ಬೆಂಗಳೂರು: ವಾಸ್ತು ಶಾಸ್ತ್ರದ ಪ್ರಕಾರ ಮನೆಯ ಪ್ರತಿಯೊಂದು ಭಾಗಕ್ಕೂ ತನ್ನದೇ ಆದ ಮಹತ್ವವಿದೆ. ವಿಶೇಷವಾಗಿ ಅಡುಗೆಮನೆ ಮನೆಯ ಹೃದಯವೆಂದು ಪರಿಗಣಿಸಲಾಗುತ್ತದೆ. ಇದು ಕೇವಲ ಆಹಾರ ತಯಾರಿಸುವ ಸ್ಥಳವಲ್ಲ, ಕುಟುಂಬದ ಆರೋಗ್ಯ ಮತ್ತು ಸಮೃದ್ಧಿಗೆ ನೇರವಾಗಿ ಸಂಬಂಧಿಸಿದೆ. ಅಡುಗೆಮನೆಯಲ್ಲಿ ವಾಸ್ತು ದೋಷಗಳು ಕಂಡುಬಂದರೆ ಮನೆದಲ್ಲಿ ಅಶಾಂತಿ, ಕಲಹಗಳು ಮತ್ತು ಆರ್ಥಿಕ ಸಮಸ್ಯೆಗಳು ಹೆಚ್ಚಾಗುತ್ತವೆ ಎಂಬ ನಂಬಿಕೆ ಇದೆ. ಆದ್ದರಿಂದ ಅಡುಗೆಮನೆಯ ವಿನ್ಯಾಸ ಮತ್ತು ವ್ಯವಸ್ಥೆ ಸರಿಯಾಗಿರುವುದು ಅತ್ಯಂತ ಅಗತ್ಯ ಎಂದು ವಾಸ್ತು ಶಾಸ್ತ್ರ (Vastu Tips) ಹೇಳುತ್ತದೆ.
ಪೌರಾಣಿಕ ನಂಬಿಕೆಗಳ ಪ್ರಕಾರ, ಅಡುಗೆಮನೆಯಲ್ಲಿ ತಾಯಿ ಅನ್ನಪೂರ್ಣೇಶ್ವರಿ ವಾಸವಾಗಿರುತ್ತಾಳೆ. ಹೀಗಾಗಿ ಈ ಸ್ಥಳವನ್ನು ಶುದ್ಧವಾಗಿಯೂ, ಸಮತೋಲನದಿಂದಲೂ ಇಡುವುದು ಮುಖ್ಯ. ಅಡುಗೆಮನೆ ಸರಿಯಾದ ದಿಕ್ಕಿನಲ್ಲಿ ಇರದಿದ್ದರೆ ಅದರ ಪರಿಣಾಮ ಇಡೀ ಕುಟುಂಬದ ಮೇಲೆ ಬೀಳಬಹುದು.
ವಾಸ್ತು ಪ್ರಕಾರ ಅಡುಗೆಮನೆಗೆ ಆಗ್ನೇಯ ದಿಕ್ಕು ಅತ್ಯುತ್ತಮವಾಗಿದೆ. ಇದು ಅಗ್ನಿ ತತ್ತ್ವಕ್ಕೆ ಸಂಬಂಧಿಸಿದ ದಿಕ್ಕು ಆಗಿರುವುದರಿಂದ ಅಡುಗೆ ಕಾರ್ಯಗಳಿಗೆ ಅನುಕೂಲಕರವಾಗಿದೆ. ಒಂದು ವೇಳೆ ಆಗ್ನೇಯ ದಿಕ್ಕಿನಲ್ಲಿ ಸಾಧ್ಯವಿಲ್ಲದಿದ್ದರೆ, ವಾಯುವ್ಯ ಅಥವಾ ಪೂರ್ವ ಭಾಗವನ್ನು ಆಯ್ಕೆ ಮಾಡಬಹುದು.
ಗ್ಯಾಸ್ ಸ್ಟೌವ್ ಅನ್ನು ಆಗ್ನೇಯ ದಿಕ್ಕಿನಲ್ಲಿ ಇಡುವುದು ಉತ್ತಮ. ಅಡುಗೆ ಮಾಡುವವರು ಪೂರ್ವದ ಕಡೆ ಮುಖ ಮಾಡಿ ನಿಂತು ಅಡುಗೆ ಮಾಡುವಂತೆ ವ್ಯವಸ್ಥೆ ಮಾಡಬೇಕು. ಹಾಗೆಯೇ ಅಡುಗೆ ಮಾಡುವವರ ಮೇಲೆ ನೇರವಾಗಿ ಹೊರಗಿನವರ ದೃಷ್ಟಿ ಬೀಳದಂತೆ ನೋಡಿಕೊಳ್ಳಬೇಕು.
Vastu Tips: ಮನೆಯಲ್ಲಿ ಬಿದಿರು ಗಿಡ ಇಟ್ಟರೆ ಅದೃಷ್ಟ ಹೆಚ್ಚಳ! ಈ ವಾಸ್ತು ನಿಯಮ ಪಾಲಿಸಿದರೆ ಮಾತ್ರ
ವಿದ್ಯುತ್ ಉಪಕರಣಗಳನ್ನೂ ಸರಿಯಾದ ದಿಕ್ಕಿನಲ್ಲಿ ಇಡುವುದು ಮುಖ್ಯ. ಮೈಕ್ರೋವೇವ್, ಮಿಕ್ಸರ್ ಮೊದಲಾದ ಉಪಕರಣಗಳನ್ನು ದಕ್ಷಿಣ ಅಥವಾ ಪಶ್ಚಿಮ ಗೋಡೆ ಬಳಿ ಇಡುವುದು ಉತ್ತಮ. ಅಡುಗೆಮನೆಯಲ್ಲಿ ದೇವರ ಫೋಟೋ ಇಡುವುದನ್ನು ತಪ್ಪಿಸುವುದು ಒಳಿತು. ಡೈನಿಂಗ್ ಟೇಬಲ್ ಅನ್ನು ವಾಯುವ್ಯ ಭಾಗದಲ್ಲಿ ಇಟ್ಟರೆ ಉತ್ತಮ, ಆದರೆ ಅಡುಗೆಮನೆಯ ಮಧ್ಯದಲ್ಲಿ ಇಡುವುದನ್ನು ತಪ್ಪಿಸಬೇಕು.
ಅಡುಗೆ ಸಾಮಾನುಗಳು, ಕಪಾಟುಗಳು ದಕ್ಷಿಣ ಅಥವಾ ಪಶ್ಚಿಮ ದಿಕ್ಕಿನಲ್ಲಿ ಇರಬೇಕು. ಧಾನ್ಯಗಳು ಮತ್ತು ಮಸಾಲೆಗಳನ್ನು ಈಶಾನ್ಯ ಭಾಗದಲ್ಲಿ ಇಡುವುದು ಉತ್ತಮ. ಜೊತೆಗೆ ಅಡುಗೆಮನೆಯಲ್ಲಿ ಪೂರ್ವ ಭಾಗದಲ್ಲಿ ಕಿಟಕಿಗಳು ಇದ್ದರೆ ಬೆಳಕು ಮತ್ತು ಗಾಳಿ ಚೆನ್ನಾಗಿ ಹರಿದು ಬರುತ್ತದೆ.
ಸರಿಯಾದ ವಾಸ್ತು ನಿಯಮಗಳನ್ನು ಪಾಲಿಸಿದರೆ ಅಡುಗೆಮನೆ ಆರೋಗ್ಯ, ಸಂತೋಷ ಮತ್ತು ಸಮೃದ್ಧಿಯ ಮೂಲವಾಗುತ್ತದೆ.