ನಗೋಯಾ, ಅ.23: ಜಪಾನ್‌ನ ಐಚಿ-ನಗೋಯಾದಲ್ಲಿ ನಡೆಯುತ್ತಿರುವ 2026ರ ಏಷ್ಯನ್ ಪ್ಯಾರಾ ಕ್ರೀಡಾಕೂಟದ 5ನೇ ದಿನದಂದು, ಭಾರತವು 100 ಪದಕಗಳ ಮೈಲಿಗಲ್ಲನ್ನು ದಾಟಿದೆ. ಇದರೊಂದಿಗೆ ಭಾರತದ ಒಟ್ಟು ಪದಕಗಳ ಸಂಖ್ಯೆ 106ಕ್ಕೆ (28 ಚಿನ್ನ, 34 ಬೆಳ್ಳಿ ಮತ್ತು 44 ಕಂಚು) ಏರಿದ್ದು, ಪದಕ ಪಟ್ಟಿಯಲ್ಲಿ ಭಾರತ 4ನೇ ಸ್ಥಾನದಲ್ಲಿದೆ.
ಶುಕ್ರವಾರದಂದು ತುಳಸಿಮತಿ ಮುರುಗೇಶನ್ ಮೂರು ಪದಕಗಳನ್ನು ಗೆಲ್ಲುವ ಮೂಲಕ ಸ್ಮರಣೀಯ ಸಾಧನೆ ಮಾಡಿದರು. ಅವರು ಒಂದು ಚಿನ್ನ ಮತ್ತು ಎರಡು ಬೆಳ್ಳಿ ಪದಕಗಳನ್ನು ಗೆಲ್ಲುವ ಮೂಲಕ ತಮ್ಮ ಸ್ಮರಣೀಯ ಅಭಿಯಾನವನ್ನು ಯಶಸ್ವಿಯಾಗಿ ಮುಕ್ತಾಯಗೊಳಿಸಿದರು. ಮಾನಸಿ ಜೋಶಿ ಅವರೊಂದಿಗೆ ಸೇರಿ ಮಹಿಳೆಯರ ಡಬಲ್ಸ್ ಪ್ರಶಸ್ತಿಯನ್ನು ಗೆದ್ದುಕೊಂಡ ಅವರು, ತಮ್ಮ ಪದಕಗಳ ಸಂಗ್ರಹಕ್ಕೆ ಚಿನ್ನದ ಮೆರುಗು ನೀಡಿದರು.
ಪ್ಯಾರಿಸ್ ಪ್ಯಾರಾಲಿಂಪಿಕ್ಸ್‌ನಲ್ಲಿ ಬೆಳ್ಳಿ ಪದಕ ಗೆದ್ದಿರುವ 24 ವರ್ಷದ ಆಟಗಾರ್ತಿ ಮತ್ತು ಮಾನಸಿ ಅವರು, ಮಹಿಳೆಯರ ಡಬಲ್ಸ್ SL3-SU5 ವಿಭಾಗದ ಫೈನಲ್‌ನಲ್ಲಿ ಚೀನಾದ ಯಾಂಗ್ ಕಿಯುಕ್ಸಿಯಾ ಮತ್ತು ಕ್ಸಿಯಾವೊ ಜುಕ್ಸಿಯಾನ್ ಅವರನ್ನು 21-16, 21-13 ಅಂತರದಿಂದ ಸೋಲಿಸಿದರು. ಭಾರತೀಯ ಜೋಡಿಯು ಈ ಪಂದ್ಯವನ್ನು 28 ನಿಮಿಷಗಳಲ್ಲಿ ಮುಕ್ತಾಯಗೊಳಿಸಿ, ಚಿನ್ನದ ಪದಕವನ್ನು ತಮ್ಮದಾಗಿಸಿಕೊಂಡಿತು.
ಇದಕ್ಕೂ ಮುನ್ನ ಮಹಿಳೆಯರ ಸಿಂಗಲ್ಸ್ SU5 ವಿಭಾಗದ ಫೈನಲ್‌ನಲ್ಲಿ ಚೀನಾದ ಯಾಂಗ್ ವಿರುದ್ಧ 18-21, 11-21 ಅಂತರದಲ್ಲಿ ಸೋತ ತುಳಸಿಮತಿ, ಬೆಳ್ಳಿ ಪದಕಕ್ಕೆ ತೃಪ್ತಿಪಡಬೇಕಾಯಿತು. ನಂತರ ಅವರು ಮಿಶ್ರ ಡಬಲ್ಸ್ (SL3-SU5) ವಿಭಾಗದ ಫೈನಲ್‌ನಲ್ಲಿ ನಿತೇಶ್ ಕುಮಾರ್ ಅವರೊಂದಿಗೆ ಜೊತೆ ತಮ್ಮ ಪದಕ ಪಟ್ಟಿಗೆ ಮತ್ತೊಂದು ಬೆಳ್ಳಿ ಪದಕವನ್ನು ಸೇರಿಸಿಕೊಂಡರು.
ಇಶಾನ್ ಬದಲಿಗೆ ಸೂರ್ಯವಂಶಿ: 2ನೇ ಟಿ20 ಪಂದ್ಯಕ್ಕೆ ಭಾರತದ ಸಂಭಾವ್ಯ ಆಡುವ ಬಳಗ
ಮಹಿಳೆಯರ ಡಬಲ್ಸ್ SL3-SU5 ವಿಭಾಗದಲ್ಲಿ ತುಳಸಿಮತಿ ಮುರುಗೇಶನ್ ಮತ್ತು ಮಾನಸಿ ಗಿರೀಶ್‌ಚಂದ್ರ ಜೋಶಿ ಚೀನಾದ ಯಾಂಗ್ ಕಿಯುಕ್ಸಿಯಾ ಮತ್ತು ಕ್ಸಿಯಾವೊ ಝುಕ್ಸಿಯಾನ್ ಅವರನ್ನು ನೇರ ಗೇಮ್‌ಗಳಲ್ಲಿ (21-16, 21-13 ಅಂತರದಿಂದ) ಸೋಲಿಸಿ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡಿತು.
ಪ್ಯಾರಿಸ್ ಪ್ಯಾರಾಲಿಂಪಿಕ್ ಚಾಂಪಿಯನ್ ನಿತೇಶ್ ಅವರಿಗೆ ಈ ದಿನ ಅತ್ಯಂತ ಯಶಸ್ವಿಯಾಗಿತ್ತು. ಅವರು ಪುರುಷರ ಸಿಂಗಲ್ಸ್ SL3 ವಿಭಾಗದಲ್ಲಿ ಚಿನ್ನದ ಪದಕವನ್ನು ಗೆದ್ದುಕೊಂಡರು, ಜೊತೆಗೆ ತುಳಸಿಮತಿ ಅವರೊಂದಿಗೆ ಸೇರಿ ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಬೆಳ್ಳಿ ಪದಕವನ್ನೂ ಪಡೆದರು. 31 ವರ್ಷದ ನಿತೇಶ್, ಪುರುಷರ ಸಿಂಗಲ್ಸ್ ಫೈನಲ್‌ನಲ್ಲಿ ತಮ್ಮದೇ ದೇಶದವರಾದ ಮತ್ತು ಟೋಕಿಯೊ ಪ್ಯಾರಾಲಿಂಪಿಕ್ ಚಿನ್ನದ ಪದಕ ವಿಜೇತ ಪ್ರಮೋದ್ ಭಗತ್ ಅವರನ್ನು 21-18, 21-16 ಅಂತರದಿಂದ ಸೋಲಿಸಿದರು.