ದೆಹಲಿ: ಮದುವೆಯನ್ನು ಪ್ರೀತಿ, ವಿಶ್ವಾಸ ಮತ್ತು ತಿಳುವಳಿಕೆಯ ಮೇಲೆ ನಿರ್ಮಿಸಲಾದ ಬಂಧವೆಂದು ಪರಿಗಣಿಸಲಾಗುತ್ತದೆ. ಆದರೆ ಕೆಲವೊಮ್ಮೆ ಮದುವೆಯು ದುಃಸ್ವಪ್ನವಾಗಿ ಕಾಡಬಹುದು. ಕೆಲವೊಮ್ಮೆ ಅನಿರೀಕ್ಷಿತ ಸಂದರ್ಭಗಳು ಉದ್ಭವಿಸಬಹುದು. ಕೆಲವೊಮ್ಮೆ ಗಂಡ-ಹೆಂಡತಿಯ ನಡುವಿನ ನಂಬಿಕೆಯನ್ನು ಪರೀಕ್ಷಿಸುತ್ತದೆ. ಇದೀಗ ಸ್ಲೂತ್ಸ್ ಇಂಡಿಯಾ (Sleuths India) ದ ಸಂಸ್ಥಾಪಕ ನಮನ್ ಜೈನ್ ಎಂಬುವವರು ಒಂದು ಕಥೆಯನ್ನು ಹಂಚಿಕೊಂಡಿದ್ದಾರೆ. ಖಾಸಗಿ ಪತ್ತೇದಾರಿ (Detective) ಸಂಸ್ಥೆಯನ್ನು ನಡೆಸುತ್ತಿರುವ ಮತ್ತು ಸಾವಿರಾರು ಪ್ರಕರಣಗಳನ್ನು ಪರಿಹರಿಸಿರುವ ನಮನ್, ಈ ಅಸಾಮಾನ್ಯ ಪರಿಸ್ಥಿತಿಯನ್ನು ಪಾಡ್‌ಕ್ಯಾಸ್ಟ್‌ (podcast) ನಲ್ಲಿ ವಿವರಿಸಿದ್ದಾರೆ. ಗಂಡ ಮತ್ತು ಹೆಂಡತಿಯ ನಡುವಿನ ಬೇರ್ಪಡುವಿಕೆಯಿಂದ ಪ್ರಾರಂಭವಾದದ್ದು, ನಂತರ ಬಹುತೇಕ ಚಲನಚಿತ್ರದಂತೆ ಭಾಸವಾಗುವ ರೀತಿಯಲ್ಲಿ, ಅನಿರೀಕ್ಷಿತ ತಿರುವುಗಳಿಂದ ತುಂಬಿತ್ತು.
ಈ ದಂಪತಿಗಳು ಶ್ರೀಮಂತ ಹಿನ್ನೆಲೆಯಿಂದ ಬಂದವರು ಎಂದು ನಮನ್ ವಿವರಿಸಿದರು. ಆ ಮಹಿಳೆ ಮುಂಬೈನವಳಾಗಿದ್ದರೆ, ಆ ವ್ಯಕ್ತಿ ಸಣ್ಣ ಪಟ್ಟಣದವರಾಗಿದ್ದರೂ ಅಲ್ಲಿನ ಅತ್ಯಂತ ಶ್ರೀಮಂತರಲ್ಲಿ ಒಬ್ಬರಾಗಿದ್ದರು. ಗಂಡ ಹಳ್ಳಿಯನಾಗಿದ್ದರೂ ಆತ ವಿದೇಶದಲ್ಲಿ ಓದಿದ್ದ. ಇವರಿಬ್ಬರ ಮದುವೆಯಾದ ಎರಡು ತಿಂಗಳ ನಂತರ, ಆ ಮಹಿಳೆ ತನ್ನ ಹೆತ್ತವರ ಮನೆಗೆ ಮರಳಿದಳು, ನಂತರ ಮೌನ ಆವರಿಸಿತು. ಗಂಡ ಏನನ್ನೂ ಹೇಳಲಿಲ್ಲ, ಮಹಿಳೆ ಕೂಡ ಯಾವುದೇ ವಿಷಯವನ್ನು ಬಹಿರಂಗಪಡಿಸಲಿಲ್ಲ. ಆಶ್ಚರ್ಯ ಎಂದರೆ, ಇಬ್ಬರೂ ಒಬ್ಬರನ್ನೊಬ್ಬರ ನಡುವೆ ಯಾವುದೇ ಆಪಾದನೆ ಮಾಡಿಲ್ಲ. ಇದು ಕೇವಲ ಪರಿಹರಿಸಲಾಗದ ಪ್ರತ್ಯೇಕತೆಯಾಗಿತ್ತು.
ಕಳವಳಗೊಂಡ ಮಹಿಳೆಯ ಪೋಷಕರು ಸ್ಲೂಥ್ಸ್ ಇಂಡಿಯಾವನ್ನು ಸಂಪರ್ಕಿಸಿದರು. ದಯವಿಟ್ಟು ತನಿಖೆ ಮಾಡಿ ಮತ್ತು ಅವರ ನಡುವಿನ ಸಮಸ್ಯೆ ಏನೆಂದು ನಮಗೆ ತಿಳಿಸಿ ಎಂದು ನಮನ್ ಅವರ ಬಳಿ ಕೇಳಿಕೊಂಡರು. ನಮನ್ ಮತ್ತು ಅವರ ತಂಡ ಆ ವ್ಯಕ್ತಿಯನ್ನು ಹತ್ತಿರದಿಂದ ಹಿಂಬಾಲಿಸಿತು. ಅವನು ಕಚೇರಿಗೆ ಹೋಗಿ ನೇರವಾಗಿ ತನ್ನ ಮನೆಗೆ ಹೋಗುವುದನ್ನು ನಾವು ಗಮನಿಸಿದ್ದೇವೆ. ಅವನ ಜೀವನದಲ್ಲಿ ಬೇರೆ ಎಂಜಾಯ್‍ಮೆಂಟ್ ಏನೂ ಇರಲಿಲ್ಲ. ಅವನು ತುಂಬಾ ಡಿಸೆಂಟ್ ಹುಡುಗನಾಗಿದ್ದ ನಮನ್ ಹೇಳಿದರು. ಅವನ ಉದ್ಯೋಗಿಗಳು ಮತ್ತು ಚಾಲಕ ಕೂಡ ಅವನ ದಿನಚರಿಯನ್ನು ದೃಢಪಡಿಸಿದರು.
ವಿಡಿಯೊ ವೀಕ್ಷಿಸಿ:
ಕಾಲಾನಂತರದಲ್ಲಿ, ನಮನ್ ಆ ವ್ಯಕ್ತಿಯೊಂದಿಗೆ ಸ್ನೇಹ ಬೆಳೆಸಿಕೊಂಡನು. ಇಬ್ಬರೂ ಒಟ್ಟಿಗೆ ಮದ್ಯ ಸೇವಿಸುತ್ತಿದ್ದರು. ಹಲವಾರು ಬಾರಿ ಈ ರೀತಿ ಭೇಟಿಯಾಗಿದ್ದಾರೆ. ಕೊನೆಗೆ, ಆ ವ್ಯಕ್ತಿ ತನ್ನ ಮನಸ್ಸಿನಲ್ಲಿರುವ ವಿಷಯಗಳನ್ನು ತಿಳಿಸಲು ಪ್ರಾರಂಭಿಸಿದನು. ತನ್ನ ಮದುವೆಯಾದಾಗ, ಅಮೆರಿಕದಲ್ಲಿರುವ ನನ್ನ ಮೂವರು ಸ್ನೇಹಿತರು ಮದುವೆಗೆ ಹಾಜರಾಗಲು ಸಾಧ್ಯವಾಗಲಿಲ್ಲ. ಮದುವೆಯ ನಂತರ ನಾನು ಅವರಿಗೆ ಬ್ಯಾಚುಲರ್ ಪಾರ್ಟಿ ನೀಡಲು ನಿರ್ಧರಿಸಿದೆ ಎಂದು ಅವರು ಹೇಳಿದರು.
ಹಾಗಾಗಿ, ಅವನ ಹೆಂಡತಿ ಕೆಲವು ದಿನಗಳ ಕಾಲ ತನ್ನ ಹೆತ್ತವರ ಮನೆಗೆ ಹೋದ ನಂತರ, ಅವನು ತನ್ನ ಸ್ನೇಹಿತರನ್ನು ಪಾರ್ಟಿಗೆ ಆಹ್ವಾನಿಸಿದನು. ಅಲ್ಲಿ ಅವನ ಸ್ನೇಹಿತರಿಗೆ ಬೇರೆ (ಹೆಣ್ಮಕ್ಕಳ) ಸೌಲಭ್ಯವೂ ಇತ್ತು. ಮದುಮಗ ಕೂಡ ಆ ಕೋಣೆಗೆ ಹೋಗಿದ್ದಾನೆ. ಆದರೆ, ಅಲ್ಲಿನ ದೃಶ್ಯ ನೋಡಿ ಅವನು ದಂಗಾಗಿದ್ದ. ಅವನಿಗೆ ತನ್ನನ್ನೇ ನಂಬಲು ಸಾಧ್ಯವಾಗಲಿಲ್ಲವಂತೆ. ತಲೆಸುತ್ತಿದ ಅನುಭವವಾಗಿದೆ. ಯಾಕೆಂದರೆ ಆ ಕೋಣೆಯಲ್ಲಿ ಇದ್ದಿದ್ದು, ಆತನ ಹೆಂಡತಿ. ಹೀಗಾಗಿ ಆ ದಿನದಿಂದ, ಆತ ಅವಳೊಂದಿಗೆ ಮಾತನಾಡುವುದನ್ನು ನಿಲ್ಲಿಸಿದ್ದಾನೆ.
ಕೇವಲ ಪತ್ನಿಯಿದ್ದು ಮಾತ್ರ ತಪ್ಪಲ್ಲ. ಈತ ಮಾಡಿದ್ದು ಕೂಡ ತಪ್ಪೇ. ಯಾಕೆಂದರೆ ಅವನು ಕೂಡ ಆಗಷ್ಟೇ ಮದುವೆಯಾಗಿದ್ದರೂ ಬೇರೊಬ್ಬ ಮಹಿಳೆಯೊಂದಿಗೆ ಮಲಗಲು ಹೊರಟಿದ್ದ. ಹೀಗಾಗಿ ಇಬ್ಬರದ್ದೂ ತಪ್ಪಿದೆ ಎಂದು ನಮನ್ ವಿವರಿಸಿದರು. ಹೆಚ್ಚಿನ ತನಿಖೆಯಲ್ಲಿ ಮಹಿಳೆ ಈ ಜೀವನಶೈಲಿಯನ್ನು ಮುಂದುವರೆಸಿದ್ದಳು ಎಂದು ತಿಳಿದುಬಂದಿದೆ. ಅವಳು ಒಂದು ರೀತಿಯಲ್ಲಿ ಅಪ್ಸರೆಯಾಗಿದ್ದಳು. ಅವಳು ಇಂತಹ ಸಂಬಂಧವನ್ನು ಬಯಸಿದ್ದಳು ಎಂದು ನಮನ್ ಹೇಳಿದರು. ಪುರುಷರನ್ನು ಆಯ್ಕೆ ಮಾಡುವ ಮೊದಲು ಹೋಟೆಲ್‌ಗಳು ಯಾವ ರೀತಿ ಇದೆ, ಎಷ್ಟು ಆಡಂಬರವಿದೆ ಎಂಬುದನ್ನು ಸಹ ಕೇಳುತ್ತಿದ್ದಳು ಎಂದು ಹೇಳಿದರು.
ಬಹುಶಃ ಮಹಿಳೆಗೆ ನಿಂಫೋಮೇನಿಯಾ ಇದ್ದಿರಬಹುದು. ನಿಂಫೋಮೇನಿಯಾವು ಪ್ರಾಥಮಿಕವಾಗಿ ಮಹಿಳೆಯರಲ್ಲಿ ಕಂಡುಬರುವ ಕಡ್ಡಾಯ ಲೈಂಗಿಕ ಬಯಕೆ ಅಥವಾ ಅತಿ ಲೈಂಗಿಕತೆಯನ್ನು ಸೂಚಿಸುತ್ತದೆ. ಇದನ್ನು ಸಾಮಾನ್ಯವಾಗಿ ಔಪಚಾರಿಕ ವೈದ್ಯಕೀಯ ರೋಗನಿರ್ಣಯಕ್ಕಿಂತ ಹೆಚ್ಚಾಗಿ ಲೈಂಗಿಕ ವ್ಯಸನದ ಒಂದು ರೂಪವಾಗಿ ನೋಡಲಾಗುತ್ತದೆ.
ಸದ್ಯ, ಪಾಡ್‍ಕಾಸ್ಟ್‌ನ ಈ ವಿಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ (Viral Video) ಆಗಿದೆ. ಎಲ್ಲವನ್ನೂ ಛಿದ್ರಗೊಳಿಸಿದ ಬ್ಯಾಚುಲರ್ ಪಾರ್ಟಿ ಎಂದು ವಿಡಿಯೊಗೆ ಶೀರ್ಷಿಕೆ ಬರೆಯಲಾಗಿದೆ. ಈ ವಿಡಿಯೊಗೆ ಅನೇಕ ಮಂದಿ ಪ್ರತಿಕ್ರಿಯಿಸಿದ್ದಾರೆ. ಅನೇಕ ಸಾಮಾಜಿಕ ಬಳಕೆದಾರರು ಸಹಾನುಭೂತಿ ವ್ಯಕ್ತಪಡಿಸಿದರು. ಇತರರು ಕಥೆ ಎಷ್ಟು ನಂಬಲಾಗದಂತಿದೆ ಎಂದು ಅನುಮಾನಗಳನ್ನು ಹಂಚಿಕೊಂಡರು.
ಆ ವ್ಯಕ್ತಿಗಾಗಿ ನಿಜವಾಗಿಯೂ ದುಃಖವಾಯಿತು. ಈ ರೀತಿಯ ದ್ರೋಹವು ಜೀವನವನ್ನು ನಾಶಪಡಿಸುತ್ತದೆ ಎಂದು ಒಬ್ಬ ಬಳಕೆದಾರರು ಕಾಮೆಂಟ್ ಮಾಡಿದ್ದಾರೆ. ಇದು ನಿಜಕ್ಕೂ ಹೃದಯವಿದ್ರಾವಕ, ಅವನು ಅನುಭವಿಸಿದ ನೋವನ್ನು ಊಹಿಸಲೂ ಸಾಧ್ಯವಿಲ್ಲ ಎಂದು ಮತ್ತೊಬ್ಬರು ಹೇಳಿದರು. ಈ ಕಥೆಯನ್ನು ಕೇಳಿ ಕಾಲು ನಡುಗಿತು. ಇಂತಹ ಕಥೆಗಳು ಸಂಬಂಧಗಳ ಮೇಲಿನ ನಂಬಿಕೆಯನ್ನು ಕಳೆದುಕೊಳ್ಳುವಂತೆ ಮಾಡುತ್ತವೆ ಎಂದು ಒಬ್ಬ ವ್ಯಕ್ತಿ ಬರೆದಿದ್ದಾರೆ.
ಇತರರು ಈ ಬಗ್ಗೆ ಅನುಮಾನಗಳನ್ನು ಮತ್ತು ಪ್ರಶ್ನೆಗಳನ್ನು ಕೇಳಿದ್ದಾರೆ. ಹಾಗಾದರೆ ಅವಳು ತನ್ನ ಗಂಡನನ್ನು ಏಕೆ ಆರಿಸಿಕೊಂಡಳು? ಎಂದು ಒಬ್ಬರು ಪ್ರಶ್ನಿಸಿದರು. ಪುರುಷರನ್ನು ಭೇಟಿಯಾಗುವ ಮೊದಲು ಎಚ್ಚರಿಕೆಯಿಂದ ಆಯ್ಕೆ ಮಾಡಿಕೊಂಡಿದ್ದ ಹೆಂಡತಿ, ತನ್ನ ಗಂಡನನ್ನು ಹೇಗೆ ಗುರುತಿಸಲಿಲ್ಲ ಎಂದು ಕೆಲವು ಬಳಕೆದಾರರು ಗೊಂದಲಕ್ಕೊಳಗಾಗಿದ್ದರು. ಗಂಡನ ಸ್ನೇಹಿತರು ಮದುವೆಯ ಫೋಟೋಗಳನ್ನು ಏಕೆ ನೋಡಲಿಲ್ಲ ಎಂದು ಕೆಲವರು ಆಶ್ಚರ್ಯಪಟ್ಟರು.
ಇದನ್ನೂ ಓದಿ: Viral Video: ಆಕಾಶದಲ್ಲಿ ತೇಲಾಡಿದ ವಿಚಿತ್ರ ಆಕೃತಿ! ವೈರಲಾಗ್ತಿರುವ ವಿಡಿಯೊ ನೋಡಿ ಜನ ಫುಲ್‌ ಶಾಕ್