ಮನಾಲಿ: ಜಿಪ್ಲೈನ್, ಬಂಗೀ ಜಂಪ್‌ ಹೀಗೆ ಅಡ್ವೆಂಚರಸ್‌ ಚಟುವಟಿಕೆಗಳಲ್ಲಿ ಕೆಲವರಿಗೆ ಎಲ್ಲಿಲ್ಲದ ಆಸಕ್ತಿ ಇರುತ್ತದೆ. ಪ್ರಾಣ ಪಣಕ್ಕಿಟ್ಟು ಈ ಮೋಜಿನ ಆಟ ಬಹುತೇಕ ಯುವಕರ ಫೆವರಿಟ್‌ ಆಗಿರುತ್ತದೆ. ಆದರೆ ಗ್ರಹಚಾರ ಕೈ ಕೊಟ್ಟಾಗ ಇಂತಹ ಮೋಜಿನ ಆಟಗಳೇ ಪ್ರಾಣಕ್ಕೆ ಸಂಚಕಾರ ಆಗಬಹುದೆಂಬುದು ಬಹುತೇಕರಿಗೆ ತಿಳಿದಿಲ್ಲ. ಇದೀಗ ಅಂತಹದ್ದೇ ಒಂದು ಘಟನೆ ಮನಾಲಿಯಲ್ಲಿ ನಡೆದಿದೆ. ಜಿಪ್ಲೈನ್ ಹಗ್ಗ ತುಂಡಾಗಿ 30 ಅಡಿ ಆಳದ ಕಂದಕಕ್ಕೆ ಬಿದ್ದ ನಾಗ್ಪುರದ 12 ವರ್ಷದ ಬಾಲಕಿ ಗಂಭೀರವಾಗಿ ಗಾಯಗೊಂಡಿದ್ದಾಳೆ. ಕಳೆದ ವಾರ ಈ ಘಟನೆ ನಡೆದಿದ್ದು, ಆಕೆ ಪ್ರಸ್ತುತ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾಳೆ. ಈ ದಾರುಣ ಘಟನೆಯ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್(viral video) ಆಗುತ್ತಿದೆ.
HP : मनाली में जिप लाइन टूटने से नागपुर की त्रिशा 30 फीट गहरी खाई में जा गिरी। वो घायल है और अस्पताल में इलाज चल रहा है। pic.twitter.com/mtO3zTubHk
— Sachin Gupta (@SachinGuptaUP) June 15, 2025
ಅಷ್ಟಕ್ಕೂ ಆಗಿದ್ದೇನು?
ಮೂಲಗಳ ಪ್ರಕಾರ, ತ್ರಿಶಾ ಬಿಜ್ವೆ ಎಂದು ಗುರುತಿಸಲಾದ ಬಾಲಕಿ ಮನಾಲಿಯಲ್ಲಿ ತನ್ನ ಕುಟುಂಬದೊಂದಿಗೆ ರಜೆ ಕಳೆಯುತ್ತಿದ್ದಳು. ಜಿಪ್‌ ಲೈನ್‌ ಬಗ್ಗೆ ಅಪಾರ ಕ್ರೇಜ್‌ ಹೊಂದಿದ್ದ ತ್ರಿಶಾ ಮನಾಲಿಯಲ್ಲಿ ಈ ಅಡ್ವೆಂಚರಸ್‌ ಆಟಕ್ಕೆ ಮುಂದಾಗಿದ್ದಾಳೆ. ಜಿಪ್ಲೈನ್ ಮಾಡ್ತಿದ್ದ ವೇಳೆ ಆಕೆ ಧರಿಸಿದ್ದ ಸರಂಜಾಮುಗೆ ಜೋಡಿಸಲಾದ ಹಗ್ಗ ತುಂಡಾಗಿ ಕೆಳಗೆ ಬಿದ್ದಿದ್ದಾಳೆ. ಜಿಪ್ಲೈನ್ ಅಪಘಾತದ ಆಘಾತಕಾರಿ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು, ಹಗ್ಗ ತುಂಡಾಗಿ 12 ವರ್ಷದ ಬಾಲಕಿ ಕೆಳಗಿನ ಬಂಡೆಗಳ ಮೇಲೆ ಬಿದ್ದ ಭಯಾನಕ ಕ್ಷಣವನ್ನು ಸೆರೆಹಿಡಿಯಲಾಗಿದೆ. ಬಾಲಕಿಗೆ ಗಂಭೀರ, ಕೆಲವು ದಿನಗಳ ಹಿಂದೆ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದಳು. ಆಕೆಯ ತಂದೆ ಪ್ರಫುಲ್ ಬಿಜ್ವೆ ಪಿಟಿಐಗೆ ದೃಢಪಡಿಸಿದ್ದಾರೆ. ಆಕೆಯ ಸ್ಥಿತಿ ಈಗ ಸ್ಥಿರವಾಗಿದೆ ಎಂದು ದೃಢಪಡಿಸಿದ್ದಾರೆ.
ಈ ಸುದ್ದಿಯನ್ನೂ ಓದಿ: Israel-Iran Conflict: ರಕ್ಷಣಾ ಸಚಿವಾಲಯದ ಪ್ರಧಾನ ಕಚೇರಿ ಉಡೀಸ್‌; ಇರಾನ್‌-ಇಸ್ರೇಲ್‌ ಡೆಡ್ಲಿ ಅಟ್ಯಾಕ್‌ ವಿಡಿಯೊ ವೈರಲ್