ಜಸ್ಟಿನ್ ಗ್ರೀವ್ಸ್ ಶತಕ; ಭಾರತಕ್ಕೆ ಬೃಹತ್‌ ಮೊತ್ತದ ಸವಾಲೊಡ್ಡಿದ ವೆಸ್ಟ್‌ ಇಂಡೀಸ್‌

ತಿರುವನಂತಪುರಂ, ಸೆ.27: ಜಸ್ಟಿನ್ ಗ್ರೀವ್ಸ್(101) ಶತಕ, ಕ್ಯಾಂಪ್‌ಬೆಲ್ ಮತ್ತು ಅಮೀರ್ ಜಂಗೂ ಅರ್ಧಶತಕದ ನೆರವಿನಿಂದ ಭಾರತ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ವೆಸ್ಟ್‌ ಇಂಡೀಸ್‌ ತಂಡ 295 ರನ್‌ ಬಾರಿಸಿ ಸವಾಲೊಡ್ಡಿದೆ. ಶುಭಮನ್‌ ಗಿಲ್‌ ಪಡೆ ಗೆಲುವಿಗೆ 296 ರನ್‌ ಬಾರಿಸಬೇಕಿದೆ.

ಇಲ್ಲಿನ ಗ್ರೀನ್‌ಫೀಲ್ಡ್ ಅಂತರರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಈ ಪಂದ್ಯದಲ್ಲಿ ಟಾಸ್‌ ಗೆದ್ದ ಭಾರತ ಬೌಲಿಂಗ್‌ ಆಯ್ದುಕೊಂಡಿತು. ಬ್ಯಾಟಿಂಗ್‌ಗೆ ಇಳಿಸಲ್ಪಟ್ಟ ವೆಸ್ಟ್‌ ಇಂಡೀಸ್‌ ನಿಗದಿತ 20 ಓವರ್‌ಗಳಲ್ಲಿ 7 ವಿಕೆಟ್‌ಗೆ 295 ರನ್‌ ಬಾರಿಸಿದೆ.

ಬ್ಯಾಟಿಂಗ್‌ ಆರಂಭಿಸಿದ ವೆಸ್ಟ್‌ ಇಂಡೀಸ್‌ಗೆ ಆರಂಭಿಕರಾದ ಜಾನ್ ಕ್ಯಾಂಪ್‌ಬೆಲ್ ಮತ್ತು ಜಸ್ಟಿನ್ ಗ್ರೀವ್ಸ್ ಸೊಗಸಾದ ಬ್ಯಾಟಿಂಗ್‌ ಮೂಲಕ ಉತ್ತಮ ಅಡಿಪಾಯ ಹಾಕಿದರು. 20 ಓವರ್‌ಗಳ ತನಕ ಭಾರತೀಯ ಬೌಲರ್‌ಗಳನ್ನು ಕಾಡಿದ ಈ ಜೋಡಿ ಮೊದಲ ವಿಕೆಟ್‌ಗೆ 135 ರನ್‌ ಒಟ್ಟುಗೂಡಿಸಿತು. ಅಂತಿಮವಾಗಿ ಈ ಜೋಡಿಯನ್ನು ಬೇರ್ಪಡಿಸಿದ ಕೀರ್ತಿ ಕುಲ್‌ದೀಪ್‌ ಯಾದವ್‌ ಪಾಲಾಯಿತು. ಕ್ಯಾಂಪ್‌ಬೆಲ್ ಅವರ ವಿಕೆಟ್‌ ಕಿತ್ತು ಭಾರತಕ್ಕೆ ಆರಂಭಿಕ ಮುನ್ನಡೆ ತಂದುಕೊಟ್ಟರು. ಕ್ಯಾಂಪ್‌ಬೆಲ್(62) ಅರ್ಧಶತಕ ಬಾರಿಸಿದರು.

ಏಷ್ಯನ್‌ ಗೇಮ್ಸ್‌; ಲಾಂಗ್‌ಜಂಪ್‌ನಲ್ಲಿ ಬೆಳ್ಳಿ ಗೆದ್ದ ಆನ್ಸಿ ಸೋಜನ್

ಉತ್ತಮ ಸ್ಥಿತಿಯಲ್ಲಿದ್ದ ವೆಸ್ಟ್‌ ಇಂಡೀಸ್‌ ತಂಡ ಕ್ಯಾಂಪ್‌ಬೆಲ್ ವಿಕೆಟ್‌ ಪತನದ ಬಳಿಕ ದಿಢೀರ್‌ ಕುಸಿಯಿತು. ಆ ಬಳಿಕ ಬಂದ ಕೀಸಿ ಕಾರ್ಟಿ(12) ಮತ್ತು ನಾಯಕ ಶಾಯ್ ಹೋಪ್(13) ನಿರ್ಗಮಿಸಿದರು. ಆದರೆ ಮತ್ತೊಂದು ತುದಿಯಲ್ಲಿ ಜಸ್ಟಿನ್ ಗ್ರೀವ್ಸ್ ದಿಟ್ಟ ಬ್ಯಾಟಿಂಗ್‌ ಮುಂದುವರಿಸಿ ಶತಕ ಬಾರಿಸಿ ಸಂಭ್ರಮಿಸಿದರು. 108 ಎಸೆತಗಳಿಂದ 101 ರನ್‌ ಗಳಿಸಿದರು. ಅವರ ವಿಕೆಟ್‌ ಕೂಡ ಕುಲ್‌ದೀಪ್‌ ಪಾಲಾಯಿತು.

ಕೆಲ ಕ್ರಮಾಂಕದಲ್ಲಿ ಮತ್ತೆ ಚೇತರಿಸಿಕೊಂಡ ವೆಸ್ಟ್‌ ಇಂಡೀಸ್‌ ಸ್ಪರ್ಧಾತ್ಮಕ ಮೊತ್ತವನ್ನು ಕಲೆಹಾಕಿತು. ಅಮೀರ್ ಜಂಗೂ(58) ಅಜೇಯ ಶತಕ ಮತ್ತು ರೋಸ್ಟನ್ ಚೇಸ್(24) ರನ್‌ ಬಾರಿಸಿ ನೆರವಾದರು.

ಟೀಂ ಇಂಡಿಯಾಗೆ ಆಯ್ಕೆಯಾದರೂ ಆಡುವ ಬಳಗದಲ್ಲಿ ಅವಕಾಶ ಸಿಗದೇ ಸತತವಾಗಿ ಬೆಂಚ್ ಕಾಯುತ್ತಾ ಹತಾಶೆಗೊಂಡಿದ್ದ ಸ್ಪಿನ್ನರ್ ಕುಲ್ದೀಪ್ ಯಾದವ್ ಈ ಪಂದ್ಯದಲ್ಲಿ ನಾಲ್ಕು ವಿಕೆಟ್‌ ಕಿತ್ತು ತಮ್ಮ ಸಾಮರ್ಥ್ಯ ಪ್ರದರ್ಶಿಸಿದರು. ಕಳೆದ ಅಫ್ಘಾನ್‌ ಮತ್ತು ಇಂಗ್ಲೆಂಡ್ ಸರಣಿಯಲ್ಲಿ ಕುಲ್ದೀಪ್ ಯಾದವ್ ಬೆಂಚ್ ಕಾದಿದ್ದರು.

ಕುಲ್‌ದೀಪ್‌ ಹೊರತುಪಡಿಸಿ ಕನ್ನಡಿಗ ಪ್ರಸಿದ್ಧ್‌ ಕೃಷ್ಣ(60 ಕ್ಕೆ 2) ಮತ್ತು ನಿತೀಶ್‌ ಕುಮಾರ್‌ ರೆಡ್ಡಿ(45ಕ್ಕೆ 1) ವಿಕೆಟ್‌ ಪಡೆದರು. ದೀರ್ಘಕಾಲದ ಬಳಿಕ ಏಕದಿನ ತಂಡಕ್ಕೆ ಮರಳಿದ ಅನುಭವಿ ಆಲ್‌ರೌಂಡರ್‌ ರವೀಂದ್ರ ಜಡೇಜಾ 10 ಓವರ್‌ ಬೌಲಿಂಗ್‌ ನಡೆಸಿದರೂ ಕನಿಷ್ಠ ಒಂದು ವಿಕೆಟ್‌ ಪಡೆಯುವಲ್ಲಿ ಯಶಸ್ಸು ಕಾಣಲಿಲ್ಲ.