ಡಲ್ಲಾಸ್, ಜೂ.15: ಮಾಂಟೆರ್ರಿಯದಲ್ಲಿ ನಡೆದ ಟುನೀಶಿಯಾ ಮತ್ತು ಸ್ವೀಡನ್ ನಡುವಣ ಫಿಫಾ ವಿಶ್ವಕಪ್(FIFA World Cup 2026) ಪಂದ್ಯವು ಫುಟ್ಬಾಲ್ನಲ್ಲಿ ಅಪರೂಪದ ಕ್ಷಣವೊಂದಕ್ಕೆ ಸಾಕ್ಷಿಯಾಯಿತು. ಕ್ರಿಕೆಟ್ನಲ್ಲಿ ಬಳಸುವ ಸ್ನೀಕೊ ಮೀಟರ್ ತಂತ್ರಜ್ಞಾನ ಬಳಸುವ ಮೂಲಕ ಗೋಲ್ ನಿರ್ಧರಿಸಲಾಯಿತು. ಪಂದ್ಯದಲ್ಲಿ ಸ್ವೀಡನ್ 5-1 ಅಂತರದಿಂದ ಗೆಲುವು ಸಾಧಿಸಿತು.
ಕ್ರಿಕೆಟ್ನ 'ಸ್ನೀಕೊ ಮೀಟರ್' (Snickometer) ನಿಯಮವನ್ನು ಫುಟ್ಬಾಲ್ನಲ್ಲಿ ಹೇಗೆ ಬಳಸಲಾಗುತ್ತದೆ ಎಂಬುದು ಕುತೂಹಲಕಾರಿ ವಿಷಯ. ಕ್ರಿಕೆಟ್ನಲ್ಲಿ ಬ್ಯಾಟ್ಗೆ ಚೆಂಡು ತಗುಲಿದೆಯೇ ಎಂದು ಪತ್ತೆಹಚ್ಚಲು ಸ್ನೀಕೊ ಮೀಟರ್ ಬಳಸಲಾಗುತ್ತದೆ. ಆದರೆ, ಫುಟ್ಬಾಲ್ನಲ್ಲಿ ಇದನ್ನು 'ಸ್ನೀಕೊ ಮೀಟರ್' ಎನ್ನುವ ಬದಲು 'ಕನೆಕ್ಟೆಡ್ ಬಾಲ್ ಟೆಕ್ನಾಲಜಿ' (Connected Ball Technology) ಎಂದು ಕರೆಯಲಾಗುತ್ತದೆ. ಈ ತಂತ್ರಜ್ಞಾನದ ಸಂಪೂರ್ಣ ವಿವರಗಳು ಇಲ್ಲಿವೆ
ಫುಟ್ಬಾಲ್ನಲ್ಲಿ ಬಳಸುವ ಅಧಿಕೃತ ಪಂದ್ಯದ ಚೆಂಡಿನ ಒಳಭಾಗದಲ್ಲಿ ಮೋಷನ್-ಸೆನ್ಸಿಂಗ್ ಮೈಕ್ರೋಚಿಪ್ ಅಳವಡಿಸಲಾಗಿರುತ್ತದೆ. ಕ್ರಿಕೆಟ್ನಲ್ಲಿ ಬಾಟ್ಗೆ ಚೆಂಡು ತಾಗಿದಾಗ ಧ್ವನಿ ತರಂಗಗಳು (waveforms) ಏರಿಕೆಯಾಗುವುದನ್ನು ಸ್ನೀಕರ್ ಮೂಲಕ ತೋರಿಸುವಂತೆಯೇ. ಫುಟ್ಬಾಲ್ನಲ್ಲಿ ಚೆಂಡಿಗೆ ಆಟಗಾರನ ಕೈ ಅಥವಾ ಕಾಲು ತಾಗಿದಾಗ ಸ್ಪಷ್ಟವಾದ ಗ್ರಾಫಿಕ್ಸ್ ಸ್ಕ್ರೀನ್ ಮೇಲೆ ಕಾಣಿಸುತ್ತದೆ.
ಶಾಂತಿ ಒಪ್ಪಂದದ ಬೆನ್ನಲ್ಲೇ ಫಿಫಾ ವಿಶ್ವಕಪ್ ಪಂದ್ಯಕ್ಕಾಗಿ ಅಮೆರಿಕಕ್ಕೆ ಬಂದಿಳಿದ ಇರಾನ್
ಬದಲಿ ಆಟಗಾರನಾಗಿ ಆಡಲಿಳಿದ ಮ್ಯಾಟಿಯಾಸ್ ಸ್ವಾನ್ಬರ್ಗ್ ಗೋಲು ಬಾರಿಸಿದರು. ಈ ವೇಳೆ ಸಹಾಯಕ ರೆಫರಿ ಆಫ್ಸೈಡ್ ಎಂದು ನಿರ್ಣಯಿಸಿದರು. ವೇಳೆ ಸ್ವೀಡನ್ನ ಆಟಗಾರರು ಮತ್ತು ಕೋಚಿಂಗ್ ಸಿಬ್ಬಂದಿ ತಕ್ಷಣವೇ ರಿವ್ಯೂ ಪಡೆದರು. ಸ್ವಾನ್ಬರ್ಗ್ ಗೋಲು ಬಾರಿಸುವ ಮುನ್ನ ಚೆಂಡು ಸಹ ಆಟಗಾರ ಅಲೆಕ್ಸಾಂಡರ್ ಇಸಾಕ್ ಅವರ ಕಾಲಿಗೆ ಸ್ಪರ್ಶವಿದೆ ಎಂದು ಒತ್ತಾಯಿಸಿದರು. ಲಿವರ್ಪೂಲ್ ಫಾರ್ವರ್ಡ್ನಿಂದ ಸ್ವಲ್ಪ ವಿಚಲನವು ಸ್ವಾನ್ಬರ್ಗ್ ಆನ್ಸೈಡ್ನಲ್ಲಿ ಆಡಿದ್ದರಿಂದ ನಿರ್ಧಾರ ತಪ್ಪಾಗಿದೆ ಎಂಬುದು ಅವರ ವಾದವಾಗಿತ್ತು.
ಅದರಂತೆ ಸ್ವೀಡನ್ ಆಟಗಾರರ ಮನವಿಯಂತೆ ರೆಫರಿ ಸೂಕ್ಷ್ಮ ಆಡಿಯೋ ಮತ್ತು ದೃಶ್ಯ ಸ್ಪೈಕ್ಗಳನ್ನು ಪತ್ತೆ ಮಾಡುವ ಪ್ರಸಾರ ಶೈಲಿಯ "ಸ್ನಿಕೊ" ತಂತ್ರಜ್ಞಾನವನ್ನು ಪರೀಕ್ಷಿಸಿದಾಗ ಇಸಾಕ್ ಅವರ ಕಾಲಿಗೆ ಚೆಂಡು ಸ್ಪರ್ಶವಿರುವುದು ಕಂಡು ಬಂದಿತು. ಹೀಗಾಗಿ ರೆಫರಿ ತಮ್ಮ ನಿರ್ಧಾರ ಬದಲಿಸಿ ಗೋಲು ನೀಡಿದರು. ಇದೇ ವೇಳೆ ಸ್ವಾನ್ಬರ್ಗ್ ಅವರು ಬದಲಿ ಆಟಗಾರನಾಗಿ ಕಣಕ್ಕಿಳಿದು FIFA ವಿಶ್ವಕಪ್ ಇತಿಹಾಸದಲ್ಲಿ ಅತಿ ವೇಗವಾಗಿ ಗೋಲು ಗಳಿಸಿದ ಎರಡನೇ ಬದಲಿ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. 18 ಸೆಕೆಂಡುಗಳಲ್ಲಿ ಅವರು ಗೋಲು ಬಾರಿಸಿದರು.