ವಾಷಿಂಗ್ಟನ್: ನಾಟಕ, ಸಸ್ಪೆನ್ಸ್ ಮತ್ತು ಸಿನಿಮೀಯ ಶೈಲಿಯ ವಿಡಿಯೊವೊಂದು ಇದೀಗ ಸಾಮಾಜಿಕ ಮಾಧ್ಯಮದಲ್ಲಿ ಭಾರಿ ವೈರಲ್ (Viral Video) ಆಗುತ್ತಿದೆ. ಇದು ಒಬ್ಬ ಮಹಿಳೆ ಮತ್ತು ಆಕೆಯ ಗೆಳೆಯನ ನಡುವಿನ ವಿಮಾನ ನಿಲ್ದಾಣದಲ್ಲಿ ನಡೆದ ಘಟನೆಯ ವಿಡಿಯೊ ಆಗಿದೆ. ಗೆಳೆಯನಿಗೆ ವಿದಾಯ ಹೇಳುತ್ತಿದ್ದಂತೆ ಆಕೆಯ ಪತಿ ಹಿಂದಿನಿಂದ ಹೂವುಗಳನ್ನು ಹಿಡಿದುಕೊಂಡು ಬಂದು ಆಕೆಯನ್ನು ಅಪ್ಪಿದ್ದಾನೆ. ಈ ವೇಳೆ ಆಕೆ ತೋರಿದ ವರ್ತನೆಯು ನೆಟ್ಟಿಗರನ್ನು ಅಚ್ಚರಿ ತರಿಸಿದೆ.
ಸಾಮಾಜಿಕ ಮಾಧ್ಯಮಗಳಲ್ಲಿ ಭಾರಿ ವೈರಲ್ ಆಗಿರುವ ಈ ವಿಡಿಯೊದಲ್ಲಿ ದೀರ್ಘ ವಿಮಾನ ಪ್ರಯಾಣದ ನಂತರ ಮನೆಗೆ ಮರಳುತ್ತಿದ್ದಾಗ ವ್ಯಕ್ತಿಯೊಬ್ಬ ತನ್ನ ಪತ್ನಿಯನ್ನು ಹಿಂದಿನಿಂದ ಬಂದು ಬಿಗಿಯಾಗಿ ಅಪ್ಪಿಕೊಂಡಿದ್ದಾನೆ. ಮಹಿಳೆಯು ವಿಮಾನ ನಿಲ್ದಾಣದಿಂದ ತನ್ನ ಸೂಟ್‌ಕೇಸ್ ಅನ್ನು ಸಂಗ್ರಹಿಸುತ್ತಿರುವಾಗ ಹಿಂದಿನಿಂದ ಬಂದ ಪತಿಯು ಅಪ್ಪಿಕೊಂಡಿದ್ದಾನೆ. ಆಗಷ್ಟೇ ಗೆಳಯನಿಗೆ ವಿದಾಯ ಹೇಳಿದ್ದ ಮಹಿಳೆಗೆ ಪತಿ ಬಂದಿದ್ದು ಶಾಕ್ ಆಗಬೇಕಿತ್ತು. ಆಕೆ ಶಾಕ್ ಆದರೂ ಮುಖದಲ್ಲಿ ತೋರ್ಪಡಿಸದ ಆಕೆ, ಪತಿಯನ್ನು ಕಂಡು ಫುಲ್ ಖುಷಿಯಾಗಿದ್ದಾಳೆ.
ಹಿಂದಿನಿಂದ ಬಂದ ವ್ಯಕ್ತಿಯು ಮಹಿಳೆಯನ್ನು ತಬ್ಬಿಕೊಳ್ಳುತ್ತಿದ್ದಂತೆ ತಿರುಗಿ ನೋಡಿದಾಗ ಆಕೆಯ ಪತಿಯೆಂದು ಗೊತ್ತಾಗುತ್ತಿದ್ದಂತೆ ಅವಳ ಮುಖಭಾವವು ತಕ್ಷಣ ಬದಲಾಗಿದೆ. ಕೂಡಲೇ ಗೆಳೆಯನಿಂದ ದೂರವಾದ ಆಕೆ ಪತಿಯನ್ನು ನೋಡಿ ಅಚ್ಚರಿಯಿಂದ ಜೋರಾಗಿ ನಕ್ಕಿದ್ದಾಳೆ. ಬಹಳ ಸಂತೋಷದಿಂದ ತನ್ನ ಪತಿಯನ್ನು ತಬ್ಬಿಕೊಂಡಿದ್ದಾಳೆ. ಅಷ್ಟೇ ಅಲ್ಲ, ನನಗೆ ಆಶ್ಚರ್ಯವಾಯಿತು ಎಂದು ಉದ್ಗರಿಸಿದ್ದಾಳೆ.
ವಿಡಿಯೊ ವೀಕ್ಷಿಸಿ:
ವೈರಲ್ ಆಗಿರುವ ವಿಡಿಯೊದಲ್ಲಿ, ಈ ಘಟನೆ ನಡೆಯುವಾಗ ವ್ಯಕ್ತಿಯೊಬ್ಬ ಆ ದೃಶ್ಯವನ್ನು ನೋಡುತ್ತಾ ನಿಂತಿದ್ದ. ಅಂದರೆ ಗೆಳೆಯ ಹೋಗುವುದಕ್ಕೂ ಪತಿ ಬರುವುದಕ್ಕೂ ನಡುವಿನ ಸೆಕೆಂಡುಗಳ ಅಂತರದಲ್ಲಿ ನಡೆದ ಘಟನೆಯು ಆತನಿಗೆ ಶಾಕ್ ನೀಡಿದೆ. ಹೀಗಾಗಿ ಸಾಮಾಜಿಕ ಮಾಧ್ಯಮ ಬಳಕೆದಾರರು ಹಾಸ್ಯ ಚಟಾಕಿ ಹಾರಿಸಿದ್ದಾರೆ. ಅವನ ಮುಖಭಾವವೇ ಎಲ್ಲವನ್ನೂ ಹೇಳುತ್ತದೆ ಎಂದು ನೆಟ್ಟಿಗರು ತಮಾಷೆ ಮಾಡಿದ್ದಾರೆ. ಕಮೆಂಟ್ ವಿಭಾಗವು ಜೋಕ್‌ಗಳು ಮತ್ತು ಮೀಮ್‌ಗಳಿಂದ ತುಂಬಿವೆ. ಕೆಲವರು ಮಹಿಳೆ ನಿಜವಾಗಿಯೂ ಮೋಸ ಮಾಡುತ್ತಿದ್ದಾಳೆಯೇ ಅಥವಾ ವಿಡಿಯೊವು ಸ್ಕ್ರಿಪ್ಟೆಡ್ ಆಗಿರಬಹುದೆ ಎಂದು ಚರ್ಚಿಸುತ್ತಿದ್ದಾರೆ.
ಬಳಕೆದಾರರೊಬ್ಬರು, ಆಸ್ಕರ್ ಪ್ರಶಸ್ತಿ ಪಡೆಯಲು ಆಕೆಯ ನಟನೆಯು ಅರ್ಹವಾಗಿದೆ ಎಂದು ಕಮೆಂಟ್ ಮಾಡಿದ್ದಾರೆ. ಸಿಸಿಟಿವಿ ಅವರ ಮೇಲೆ ಮಾತ್ರ ಕೇಂದ್ರೀಕರಿಸುತ್ತಿತ್ತು ಎಂದು ಮತ್ತೊಬ್ಬ ಬಳಕೆದಾರರು ಟೀಕಿಸಿದರು. ಸಾರ್ವಜನಿಕರು ವಿಮಾನ ನಿಲ್ದಾಣದಲ್ಲಿ ಲಗೇಜ್ ತೆಗೆದುಕೊಳ್ಳುವ ಪ್ರದೇಶಕ್ಕೆ ಬರುವಂತಿಲ್ಲ. ಅದು ಹೇಗೆ ಆತ ಅಲ್ಲಿಗೆ ಬಂದ ಎಂದು ಮಗದೊಬ್ಬರು ಹೇಳಿದರು.
ಒಟ್ಟಿನಲ್ಲಿ ಈ ವಿಡಿಯೊ ನಿಜವೋ ಅಥವಾ ಸ್ಕ್ರಿಪ್ಟೆಡೋ ಎಂಬುದು ತಿಳಿದಿಲ್ಲ. ಆದರೆ ಗೆಳೆಯನ ಜತೆ ಮಾತನಾಡುತ್ತಿದ್ದ ಮಹಿಳೆಯು, ತನ್ನ ಪತಿ ಹಿಂದಿನಿಂದ ಬಂದು ತಬ್ಬಿಕೊಳ್ಳುತ್ತಿದ್ದಂತೆ ಆಕೆಯ ಮುಖಭಾವ ಹೇಗೆ ಬದಲಾಯ್ತು ಅನ್ನೋದನ್ನು ನೋಡಿದ ನೆಟ್ಟಿಗರು ಅಚ್ಚರಿಗೊಂಡಿದ್ದಾರೆ. ಸದ್ಯ, ಈ ವಿಡಿಯೊ ಭಾರಿ ವೈರಲ್ ಆಗಿದೆ.
ಇದನ್ನೂ ಓದಿ: Viral Video: 10 ಕೆಜಿ ಮೆಣಸಿನಕಾಯಿಯೇ ಈತನಿಗೆ ಬ್ರೇಕ್‌ಫಾಸ್ಟ್‌! ಈ ವಿಡಿಯೊ ನೋಡಿದ್ರೆ ಶಾಕ್ ಆಗ್ತೀರಿ