Shardul Thakur: ಮುಂಬೈ ರಣಜಿ ತಂಡಕ್ಕೆ ಶಾರ್ದೂಲ್ ಠಾಕೂರ್ ನಾಯಕ

ಮುಂಬಯಿ: ಅಕ್ಟೋಬರ್ 15 ರಿಂದ ಪ್ರಾರಂಭವಾಗುವ ಮುಂಬರುವ ರಣಜಿ ಟ್ರೋಫಿ(Ranji Trophy) ಋತುವಿಗೆ ಮುಂಬೈ ತಂಡದ ನಾಯಕನಾಗಿ ಶಾರ್ದೂಲ್ ಠಾಕೂರ್(Shardul Thakur) ಅವರನ್ನು ಅಧಿಕೃತವಾಗಿ ನೇಮಿಸಲಾಗಿದೆ. ಕಳೆದ ಎರಡು ಋತುಗಳಲ್ಲಿ ಮುಂಬೈ(Mumbai Team) ತಂಡದ ನಾಯಕತ್ವ ವಹಿಸಿದ್ದ ಅಜಿಂಕ್ಯ ರಹಾನೆ, ನಾಯಕತ್ವ ತ್ಯಜಿಸುವ ನಿರ್ಧಾರವನ್ನು ಪ್ರಕಟಿಸುವ ಮೊದಲೇ, ಶಾರ್ದೂಲ್ ಅವರ ಬಡ್ತಿ ನಿರೀಕ್ಷಿಸಲಾಗಿತ್ತು.

ಸಂಜಯ್ ಪಾಟೀಲ್ ಅಧ್ಯಕ್ಷತೆಯ ಹಿರಿಯ ಆಯ್ಕೆ ಸಮಿತಿಯು, ಈ ಋತುವಿನ ಸಂಭಾವ್ಯರ ಪಟ್ಟಿಯನ್ನು ಅಂತಿಮಗೊಳಿಸುವ ಸಭೆಯಲ್ಲಿ ಶಾರ್ದೂಲ್ ಅವರನ್ನು ನಾಯಕತ್ವಕ್ಕೆ ನೇಮಿಸುವ ನಿರ್ಧಾರಕ್ಕೆ ಮುದ್ರೆ ಹಾಕಿತು.

"ಶಾರ್ದೂಲ್ ಅವರನ್ನು ನೇಮಕ ಮಾಡಲು ಆಯ್ಕೆ ಸಮಿತಿ ಸರ್ವಾನುಮತದಿಂದ ನಿರ್ಧರಿಸಿದೆ. ಅವರು ಮೈದಾನದ ಒಳಗೆ ಮತ್ತು ಹೊರಗೆ ಒಬ್ಬ ನಾಯಕ ಎಂದು ತೋರಿಸಿದ್ದಾರೆ. ಅವರು ತಂಡವನ್ನು ಉತ್ತಮವಾಗಿ ಮುನ್ನಡೆಸುವುದನ್ನು ಮುಂದುವರಿಸುತ್ತಾರೆ ಎಂದು ನಾವು ಆಶಿಸೋಣ" ಎಂದು ಪಾಟೀಲ್ ತಿಳಿಸಿದರು.

ಮೂರು ಬಾರಿ ರಣಜಿ ಟ್ರೋಫಿ ಚಾಂಪಿಯನ್ ಆಗಿರುವ ಶಾರ್ದೂಲ್, ಈ ತಿಂಗಳ ಆರಂಭದಲ್ಲಿ ದುಲೀಪ್ ಟ್ರೋಫಿಯಲ್ಲಿ ಪಶ್ಚಿಮ ವಲಯ ಸೆಮಿಫೈನಲ್ ಸೋಲಿನ ಸಂದರ್ಭದಲ್ಲಿ ತಂಡವನ್ನು ಮುನ್ನಡೆಸಿದ್ದರು.

ಕಳೆದ ತಿಂಗಳು ಚೆನ್ನೈನಲ್ಲಿ ನಡೆದ ಬುಚಿ ಬಾಬು ಆಹ್ವಾನಿತ ಟೂರ್ನಮೆಂಟ್ ಸಮಯದಲ್ಲಿ ಉಂಟಾದ ಕ್ವಾಡ್ರೈಸ್ಪ್ಸ್ ಗಾಯದಿಂದ ಚೇತರಿಸಿಕೊಳ್ಳುತ್ತಿರುವ ಸರ್ಫರಾಜ್ ಖಾನ್, ಜಮ್ಮು ಮತ್ತು ಕಾಶ್ಮೀರ ವಿರುದ್ಧದ ಪಂದ್ಯಕ್ಕೆ ಲಭ್ಯವಾಗುವ ನಿರೀಕ್ಷೆಯಿದೆ.

ಇದನ್ನೂ ಓದಿ Asia Cup 2025 Final: ಫೈನಲ್‌ಗೂ ಮುನ್ನ ಭಾರತಕ್ಕೆ ಅದೃಷ್ಟ ತಂದ ಟೈ!

ಮುಂಬೈ ಸಂಭಾವ್ಯ ತಂಡ

ಶಾರ್ದೂಲ್ ಠಾಕೂರ್ (ನಾಯಕ), ಆಯುಷ್ ಮ್ಹಾತ್ರೆ, ಮುಶೀರ್ ಖಾನ್, ಆಂಗ್ಕ್ರಿಶ್ ರಘುವಂಶಿ, ಅಖಿಲ್ ಹೆರ್ವಾಡ್ಕರ್, ಅಜಿಂಕ್ಯ ರಹಾನೆ, ಸರ್ಫರಾಜ್ ಖಾನ್, ಸಿದ್ಧೇಶ್ ಲಾಡ್, ಸುವೇದ್ ಪಾರ್ಕರ್, ಸೂರ್ಯಾಂಶ್ ಶೆಡ್ಜ್, ಆಕಾಶ್ ಪಾರ್ಕರ್, ತುಷಾರ್ ದೇಶಪಾಂಡೆ, ಸಿಲ್ವೆಸ್ಟರ್ ಡಿಸೋಜಾ, ಇರ್ಫಾನ್ ಉಮೈರ್, ರಾಯ್ಸ್ಟಾನ್ ಡಯಾಸ್, ಪ್ರತೀಕ್ ಮಿಶ್ರಾ, ಆಕಾಶ್ ಆನಂದ್ (ವಿ.ಕೀ.), ಹಾರ್ದಿಕ್ ತಮೋರ್ (ವಿ.ಕೀ.), ಪ್ರಸಾದ್ ಪವಾರ್ (ವಾಕ್), ಶಮ್ಸ್ ಮುಲಾನಿ, ತನುಷ್ ಕೋಟ್ಯಾನ್, ಹಿಮಾಂಶು ಸಿಂಗ್, ಅಥರ್ವ ಅಂಕೋಲೇಕರ್, ಇಶಾನ್ ಮುಲ್ಚಂದಾನಿ.