ಟೆಸ್ಟ್ ತಂಡದ ನಾಯಕಿಯಾಗಿ ಸ್ಮೃತಿ ಮಂಧಾನಾಗೆ ಪಟ್ಟ: ದಕ್ಷಿಣ ಆಫ್ರಿಕಾ ಪ್ರವಾಸಕ್ಕೆ ಭಾರತ ತಂಡ ಪ್ರಕಟ!

ನವದೆಹಲಿ: ಮುಂಬರುವ ದಕ್ಷಿಣ ಆಫ್ರಿಕಾ ಪ್ರವಾಸಕ್ಕೆ (INDW vs SAW) ಭಾರತ ಮಹಿಳಾ ಕ್ರಿಕೆಟ್ ತಂಡಗಳನ್ನು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (BCCI) ಪ್ರಕಟಿಸಿದೆ. ಈ ಪ್ರವಾಸದಲ್ಲಿ ಭಾರತ ತಂಡ ಒಂದು ಟೆಸ್ಟ್, ಮೂರು ಏಕದಿನ ಪಂದ್ಯಗಳು ಹಾಗೂ ಮೂರು ಟಿ20ಐ ಪಂದ್ಯಗಳ ಸರಣಿಗಳನ್ನು ಆಡಲಿದೆ. ವಿಶೇಷವೆಂದರೆ, ಅನುಭವಿ ಆರಂಭಿಕ ಆಟಗಾರ್ತಿ ಸ್ಮೃತಿ ಮಂಧಾನಾ ಅವರಿಗೆ ಮೂರು ಮಾದರಿಗಳಲ್ಲೂ ನಾಯಕತ್ವದ ಜವಾಬ್ದಾರಿ ನೀಡಲಾಗಿದೆ.

ಟೆಸ್ಟ್ ಕ್ರಿಕೆಟ್‌ನಲ್ಲಿ ಇದೇ ಮೊದಲ ಬಾರಿ ಪೂರ್ಣಾವಧಿ ನಾಯಕಿಯಾಗಿ ಸ್ಮೃತಿ ಮಂಧಾನಾ ತಂಡವನ್ನು ಮುನ್ನಡೆಸಲಿದ್ದಾರೆ. ಆ ಮೂಲಕ ಭಾರತ ಮಹಿಳಾ ಕ್ರಿಕೆಟ್‌ನಲ್ಲಿ ಹೊಸ ಅಧ್ಯಾಯ ಆರಂಭವಾಗಲಿದೆ. ಇತ್ತೀಚೆಗೆ ಭಾರತ ತಂಡದ ನಾಯಕತ್ವ ವಹಿಸಿಕೊಂಡಿರುವ ಮಂಧಾನಾ, ಇದೀಗ ಟೆಸ್ಟ್ ಮಾದರಿಯಲ್ಲೂ ತಮ್ಮ ನಾಯಕತ್ವದ ಸಾಮರ್ಥ್ಯ ಸಾಬೀತುಪಡಿಸುವ ಸವಾಲು ಎದುರಿಸಲಿದ್ದಾರೆ.

ಮೂರು ಮಾದರಿಗಳಿಗೂ ವಿಭಿನ್ನ ತಂಡಗಳ ಆಯ್ಕೆ

ಟೆಸ್ಟ್ ತಂಡದಲ್ಲಿ ಶಫಾಲಿ ವರ್ಮಾ, ಪ್ರತೀಕಾ ರಾವಲ್, ಹರ್ಮನ್‌ಪ್ರೀತ್ ಕೌರ್, ಜೆಮಿಮಾ ರೋಡ್ರಿಗಸ್, ಹರ್ಲೀನ್ ಡಿಯೋಲ್, ರಿಚಾ ಘೋಷ್, ಯಾಸ್ತಿಕಾ ಭಾಟಿಯಾ ಸೇರಿದಂತೆ ಪ್ರಮುಖ ಆಟಗಾರ್ತಿಯರಿಗೆ ಸ್ಥಾನ ನೀಡಲಾಗಿದೆ. ದೀಪ್ತಿ ಶರ್ಮಾ ಉಪನಾಯಕಿಯಾಗಿ ಆಯ್ಕೆಯಾಗಿದ್ದಾರೆ.

ಏಕದಿನ ತಂಡದಲ್ಲೂ ಸ್ಮೃತಿ ಮಂಧಾನಾ ನಾಯಕತ್ವ ಮುಂದುವರಿಸಲಿದ್ದಾರೆ. ವೈಷ್ಣವಿ ಶರ್ಮಾ ಅವರಿಗೆ ಏಕದಿನ ತಂಡದಲ್ಲಿ ಅವಕಾಶ ನೀಡಲಾಗಿದೆ. ಆದರೆ ಟಿ20 ತಂಡದಲ್ಲಿ ಯುವ ಆಟಗಾರ್ತಿ ಶಫಾಲಿ ವರ್ಮಾ ಉಪನಾಯಕಿಯಾಗಿ ನೇಮಕಗೊಂಡಿದ್ದಾರೆ. ನಿಕಿ ಪ್ರಸಾದ್, ಜಿ. ಕಮಲಿನಿ, ಅನುಷ್ಕಾ ಶರ್ಮಾ, ಪ್ರೇಮಾ ರಾವತ್ ಹಾಗೂ ಅಮನ್ಜೋತ್ ಕೌರ್ ಟಿ20 ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.

ಭಾರತ ಮಹಿಳಾ ತಂಡಗಳ ವಿವರ

ಟೆಸ್ಟ್ ತಂಡ: ಸ್ಮೃತಿ ಮಂಧಾನಾ (ನಾಯಕಿ), ಶಫಾಲಿ ವರ್ಮಾ, ಪ್ರತೀಕಾ ರಾವಲ್, ಹರ್ಮನ್‌ಪ್ರೀತ್ ಕೌರ್, ಜೆಮಿಮಾ ರೋಡ್ರಿಗಸ್, ಹರ್ಲೀನ್ ಡಿಯೋಲ್, ರಿಚಾ ಘೋಷ್ (ವಿಕೆಟ್ ಕೀಪರ್), ಯಾಸ್ತಿಕಾ ಭಾಟಿಯಾ (ವಿಕೆಟ್ ಕೀಪರ್), ದೀಪ್ತಿ ಶರ್ಮಾ (ಉಪನಾಯಕಿ), ಶ್ರೀ ಚರಣಿ, ಸ್ನೇಹ್ ರಾಣಾ, ಕ್ರಾಂತಿ ಗೌಡ್, ನಂದಿನಿ ಶರ್ಮಾ, ಜಿಂತಿಮಣಿ ಕಲಿತಾ, ಸಾಯಲಿ ಸತ್ಘರೆ.

ಏಕದಿನ ತಂಡ: ಸ್ಮೃತಿ ಮಂಧಾನಾ (ನಾಯಕಿ), ಶಫಾಲಿ ವರ್ಮಾ, ಪ್ರತಿಕಾ ರಾವಲ್, ಹರ್ಮನ್‌ಪ್ರೀತ್ ಕೌರ್, ಜೆಮಿಮಾ ರೋಡ್ರಿಗಸ್, ಹರ್ಲೀನ್ ಡಿಯೋಲ್, ರಿಚಾ ಘೋಷ್, ಯಾಸ್ತಿಕಾ ಭಾಟಿಯಾ, ದೀಪ್ತಿ ಶರ್ಮಾ (ಉಪನಾಯಕಿ), ಶ್ರೀ ಚರಣಿ, ವೈಷ್ಣವಿ ಶರ್ಮಾ, ಕ್ರಾಂತಿ ಗೌಡ್, ನಂದಿನಿ ಶರ್ಮಾ, ಜಿಂತಿಮಣಿ ಕಲಿತಾ, ಸಾಯಲಿ ಸತ್ಘರೆ.

ಟಿ20 ತಂಡ: ಸ್ಮೃತಿ ಮಂಧಾನಾ (ನಾಯಕಿ), ಶಫಾಲಿ ವರ್ಮಾ (ಉಪನಾಯಕಿ), ಜೆಮಿಮಾ ರೋಡ್ರಿಗಸ್, ಹರ್ಮನ್‌ಪ್ರೀತ್ ಕೌರ್, ನಿಕಿ ಪ್ರಸಾದ್, ರಿಚಾ ಘೋಷ್, ಜಿ. ಕಮಲಿನಿ, ಅನುಷ್ಕಾ ಶರ್ಮಾ, ದೀಪ್ತಿ ಶರ್ಮಾ, ಶ್ರೀ ಚರಣಿ, ಪ್ರೇಮಾ ರಾವತ್, ಅಮನ್ಜೋತ್ ಕೌರ್, ಕ್ರಾಂತಿ ಗೌಡ್, ನಂದಿನಿ ಶರ್ಮಾ, ರೇಣುಕಾ ಸಿಂಗ್ ಠಾಕೂರ್, ಅರುಂಧತಿ ರೆಡ್ಡಿ, ಸಾಯಲಿ ಸತ್ಘರೆ.

ದಕ್ಷಿಣ ಆಫ್ರಿಕಾ ಪ್ರವಾಸದ ವೇಳಾಪಟ್ಟಿ

ಡಿಸೆಂಬರ್ 9-12: ಏಕೈಕ ಟೆಸ್ಟ್, (ಸ್ಥಳ: ಗ್ಕೆಬರ್ಹಾ)

ಡಿಸೆಂಬರ್ 16: ಮೊದಲ ಏಕದಿನ,ಪಾರ್ಲ್

ಡಿಸೆಂಬರ್ 19: ಎರಡನೇ ಏಕದಿನ,ಕೇಪ್‌ಟೌನ್

ಡಿಸೆಂಬರ್ 22: ಮೂರನೇ ಏಕದಿನ, ಬ್ಲೂಮ್‌ಫಾಂಟೈನ್

ಡಿಸೆಂಬರ್ 26: ಮೊದಲ ಟಿ20, ಬೆನೋನಿ

ಡಿಸೆಂಬರ್ 29 : ಎರಡನೇ ಟಿ20, ಪಾಚೆಫ್‌ಸ್ಟ್ರೂಮ್

ಡಿಸೆಂಬರ್ 30: ಮೂರನೇ ಟಿ20, ಪಾಚೆಫ್‌ಸ್ಟ್ರೂಮ್