ಧುರಂಧರ್ 2 ಚಿತ್ರವು ಕಳೆದ 18 ದಿನಗಳಲ್ಲಿ ಎಷ್ಟು ಗಳಿಕೆ ಮಾಡಿದೆ ಎಂಬುದರ ಮಾಹಿತಿಯನ್ನು ಜಿಯೋ ಸ್ಟುಡಿಯೋಸ್ ಸಂಸ್ಥೆಯು ಅಧಿಕೃತವಾಗಿ ಹಂಚಿಕೊಂಡಿದೆ. ವಿಶ್ವಾದ್ಯಂತ ಈ ಸಿನಿಮಾವು 1,622 ಕೋಟಿ ರೂಪಾಯಿ ಗಳಿಕೆ ಮಾಡಿದ್ದು, ಹೊಸ ದಾಖಲೆಯಾಗಿದೆ. ಈ ಚಿತ್ರವು ವಿದೇಶಗಳಲ್ಲಿ 394 ಕೋಟಿ ರೂ. ಗಳಿಸಿದ್ದರೆ, ಭಾರತದ ದೇಶೀಯ ಮಾರುಕಟ್ಟೆಯಲ್ಲಿ ಒಟ್ಟು 1,228 ಕೋಟಿ ರೂ. (ಗ್ರಾಸ್) ಸಂಗ್ರಹವಾಗಿದೆ. ಒಟ್ಟಾರೆ ಈ ಮೊತ್ತ ಈಗ 1622 ಕೋಟಿ ರೂ. ತಲುಪಿದೆ.
ಮೂರನೇ ವಾರವೂ ತಗ್ಗಲಿಲ್ಲ ಗಳಿಕೆ
'ಧುರಂಧರ್: ದಿ ರಿವೆಂಜ್' ಬಿಡುಗಡೆ 18ನೇ ದಿನದಂದು, ಅಂದರೆ, ಏ.5ರಂದು ಭಾರತದಾದ್ಯಂತ 14,229 ಪ್ರದರ್ಶನಗಳಿಂದ ಒಟ್ಟು 28.75 ಕೋಟಿ ರೂ. ಗಳಿಸಿದೆ. ಇನ್ನೂ ಭಾರತದಲ್ಲೇ 1000 ಕೋಟಿ ರೂ. ಗಳಿಸಿರುವುದು ಧುರಂಧರ್ 2 ಸಿನಿಮಾದ ಹೊಸ ದಾಖಲೆಯಾಗಿದೆ. ಭಾರತದಲ್ಲಿಯೇ ಇಷ್ಟೊಂದು ದೊಡ್ಡಮೊತ್ತವನ್ನು ಯಾವ ಹಿಂದಿ ಸಿನಿಮಾವೂ ಗಳಿಸಿರಲಿಲ್ಲ.
Dhurandhar 2: ‘ಬಾಹುಬಲಿ 2’ ದಾಖಲೆ ಮುರಿದ ‘ಧುರಂಧರ್ 2’ ; ಕಲೆಕ್ಷನ್ ಏನು?
2026ರಲ್ಲಿ ಭಾರತದಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಚಿತ್ರ
ಧುರಂಧರ್ ಮೊದಲ ಭಾಗವು ಭಾರತದಲ್ಲಿ ತನ್ನ ಜೀವಮಾನದ ಗಳಿಕೆಯಲ್ಲಿ ಒಟ್ಟು 800 ಕೋಟಿ ರೂ. ಸಂಗ್ರಹಿಸಿತ್ತು. ಈಗ 'ಧುರಂಧರ್ 2' ಆ ದಾಖಲೆಯನ್ನ ಮುರಿದು ಹಾಕಿದೆ. ಅಷ್ಟೇ ಅಲ್ಲದೆ, 2026ರ ಭಾರತದಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಚಿತ್ರವಾಗಿ 'ಧುರಂಧರ್ 2' ಹೊರಹೊಮ್ಮಿದೆ. 2026ರ ಅತಿ ಹೆಚ್ಚು ಗಳಿಕೆ ಮಾಡಿದ ಟಾಪ್ 10 ಚಿತ್ರಗಳ ಪಟ್ಟಿ ಇಲ್ಲಿದೆ.
ಧುರಂಧರ್ 2: ದಿ ರಿವೆಂಜ್: 1,013.77 ಕೋಟಿ ರೂ.
ಬಾರ್ಡರ್ 2: 329.43 ಕೋಟಿ ರೂ.
ಮನ ಶಂಕರವರಪ್ರಸಾದ್ ಗಾರು: 218.44 ಕೋಟಿ ರೂ.
ದಿ ರಾಜಾ ಸಾಬ್: 146.04 ಕೋಟಿ ರೂ.
ಓ ರೋಮಿಯೋ: 72.94 ಕೋಟಿ ರೂ.
ಉಸ್ತಾದ್ ಭಗತ್ ಸಿಂಗ್: 71.66 ಕೋಟಿ ರೂ.
ತಾಯಿ ಕಿಳವಿ: 62.21 ಕೋಟಿ ರೂ.
ಅನಗನಗ ಒಕ ರಾಜು: 53.94 ಕೋಟಿ ರೂ.
ಪರಾಶಕ್ತಿ: 52.50 ಕೋಟಿ ರೂ.
ದಿ ಕೇರಳ ಸ್ಟೋರಿ 2: ಗೋಸ್ ಬಿಯಾಂಡ್: 52.68 ಕೋಟಿ ರೂ.
(ಇದು ಭಾರತದಲ್ಲಿನ ಒಟ್ಟಾರೆ ಗಳಿಕೆಯಾಗಿದ್ದು, ವಿದೇಶದ ಗಳಿಕೆಯನ್ನು ಸೇರಿಸಿಲ್ಲ)
ಧುರಂಧರ್ 2 ಈಗ ಭಾರತದ ಟಾಪ್ 4ನೇ ಸಿನಿಮಾ
ಸಾರ್ವಕಾಲಿಕವಾಗಿ ಅತಿ ಹೆಚ್ಚು ಗಳಿಕೆ ಮಾಡಿದ ಭಾರತೀಯ ಚಲನಚಿತ್ರಗಳ ಪಟ್ಟಿಯಲ್ಲಿ ʻಧುರಂಧರ್ 2ʼ ಸಿನಿಮಾಕ್ಕೆ ಈಗ 4ನೇ ಸ್ಥಾನ ಸಿಕ್ಕಿದೆ. ಮೊದಲ ಸ್ಥಾನದಲ್ಲಿ ʻದಂಗಲ್ʼ ಚಿತ್ರವಿದೆ. ಇಲ್ಲಿದೆ ನೋಡಿ ಆ ಕುರಿತ ಪಟ್ಟಿ.
ದಂಗಲ್ - 2,070 ಕೋಟಿ ರೂ.
ಬಾಹುಬಲಿ 2 ದಿ ಕನ್ ಕ್ಲೂಷನ್ - 1,810.60 ಕೋಟಿ ರೂ.
ಪುಷ್ಪ 2 ದಿ ರೂಲ್ - 1,742.10 ಕೋಟಿ ರೂ.
ಧುರಂಧರ್ 2 - 1,622 ಕೋಟಿ ರೂ. (ಇನ್ನೂ ಪ್ರದರ್ಶನ ಕಾಣುತ್ತಿದೆ)
ಧುರಂಧರ್ 1 - 1,354.84 ಕೋಟಿ ರೂ.
ಆರ್.ಆರ್.ಆರ್ (RRR) - 1,230 ಕೋಟಿ ರೂ.
ಕೆ.ಜಿ.ಎಫ್ ಚಾಪ್ಟರ್ 2 - 1,215 ಕೋಟಿ ರೂ.
ಜವಾನ್ - 1,160 ಕೋಟಿ ರೂ.
ಪಠಾಣ್ - 1,055 ಕೋಟಿ ರೂ.
ಕಲ್ಕಿ 2898 ಎಡಿ - 1,042.25 ಕೋಟಿ ರೂ.