ಧರ್ಮಶಾಲಾ: ಪಂಜಾಬ್ ಕಿಂಗ್ಸ್(PBKS) ವಿರುದ್ಧ ಮುಂಬೈ ಇಂಡಿಯನ್ಸ್ (MI) ತಂಡ ಪಡೆದ ಅದ್ಭುತ ಗೆಲುವು 2026ರ ಇಂಡಿಯನ್ ಪ್ರೀಮಿಯರ್ ಲೀಗ್ (IPL 2026) ಟೂರ್ನಿಯ ಅಂಕ ಪಟ್ಟಿಯನ್ನು ಸಂಪೂರ್ಣವಾಗಿ ಅಸ್ತವ್ಯಸ್ತಗೊಳಿಸಿದೆ. ಈಗಾಗಲೇ ಪ್ಲೇಆಫ್ಸ್ ರೇಸ್ನಿಂದ ಮುಂಬೈ ಇಂಡಿಯನ್ಸ್ ಹೊರಬಿದ್ದಿದೆ, ಹಾಗಾಗಿ ಈ ಪಂದ್ಯದ ಫಲಿತಾಂಶ ಐದು ಬಾರಿ ಚಾಂಪಿಯನ್ಸ್ಗೆ ಯಾವುದೇ ವ್ಯತ್ಯಾಸವನ್ನು ಮೂಡಿಸುವುದಿಲ್ಲ. ಆದರೆ ಈ ಪಂದ್ಯದಲ್ಲಿ ಸೋಲು ಅನುಭವಿಸಿದ ಪಂಜಾಬ್ ಕಿಂಗ್ಸ್ ತಂಡದ ಪ್ಲೇಆಫ್ಸ್ ಪರಿಸ್ಥಿತಿ ತುಂಬಾ ಕಠಿಣವಾಗಿದೆ. ಸತತ ಐದು ಪಂದ್ಯಗಳನ್ನು ಸೋತಿರುವ ಪಂಜಾಬ್, ಅಂತಿಮ ನಾಲ್ಕರ ಘಟ್ಟಕ್ಕೆ ಅರ್ಹತೆ ಪಡೆಯಬೇಕೆಂದರೆ ಇನ್ನುಳಿದ ಎರಡೂ ಪಂದ್ಯಗಳಲ್ಲಿ ಗೆಲುವು ಅಗತ್ಯವಾಗಿದೆ.
ಗುರುವಾರ ಇಲ್ಲಿನ ಹಿಮಾಚಲ ಪ್ರದೇಶ ಕ್ರಿಕೆಟ್ ಅಸೋಸಿಯೇಷನ್ ಕ್ರೀಡಾಂಗಣದಲ್ಲಿ ನಡೆದಿದ್ದ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ್ದ ಪಂಜಾಬ್ ತಂಡ, 200 ರನ್ಗಳನ್ನು ಕಲೆ ಹಾಕಿತ್ತು. ಬಳಿಕ ಗುರಿಯನ್ನು ಹಿಂಬಾಲಿಸಿದ ಮುಂಬೈ ಇಂಡಿಯನ್ಸ್ ತಿಲಕ್ ವರ್ಮಾ ಸ್ಪೋಟಕ ಅರ್ಧಶತಕದ ಬಲದಿಂದ ಕೊನೆಯ ಓವರ್ನಲ್ಲಿ ಗೆದ್ದು ಬೀಗಿತು. ಇದೀಗ್ ಪಂಜಾಬ್ ಕಿಂಗ್ಸ್ ತಂಡದ ಪ್ಲೇಆಫ್ಸ್ ಲೆಕ್ಕಾಚಾರ ಹೇಗಿದೆ ಎಂದು ಇಲ್ಲಿ ವಿವರಿಸಲಾಗಿದೆ.
MI vs PBKS: ಪಂಜಾಬ್ಗೆ ಸತತ 5ನೇ ಸೋಲು, ತಿಲಕ್ ಬ್ಯಾಟಿಂಗ್ನಿಂದ ಗೆದ್ದ ಮುಂಬೈ ಇಂಡಿಯನ್ಸ್!
ಆರ್ಸಿಬಿ, ಜಿಟಿ ಸ್ಥಾನ ಬಹುತೇಕ ಖಚಿತ
ಪಾಯಿಂಟ್ಸ್ ಟೇಬಲ್ ಅನ್ನು ನೋಡಿದರೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಗುಜರಾತ್ ಟೈಟನ್ಸ್ ತಲಾ 16 ಅಂಕಗಳ ಮೂಲಕ ಅಗ್ರ ಎರಡು ಸ್ಥಾನಗಳೊಂದಿಗೆ ಬಹುತೇಕ ಪ್ಲೇಆಫ್ಸ್ಗೆ ಅರ್ಹತೆ ಪಡೆದಿವೆ. ಈ ಎರಡೂ ತಂಡಗಳು 12 ಪಂದ್ಯಗಳಲ್ಲಿ ತಲಾ 8 ಗೆಲುವುಗಳನ್ನು ದಾಖಲಿಸಿವೆ. ಆರ್ಸಿಬಿ ಉತ್ತಮ ರನ್ ರೇಟ್ (+1.053) ಹೊಂದಿದೆ, ಇದು ಗುಜರಾತ್ಗಿಂತ ಮುನ್ನಡೆಯನ್ನು ಪಡೆದಿದೆ. ಈ ಎರಡೂ ತಂಡಗಳು ಪ್ಲೇಆಫ್ಗೆ ಅರ್ಹತೆ ಪಡೆಯುವುದು ಬಹುತೇಕ ಖಚಿತ ಎಂದು ಈಗ ಪರಿಗಣಿಸಲಾಗಿದೆ.
ಪಂಜಾಬ್ ಕಿಂಗ್ಸ್ ಎರಡು ಗೆಲುವು ಅಗತ್ಯ
ಪಂಜಾಬ್ ಕಿಂಗ್ಸ್ಗೆ ಪರಿಸ್ಥಿತಿ ಅತ್ಯಂತ ಅನಿಶ್ಚಿತವಾಗಿದೆ. ಪಂಜಾಬ್ 12 ಪಂದ್ಯಗಳನ್ನು ಆಡಿದ್ದು, 6 ಗೆಲುವುಗಳನ್ನು ಗಳಿಸಿದೆ; ಆದಾಗ್ಯೂ, ಅವರ ಕೊನೆಯ ಐದು ಪಂದ್ಯಗಳಲ್ಲಿ ಸತತ ಸೋಲುಗಳು ಅವರ ಆತ್ಮವಿಶ್ವಾಸವನ್ನು ಪುಡಿಮಾಡಿವೆ. 13 ಅಂಕಗಳೊಂದಿಗೆ ಪಂಜಾಬ್ ಕಿಂಗ್ಸ್ ಪ್ರಸ್ತುತ ನಾಲ್ಕನೇ ಸ್ಥಾನವನ್ನು ಹೊಂದಿದೆ, ಆದರೆ ಅವರಿಗೆ ಮುಂದಿನ ಪಂದ್ಯಗಳಲ್ಲಿ ಮಾಡು ಇಲ್ಲವೇ ಮಡಿ ಪರಿಸ್ಥಿತಿ ಉಂಟಾಗಿದೆ. ಅವರು ತಮ್ಮ ಮುಂದಿನ ಎರಡು ಪಂದ್ಯಗಳಲ್ಲಿ ಸೋತರೆ ಪ್ಲೇಆಫ್ಸ್ನಿಂದ ಹೊರ ಬೀಳಿುವುದು ಖಚಿತ. ಒಂದು ವೇಳೆ ಒಂದು ಪಂದ್ಯವನ್ನು ಗೆದ್ದರೆ, ಈ ತಂಡದ ನಾಕ್ಔಟ್ ಅರ್ಹತೆ ಇತರೆ ತಂಡಗಳ ಫಲಿತಾಂಶವನ್ನು ಅವಲಂಬಿಸಬೇಕಾಗುತ್ತದೆ.
ಚೆನ್ನೈ-ರಾಜಸ್ಥಾನ್ ನಡುವೆ ಕಠಿಣ ಪೈಪೋಟಿ
ಸನ್ರೈಸರ್ಸ್ ಹೈದರಾಬಾದ್ ತಂಡವು 14 ಅಂಕಗಳೊಂದಿಗೆ ಮೂರನೇ ಸ್ಥಾನದಲ್ಲಿದೆ. ಆದಾಗ್ಯೂ, ನಿಜವಾದ ಹೋರಾಟ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ರಾಜಸ್ಥಾನ್ ರಾಯಲ್ಸ್ ನಡುವೆ ಇದೆ. ಎರಡೂ ತಂಡಗಳು ಪ್ರಸ್ತುತ 11 ಪಂದ್ಯಗಳಿಂದ 12 ಅಂಕಗಳನ್ನು ಹೊಂದಿವೆ. ಈ ತಂಡಗಳು ತಲಾ ಮೂರು ಪಂದ್ಯಗಳನ್ನು ಬಾಕಿ ಉಳಿದಿವೆ, ಈ ತಂಡಗಳಿಗೆ ಒಟ್ಟು 18 ಅಂಕಗಳನ್ನು ಗಳಿಸುವ ಅವಕಾಶವನ್ನು ಹೊಂದಿವೆ. ಸಿಎಸ್ಕೆ ತಂಡದ ರನ್ ರೇಟ್ ರಾಜಸ್ಥಾನಕ್ಕಿಂತ ಉತ್ತಮವಾಗಿದೆ - ಇದು ಕೊನೆಯಲ್ಲಿ ನಿರ್ಣಾಯಕವಾಗಬಹುದು.
ಪಂಜಾಬ್ ಕಿಂಗ್ಸ್ ತಂಡವನ್ನು ಸೋಲಿಸುವ ಮೂಲಕ ಮುಂಬೈ ಇಂಡಿಯನ್ಸ್ 8 ಅಂಕಗಳನ್ನು ಗಳಿಸಿದೆ, ಆದರೆ 12 ಪಂದ್ಯಗಳ ನಂತರ ಈ ಮುನ್ನಡೆ ಸಾಕಾಗುವುದಿಲ್ಲ. ಪಾಯಿಂಟ್ಸ್ ಟೇಬಲ್ನಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ 9 ಅಂಕಗಳೊಂದಿಗೆ ಮತ್ತು ಲಖನೌ ಸೂಪರ್ ಜಯಂಟ್ಸ್ ಕೇವಲ 6 ಅಂಕಗಳೊಂದಿಗೆ ಅತ್ಯಂತ ಕೆಳಭಾಗದಲ್ಲಿವೆ.