Dakota Johnson: ಟ್ರಾನ್ಸ್‌ಪರೆಂಟ್‌ ಬಟ್ಟೆ ಧರಿಸಿ ಪಡ್ಡೆ ಹುಡುಗರ ಟೆಂಪರೇಚರ್‌ ಹೆಚ್ಚಿಸಿದ ಸ್ಟಾರ್‌ ನಟಿ- ಫೋಟೋಗಳು ಇಲ್ಲಿವೆ
ಸುಮಾರು ಎಂಟು ವರ್ಷಗಳ ಕಾಲ ಗಾಯಕ ಕ್ರಿಸ್ ಮಾರ್ಟಿನ್ ಜೊತೆಗೆ ಡೇಟಿಂಗ್ ನಡೆಸುತ್ತಿದ್ದ ನಟಿ (actress) ಡಕೋಟಾ ಜಾನ್ಸನ್ (Dakota Johnson) ಬೇರೆಬೇರೆಯಾದ ಬಳಿಕ ರಿವೆಂಜ್ ಡ್ರೆಸ್ ನಲ್ಲಿ ಸಾರ್ವಜನಿಕವಾಗಿ ಕಾಣಿಸಿಕೊಂಡಿದ್ದಾರೆ. ತಮ್ಮ ಮುಂಬರುವ ಚಿತ್ರ ಮೆಟೀರಿಯಲಿಸ್ಟ್‌ ನ ಪ್ರಚಾರದಲ್ಲಿ ಪಾಲ್ಗೊಂಡ ಡಕೋಟಾ ಕಪ್ಪು ಬಣ್ಣದ ಬಹುತೇಕ ಪಾರದರ್ಶಕ ಉಡುಗೆಯಲ್ಲಿ ಎಲ್ಲರ ಗಮನ ಸೆಳೆದಿದ್ದಾರೆ. ಅವರು ಲೇಟ್ ನೈಟ್ ವಿತ್ ಸೇಥ್ ಮೇಯರ್ಸ್ ಸ್ಟುಡಿಯೋದಲ್ಲಿ ಇತ್ತೀಚೆಗೆ ಕಾಣಿಸಿಕೊಂಡರು.
ವಿದ್ಯಾ ಇರ್ವತ್ತೂರು
Jun 7, 2025 3:53 PM
ಇತ್ತೀಚೆಗೆ ಬ್ರೇಕಪ್ ಅನ್ನು ಉಡುಗೆತೊಡುಗೆಯಲ್ಲಿ ತೋರ್ಪಡಿಸುವುದು ಸಾಮಾನ್ಯ. ಇದೀಗ ಅಂತಹ ಒಂದು ಟ್ರೆಂಡ್ ಅನ್ನು ನಟಿ ಡಕೋಟಾ ಜಾನ್ಸನ್ ಕೂಡ ಆಯ್ಕೆ ಮಾಡಿಕೊಂಡಿದ್ದಾರೆ. ಸುಮಾರು ಎಂಟು ವರ್ಷಗಳ ಕಾಲ ಗಾಯಕ ಕ್ರಿಸ್ ಮಾರ್ಟಿನ್ ಜೊತೆಗೆ ಡೇಟಿಂಗ್ ನಡೆಸುತ್ತಿದ್ದ ನಟಿ ಡಕೋಟಾ ಜಾನ್ಸನ್ ಈಗ ಬೇರೆಯಾಗಿದ್ದು, ಇದೀಗ ಅವರು ರಿವೆಂಜ್ ಡ್ರೆಸ್ ನಲ್ಲಿ ಸಾರ್ವಜನಿಕವಾಗಿ ಎಲ್ಲರ ಗಮನ ಸೆಳೆದಿದ್ದಾರೆ.
ತಮ್ಮ ಮುಂಬರುವ ಚಿತ್ರ ಮೆಟೀರಿಯಲಿಸ್ಟ್‌ ನ ಪ್ರಚಾರದಲ್ಲಿ ಪಾಲ್ಗೊಂಡ ನಟಿ ಡಕೋಟಾ ಅವರು ಲೇಟ್ ನೈಟ್ ವಿತ್ ಸೇಥ್ ಮೇಯರ್ಸ್ ಸ್ಟುಡಿಯೋದಲ್ಲಿ ಇತ್ತೀಚೆಗೆ ಕಾಣಿಸಿಕೊಂಡಿದ್ದು ಈ ವೇಳೆ ಅವರು ಕಪ್ಪು ಬಣ್ಣದ ಬಹುತೇಕ ಪಾರದರ್ಶಕ ಉಡುಗೆಯಲ್ಲಿ ಎಲ್ಲರ ಗಮನ ಸೆಳೆದರು.
ಕಪ್ಪು ಬಣ್ಣದ ಬಹುತೇಕ ಪಾರದರ್ಶಕ ಉಡುಗೆಯಲ್ಲಿ ಕಾಣಿಸಿಕೊಂಡ ನಟಿ ಡಕೋಟಾ ಅವರನ್ನು ನೋಡಿದ ಅಭಿಮಾನಿಗಳು ಇದು 2025ರ "ರಿವೆಂಜ್ ಡ್ರೆಸ್" (ಸೇಡಿನ ಉಡುಗೆ) ಎಂದು ಕರೆದಿದ್ದಾರೆ. ಸುದೀರ್ಘಕಾಲ ಡೇಟಿಂಗ್ ನಡೆಸಿದ ಬಳಿಕ ಕ್ರಿಸ್ ಮಾರ್ಟಿನ್ ಅವರಿಂದ ಬೇರ್ಪಟ್ಟ ಬಳಿಕ ಡಕೋಟಾ ಅವರ ಈ ಉಡುಗೆ ಹೆಚ್ಚಿನ ಮಹತ್ವವನ್ನು ಪಡೆದಿದೆ.
ಸುಮಾರು ಎಂಟು ವರ್ಷಗಳ ಸಂಬಂಧದಲ್ಲಿದ್ದ 35 ವರ್ಷದ ಡಕೋಟಾ ಮತ್ತು 48 ವರ್ಷದ ಕೋಲ್ಡ್‌ಪ್ಲೇ ಫ್ರಂಟ್‌ಮ್ಯಾನ್ ಕ್ರಿಸ್ ಮಾರ್ಟಿನ್ ಇದೀಗ ಬೇರೆಯಾಗುತ್ತಿರುವುದು ದೃಢವಾದರೂ ಈ ಬಗ್ಗೆ ಇಬ್ಬರೂ ಯಾವುದೇ ಅಧಿಕೃತ ಹೇಳಿಕೆ ನೀಡಿಲ್ಲ. ಜೂನ್ 2ರಂದು ಡಕೋಟಾ ಅವರ ನಿಶ್ಚಿತಾರ್ಥದ ಉಂಗುರವಿಲ್ಲದೆ ನ್ಯೂಯಾರ್ಕ್ ನಗರದಲ್ಲಿ ಹೆಜ್ಜೆ ಹಾಕಿರುವುದನ್ನು ಅವರ ಅಭಿಮಾನಿಗಳು ಗಮನಿಸಿದ ಬಳಿಕ ಇವರಿಬ್ಬರ ಬ್ರೇಕಪ್ ಊಹಾಪೋಹಗಳು ಹಬ್ಬಿಕೊಂಡಿತ್ತು.
ಡಕೋಟಾ ಅವರ ನಿಶ್ಚಿತಾರ್ಥದ ಉಂಗುರ ಕಾಣೆಯಾಗಿದ್ದು ಅವರ ಬ್ರೇಕಪ್ ವದಂತಿಗಳನ್ನು ಹಬ್ಬಿದ್ದರೂ ಇದೀಗ ಅವರು ಕಪ್ಪು ಬಣ್ಣದ ಉಡುಗೆಯಲ್ಲಿ ಕಾಣಿಸಿಕೊಂಡಿದ್ದು ಇದಕ್ಕೆ ಪುಷ್ಟಿ ನೀಡಿದೆ. ಎಲ್ಲರೂ ಕ್ರಿಸ್ ಮಾರ್ಟಿನ್ ನಿಂದ ದೂರವಾಗುತ್ತಿರುವುದು ನಿಜ ಎನ್ನುತ್ತಿದ್ದಾರೆ.
ಡಕೋಟಾ ಜಾನ್ಸನ್ ಅವರು ಧರಿಸಿರುವ ಕಪ್ಪು ಬಣ್ಣದ ಉಡುಗೆಯನ್ನು ನೆನ್ಸಿ ಡೋಜಾಕಾ ವಿನ್ಯಾಸ ಮಾಡಿದ್ದಾರೆ. ಇದನ್ನು ಮಸುಕಾದ ಕಪ್ಪು ಟ್ಯೂಲ್‌ನಲ್ಲಿ ರಚಿಸಲಾಗಿದೆ. ಇದು ದೇಹವನ್ನು ಅಪ್ಪಿಕೊಳ್ಳುವ ಸಿಲೂಯೆಟ್ ಅನ್ನು ಹೊಂದಿದ್ದು, ಪಾರದರ್ಶಕ ಬಟ್ಟೆಯೊಂದಿಗೆ ಸೂಕ್ಷ್ಮವಾದ ಕಟ್‌ ಮತ್ತು ವಿನ್ಯಾಸದಿಂದ ಅಲಂಕರಿಸಲ್ಪಟ್ಟಿದೆ.
ಉಡುಗೆಗೆ ತಕ್ಕಂತೆ ಡಕೋಟಾ ಹೈ ಹೀಲ್ಸ್ ಮತ್ತು ದಪ್ಪ ಚಿನ್ನದ ಹೂಪ್ ಕಿವಿಯೋಲೆಗಳನ್ನು ಧರಿಸಿದ್ದರು. ಇದಕ್ಕೆ ತಕ್ಕಂತೆ ಸನ್ ಗ್ಲಾಸ್, ಲೆದರ್ ಬ್ಯಾಗ್ ಹಿಡಿದುಕೊಂಡಿದ್ದರು. ಕೂದಲನ್ನು ಬಿಟ್ಟು ಕನಿಷ್ಠ ಮೇಕಪ್ ನೊಂದಿಗೆ ತಮ್ಮ ಲುಕ್ ಅನ್ನು ಪೂರ್ಣಗೊಳಿಸಿದ್ದಾರೆ.
ಒಟ್ಟಿನಲ್ಲಿ ಸದ್ಯ ಡಕೋಟಾ ಅವರ ರಿವೆಂಜ್ ಡ್ರೆಸ್ ಈಗ ಭಾರಿ ಸುದ್ದಿಯಾಗಿದೆ. ರಿವೆಂಜ್ ಡ್ರೆಸ್ ಎನ್ನುವುದು 1994ರಲ್ಲಿ ಪ್ರಾರಂಭವಾಗಿತ್ತು. ದತ್ತಿ ಕಾರ್ಯಕ್ರಮವೊಂದರಲ್ಲಿ ರಾಜಕುಮಾರಿ ಡಯಾನಾ ಅವರು ಕ್ರಿಸ್ಟಿನಾ ಸ್ಟಾಂಬೋಲಿಯನ್ ವಿನ್ಯಾಸಗೊಳಿಸಿದ ಆಕರ್ಷಕವಾದ ಕಪ್ಪು ರೇಷ್ಮೆ ಗೌನ್ ಅನ್ನು ಧರಿಸಿದ್ದರು. ಆ ದಿನ ರಾತ್ರಿಯೇ ಪಾರ್ಕರ್ ಬೌಲ್ಸ್ ಜೊತೆ ವಿವಾಹೇತರ ಸಂಬಂಧ ಹೊಂದಿದ್ದಾಗಿ ಪ್ರಿನ್ಸ್ ಚಾರ್ಲ್ಸ್ ಕ್ಯಾಮಿಲ್ಲಾ ಒಪ್ಪಿಕೊಂಡರು.
ಈ ಉಡುಪನ್ನು ಡಯಾನಾ ಮೂರು ವರ್ಷಗಳ ಮೊದಲೇ ವಿನ್ಯಾಸಗೊಳಿಸಿದ್ದರೂ ಅದನ್ನು ಧರಿಸಲು ಹೆದರುತ್ತಿದ್ದರು. ಆದರೆ 1994ರ ರಾತ್ರಿ ಅವರು ಧೈರ್ಯದಿಂದ ಈ ಉಡುಗೆಯನ್ನು ಧರಿಸಿರುವುದಾಗಿ ಹೇಳಿಕೊಂಡಿದ್ದಾರೆ. ಇದರ ಬಳಿಕವೇ ಸೆಲೆಬ್ರಿಟಿಗಳು ಬ್ರೇಕಪ್ ವಿಷಯವನ್ನು ಹಂಚಿಕೊಳ್ಳಲು ಕಪ್ಪು ಬಣ್ಣದ ಉಡುಗೆಯನ್ನು ಆಯ್ಕೆ ಮಾಡುವುದು ಟ್ರೆಂಡಿಂಗ್ ನಲ್ಲಿದೆ.