Stone Pelting: ವಂದೇ ಭಾರತ್‌ ರೈಲಿಗೆ ಕಲ್ಲೆಸೆದ ಬಾಲಕ, ಗಾಜು ಪುಡಿಪುಡಿ, ತ್ವರಿತ ಕ್ರಮ

ಬೇಸ್ತಾನ್, ಫೆ.28: ದೇಶದ ಆಧುನಿಕ ರೈಲು ವಂದೇ ಭಾರತ್ ಎಕ್ಸ್‌ಪ್ರೆಸ್ (Vande Bharat train) ಮೇಲೆ ಮತ್ತೊಂದು ಕಲ್ಲು ತೂರಾಟದ (Stone pelting) ಘಟನೆ ವರದಿಯಾಗಿದೆ. ಗುಜರಾತ್‌ನ (gujarat) ಭೇಸ್ತಾನ್ ರೈಲು ನಿಲ್ದಾಣದ ಬಳಿ, 12 ವರ್ಷದ ಬಾಲಕನೊಬ್ಬ ವಂದೇ ಭಾರತ್ ರೈಲಿನ ಕಿಟಕಿಗೆ ಕಲ್ಲು ಎಸೆದಿದ್ದರಿಂದ, ಗಾಜು ಸಂಪೂರ್ಣವಾಗಿ ಪುಡಿಪುಡಿಯಾಗಿದೆ. ಘಟನೆಯ ನಂತರ, ರೈಲ್ವೆ ರಕ್ಷಣಾ ಪಡೆ ತಕ್ಷಣ ಕ್ರಮ ಕೈಗೊಂಡಿತು. ಸಿಸಿಟಿವಿ ದೃಶ್ಯಾವಳಿಗಳು ಮತ್ತು ಛಾಯಾಚಿತ್ರಗಳನ್ನು SSE C&W ಕಲ್ಕಾದಿಂದ ಪಡೆದು ಕ್ರಮ ಕೈಗೊಳ್ಳಲಾಗಿದೆ.

ವರದಿಗಳ ಪ್ರಕಾರ, ಫೆಬ್ರವರಿ 26ರಂದು ಬೆಳಿಗ್ಗೆ 8:33 ರ ಸುಮಾರಿಗೆ, ರೈಲು ಸಂಖ್ಯೆ 22962 ಸೂರತ್‌ನಿಂದ ಮುಂಬೈಗೆ ಪ್ರಯಾಣಿಸುತ್ತಿತ್ತು. ಭೇಸ್ತಾನ್ ನಿಲ್ದಾಣದ ಮೂಲಕ ಹಾದುಹೋಗುವಾಗ, ಕೋಚ್ C16 ರ ಕಿಟಕಿಯ ಮೇಲೆ ಕಲ್ಲು ಎಸೆಯಲಾಗಿದೆ. ಸಿಸಿಟಿವಿ ದೃಶ್ಯಗಳಲ್ಲಿ ಕಂಡುಬರುವ ಹುಡುಗ ಭೇಸ್ತಾನ್ ನಿಲ್ದಾಣದ ಪ್ಲಾಟ್‌ಫಾರ್ಮ್ ಸಂಖ್ಯೆ 1ರ ದಕ್ಷಿಣ ತುದಿಯಲ್ಲಿ ಕಾಣಿಸಿಕೊಂಡಿದ್ದು, ಎಎಸ್‌ಐ ರವಿ ಕುಮಾರ್, ಹೆಡ್ ಕಾನ್‌ಸ್ಟೆಬಲ್ ಜೋಗಿಂದರ್ ಮತ್ತು ಕಾನ್‌ಸ್ಟೆಬಲ್ ಪ್ರದೀಪ್ ಅವನನ್ನು ಗಮನಿಸಿದ್ದಾರೆ. ವಿಚಾರಣೆ ನಡೆಸಿದಾಗ, ಹುಡುಗ ತನ್ನ ಹೆಸರು ಮತ್ತು ವಯಸ್ಸು 12 ವರ್ಷ ಮತ್ತು 1 ತಿಂಗಳು ಎಂದು ಬಹಿರಂಗಪಡಿಸಿದ್ದಾರೆ. ಅವನು ರೈಲು ನಿಲ್ದಾಣದ ಬಳಿಯ ಸಮೀಪವೇ ವಾಸಿಸುತ್ತಾನೆ ಎನ್ನಲಾಗಿದೆ.

ಆಟವಾಡುವಾಗ ಕಲ್ಲು ಎಸೆದಿದ್ದಾಗಿ ಬಾಲಕ ಒಪ್ಪಿಕೊಂಡು ಓಡಿಹೋಗಿದ್ದಾನೆ. ನಂತರ ಅವನ ತಂದೆಯನ್ನು ಕರೆಸಲಾಯಿತು. ಇಬ್ಬರು ಸಾಕ್ಷಿಗಳು ಮತ್ತು ಅವನ ತಂದೆಯ ಸಮ್ಮುಖದಲ್ಲಿ ಅವನನ್ನು ವಿಚಾರಣೆಗೆ ಒಳಪಡಿಸಲಾಯಿತು. ಘಟನಾ ಸ್ಥಳದಲ್ಲಿ ಪಂಚನಾಮೆಯನ್ನು ಸಿದ್ಧಪಡಿಸಲಾಯಿತು, ಅದರಲ್ಲಿ ಹುಡುಗ ಅಪರಾಧವನ್ನು ಒಪ್ಪಿಕೊಂಡಿದ್ದಾನೆ.

ವಂದೇ ಭಾರತ್ ರೈಲಿನಲ್ಲಿ ಕಸ ಹಾಕಿದ ಹೆಕ್ಕಿಸಿದ ತಂದೆ; ಶ್ಲಾಘನೆ ವ್ಯಕ್ತ ಪಡಿಸಿದ ನೆಟ್ಟಿಗರು!

ಅಗತ್ಯ ಔಪಚಾರಿಕತೆಗಳನ್ನು ಪೂರ್ಣಗೊಳಿಸಿದ ನಂತರ, ಅವನನ್ನು ಅವನ ತಂದೆಯೊಂದಿಗೆ ಉಧ್ನಾದ ಆರ್‌ಪಿಎಫ್ ಕಚೇರಿಗೆ ಕರೆತರಲಾಯಿತು. ಸಹಾಯಕ ಸಬ್-ಇನ್‌ಸ್ಪೆಕ್ಟರ್ ರವಿ ಕುಮಾರ್ ತಿವಾರಿ ಹೆಚ್ಚಿನ ತನಿಖೆ ನಡೆಸಿದ್ದಾರೆ. ಇಂತಹ ಘಟನೆಗಳನ್ನು ಹೈಸ್ಪೀಡ್ ರೈಲುಗಳಿಗೆ ಗಂಭೀರ ಬೆದರಿಕೆ ಎಂದು ಪರಿಗಣಿಸಲಾಗಿದೆ. ಏಕೆಂದರೆ ಸಣ್ಣಪುಟ್ಟ ದುಷ್ಕೃತ್ಯಗಳು ಸಹ ಪ್ರಯಾಣಿಕರ ಜೀವಕ್ಕೆ ಅಪಾಯವನ್ನುಂಟುಮಾಡಬಹುದು.