ವಾಷಿಂಗ್ಟನ್: ಮಿಚೆಲ್ ಒಬಾಮಾ (Michelle Obama) ಅವರ ಇತ್ತೀಚಿನ ಫೋಟೋಶೂಟ್ ಅವರ ಇತ್ತೀಚಿನ ತೂಕ ಇಳಿಕೆಯ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ (social media) ಊಹಾಪೋಹಗಳ ಅಲೆಯನ್ನು ಹುಟ್ಟುಹಾಕಿದೆ. ಓಜೆಂಪಿಕ್ ಅಥವಾ ಅಂತಹುದೇ GLP-1 ಔಷಧಿಗಳನ್ನು ಬಳಸುತ್ತಿರಬಹುದೇ ಎಂದು ಕೆಲವು ಸಾಮಾಜಿಕ ಮಾಧ್ಯಮ ಬಳಕೆದಾರರು ಪ್ರಶ್ನಿಸುತ್ತಿದ್ದಾರೆ. ಸದ್ಯ ಈ ಫೋಟೋ ಸಾಮಾಜಿಕ ಮಾಧ್ಯಮದಲ್ಲಿ(Viral News) ವೈರಲ್ ಆಗಿದೆ.
ಖ್ಯಾತ ಛಾಯಾಗ್ರಾಹಕ ಆನಿ ಲೀಬೊವಿಟ್ಜ್ ಅವರೊಂದಿಗಿನ ಚಿತ್ರೀಕರಣದ ದೃಶ್ಯಗಳನ್ನು ಒಬಾಮಾ ಇನ್ಸ್ಟಾಗ್ರಾಮ್‍ನಲ್ಲಿ ಹಂಚಿಕೊಂಡಿದ್ದಾರೆ. ಅಲ್ಲಿ ಅವರು ಕ್ಯಾಶುಯಲ್ ಬೂದು ಬಣ್ಣದ ಟಿ-ಶರ್ಟ್, ಜೀನ್ಸ್ ಮತ್ತು ಸ್ಯೂಡ್ ಬೂಟು ಧರಿಸಿದ್ದಾರೆ. ಫೋಟೋಗೆ ಆತ್ಮವಿಶ್ವಾಸದಿಂದ ಪೋಸ್ ನೀಡಿದರು.
ಇದನ್ನೂ ಓದಿ: Viral Video: ಮಿನರಲ್ ವಾಟರ್ ಬಾಟಲಿಗೆ ಟ್ಯಾಪ್ ನೀರು ತುಂಬಿಸಿ ರೈಲಿನಲ್ಲಿ ಮಾರಾಟ; ವಿಡಿಯೊ ಕಂಡು ನೆಟ್ಟಿಗರು ಗರಂ
ತಮ್ಮ ಶೀರ್ಷಿಕೆಯಲ್ಲಿ, ಒಬಾಮಾ ಲೈಬೋವಿಟ್ಜ್ ಅವರ ಚಿತ್ರಗಳ ಮೂಲಕ ಕಥೆ ಹೇಳುವ ಸಾಮರ್ಥ್ಯವನ್ನು ಪ್ರಶಂಸಿಸಿದರು. ಛಾಯಾಗ್ರಾಹಕರ ಐಕಾನಿಕ್ ಕೃತಿಯಾದ Women ಪುಸ್ತಕವು ಸಮಾಜವು ಮಹಿಳೆಯರನ್ನು ಮತ್ತು ಅವರ ಬದುಕಿನ ಅನುಭವಗಳನ್ನು ನೋಡುವ ರೀತಿಯನ್ನು ವಿಸ್ತರಿಸಿದೆ ಎಂದು ಅವರು ಹೇಳಿದರು. ಪುಸ್ತಕದ ನವೀಕರಿಸಿದ ಆವೃತ್ತಿಗಾಗಿ ಮತ್ತೊಮ್ಮೆ ತಮ್ಮನ್ನು ಚಿತ್ರಿಸುವ ಅವಕಾಶ ದೊರಕಿರುವುದು ಗೌರವಕರವೆಂದು ಅವರು ಹೇಳಿದರು.
ಆದರೆ, ಈ ಚಿತ್ರಗಳು ಎಕ್ಸ್‌ನಲ್ಲಿ ಹಲವು ಚರ್ಚೆಗೆ ಕಾರಣವಾದವು. ಅಲ್ಲಿ ಬಳಕೆದಾರರು 61 ವರ್ಷದ ಮಹಿಳೆ ಹೇಗೆ ತೂಕ ಇಳಿಸಿಕೊಂಡರು ಎಂಬುದನ್ನು ಚರ್ಚಿಸಿದರು. ಕೆಲವು ವ್ಯಾಖ್ಯಾನಕಾರರು ಅವರ ದೇಹವನ್ನು ಓಜೆಂಪಿಕ್‌ನಿಂದ ಬದಲಾಗಿರಬಹುದು ಎಂದು ಅಂದುಕೊಂಡಿದ್ದಾರೆ. ಇತರರು ಶಿಸ್ತಿನ ತರಬೇತಿ ಮತ್ತು ಪೋಷಣೆಯ ಮೂಲಕ ಅವರು ಈ ಬದಲಾವಣೆಯನ್ನು ಸಾಧಿಸಬಹುದೆಂದು ಹೇಳಿದರು. ಇನ್ನೂ ಕೆಲವರು GLP-1 ಔಷಧಿಗಳ ಸಾಧ್ಯತೆಯನ್ನು ಸೂಚಿಸಿದರು.
ಇಲ್ಲಿದೆ ಪೋಸ್ಟ್:
ಓಜೆಂಪಿಕ್ ಎಂದರೇನು?
ಓಜೆಂಪಿಕ್ ಎಂಬುದು ಟೈಪ್-2 ಮಧುಮೇಹವನ್ನು ನಿರ್ವಹಿಸಲು ಸಹಾಯ ಮಾಡಲು ಅಭಿವೃದ್ಧಿಪಡಿಸಲಾದ ಪ್ರಿಸ್ಕ್ರಿಪ್ಷನ್ ಔಷಧವಾಗಿದೆ. ಇದರ ಸಕ್ರಿಯ ಘಟಕಾಂಶವಾದ ಸೆಮಾಗ್ಲುಟೈಡ್, ರಕ್ತದಲ್ಲಿನ ಸಕ್ಕರೆಯನ್ನು ನಿಯಂತ್ರಿಸುತ್ತದೆ. ಆದರೆ, ಹಸಿವನ್ನು ಕಡಿಮೆ ಮಾಡುತ್ತದೆ. ಇದನ್ನು ಸೇವಿಸುವುದರಿಂದ ಹಲವು ಅಡ್ಡಪರಿಣಾಮಗಳು ಉಂಟಾಗುತ್ತವೆ. ತೂಕ ಇಳಿಸುವ ವಿಧಾನಕ್ಕೆ ಇದು ಹೆಸರುವಾಸಿಯಾಗಿದ್ದರೂ, ಓಜೆಂಪಿಕ್ ನಿರ್ದಿಷ್ಟ ವೈದ್ಯಕೀಯ ಪರಿಸ್ಥಿತಿಗಳಿಗೆ ಉದ್ದೇಶಿಸಲಾದ ಚಿಕಿತ್ಸೆಯಾಗಿದೆ. ಸೌಂದರ್ಯವರ್ಧಕ ಬಳಕೆಗೆ ಉದ್ದೇಶಿಸಲಾಗಿಲ್ಲ.