ನವದೆಹಲಿ, ನ. 29: ಲೋಕಸಭೆ ಮತ್ತು ರಾಜ್ಯ ವಿಧಾನಸಭೆಗಳ 5 ವರ್ಷಗಳ ಅಧಿಕಾರಾವಧಿಯನ್ನು ಬದಾಯಿಸುವ ಸಾಂವಿಧಾನಿಕ ಅಧಿಕಾರ ಸಂಸತ್ತಿಗಿದೆ ಮತ್ತು ಇದನ್ನು ತಿದ್ದುಪಡಿ ಮಾಡುವ ಮೂಲಕ ಮಾಡಬಹುದಾಗಿದೆ ಎಂದು 23ನೇ ಕಾನೂನು ಸಮಿತಿಯು ಸಂಸತ್ತಿನ ಜಂಟಿ ಸಮಿತಿಗೆ (ಜೆಪಿಸಿ) ಮಾಹಿತಿ ನೀಡಿದೆ. ನಿಗದಿತ ಮಾಹಿತಿಯಲ್ಲಿ ಮಂಡಳಿಯು ಈ ವಿವರವಾದ ಅಭಿಪ್ರಾಯ ಹಂಚಿಕೊಂಡಿದೆ. ಸಂವಿಧಾನದ ಆರ್ಟಿಕಲ್ 83 ಮತ್ತು 172ರಲ್ಲಿ ನಮೂದಿಸಲಾಗಿರುವ ಲೋಕಸಭೆ ಮತ್ತು ವಿಧಾನಸಭೆಗಳ ಅವಧಿಯನ್ನು ರಾಷ್ಟ್ರದ ಮಹತ್ತರ ಉದ್ದೇಶಗಳಿಗೆ ಸಂಬಂಧಿಸಿದಂತೆ ಬದಲಾಯಿಸಬಹುದಾಗಿದೆ ಎಂದು ಸ್ಪಷ್ಟಪಡಿಸಿದೆ.
ನಮ್ಮ ಸಂವಿಧಾನ ವ್ಯವಸ್ಥೆಯಲ್ಲಿ ಸಂಸತ್ತು, ಸಾಮಾನ್ಯ ಕಾನೂನಿನ ಮೂಲಕ, ಲೋಕಸಭೆ ಅಥವಾ ವಿಧಾನ ಸಭೆಗಳ ನಿಗದಿತ ಅವಧಿಯನ್ನು ಕಡಿತಗೊಳಿಸಲು ಸಾಧ್ಯವಿಲ್ಲದಿದ್ದರೂ, ಸಾಮುದಾಯಿಕ ಕಲ್ಯಾಣದ ಉದ್ದೇಶಗಳಿದ್ದಲ್ಲಿ ಅವುಗಳನ್ನು ಈಡೇರಿಸಲು ನಮ್ಮ ಸಂವಿಧಾನದಲ್ಲಿ ಒಂದು ಆಯ್ಕೆಯನ್ನು ನೀಡಲಾಗಿದೆ ಎಂದು ಕಾನೂನು ಮಂಡಳಿ ಸ್ಪಷ್ಟಪಡಿಸಿದೆ.
ಸಂವಿಧಾನ ತಿದ್ದುಪಡಿಯ ಮೂಲಕ ಸಂಸತ್ತು ಇದನ್ನು ಖಂಡಿತವಾಗಿಯೂ ಮಾಡಲು ಅವಕಾಶವಿದೆ. ಇದು ಪ್ರಸ್ತಾವಿತ ಮಸೂದೆಗೆ ಸಂಬಂಧಿಸಿದ ವಿಚಾರ ಎಂಬುದು ಕಾನೂನು ಮಂಡಳಿಯ ಸ್ಪಷ್ಟ ಅಭಿಪ್ರಾಯವಾಗಿದೆ ಎಂದು ನಮೂದಿಸಲಾಗಿದೆ.
ಕಾನೂನು ರೂಪಿಸುವವರಿಗೆ ಇರುವ ಕೆಲವೊಂದು ಸಡಿಲಿಕೆಗಳಿಗೆ ಸಂಬಂಧಿಸಿದಂತೆ ಸಂವಿಧಾನದಲ್ಲಿ ಕೆಲವೊಂದು ಅವಕಾಶಗಳನ್ನು ನೀಡಲಾಗಿದೆ ಎಂದು ಇದರಿಂದ ಅರ್ಥಮಾಡಿಕೊಳ್ಳಬಹುದಾಗಿದೆ.
ಚುನಾಯಿತ ಪ್ರತಿನಿಧಿಗಳ ಅವಧಿಗೆ ಸಂಬಂದಿಸಿದಂತೆ ನಮ್ಮ ಸಂವಿಧಾನದಲ್ಲಿ ಕೆಲವೊಂದು ಸಡಿಲಿಕೆಗಳನ್ನು ನೀಡಲಾಗಿದ್ದು, ಇದರಂತೆ ಅವಧಿ ಪೂರ್ವ ವಿಸರ್ಜನೆಯೂ ಸೇರಿದೆ ಮತ್ತು ಅವಧಿ ವಿಸ್ತರಿಸುವ ಅವಕಾಶವೂ ಇದೆ. ಇದು ತುರ್ತು ಪರಿಸ್ಥಿತಿಗೆ ಸಂಬಂಧಿಸಿದ್ದಾಗಿದೆ ಎಂದು ಅದು ಅಭಿಪ್ರಾಯಪಟ್ಟಿದೆ.
ಸಾರ್ವಜನಿಕ ಹಿತಾಸಕ್ತಿಗಳಿಗನುಗುಣವಾಗಿ, ಚುನಾವಣೆಗಳಿಗೆ ಸಂಬಂಧಿಸಿದಂತೆ ಅವಧಿ ಕಡಿತಗೊಳಿಸುವ ಅಥವಾ ವಿಸ್ತರಿಸುವ ಅವಕಾಶ ರಾಷ್ಟ್ರೀಯ ಹಿತಾಸಕ್ತಿಯನ್ನು ಪರಿಗಣಿಸಿ ಮಾಡಬಹುದಾಗಿದೆ ಎಂದು ಹೇಳಲಾಗಿದೆ. ʼಒಂದು ರಾಷ್ಟ್ರ, ಒಂದು ಚುನಾವಣೆʼ ಪ್ರಸ್ತಾವನೆಗೆ ಸಂಬಂಧಿಸಿದಂತೆ ಇದು ಪ್ರಜಾಪ್ರಭುತ್ವ ವ್ಯವಸ್ಥೆಯನ್ನೇ ದುರ್ಬಲಗೊಳಿಸಲಬಹುದು ಎಂಬ ಆತಂಕಗಳಿಗೆ ಮತ್ತು ಇದಕ್ಕೆ ಸಂಬಂಧಿಸಿದ ವಿರೋಧಾಭಿಪ್ರಾಯಗಳಿಗೆ ಸಂಬಂಧಿಸಿದಂತೆ ಕಾನೂನು ಮಂಡಳಿಯಿಂದ ಈ ಮೇಲಿನ ಅಭಿಪ್ರಾಯ ವ್ಯಕ್ತವಾಗಿದೆ.
ಪ್ರಜಾಪ್ರಭುತ್ವ ವ್ಯವಸ್ಥೆಯನ್ನು ಅಧೀರಗೊಳಿಸಲಾಗುತ್ತದೆ ಎಂಬ ಅಭಿಪ್ರಾಯಗಳಿಗೆ ವ್ಯತಿರಿಕ್ತವಾಗಿ, ಪ್ರಸ್ತಾವಿತ ಈ ಮಸೂದೆಯು ಚುನಾವಣೆಯ ಸ್ಥಿರತೆ ಮತ್ತು ನಿರಂತರ ಶುಷ್ಕತೆಯನ್ನು ಇದು ಹೋಗಲಾಡಿಸಿ ಈ ವ್ಯವಸ್ಥೆಯನ್ನು ಇದು ಇನ್ನಷ್ಟು ಬಲಪಡಿಸಲಿದೆ ಎಂದು ಅದು ಸ್ಪಷ್ಟ ಮಾತುಗಳಲ್ಲಿ ಹೇಳಿದೆ.
ಈ ಸಂಕುಚಿತ ಪ್ರಸ್ತಾವನೆಯು ನಮ್ಮ ಪ್ರಜಾಪ್ರಭುತ್ವ ವ್ಯವಸ್ಥೆಯನ್ನು ಮತ್ತು ಚುನಾವಣಾ ಪದ್ಧತಿಯನ್ನು ಇನ್ನಷ್ಟು ಬಲಪಡಿಸಿ ಚುನಾವಣ ಹಕ್ಕುಗಳನ್ನು ಬಲಪಡಿಸಲಿದೆ ಎಂದು ಒತ್ತಿ ಹೇಳಿದೆ.