ರಾಂಚಿ: ಪ್ರಸ್ತುತ ನಡೆಯುತ್ತಿರುವ 2025-26ರ ಸಾಲಿನ ಮಹಿಳಾ ಹಾಕಿ ಇಂಡಿಯಾ ಲೀಗ್ (Women's Hocky League 2025-26) ಟೂರ್ನಿಯಲ್ಲಿ ಈಗಾಗಲೇ ಫೈನಲ್ಗೆ ಅರ್ಹತೆ ಪಡೆದಿರುವ ಎಸ್ಜಿ ಪೈಪರ್ಸ್ (SG Pipers) ತಂಡ, ರಾಂಚಿ ರಾಯಲ್ಸ್ (Ranchi Royals) ವಿರುದ್ಧ 2–5 ಅಂತರದಿಂದ ಸೋಲು ಅನುಭವಿಸಿದೆ. ಪೈಪರ್ಸ್ ನಾಯಕಿ ನವನೀತ್ ಕೌರ್ ಎರಡು ಗೋಲುಗಳನ್ನು ಸಿಡಿಸಿದರೂ, ತಂಡವನ್ನು ಸೋಲಿನಿಂದ ಪಾರು ಮಾಡಲು ಸಾಧ್ಯವಾಗಲಿಲ್ಲ. ಇದು ಲೀಗ್ನಲ್ಲಿ ಪೈಪರ್ಸ್ಗೆ ನಿಯಮಿತ ಸಮಯದ ಮೊದಲ ಸೋಲಾಗಿದೆ.
ಪಂದ್ಯದ ಆರಂಭದಲ್ಲೇ ಎಸ್ಜಿ ಪೈಪರ್ಸ್ ಆಕ್ರಮಣಕಾರಿ ಆಟ ಪ್ರದರ್ಶಿಸಿದರೂ, ರಾಂಚಿ ರಾಯಲ್ಸ್ ಎರಡನೇ ನಿಮಿಷದಲ್ಲಿ ಪೆನಾಲ್ಟಿ ಕಾರ್ನರ್ ಮೂಲಕ ಮುನ್ನಡೆ ಪಡೆದರು. ಇದಕ್ಕೆ ತಕ್ಷಣವೇ ಪ್ರತಿಕ್ರಿಯಿಸಿದ ಪೈಪರ್ಸ್ ನಾಯಕಿ ನವನೀತ್ ಕೌರ್ ಮೊದಲ ಕ್ವಾರ್ಟರ್ನಲ್ಲಿ ಅದ್ಭುತ ಗೋಲು ಬಾರಿಸಿ ಸಮಬಲ ಸಾಧಿಸಿದರು. ಆದರೆ ಎರಡನೇ ಕ್ವಾರ್ಟರ್ನಲ್ಲಿ ರಾಂಚಿ ಮತ್ತೊಂದು ಗೋಲು ಗಳಿಸಿ ಅರ್ಧಾವಧಿಗೆ 2–1 ಮುನ್ನಡೆಯೊಂದಿಗೆ ಮುಕ್ತಾಯಗೊಳಿಸಿದರು.
ಮಲೇಷ್ಯಾ ಓಪನ್ ಬ್ಯಾಡ್ಮಿಂಟನ್ ಸೆಮಿಫೈನಲ್ಗೆ ಸಿಂಧು
ದ್ವಿತೀಯಾರ್ಧದಲ್ಲಿ ಎಸ್ಜಿ ಪೈಪರ್ಸ್ ಸಮಬಲ ಸಾಧಿಸಲು ತೀವ್ರ ಪ್ರಯತ್ನ ನಡೆಸಿದರೂ, ರಾಂಚಿ ರಾಯಲ್ಸ್ ರಕ್ಷಣಾತ್ಮಕವಾಗಿ ದೃಢವಾಗಿ ನಿಂತರು. 47ನೇ ನಿಮಿಷದಲ್ಲಿ ಲುಸಿನಾ ವಾನ್ ಡರ್ ಹೇಡೆ ಪೆನಾಲ್ಟಿ ಕಾರ್ನರ್ನಿಂದ ಗೋಲು ಬಾರಿಸಿ ಮುನ್ನಡೆ ವಿಸ್ತರಿಸಿದರು. ಇದಾದ ಬಳಿಕ ಹ್ಯಾನಾ ಕೋರ್ಟರ್ 55ನೇ ಮತ್ತು 60ನೇ ನಿಮಿಷಗಳಲ್ಲಿ ಎರಡು ಗೋಲುಗಳನ್ನು ಸಿಡಿಸಿ ಆತಿಥೇಯರ ಜಯವನ್ನು ಖಚಿತಪಡಿಸಿದರು.
ಕೊನೆಯ ಐದು ನಿಮಿಷಗಳಲ್ಲಿ ಎಸ್ಜಿ ಪೈಪರ್ಸ್ ಗೋಲ್ಕೀಪರ್ ಅನ್ನು ಹೊರತೆಗೆದು ಹೆಚ್ಚುವರಿ ಫೀಲ್ಡ್ ಆಟಗಾರರೊಂದಿಗೆ ದಾಳಿ ನಡೆಸಿದರು. ಇದರ ಫಲವಾಗಿ 58ನೇ ನಿಮಿಷದಲ್ಲಿ ನಾಯಕಿ ನವ ನಿತ್ ಕೌರ್ ತಮ್ಮ ಎರಡನೇ ಗೋಲು ಬಾರಿಸಿದರು. ಆದರೂ ಅಂತಿಮವಾಗಿ ಪಂದ್ಯ 2–5 ಅಂತರದಲ್ಲಿ ರಾಂಚಿ ರಾಯಲ್ಸ್ ಪಾಲಾಯಿತು.