ನವದೆಹಲಿ: ಭಾರತದ (indian Cricket Team) ವಿಕೆಟ್ ಕೀಪರ್-ಬ್ಯಾಟರ್ ರಿಷಭ್ ಪಂತ್ (Rishabh Pant) ಅವರು ಗಾಯದಿಂದ ಚೇತರಿಕೆ ಉತ್ತಮವಾಗಿ ಸಾಗುತ್ತಿದ್ದು, ಸ್ಪರ್ಧಾತ್ಮಕ ಕ್ರಿಕೆಟ್ಗೆ ಶೀಘ್ರದಲ್ಲೇ ಮರಳುವ ಬಗ್ಗೆ ಆತ್ಮವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಮಂಗಳವಾರ ಮಾತನಾಡಿದ ಪಂತ್, ಮೈದಾನಕ್ಕೆ ವಾಪಸ್ಸಾಗುವ ದಿನ ದೂರದಲ್ಲಿಲ್ಲ ಎಂದು ತಿಳಿಸಿದ್ದಾರೆ. ಜನವರಿ 10ರಿಂದ ಪಂತ್ ಕ್ರಿಕೆಟ್ನಿಂದ ದೂರವಿದ್ದು, ವಡೋದರಾದಲ್ಲಿ ನಡೆದಿದ್ದ ಅಭ್ಯಾಸದ ವೇಳೆ ಥ್ರೋಡೌನ್ ಸ್ಪೆಷಲಿಸ್ಟ್ ಎಸೆದ ಚೆಂಡು ನಡುಕಟ್ಟಿನ ಮೇಲ್ಭಾಗಕ್ಕೆ ತಾಗಿದ ಪರಿಣಾಮ ಅವರಿಗೆ ಗಾಯವಾಗಿತ್ತು. ಅಂದಿನಿಂದ ಅವರು ಕ್ರಿಕೆಟ್ನಿಂದ ದೂರ ಉಳಿದಿದ್ದಾರೆ.
ವಿಶ್ವ ಪಿಕಲ್ಬಾಲ್ ಲೀಗ್ನ ಭಾಗವಾಗಿ ಹಾಗೂ ಮುಂಬೈ ಪಿಕಲ್ ಪವರ್ ತಂಡದ ಸಹ-ಮಾಲೀಕರಾಗಿ ಮಾತನಾಡಿದ ರಿಷಭ್ ಪಂತ್, ಪುನಶ್ಚೇತನ ಪ್ರಕ್ರಿಯೆಯ ಭಾಗವಾಗಿ ಬೆಂಗಳೂರಿನ ಬಿಸಿಸಿಐ ಸೆಂಟರ್ ಆಫ್ ಎಕ್ಸಲೆನ್ಸ್ನಲ್ಲಿ ನಿರಂತರವಾಗಿ ಅಭ್ಯಾಸ ನಡೆಸುತ್ತಿರುವುದಾಗಿ ತಿಳಿಸಿದ್ದಾರೆ. "ನನ್ನ ಫಿಟ್ನೆಸ್ ದಿನದಿಂದ ದಿನಕ್ಕೆ ಉತ್ತಮವಾಗುತ್ತಿದೆ. ಸೆಂಟರ್ ಆಫ್ ಎಕ್ಸಲೆನ್ಸ್ನಲ್ಲಿ ನಾನು ಕಠಿಣವಾಗಿ ಕೆಲಸ ಮಾಡುತ್ತಿದ್ದೇನೆ ಮತ್ತು ಶೀಘ್ರದಲ್ಲೇ ನಾನು ಮತ್ತೆ ಮೈದಾನದಲ್ಲಿ ಕಾಣಿಸಿಕೊಳ್ಳುತ್ತೇನೆ ಎಂದು ಭಾವಿಸುತ್ತೇನೆ,” ಎಂದು ರಿಷಭ್ ಪಂತ್ ಹೇಳಿದರು.
IND vs SA: ಇಶಾನ್ ಕಿಶನ್ ಫಿಫ್ಟಿ, ದಕ್ಷಿಣ ಆಫ್ರಿಕಾ ಎದುರು ಅಭ್ಯಾಸ ಪಂದ್ಯವನ್ನು ಗೆದ್ದ ಭಾರತ!
ದೀರ್ಘಕಾಲದ ಚೇತರಿಕೆ ಅವಧಿಯಲ್ಲಿ ಮಾನಸಿಕವಾಗಿ ಆಟದೊಂದಿಗೆ ಸಂಪರ್ಕದಲ್ಲಿರುವುದರ ಮಹತ್ವವನ್ನು ಪಂತ್ ಒತ್ತಿ ಹೇಳಿದರು. ಕ್ರಿಕೆಟ್ ಮೇಲಿನ ತನ್ನ ಅಪಾರ ಪ್ರೀತಿ ಮತ್ತು ಸುತ್ತಮುತ್ತಲಿಂದ ದೊರಕಿದ ಬೆಂಬಲವು ಕಠಿಣ ಹಂತಗಳನ್ನು ಎದುರಿಸಲು ತನ್ನಿಗೆ ಸಹಾಯ ಮಾಡಿದೆ ಎಂದು ಅವರು ತಿಳಿಸಿದ್ದಾರೆ.
“ನಾನು ಗಾಯಗೊಂಡಿರುವ ಸಮಯದಲ್ಲಿ ಕೂಡ ಆಟದೊಂದಿಗೆ ನನ್ನನ್ನು ಹತ್ತಿರವಾಗಿರಿಸುವ ಒಂದು ವಿಷಯ ಎಂದರೆ ಕ್ರಿಕೆಟ್ ಮೇಲಿನ ನನ್ನ ಪ್ರೀತಿ ಮತ್ತು ನನ್ನ ಸುತ್ತಲಿರುವ ಜನರಿಂದ ದೊರಕುವ ಬೆಂಬಲವೇ,” ಎಂದು ರಿಷಭ್ ಪಂತ್ ಹೇಳಿದರು.
ಎಡಗೈ ಬ್ಯಾಟರ್ ಆಗಿರುವ ಪಂತ್, ವೃತ್ತಿಪರ ಕ್ರಿಕೆಟಿಗನಾಗಿ ನಿರಂತರ ಸುಧಾರಣೆಯ ಅಗತ್ಯವಿದೆ ಎಂಬುದನ್ನೂ ವಿವರಿಸಿದರು. ಮೈದಾನದಿಂದ ದೂರವಿರುವ ಸಮಯವು ಆತ್ಮಾವಲೋಕನಕ್ಕೆ ಹಾಗೂ ಬೆಳವಣಿಗೆಗೆ ಅವಕಾಶ ನೀಡುತ್ತದೆ ಎಂದು ಅವರು ತಿಳಿಸಿದರು.
T20 World Cup: ʻಭಾರತ vs ಪಾಕಿಸ್ತಾನ ಪಂದ್ಯ ನಡೆದೇ ನಡೆಯುತ್ತೆʼ-ಆರ್ ಅಶ್ವಿನ್ಭವಿಷ್ಯ ನಿಜವಾಗುತ್ತಾ?
“ಕ್ರಿಕೆಟಿಗನಾಗಿ ನೀವು ಸದಾ ನಿಮ್ಮ ಆಟಕ್ಕೆ ಹೊಸ ಅಂಶಗಳನ್ನು ಸೇರಿಸುತ್ತಲೇ ಇರಬೇಕು. ನನ್ನ ಒಟ್ಟಾರೆ ಆಟದ ಪ್ರತಿಯೊಂದು ಅಂಶದಲ್ಲೂ ಇನ್ನಷ್ಟು ಉತ್ತಮವಾಗಲು ನಾನು ಸದಾ ಪ್ರಯತ್ನಿಸುತ್ತಿರಬೇಕು,” ಎಂದು ಅವರು ಹೇಳಿದರು.
ತಮ್ಮ ವೃತ್ತಿಜೀವನದಲ್ಲಿ ಮಾಡಿದ ಕಮ್ಬ್ಯಾಕ್ಗಳನ್ನು ನೆನಪಿಸಿಕೊಂಡ ಪಂತ್, ಆಟದಿಂದ ದೂರವಿರುವ ಸಮಯವು ಕ್ರಿಕೆಟ್ ಮಾತ್ರವಲ್ಲ, ಜೀವನದ ಮೇಲಿನ ತನ್ನ ದೃಷ್ಟಿಕೋನಕ್ಕೂ ಆಕಾರ ನೀಡಿದೆ ಎಂದು ಹೇಳಿದರು. ಆದರೆ ಉನ್ನತ ಮಟ್ಟದ ಸ್ಪರ್ಧಾತ್ಮಕ ಕ್ರಿಕೆಟ್ನಿಂದ ದೂರವಿರುವುದೇ ಅತೀ ಕಠಿಣ ಅಂಶವಾಗಿದೆ ಎಂದು ಅವರು ಒಪ್ಪಿಕೊಂಡರು.
ICC T20I Rankings: ಟಿ20ಐ ಬ್ಯಾಟ್ಸ್ಮನ್ಗಳ ಶ್ರೇಯಾಂದಲ್ಲಿ 32 ಸ್ಥಾನ ಏರಿಕೆ ಕಂಡ ಇಶಾನ್ ಕಿಶನ್!
“ಪ್ರತಿ ಪುನರಾಗಮನವೂ ನನಗೆ ಜೀವನದ ಬಗ್ಗೆ ಏನಾದರೂ ಕಲಿಸಿದೆ. ಅದು ನನಗೆ ಇನ್ನಷ್ಟು ಕೃತಜ್ಞತೆಯನ್ನು ಕಲಿಸಿದೆ, ಸುತ್ತಮುತ್ತಲಿನ ವಿಷಯಗಳನ್ನು ನೋಡುವ ದೃಷ್ಟಿಯನ್ನು ಬದಲಿಸಿದೆ ಮತ್ತು ನಿಜವಾಗಿ ನನಗೆ ಸಂತೋಷ ನೀಡುವ ವಿಷಯಕ್ಕೆ ಬದ್ಧರಾಗಬೇಕೆಂಬ ಮನಸ್ಥಿತಿಯನ್ನು ಬೆಳೆಸಿದೆ,” ಎಂದು ಪಂತ್ ಹೇಳಿದರು.
“ನಾನು ಗಾಯಗೊಂಡಿರುವಾಗ ನನಗೆ ಅತಿ ಹೆಚ್ಚು ಕೊರತೆಯಾಗುವುದು ಆಟವನ್ನು ನಿಜವಾಗಿ ಆಸ್ವಾದಿಸುವುದೇ. ಕ್ರಿಕೆಟ್ ಅನ್ನು ನೀವು ತುಂಬಾ ಪ್ರೀತಿಸುತ್ತೀರಿ, ಆದರೆ ಅದನ್ನು ಉನ್ನತ ಮಟ್ಟದಲ್ಲಿ ಆಡುತ್ತಿರುವಾಗ ಅದನ್ನು ಇನ್ನಷ್ಟು ಆನಂದಿಸುತ್ತೀರಿ. ಆ ಅನುಭವವೇ ನನಗೆ ನಿಜವಾಗಿಯೂ ಬಹಳ ಮಿಸ್ ಆಗುತ್ತದೆ,” ಎಂದು ಅವರು ಮತ್ತಷ್ಟು ತಿಳಿಸಿದ್ದಾರೆ.