ನವದೆಹಲಿ: ಬಹುನಿರೀಕ್ಷಿತ ಆಸ್ಟ್ರೆಲಿಯಾ(IND vs AUS) ಪ್ರವಾಸದ ಮೂರು ಏಕದಿನ ಮತ್ತು ಐದು ಟಿ20 ಪಂದ್ಯಗಳ ಸರಣಿಗೆ ಭಾರತ ತಂಡದ ಆಟಗಾರರು(India ODI Squad) ಬುಧವಾರ ಬೆಳಗ್ಗೆ(ಅಕ್ಟೋಬರ್ 15) ನವದೆಹಲಿಯಿಂದ ಪ್ರಯಾಣ ಬೆಳೆಸಿದರು. ವಿರಾಟ್ ಕೊಹ್ಲಿ, ರೋಹಿತ್ ಶರ್ಮ, ಶುಭಮನ್ ಗಿಲ್, ಶ್ರೇಯಸ್ ಅಯ್ಯರ್, ಅರ್ಶ್‌ದೀಪ್‌ ಸಿಂಗ್, ಕೆ.ಎಲ್‌ ರಾಹುಲ್ ಮೊದಲ ಬ್ಯಾಚ್‌ನಲ್ಲಿ ಪ್ರಯಾಣ ಬೆಳೆಸಿದರು. ಟಿ20 ತಂಡದ ಆಟಗಾರರು ಎರಡನೇ ಬ್ಯಾಚ್‌ನಲ್ಲಿ ಪ್ರಯಾಣಿಸಲಿದ್ದಾರೆ.
ಟಿಕೆಟ್ ಲಭ್ಯತೆ ಮತ್ತು ಲಾಜಿಸ್ಟಿಕ್ಸ್ ಕಾರಣಗಳಿಂದಾಗಿ ಬಿಸಿಸಿಐ ಈ ರೀತಿಯ ಪ್ರಯಾಣ ವ್ಯವಸ್ಥೆಯನ್ನು ಮಾಡಿದೆ ಎನ್ನಲಾಗಿದೆ. ಮೊದಲ ಗುಂಪಿನ ಆಟಗಾರರು ಬೆಳಗ್ಗೆ ಪ್ರಯಾಣಿಸಿದರೆ, ಎರಡನೇ ಗುಂಪಿನ ಆಟಗಾರರು ಸಂಜೆ ಪ್ರಯಾಣಿಸಲಿದ್ದಾರೆ.
ಮಾಜಿ ನಾಯಕರಾದ ರೋಹಿತ್ ಶರ್ಮ, ವಿರಾಟ್ ಕೊಹ್ಲಿ ಟೆಸ್ಟ್‌ ನಿವೃತ್ತಿ ಬಳಿಕ ಆಡುತ್ತಿರುವ ಮೊದಲ ಸರಣಿ ಇದಾಗಿರುವ ಕಾರಣ ಉಭಯ ಆಟಗಾರರ ಅಭಿಮಾನಿಗಳು ನೆಚ್ಚಿನ ಆಟಗಾರರ ಆಟವನ್ನು ಕಣ್ತುಂಬಿಕೊಳ್ಳಲು ಕಾತರದಿಂದ ಕಾಯುತ್ತಿದ್ದಾರೆ. ಟೆಸ್ಟ್‌ನಲ್ಲಿ ಸೈ ಎನಿಸಿಕೊಂಡಿರುವ ನಾಯಕ ಶುಭಮನ್ ಗಿಲ್ ಏಕದಿನದಲ್ಲಿಯೂ ತಮ್ಮ ನಾಯಕತ್ವದ ಸಾಮರ್ಥ್ಯವನ್ನು ತೋರುವ ವಿಶ್ವಾಸದಲ್ಲಿದ್ದಾರೆ. ಭಾರತ ತಂಡ ಪ್ರವಾಸದ ಮೊದಲ ಪಂದ್ಯವನ್ನು ಅ.19ರಂದು ಪರ್ತ್ನಲ್ಲಿ ಆಡಲಿದೆ.
ಇದನ್ನೂ ಓದಿ IND vs AUS: ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಒಡಿಐ ವಿದಾಯ ಹೇಳುತ್ತಾರಾ? ರಾಜೀವ್‌ ಶುಕ್ಲಾ ದೊಡ್ಡ ಹೇಳಿಕೆ!
ಏಕದಿನ ತಂಡ
ಶುಭಮನ್ ಗಿಲ್ (ನಾಯಕ), ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ, ಶ್ರೇಯಸ್ ಅಯ್ಯರ್ (ಉಪನಾಯಕ), ಅಕ್ಸರ್ ಪಟೇಲ್, ಕೆಎಲ್ ರಾಹುಲ್ (ವಿ.ಕೀ.), ನಿತೀಶ್ ಕುಮಾರ್ ರೆಡ್ಡಿ, ವಾಷಿಂಗ್ಟನ್ ಸುಂದರ್, ಕುಲದೀಪ್ ಯಾದವ್, ಹರ್ಷಿತ್ ರಾಣಾ, ಮೊಹಮ್ಮದ್. ಸಿರಾಜ್, ಅರ್ಷದೀಪ್ ಸಿಂಗ್, ಪ್ರಸಿದ್ಧ್ ಕೃಷ್ಣ, ಧ್ರುವ್ ಜುರೆಲ್ (ವಿ.ಕೀ.), ಯಶಸ್ವಿ ಜೈಸ್ವಾಲ್.