ಗೋವಾ,ಆ. 18: ಇತ್ತೀಚೆಗೆ ಕಾಡು ಪ್ರಾಣಿಗಳು, ಜಲಚರ ಜೀವಿಗಳು ಆಹಾರ ಹುಡುಕುತ್ತಾ ಜನವಸತಿ ಪ್ರದೇಶಕ್ಕೆ ಆಗಮಿಸುತ್ತಿವೆ. ಇದೀಗ ದೈತ್ಯಾಕಾರದ ಮೊಸಳೆಯೊಂದು ಗೋವಾದ ಖಾಂಡೇಪಾರ ಗ್ರಾಮದ ವಸತಿ ಪ್ರದೇಶವೊಂದಕ್ಕೆ ದಿಢೀರ್ ಆಗಿ ನುಗ್ಗಿದೆ. ಮನೆಗಳ ಹತ್ತಿರದಲ್ಲಿಯೇ ಇಷ್ಟು ದೊಡ್ಡ ಮೊಸಳೆ ಕಂಡು ಗ್ರಾಮಸ್ಥರು ಕಳವಳವನ್ನು ವ್ಯಕ್ತಪಡಿಸಿದ್ದಾರೆ. ಕೂಡಲೆ ಅಲ್ಲಿದ್ದ ಜನರು ಸುರಕ್ಷಿತ ಪ್ರದೇಶಕ್ಕೆ ಸ್ಥಳಾಂತರ ಗೊಂಡಿದ್ದಾರೆ. ಈ ಭಯಾನಕ ದೃಶ್ಯವು ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ (Viral News) ಆಗುತ್ತಿದೆ.
ಸ್ಥಳದಲ್ಲಿ ರೆಕಾರ್ಡ್ ಮಾಡಲಾದ ದೃಶ್ಯವು ವಸತಿ ಪ್ರದೇಶದ ಮೂಲಕ ಮೊಸಳೆ ಓಡಾಡುವುದನ್ನು ಸೆರೆಹಿಡಿದಿದೆ. ಇದು ಸುತ್ತಲೂ ಚಲಿಸಲು ಪ್ರಾರಂಭಿಸಿದಾಗ ಹೊರಗೆ ಕುಳಿತಿದ್ದ ಕೆಲವು ಜನರು ಮನೆಯೊಳಗೆ ಸ್ಥಳಾಂತರಗೊಂಡರು..ಸ್ಥಳೀಯರಲ್ಲಿ ಈ ದೃಶ್ಯವು ತೀವ್ರವಾದ ಆಘಾತವನ್ನು ಉಂಟುಮಾಡಿದೆ.
ವಿಡಿಯೋ ನೋಡಿ:
ಖಾಂಡೇಪಾರ ಗ್ರಾಮದದಲ್ಲಿ ಸಾಮಾನ್ಯ ದಿನದಂತೆ ಜನರು ತಮ್ಮ ಕೆಲಸ ಕಾರ್ಯದಲ್ಲಿ ನಿರತ ರಾಗಿದ್ದರು. ಈ ಸಂದರ್ಭದಲ್ಲಿ ದಿಢೀರನೆ ಮೊಸಲೆಯೊಂದು ಅಂಗಳಕ್ಕೆ ಎಂಟ್ರಿ ನೀಡಿದೆ. ಅಲ್ಲಿಂದ ಚಲಿಸಲು ಪ್ರಾರಂಭಿಸಿದಾಗ ಜನರು ಭಯ ಭೀತರಾಗಿದ್ದು ಮನೆಯೊಳಗೆ ಓಡಿ ಆಶ್ರಯ ಪಡೆ ದಿದ್ದಾರೆ. ಅದೇ ಸ್ಥಳದಲ್ಲಿ ಹಲವಾರು ಬೀದಿ ನಾಯಿಗಳಿದ್ದು ಮೊಸಳೆಯನ್ನು ನೋಡಿ ಬೊಗಳುತ್ತಾ ನಿಂತಿವೆ. ಮೊಸಳೆ ಆವರಣದಲ್ಲಿ ಚಲಿಸುವುದನ್ನು ಮುಂದುವರಿಸುತ್ತಿದ್ದಂತೆ ಅವುಗಳ ಬೊಗಳುವಿಕೆ ಗದ್ದಲವನ್ನು ಹೆಚ್ಚಿಸಿತು.
Viral Video: ನೆರೆಮನೆಯ ಯುವಕನಿಂದನೇ ಕಿರುಕುಳ; ವಿಡಿಯೊ ಮಾಡಿ ಕಣ್ಣೀರು ಹಾಕಿದ ಅಪ್ರಾಪ್ತ ಬಾಲಕಿ
ಮೊಸಳೆಯ ಬಗ್ಗೆ ಮಾಹಿತಿ ಪಡೆದ ನಂತರ ವನ್ಯಜೀವಿ ರಕ್ಷಕ ಚರಣ್ ದೇಸಾಯಿ ಮತ್ತು ಅವರ ತಂಡವು ಸ್ಥಳಕ್ಕೆ ತಲುಪಿತು. ಮೊಸಳೆ ಸುರಕ್ಷಿತವಾಗಿ ರಕ್ಷಿಸಲು ಕಾರ್ಯಕರ್ತರು ಎಚ್ಚರಿಕೆಯಿಂದ ಕಾರ್ಯಾಚರಣೆಯನ್ನು ಪ್ರಾರಂಭಿಸಿದರು. ತಂಡವು ಅಂತಿಮವಾಗಿ ಮೊಸಳೆಯನ್ನು ಸುರಕ್ಷಿತವಾಗಿ ಸೆರೆಹಿಡಿಯುವಲ್ಲಿ ಯಶಸ್ವಿಯಾಯಿತು. ನಂತರ ಅದನ್ನು ವಸತಿ ಪ್ರದೇಶದಿಂದ ಸುರಕ್ಷಿತವಾಗಿ ರಕ್ಷಿಸಿದ್ದಾರೆ.
ಬಳಿಕ ಮೊಸಳೆಯನ್ನು ಸುರಕ್ಷಿತವಾಗಿ ಜನನಿಬಿಡ ಪ್ರದೇಶದಿಂದ ಕೊಂಡೊಯ್ಯ ಲಾಗಿದ್ದು, ಯಾವುದೇ ಪ್ರಾಣಹಾನಿ ಅಥವಾ ಗಾಯಗಳಿಲ್ಲದೆ ಕಾರ್ಯಾಚರಣೆ ಮುಕ್ತಾಯಗೊಂಡಿದೆ.ಘಟನೆಯ ದೃಶ್ಯ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು ಮೊಸಳೆಯ ಗಾತ್ರ ನೋಡಿ ಆಶ್ಚರ್ಯಚಕಿತ ರಾದರು. ಬಳಕೆದಾರರೊಬ್ಬರು ಧೈರ್ಯವಾಗಿ ಬೊಗಳುತ್ತಿದ್ದ ಬೀದಿ ನಾಯಿಗಳನ್ನು ಶ್ಲಾಘಿಸಿದ್ದಾರೆ.