ಭಾನುವಾರ ಸಂಜೆ ಮುಂಬೈನ ಜುಹು ಪ್ರದೇಶದಲ್ಲಿಬೈಕುಗಳಲ್ಲಿ ಬಂದ ಮೂವರು ಆಗಂತುಕರು ಬಾಲಿವುಡ್ ನಟ ಟೈಗರ್ ಶ್ರಾಫ್ ಮೇಲೆ ಗುಂಡು ಹಾರಿಸಿದ್ದು, ಘಟನೆಯಲ್ಲಿ ಅವರ ಚಾಲಕ ಮತ್ತು ಆಟೋರಿಕ್ಷಾದ ಮತ್ತೊಬ್ಬ ಚಾಲಕ ಗಾಯಗೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಬೈಕುಗಳಲ್ಲಿ ಬಂದ ಮೂವರು ಆಗಂತುಕರು ಟೈಗರ್ ಶ್ರಾಫ್ (Tiger Shroff) ಇದ್ದ ಕಾರಿನ ಮೇಲೆ ಗುಂಡಿನ ದಾಳಿ (Bishnoi gang ) ನಡೆಸಿದ್ದಾರೆ. ಸುಮಾರು 11 ಸುತ್ತು ಗುಂಡು ಹಾರಿಸಲಾಗಿದ್ದು, ದಾಳಿಯ ವೇಳೆ ಟೈಗರ್ ಶ್ರಾಫ್ ಅವರಿಗೆ ಯಾವುದೇ ಗಾಯಗಳಾಗಿಲ್ಲ ಆದರೆ ಅವರ ಇಬ್ಬರು ಸಿಬ್ಬಂದಿ ಮತ್ತು ಒಬ್ಬ ಆಟೋ ಚಾಲಕ ಗಾಯಗೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಬಿಷ್ಣೋಯ್ ಗ್ಯಾಂಗ್‌ನ ಅನಿಲ್ ಪಂಡಿತ್ ಮತ್ತು ಅನಿಲ್ ಹರ್ಮನ್ ಸಂಧು ಈ ದಾಳಿಯ ಹಿಂದೆ ಇದ್ದಾರೆ ಎಂದು ಸಾಮಾಜಿಕ ಮಾಧ್ಯಮ ಪೋಸ್ಟ್‌ನಲ್ಲಿ ಹೇಳಿಕೊಂಡ ನಂತರ ಬಿಷ್ಣೋಯ್ ಗ್ಯಾಂಗ್ ದಾಳಿಯ ಹೊಣೆ ಹೊತ್ತಿದೆ ಎಂದು ಆರೋಪಿಸಲಾಗಿದೆ.
ಇದನ್ನೂ ಓದಿ: Bigg Boss Kannada 13: ಕಿರೀಟ ತೊಟ್ಟು ಕಿಚ್ಚ ಸುದೀಪ್‌ ಎದುರು ʻದೊಡ್ಡವರೆಲ್ಲ ಜಾಣರಲ್ಲʼ ಎಂದ ಕುಮಾರಿ
ದಾಳಿ ನಡೆದ ಕೆಲವೇ ಸಮಯಕ್ಕೆ ಅನಿಲ್ ಪಂಡಿತ್, ಅನ್ಮೋಲ್ ಬಿಷ್ಣೋಯಿ ಎಂಬ ಟ್ವಿಟ್ಟರ್ ಖಾತೆಯಿಂದ ಟ್ವೀಟ್ ಮಾಡಲಾಗಿದ್ದು, ಈ ದಾಳಿಯನ್ನು ಬಿಷ್ಣೋಯಿ ಗ್ಯಾಂಗಿನ ಸದಸ್ಯರು ಮಾಡಿರುವುದಾಗಿ ಹೇಳಿದ್ದಾರೆ.
`ನಾವು ಅವನಿಗೆ ಕರೆ ಮಾಡಿ ಹೇಳಿ ಅರ್ಥಮಾಡಿಸಿದ್ದೆವು, ಆದರೆ ಅವನಿಗೆ ಅರ್ಥವಾಗಲಿಲ್ಲ. ಆದ್ದರಿಂದ ಇಂದು ಅವನಿಗೆ ಚೆನ್ನಾಗಿ ಪಾಠ ಕಲಿಸಿದ್ದೇವೆ. ಮುಂಬೈ ಬಾಲಿವುಡ್ ಉದ್ಯಮದಲ್ಲಿ ಯಾರು ನಮ್ಮ ಮಾತು ಕೇಳುವುದಿಲ್ಲವೋ ಅಥವಾ ಸಲ್ಮಾನ್ ಖಾನ್ ಜೊತೆ ಕೆಲಸ ಮಾಡುತ್ತಾರೋ, ಮುಂದಿನ ಸರದಿ ಅವರದೇ. ಕಾದು ನೋಡಿ' ಎಂದು ಬರೆದುಕೊಂಡಿದೆ.ಟೈಗರ್ ಶ್ರಾಫ್ ಹಿರಿಯ ನಟ ಜಾಕಿ ಶ್ರಾಫ್ ಅವರ ಮಗ. ಅವರು 2014 ರಲ್ಲಿ 'ಹೀರೋಪಂತಿ' ಚಿತ್ರದ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು ಮತ್ತು ಸಾಹಸಗಳಿಗೆ ಹೆಸರುವಾಸಿಯಾಗಿದ್ದಾರೆ.
ಇದನ್ನೂ ಓದಿ: Bigg Boss Kannada 13: ಗೇಮ್‌ ಅರ್ಥ ಆಗಿಲ್ಲದವರು ಮನೆ ಬಿಟ್ಟು ಹೊರಡಿ ಎಂದ ಕಿಚ್ಚ! ಜಗ್ಗ ಮಮ್ಮಿ ಶಾಕ್‌
ನಟನ ಕಾರಿನತ್ತ ವ್ಯಕ್ತಿಯೊಬ್ಬ ಗುಂಡು ಹಾರಿಸುತ್ತಿರುವ ವೀಡಿಯೊವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.