ಮಾತೃಭಾಷೆಗಳನ್ನು ಭಾರತೀಯರು ಮರೆತಿದ್ದಾರೆ: ಮೋಹನ್ ಭಾಗವತ್

ನಾಗ್ಪುರ: ಭಾರತೀಯರಲ್ಲಿ ಕೆಲವರು ಈಗ ತಮ್ಮ ಸ್ವಂತ ಮಾತೃಭಾಷೆಯಲ್ಲೇ (Mother tongue) ಪ್ರಾವಿಣ್ಯತೆಯ ಕೊರತೆಯನ್ನು ಎದುರಿಸುತ್ತಿದ್ದಾರೆ. ಇಂಗ್ಲಿಷ್ (English) ಭಾಷೆಯ ಮೇಲಿನ ವ್ಯಾಮೋಹದಿಂದ ಅನೇಕರು ತಮ್ಮ ಮಾತೃಭಾಷೆಯನ್ನೇ ಮರೆತಿದ್ದಾರೆ. ವಿದೇಶಿ ಭಾಷೆಗಳು ಸಾಂಸ್ಕೃತಿಕವಾಗಿ ಶ್ರೀಮಂತವಾಗಿರುವ ಭಾರತೀಯ ಭಾಷೆಗಳ ಪರಿಕಲ್ಪನೆಗಳನ್ನು ದುರ್ಬಲಗೊಳಿಸುತ್ತವೆ ಎಂದು ರಾಷ್ಟ್ರೀಯ ಸ್ವಯಂಸೇವಕ ಸಂಘದ (Rashtriya Swayamsevak Sangh) ಮುಖ್ಯಸ್ಥ ಮೋಹನ್ ಭಾಗವತ್ (Mohan Bhagwat) ಹೇಳಿದರು. ನಾಗ್ಪುರದಲ್ಲಿ ನಡೆದ ಪುಸ್ತಕ ಬಿಡುಗಡೆ ಸಮಾರಂಭದಲ್ಲಿ ಭಾನುವಾರ ಮಾತನಾಡಿದ ಅವರು ಭಾರತೀಯ ಭಾಷಾ ಪರಂಪರೆ ನಾಶವಾಗುತ್ತಿರುವುದಕ್ಕೆ ಆತಂಕ ವ್ಯಕ್ತಪಡಿಸಿದರು.

ಸಂವಹನಕ್ಕೆ ಸಂಸ್ಕೃತ ಭಾಷೆಯನ್ನು ಬಳಸುತ್ತಿದ್ದ ದಿನಗಳಲ್ಲಿ ವ್ಯವಹಾರ ಮತ್ತು ದೈನಂದಿನ ಜೀವನದ ಪ್ರಾಬಲ್ಯ ಹೇಗಿತ್ತು ಎನ್ನುವುದನ್ನು ನೆನಪಿಸಿಕೊಂಡ ಮೋಹನ್ ಭಾಗವತ್, ಅಮೆರಿಕನ್ ಪ್ರಾಧ್ಯಾಪಕರು ಈಗ ಭಾರತೀಯರಿಗೆ ಕಲಿಸುತ್ತಿದ್ದಾರೆ. ಈ ಸಮಯದಲ್ಲಿ ಭಾರತೀಯ ಭಾಷೆಗಳು ಜಾಗತಿಕ ಪ್ರಚಾರವನ್ನು ಮುನ್ನಡೆಸಬೇಕು. ಮಕ್ಕಳು ಸ್ಥಳೀಯ ಪದಗಳನ್ನು ಅರ್ಥೈಸಲು ಹೋರಾಡುತ್ತಿದ್ದಾರೆ. ಮನೆಯಲ್ಲಿ ಮಾತೃ ಭಾಷೆ ಇಂಗ್ಲಿಷ್ ಮಿಶ್ರಿತವಾಗುತ್ತಿದೆ. ಋಷಿಗಳು ಸಹ ಇಂಗ್ಲಿಷ್‌ನಲ್ಲಿ ಸಂವಹನ ನಡೆಸುತ್ತಿದ್ದಾರೆ ಎಂದರು.

Karnataka Politics: ಕುಮಾರಸ್ವಾಮಿ ಬಹಳ ದೊಡ್ಡವರು, ಅವರಿಗೆ ಯಾರ ಬೆಂಬಲವೂ ಬೇಕಿಲ್ಲ: ಡಿಕೆಶಿ ತಿರುಗೇಟು

ಮಾತೃಭಾಷೆ ಮರೆಯಲು ಕೇವಲ ಇಂಗ್ಲಿಷ್ ಮಾಧ್ಯಮ ಶಾಲೆಗಳು ಕಾರಣವಲ್ಲ. ಆದರೆ ಇದು ಸಮಸ್ಯೆಯನ್ನು ಹೆಚ್ಚಿಸುತ್ತಿದೆ. ಕುಟುಂಬಗಳಲ್ಲಿ ದೇಶೀಯವಾಗಿ ಸರಿಯಾದ ಭಾರತೀಯ ಭಾಷಾ ಬಳಕೆಗೆ ಆದ್ಯತೆ ನೀಡುವಂತೆ ಅವರು ಒತ್ತಾಯಿಸಿದರು.

ಇಂಗಿಷ್ ಪದಗಳು ಭಾರತೀಯ ಭಾಷೆಯ ಸಾರವನ್ನು ದುರ್ಬಲಗೊಳಿಸುತ್ತದೆ ಎಂದ ಅವರು, ವಿದೇಶಿ ಭಾಷಾ ಪ್ರಾಬಲ್ಯದ ವಿರುದ್ಧ ಭಾರತೀಯ ಭಾಷೆಗಳನ್ನು ಸಂರಕ್ಷಿಸುವುದು ಅತ್ಯಗತ್ಯವಾಗಿದೆ. ಪುರಾಣಗಳು ಭಾರತದ ಕಲ್ಪವೃಕ್ಷ. ಇದನ್ನು ಅನುವಾದಿಸುವುದು ಸವಾಲು ಎಂದು ಅವರು ಹೇಳಿದರು.

ಲೋಕಸಭೆಯ ಅವಧಿಯನ್ನು ಬದಲಾಯಿಸುವ ಸಾಂವಿಧಾನಿಕ ಅಧಿಕಾರ ಸಂಸತ್ತಿಗಿದೆ; ಕಾನೂನು ಸಮಿತಿ ಅಭಿಪ್ರಾಯ

ಭಾರತೀಯ ಸಂಪ್ರದಾಯಗಳ ಏಕತೆಯ ಬಗ್ಗೆ ಮಾತನಾಡಿದ ಅವರು, ನಂಬಿಕೆ ಇರುವಲ್ಲಿ ಎಲ್ಲವೂ ಒಂದನ್ನೇ ಪ್ರತಿಧ್ವನಿಸುತ್ತದೆ. ಕುಟುಂಬ ಹಾಗೂ ಸಮುದಾಯದ ಕಲ್ಯಾಣಕ್ಕಾಗಿ ಸ್ವಹಿತಾಸಕ್ತಿಯನ್ನು ಬಿಡಬೇಕು ಎಂದು ಪ್ರತಿಪಾದಿಸಿದ ಅವರು, ಸಹೋದರತ್ವವು ನಮ್ಮನ್ನು ವ್ಯಾಖ್ಯಾನಿಸುತ್ತದೆ. ಏಕತೆಗಾಗಿ ವಿವಾದವನ್ನು ಬಿಡಬೇಕು ಎಂದು ತಿಳಿಸಿದರು.

ಅರ್ಥಪೂರ್ಣ ಜೀವನಕ್ಕಾಗಿ ಮಾಹಿತಿಗಿಂತ ಬುದ್ಧಿವಂತಿಕೆಗೆ ಆದ್ಯತೆ ನೀಡಬೇಕು ಎಂದ ಅವರು, ಮಾನವ ಉನ್ನತಿಗಾಗಿ ನೈತಿಕವಾಗಿ ಎಐ ಅನ್ನು ಕರಗತ ಮಾಡಿಕೊಳ್ಳುವಂತೆ ಸಲಹೆ ನೀಡಿದರು. ಜಾಗತೀಕರಣದ ಸಾಂಸ್ಕೃತಿಕ ಬೆದರಿಕೆಗಳ ಕುರಿತಾಗಿ ಇರುವ ಭಯಗಳನ್ನು ತಳ್ಳಿಹಾಕಿದ ಅವರು ನಿಜವಾದ ಜಾಗತೀಕರಣವೆಂದರೆ ವಸುಧೈವ ಕುಟುಂಬಕಂ. ಇದು ಭಾರತದಲ್ಲಿ ಹುಟ್ಟಿಕೊಂಡಿದೆ. ಇನ್ನೂ ಸಂಪೂರ್ಣವಾಗಿ ತೆರೆದುಕೊಳ್ಳಬೇಕಾಗಿದೆ ಎಂದು ಅವರು ತಿಳಿಸಿದರು.