ಪರ್ತ್: ನವೆಂಬರ್ 21 ರಂದು ಪರ್ತ್‌ನ ಆಪ್ಟಸ್ ಕ್ರೀಡಾಂಗಣದಲ್ಲಿ ಪ್ರಾರಂಭವಾಗಲಿರುವ 2025-26 ರ ಆ್ಯಶಸ್‌ ಟೆಸ್ಟ್(Ashes series) ಸರಣಿಯಲ್ಲಿ ನಾಯಕ ಪ್ಯಾಟ್ ಕಮ್ಮಿನ್ಸ್(Pat Cummins) ಭಾಗವಹಿಸುವಿಕೆಯ ಅನಿಶ್ಚಿತತೆಯ ನಡುವೆ, ಆಸ್ಟ್ರೇಲಿಯಾದ ಮುಖ್ಯ ಕೋಚ್ ಆಂಡ್ರ್ಯೂ ಮೆಕ್‌ಡೊನಾಲ್ಡ್(Andrew McDonald) ಟೆಸ್ಟ್ ನಾಯಕನ ಬಗ್ಗೆ ದೊಡ್ಡ ನವೀಕರಣವನ್ನು ಒದಗಿಸಿದ್ದಾರೆ. ಮುಂದಿನ 10 ದಿನಗಳಲ್ಲಿ ಕಮಿನ್ಸ್ ತರಬೇತಿಯ ಸಮಯದಲ್ಲಿ ಬೌಲಿಂಗ್ ಕ್ರೀಸ್‌ಗೆ ಮರಳಿದರೆ ಪರ್ತ್ ಟೆಸ್ಟ್‌ನಲ್ಲಿ ಆಡಬಹುದು ಎಂಬ ಭರವಸೆಯನ್ನು ಮೆಕ್‌ಡೊನಾಲ್ಡ್ ವ್ಯಕ್ತಪಡಿಸಿದ್ದಾರೆ.
ಬೆನ್ನು ಮೂಳೆಯ ನೋವಿನಿಂದ ಬಳಲುತ್ತಿರುವ ಕಮ್ಮಿನ್ಸ್ ಇತ್ತೀಚಿನ ದಿನಗಳಲ್ಲಿ ಆಟದಿಂದ ಹೊರಗುಳಿದಿದ್ದಾರೆ. ಇದೇ ಕಾರಣಕ್ಕೆ ಅವರು ಭಾರತ ವಿರುದ್ಧದ ತವರಿನ ವೈಟ್‌-ಬಾಲ್‌ ಸರಣಿಗೂ ಅಲಭ್ಯರಾಗಿದ್ದಾರೆ.
ಇದನ್ನೂ ಓದಿ Pat Cummins: ಕೊಹ್ಲಿ, ರೋಹಿತ್‌ ಕಮ್‌ಬ್ಯಾಕ್‌ ಸರಣಿಗೆ ಆಸೀಸ್‌ ನಾಯಕ ಕಮಿನ್ಸ್ ಅಲಭ್ಯ
"ಕಳೆದ ಕೆಲವು ದಿನಗಳಿಂದ ಕಮಿನ್ಸ್ ಜತೆ ಮಾತನಾಡುವಾಗ ಕೆಲವು ಸಕಾರಾತ್ಮಕ ಲಕ್ಷಣಗಳು ಕಂಡುಬರುತ್ತಿವೆ. ಅವರು ಹೆಚ್ಚು ಆಶಾವಾದಿಗಳಾಗಿದ್ದಾರೆ. ಕೆಲವು ವಾರಗಳ ಹಿಂದೆ, ಅವರು (ಪರ್ತ್‌ನಲ್ಲಿ ಆಡಲು) ಒಂದು ಅವಕಾಶ ಎಂದು ಭಾವಿಸಿದ್ದರಾ? ಎಂದು ಕೇಳಿದಾಗ ಬಹುಶಃ ಇಲ್ಲ ಎಂದಿದ್ದರು. ಆದರೆ ಈಗ ಅವರು ಆಡುವ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ" ಎಂದು ಮೆಕ್‌ಡೊನಾಲ್ಡ್ ಹೇಳಿದರು.
"ಕಮಿನ್ಸ್ ಒಂದು ಪ್ರಯೋಜನವೆಂದರೆ, ಕಡಿಮೆ ತಯಾರಿಯೊಂದಿಗೆ ಟೆಸ್ಟ್ ಪಂದ್ಯಗಳಿಗೆ ತಯಾರಿ ನಡೆಸುವ ಸಾಮರ್ಥ್ಯ ಅವರಿಗಿದೆ. ಆದ್ದರಿಂದ ಅವರು ಮೊದಲ ಟೆಸ್ಟ್‌ನಲ್ಲಿ ಇನ್ನೂ ಉತ್ತಮ ಪ್ರದರ್ಶನ ನೀಡಲು ಸಾಧ್ಯವಾಗುತ್ತದೆ ಎಂದು ನಮಗೆ ತುಂಬಾ ವಿಶ್ವಾಸವಿದೆ" ಎಂದರು.