ನವದೆಹಲಿ: ಭಾರತದ ವಿಕೆಟ್ ಕೀಪರ್-ಬ್ಯಾಟ್ಸ್ಮನ್ ರಿಷಭ್ ಪಂತ್ಗೆ (Rishabh Pant) ಅವರ ಬಾಲ್ಯದ ತರಬೇತುದಾರ ದೇವೇಂದರ್ ಶರ್ಮಾ (Devender Sharma), ಪ್ರಸ್ತುತ ಫಾರ್ಮ್ ಕುಸಿತವನ್ನು ನಿವಾರಿಸಲು ಬ್ಯಾಟಿಂಗ್ ತಂತ್ರದ ಬಗ್ಗೆ ನಿರ್ಣಾಯಕ ಸಲಹೆಯನ್ನು ನೀಡಿದ್ದಾರೆ. ಪಂತ್ ಪ್ರಸ್ತುತ ಕ್ರೀಸ್ನಲ್ಲಿರುವಾಗ ಕ್ರಾಸ್-ಬ್ಯಾಟಿಂಗ್ ಶಾಟ್ಗಳನ್ನು ಆಡುವುದನ್ನು ತಪ್ಪಿಸಬೇಕು ಮತ್ತು ಬದಲಿಗೆ ಆಫ್-ಸೈಡ್ನಲ್ಲಿ ಹೆಚ್ಚು ಗಮನಹರಿಸಬೇಕು ಎಂದು ಕೋಚ್ ಶರ್ಮಾ ಸೂಚಿಸಿದ್ದಾರೆ. ಲಖನೌ ಸೂಪರ್ ಜಯಂಟ್ಸ್ ತಂಡದ ಪರ ನಾಯಕನಾಗಿ ಹಾಗೂ ಬ್ಯಾಟ್ಸ್ಮನ್ ಆಗಿ ಪಂತ್ ಸತತ ಎರಡನೇಐಪಿಎಲ್ ಟೂರ್ನಿಯಲ್ಲಿ ವಿಫಲರಾಗಿದ್ದಾರೆ. ಹಾಗಾಗಿ ಅವರು ಎಲ್ಎಸ್ಜಿ ನಾಯಕತ್ವವನ್ನು ತೊರೆದಿದ್ದಾರೆ.
ಸೀಮಿತ ಓವರ್ಗಳ ಸ್ವರೂಪದಲ್ಲಿ ಬ್ಯಾಟಿಂಗ್ ಫಾರ್ಮ್ ಕಳೆದುಕೊಂಡಿರುವ ರಿಷಭ್ ಪಂತ್ಗೆ ಪ್ರಸ್ತುತ ಭಾರತ ಟಿ20 ಹಾಗೂ ಒಡಿಐ ತಂಡಗಳಲ್ಲಿ ಸ್ಥಾನವಿಲ್ಲ ಹಾಗೂ ಅವರು ಕೇವಲ ಟೆಸ್ಟ್ ತಂಡದಲ್ಲಿ ಮಾತ್ರ ಆಡುತ್ತಿದ್ದಾರೆ. ಅಲ್ಲದೆ ಟೆಸ್ಟ್ ತಂಡದಲ್ಲಿ ಪಂತ್ ಅವರನ್ನು ಉಪನಾಯಕನ ಸ್ಥಾನದಿಂದಲೂ ಕೈ ಬಿಡಲಾಗಿದೆ. ಪಿಟಿಐ ಸುದ್ದಿ ಸಂಸ್ಥೆಯ ಜೊತೆ ಮಾತನಾಡಿದ ದೇವೇಂದರ್ ಶರ್ಮಾ, ಪಂತ್ ಅವರ ಬ್ಯಾಟಿಂಗ್ನಲ್ಲಿನ ನ್ಯೂನತೆಗಳನ್ನು ಎತ್ತಿ ತೋರಿಸಿದರು ಮತ್ತು ಇವರು ತನ್ನ ಮೇಲೆ ಅತಿಯಾದ ಒತ್ತಡವನ್ನು ಹಾಕಿಕೊಳ್ಳುತ್ತಿದ್ದಾರೆ ಎಂದು ಎಚ್ಚರಿಕೆ ನೀಡಿದ್ದಾರೆ.
IND vs AFG: ಅಫ್ಘಾನಿಸ್ತಾನ ವಿರುದ್ಧದ ಏಕದಿನ ಸರಣಿಗೆ ರೋಹಿತ್ ಶರ್ಮಾ ಅನುಮಾನ!
"ಪಂತ್ ತುಂಬಾ ಶ್ರಮಿಸುತ್ತಿದ್ದಾರೆ ಮತ್ತು ತುಂಬಾ ಕ್ರಾಸ್-ಬ್ಯಾಟಿಂಗ್ ಶಾಟ್ಗಳನ್ನು ಆಡುತ್ತಿದ್ದಾರೆ. ಒತ್ತಡದಿಂದ ತನ್ನನ್ನು ತಾನು ಹೊರೆ ಮಾಡಿಕೊಳ್ಳುವ ಬದಲು, ಸಾಧ್ಯವಾದಷ್ಟು ನೇರ ಹೊಡೆತಗಳನ್ನು ಆಡುವತ್ತ ಗಮನಹರಿಸಬೇಕು, ಅದು ಅವರಿಗೆ ಹೆಚ್ಚಿನ ಯಶಸ್ಸನ್ನು ನೀಡುತ್ತದೆ. ಪಂತ್ ಅವರೊಂದಿಗಿನ ಕೊನೆಯ ಸಂಭಾಷಣೆಯ ಸಮಯದಲ್ಲಿ, ಫಾರ್ಮ್ ಅನ್ನು ಮರಳಿ ಪಡೆಯಲು ನೇರ ಹೊಡೆತಗಳನ್ನು ಆಡಬೇಕೆಂದು ಸಲಹೆ ನೀಡಿದ್ದೆ. ರನ್ ಗಳಿಸಲು ಹೆಣಗಾಡುತ್ತಿರುವಾಗಲೆಲ್ಲಾ, ಅವರು ತಮ್ಮ ಮೂಲಭೂತ ವಿಷಯಗಳಿಗೆ ಮರಳುವತ್ತ ಗಮನಹರಿಸಬೇಕು," ಎಂದು ಶರ್ಮಾ ತಿಳಿಸಿದ್ದಾರೆ.
ಈ ಶನಿವಾರ ಮುಲ್ಲಾನ್ಪುರದಲ್ಲಿ ಪ್ರಾರಂಭವಾಗುವ ಅಫ್ಘಾನಿಸ್ತಾನ ವಿರುದ್ಧದ ಏಕೈಕ ಟೆಸ್ಟ್ ಪಂದ್ಯದಲ್ಲಿ ಭಾರತ ತಂಡದ ಪರವಾಗಿ ರಿಷಭ್ ಪಂತ್ ಕಣಕ್ಕಿಳಿಯಲಿದ್ದಾರೆ. ಈ ಪಂದ್ಯದಲ್ಲಿ ಪಂತ್ ಬಲವಾದ ಪುನರಾಗಮನ ಮಾಡುತ್ತಾರೆ ಎಂದು ಕೋಚ್ ದೇವೇಂದರ್ ಶರ್ಮಾ ಸಂಪೂರ್ಣ ವಿಶ್ವಾಸವನ್ನು ವ್ಯಕ್ತಪಡಿಸಿದ್ದಾರೆ.
IND vs AFG ಏಕದಿನ ಸರಣಿಯಲ್ಲಿ ವಿರಾಟ್ ಕೊಹ್ಲಿ ಸ್ಥಾನವನ್ನು ತುಂಬಬಲ್ಲ ನಾಲ್ವರು ಆಟಗಾರರು!
"ಟೆಸ್ಟ್ ಮತ್ತು ಟಿ20 ಕ್ರಿಕೆಟ್ ನಡುವಿನ ಮನೋಧರ್ಮದಲ್ಲಿನ ಅಗಾಧ ವ್ಯತ್ಯಾಸವನ್ನು ಗಮನದಲ್ಲಿಟ್ಟುಕೊಂಡು ಪಂತ್ಗೆ ಸ್ವಲ್ಪ ವಿಭಿನ್ನ ವಿಧಾನದೊಂದಿಗೆ ಆಡಲು ಮತ್ತು ವಿಭಿನ್ನ ತಂತ್ರವನ್ನು ಅಳವಡಿಸಿಕೊಳ್ಳಲು ಸಲಹೆ ನೀಡಲಾಗುವುದು. ಕೊನೆಯ ಬಾರಿ ಅವರು ಭಾರತಕ್ಕಾಗಿ ಟೆಸ್ಟ್ ಪಂದ್ಯ ಆಡಿದಾಗ, ಅವರು ಮ್ಯಾಚ್ ವಿನ್ನಿಂಗ್ ಇನಿಂಗ್ಸ್ ನೀಡಿದ್ದರು. ಅಫ್ಘಾನಿಸ್ತಾನ ವಿರುದ್ಧ ಪಂತ್ ಇದೇ ರೀತಿಯ ಪ್ರದರ್ಶನವನ್ನು ಪುನರಾವರ್ತಿಸುತ್ತಾರೆ. ಆದಾಗ್ಯೂ, ಹಾಗೆ ಮಾಡಲು, ಅವರು ನಿಯಂತ್ರಿತ ಆಕ್ರಮಣಶೀಲತೆಯನ್ನು ಪ್ರದರ್ಶಿಸಬೇಕಾಗುತ್ತದೆ ಮತ್ತು ಆನ್-ಸೈಡ್ಗಿಂತ ಆಫ್-ಸೈಡ್ನಲ್ಲಿ ಹೆಚ್ಚಿನ ಹೊಡೆತಗಳನ್ನು ಆಡಬೇಕಾಗುತ್ತದೆ," ಎಂದು ಅವರು ಹೇಳಿದ್ದಾರೆ.