ಬೆಂಗಳೂರು: ಕ್ರಿಕೆಟ್ ಅಭಿಮಾನಿಗಳು ಕಾತುರದಿಂದ ಎದುರು ನೋಡುತ್ತಿರುವ 2026ರ ಸಾಲಿನ Indian Premier League ಟಿ20 ಕ್ರಿಕೆಟ್ ಟೂರ್ನಿ(IPL 2026) ಆರಂಭಕ್ಕೆ ಇನ್ನು ಕೆಲವೇ ದಿನಗಳು ಮಾತ್ರ ಬಾಕಿಯಿದೆ. ಅಂದಹಾಗೆ ಐಪಿಎಲ್ 2026 ಟೂರ್ನಿಗೂ ಮುನ್ನ ಕೆಲ ಸ್ಟಾರ್ ಆಟಗಾರರು ಕೈಕೊಟ್ಟಿದ್ದಾರೆ. ಗಾಯದ ಸಮಸ್ಯೆ ಮತ್ತು ಇತರ ಕಾರಣಗಳಿಂದ ಸ್ಟಾರ್ ಪ್ಲೇಯರ್ಸ್ ಹೊರಗುಳಿದಿರುವುದು ತಂಡಗಳಿಗೆ ದೊಡ್ಡ ಸವಾಲಾಗಿ ಪರಿಣಮಿಸಿದೆ.
ಐಪಿಎಲ್ 2026 ಟೂರ್ನಿಗೂ ಮುನ್ನ ಹಲವು ಸ್ಟಾರ್ ಆಟಗಾರರು ಫಿಟ್ನೆಸ್ ಸಮಸ್ಯೆ ಎದುರಿಸುತ್ತಿದ್ದಾರೆ. ಕೆಲ ಆಟಗಾರರು ಹಿಂದಿನ ಸರಣಿಗಳಲ್ಲಿ ಗಾಯಗೊಂಡಿದ್ದು, ಇನ್ನೂ ಸಂಪೂರ್ಣವಾಗಿ ಚೇತರಿಸಿಕೊಳ್ಳದ ಕಾರಣ ಐಪಿಎಲ್ನ ಆರಂಭಿಕ ಪಂದ್ಯಗಳಿಗೆ ಅಲಭ್ಯರಾಗಿದ್ದಾರೆ. ವಿಶೇಷವಾಗಿ ವೇಗದ ಬೌಲರ್ಗಳು ಮತ್ತು ಆಲ್ರೌಂಡರ್ಗಳು ಗಾಯದ ಸಮಸ್ಯೆಯಿಂದ ಬಳಲುತ್ತಿರುವುದು ಫ್ರಾಂಚೈಸಿಗಳಿಗೆ ತಲೆನೋವಾಗಿದೆ.
ಕೆಲವುತಂಡಗಳು ತಮ್ಮ ಪ್ರಮುಖ ಆಟಗಾರರನ್ನು ಕಳೆದುಕೊಂಡಿದ್ದರಿಂದ, ಇದರ ಲಾಭ ಯುವ ಆಟಗಾರರಿಗೆ ಸಿಗುವ ಸಾಧ್ಯತೆ ಹೆಚ್ಚಿದೆ. ಇದರಿಂದ ಟೂರ್ನಿಯಲ್ಲಿ ಹೊಸ ಪ್ರತಿಭೆಗಳಿಗೆ ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸಲು ಉತ್ತಮ ವೇದಿಕೆ ಲಭ್ಯವಾಗಲಿದೆ. ಜೊತೆಗೆ, ಕೆಲವು ಫ್ರಾಂಚೈಸಿಗಳು ಗಾಯಗೊಂಡ ಆಟಗಾರರ ಬದಲಿಗೆ ಹೊಸ ಆಟಗಾರರನ್ನು ಸೇರಿಸಿಕೊಳ್ಳುವ ಬಗ್ಗೆ ಲೆಕ್ಕಾಚಾರ ಮಾಡಿವೆ.
ಇದಲ್ಲದೆ, ಕೆಲ ವಿದೇಶಿ ಆಟಗಾರರು ರಾಷ್ಟ್ರೀಯ ಕ್ರಿಕೆಟ್ ಕರ್ತವ್ಯ ಅಥವಾ ವೈಯಕ್ತಿಕ ಕಾರಣಗಳಿಂದ IPL 2026 ಟೂರ್ನಿಗೆ ಲಭ್ಯರಾಗಿಲ್ಲ. ಇದು ತಂಡದ ಸಮತೋಲನದ ಮೇಲೆ ನೇರ ಪರಿಣಾಮ ಬೀರುತ್ತದೆ. ಅಂತಾರಾಷ್ಟ್ರೀಯ ವೇಳಾಪಟ್ಟಿ ಮತ್ತು ಇತರ ಲೀಗ್ಗಳ ಕಾರಣದಿಂದಲೂ ಕೆಲ ಆಟಗಾರರು ಹಣದ ಹೊಳೆ ಹರಿಸುವ ಐಪಿಎಲ್ನಿಂದ ಹೊರಗುಳಿದಿದ್ದಾರೆ.
ಆದರೆ, ಈ ಎಲ್ಲಾ ಸವಾಲುಗಳ ನಡುವೆಯೂ ಐಪಿಎಲ್ ತನ್ನ ರೋಚಕತೆಯನ್ನು ಕಳೆದುಕೊಳ್ಳುವುದಿಲ್ಲ. ಪ್ರತೀ ಸೀಸನ್ನಲ್ಲಿ ಹೊಸ ಹೀರೋಗಳು ಹುಟ್ಟಿಕೊಳ್ಳುವುದು ಜಗತ್ತಿನ ಐಶಾರಾಮಿ ಟಿ20 ಲೀಗ್ ಟೂರ್ನಿಯ ವಿಶೇಷತೆ. ಗಾಯಗೊಂಡ ಆಟಗಾರರ ಅನುಪಸ್ಥಿತಿಯಲ್ಲಿ, ಯುವ ಆಟಗಾರರು ಹಾಗೂ ಬೆಂಚ್ ಸ್ಟ್ರೆಂಥ್ ಪರೀಕ್ಷೆಗೆ ಒಳಪಡಲಿದೆ.
ಒಟ್ಟಾರೆ, IPL 2026 ಟೂರ್ನಿಯಲ್ಲಿ ಕೆಲವು ಪ್ರಮುಖ ಆಟಗಾರರು ಕಾಣಿಸದಿದ್ದರೂ, ಈ ಸೀಸನ್ ಹೊಸ ಪ್ರತಿಭೆಗಳ ಉದಯಕ್ಕೆ ವೇದಿಕೆಯಾಗಲಿದೆ. ಅಭಿಮಾನಿಗಳು ಮತ್ತೊಂದು ರೋಚಕ ಟೂರ್ನಿಯನ್ನು ಎದುರು ನೋಡುತ್ತಿದ್ದಾರೆ.
ಐಪಿಎಲ್ 2026 ಟೂರ್ನಿಗೆ ಅಲಭ್ಯರಾಗಿರುವ ಆಟಗಾರರ ಪೂರ್ಣ ಪಟ್ಟಿ
* ಚೆನ್ನೈ ಸೂಪರ್ ಕಿಂಗ್ಸ್ - ನೇಥನ್ ಎಲ್ಲೀಸ್ (ಮಂಡಿ ಸ್ನಾಯು ಸೆಳೆತ, ಪೂರ್ಣ ಟೂರ್ನಿಗೆ ಅಲಭ್ಯ)
* ಡೆಲ್ಲಿ ಕ್ಯಾಪಿಟಲ್ಸ್ - ಮಿಚೆಲ್ ಸ್ಟಾರ್ಕ್ (ವರ್ಕ್ ಲೋಡ್ ಮ್ಯಾನೇಜ್ಮೆಂಟ್, ಟೂರ್ನಿ ಆಡುವುದು ಅನುಮಾನ)
* ಕೋಲ್ಕತಾ ನೈಟ್ ರೈಡರ್ಸ್ - ಹರ್ಷಿತ್ ರಾಣಾ (ಮೊಣಕಾಲು ಸೆಳೆತ, ಪೂರ್ಣ ಟೂರ್ನಿಗೆ ಅಲಭ್ಯ)
* ಕೋಲ್ಕತಾ ನೈಟ್ ರೈಡರ್ಸ್ - ಮತೀಷ ಪತಿರಣ (ಕರುಳು ಸೆಳೆತ, ಟೂರ್ನಿ ಆಡುವುದು ಅನುಮಾನ)
* ಲಖನೌ ಸೂಪರ್ ಜಯಂಟ್ಸ್ - ಜಾಶ್ ಇಂಗ್ಲಿಸ್ (ವೈಯಕ್ತಿಕ ಕಾರಣ, ಟೂರ್ನಿ ಆಡುವುದು ಅನುಮಾನ)
* ಮುಂಬೈ ಇಂಡಿಯನ್ಸ್ - ಅಥರ್ವ ಅಂಕೋಲೇಕರ್ (ಮೊಣಕಾಲು ಸೆಳೆತ, ಪೂರ್ಣ ಟೂರ್ನಿಗೆ ಅಲಭ್ಯ)
* ಪಂಜಾಬ್ ಕಿಂಗ್ಸ್ - ಲಾಕಿ ಫರ್ಗ್ಯೂಸನ್ (ವೈಯಕ್ತಿಕ ಕಾರಣ, ಕೆಲ ಪಂದ್ಯಗಳಿಗೆ ಅಲಭ್ಯ)
* ರಾಜಸ್ಥಾನ್ ರಾಯಲ್ಸ್ - ಸ್ಯಾಮ್ ಕರನ್ (ತೊಡೆಸಂದು ಸೆಳೆತ, ಪೂರ್ಣ ಟೂರ್ನಿಗೆ ಅಲಭ್ಯ)
* ರಾಯಲ್ ಚಾಲೆಂಜರ್ಸ್ ಬೆಂಗಳೂರು - ಜಾಶ್ ಹೇಝಲ್ವುಡ್ (ಮಂಡಿ ಸ್ನಾಯು ಸೆಳೆತ, ಟೂರ್ನಿ ಆಡುವುದು ಅನುಮಾನ)
* ಸನ್ರೈಸರ್ಸ್ ಹೈದರಾಬಾದ್ - ಪ್ಯಾಟ್ ಕಮ್ಮಿನ್ಸ್ (ಬೆನ್ನು ಸೆಳೆತ, ಟೂರ್ನಿ ಆಡುವುದು ಅನುಮಾನ)
* ಸನ್ರೈಸರ್ಸ್ ಹೈದರಾಬಾದ್ - ಜಾಕ್ ಎಡ್ವರ್ಡ್ಸ್ (ಕಾಲು ಸೆಳೆತ, ಪೂರ್ಣ ಟೂರ್ನಿಗೆ ಅಲಭ್ಯ)