್ದಿತ್ತು. ಸುಧಾಕರ್ ಗೌಡ, ಪಾಯಲ್ ಚಂಗಪ್ಪ, ಗೌರವ್ ಶೆಟ್ಟಿ, ಶ್ರೀಭವ್ಯ, ಕಾರ್ತಿಕ್ ಚಿತ್ರದಲ್ಲಿ ನಟಿಸಿದ್ದಾರೆ.
ಇದನ್ನೂ ಓದಿ: Thalapathy Vijay: ‘ಜನ ನಾಯಗನ್’ ದೃಶ್ಯ ಲೀಕ್: ಅಭಿಮಾನಿಗಳು ಗರಂ
ನಟ ಯಶ್ ಕೂಡ ಚಿತ್ರತಂಡಕ್ಕೆ ಶುಭ ಕೋರಿದ್ದರು. ಜನವರಿ 30ರಂದು ತೆರೆಗೆ ಬಂದಿದ್ದ ಸಿನಿಮಾ ಈಗ ಪ್ರೈಂ ವೀಡಿಯೋದಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ.