ಗುಜರಾತ್,ಅ.30: ಜಗತ್ತಿನಲ್ಲಿ ಇಂದು ವಿಚಿತ್ರ ಘಟನೆಗಳು ನಡೆಯುತ್ತಿರುತ್ತವೆ.ಇದಕ್ಕೆ ಸಾಕ್ಷಿಯಾಗಿ ಗುಜರಾತ್ ನ ಮೊರ್ಬಿ ಎಂಬಲ್ಲಿ ಆಶ್ಚರ್ಯಕರ ಘಟನೆಯೊಂದು ನಡೆದಿದೆ. ನೆರೆ ಮನೆಯ ಕಾರಿನಿಂದ ಸೆನ್ಸಾರ್ ಶಬ್ದ ಪದೇ ಪದೇ ಬರುತ್ತಿದೆ ಎನ್ನುವ ಕಾರಣಕ್ಕೆ ವ್ಯಕ್ತಿಯೊಬ್ಬ ಕಾರ್ ಗೆ ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಿದ್ದಾನೆ. ಅಷ್ಟೇ ಅಲ್ಲದೆ ಈ ಘಟನೆಯನ್ನು ತನ್ನ ಮೊಬೈಲ್‌ನಲ್ಲಿ ವಿಡಿಯೋ (Viral News) ಮಾಡಿಕೊಂಡಿದ್ದಾನೆ.
ಗುಜರಾತ್‌ನ ಮೊರ್ಬಿಯಲ್ಲಿ ಅಕ್ಟೋಬರ್ 28 ರಂದು ಈ ಘಟನೆ ನಡೆದಿದೆ. ಕಾರಿನ ಸೆನ್ಸಾರ್ ಪದೇ ಪದೇ ಸದ್ದು ಮಾಡುತ್ತಿದೆ ಎನ್ನುವ ಕಾರಣಕ್ಕೆ ಕಿರಿಕಿರಿಗೊಂಡಿದ್ದು ವ್ಯಕ್ತಿಯೊಬ್ಬ ತನ್ನ ನೆರೆಯವನ ಮಾರುತಿ ಸುಜುಕಿ ಸ್ವಿಫ್ಟ್ ಕಾರಿಗೆ ಬೆಂಕಿ ಹಚ್ಚಿದ್ದಾನೆ. ಶಿಖರ್ ಗೋಹೆಲ್ ಎಂಬ ಆರೋಪಿಯು, ವಕೀಲೆ ಪುಷ್ಪಾ ಭಟ್ ಅವರ ಕಾರಿನ ಮೇಲೆ ಪೆಟ್ರೋಲ್ ಸುರಿದು ಬೆಂಕಿ ಕೊಟ್ಟಿದ್ದಾನೆ.
ವಿಡಿಯೋ ನೋಡಿ:
ಉರಿಯುತ್ತಿರುವ ದೃಶ್ಯವನ್ನು ತನ್ನ ಮೊಬೈಲ್‌ನಲ್ಲಿ ಆತ ಸೆರೆಹಿಡಿದಿದ್ದಾನೆ. ಕಾರು ಸಂಪೂರ್ಣ ಭಸ್ಮವಾಗಿದ್ದು 3.50 ಲಕ್ಷ ಮೌಲ್ಯದ ನಷ್ಟ ಉಂಟಾಗಿದೆ. ಪೊಲೀಸರು ಆರೋಪಿಯನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ. ಮಾಹಿತಿಯ ಪ್ರಕಾರ ಸಂಜೆ 4:45 ರ ಸುಮಾರಿಗೆ ಪುಷ್ಪಾ ಭಟ್ ಅವರ ಮಾರುತಿ ಸುಜುಕಿ ಸ್ವಿಫ್ಟ್ ಕಾರು ಅವರ ಮನೆಯ ಬಳಿ ನಿಲ್ಲಿಸಲಾಗಿತ್ತು.ಆರೋಪಿ ಗೋಹೆಲ್ ಪೆಟ್ರೋಲ್ ಬಾಟಲಿಯೊಂದಿಗೆ ಕಾರಿನ ಬಳಿ ಬಂದು, ಬಾನೆಟ್ ಮತ್ತು ಮುಂಭಾಗದ ಭಾಗದ ಮೇಲೆ ಪೆಟ್ರೋಲ್ ಸುರಿದಿದ್ದು ನಂತರ ಬೆಂಕಿ ಹಚ್ಚಿದ್ದಾನೆ.
Viral Video: ಮೈ ಜುಮ್ಮೆನಿಸುವ ದೃಶ್ಯ; ಸ್ಮಶಾನದಲ್ಲಿ ಸುಡುತ್ತಿದ್ದ ಹೆಣದ ಮಾಂಸ ತಿಂದ ಮಹಿಳೆ!
ಸಿಸಿಟಿವಿ ದೃಶ್ಯಾವಳಿಗಳು ಗೋಹೆಲ್ ವಾಹನದ ಮೇಲೆ ಪೆಟ್ರೋಲ್ ಸುರಿಯುವ ಮೊದಲು ನಿಲ್ಲಿಸಿದ ಸ್ವಿಫ್ಟ್ ಅನ್ನು ಸಮೀಪಿಸುತ್ತಿರುವುದನ್ನು ತೋರಿಸುತ್ತವೆ. ಕೆಲವು ಕ್ಷಣಗಳ ನಂತರ, ಆತ ಬೆಂಕಿ ಹಚ್ಚುತ್ತಾನೆ, ಇದರಿಂದಾಗಿ ಬೆಂಕಿಯು ಕಾರಿನಾದ್ಯಂತ ಹರಡುತ್ತದೆ. ಕಾರಿನ ಬಳಿ ಯಾವುದೇ ವ್ಯಕ್ತಿ ಅಥವಾ ಪ್ರಾಣಿ ಸುಳಿದಾಡಿದಾಗ ಕಾರಿನ ಸೆನ್ಸಾರ್ ಅಲಾರಾಂ ಪದೇ ಪದೇ ಸದ್ದು ಮಾಡುತ್ತಿತ್ತು. ಇದರಿಂದ ಆತ ಕಿರಿಕಿರಿ ಗೊಂಡಿದ್ದ ಎನ್ನಲಾಗಿದೆ. ಬೆಂಕಿ ಹೊತ್ತಿ ಉರಿಯುತ್ತಿದ್ದಂತೆ, ಆತ ದೂರ ನಿಂತು ತನ್ನ ಮೊಬೈಲ್ ಫೋನ್‌ನಲ್ಲಿ ಅದನ್ನು ವಿಡಿಯೋ ಮಾಡಿಕೊಂಡಿದ್ದಾನೆ. ನಂತರ ಮತ್ತೊಂದು ಕಾರಿನಲ್ಲಿ ಅಲ್ಲಿಂದ ಪರಾರಿಯಾಗಿದ್ದಾನೆ.
ಕಾರಿನ ಮಾಲೀಕರ ದೂರಿನ ಆಧಾರದ ಮೇಲೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು, ಆರೋಪಿಯನ್ನು ವಶಕ್ಕೆ ಪಡೆದಿದ್ದು, ಮುಂದಿನ ತನಿಖೆಯನ್ನು ಕೈಗೊಂಡಿದ್ದಾರೆ.