ಕೈರೋ, ಮಾ.10: ಮಹಿಳೆಯರಿಗೆ ಸುರಕ್ಷತೆ ಇಲ್ಲ ಎನ್ನುವುದನ್ನು ಸಾಬೀತುಪಡಿಸುವ ಘಟನೆಗಳು ಈಗಲೂ ಆಗಾಗ ನಡೆಯುತ್ತಿರುತ್ತವೆ. ಅದರಲ್ಲೂ ಒಂಟಿ ಮಹಿಳೆಗೆ ಎಲ್ಲೂ ರಕ್ಷಣೆ ಇಲ್ಲ ಅನ್ನುವುದಕ್ಕೆ ಈ ಘಟನೆಯೇ ಸಾಕ್ಷಿ. ಈಜಿಪ್ಟ್ ಪ್ರವಾಸಕ್ಕಾಗಿ ಒಬ್ಬಂಟಿಯಾಗಿ ತೆರಳಿದ್ದ ಮಹಿಳೆಯೊಬ್ಬರು ಕಿರುಕುಳ ಎದುರಿಸಿರುವ ಘಟನೆಯನ್ನು ಶೇರ್ (Viral Video) ಮಾಡಿಕೊಂಡಿದ್ದಾರೆ. ಈಜಿಪ್ಟ್ಗೆ ಪ್ರವಾಸ ಹೋಗಿದ್ದ ಯುವತಿಗೆ ಸ್ಕೂಬಾ ಡೈವಿಂಗ್ ಕಲಿಸುವಾಗ ಅಲ್ಲಿನ ತರಬೇತುದಾರ ಅಸಭ್ಯವಾಗಿ ವರ್ತಿಸಿದ್ದಾನೆ. ಈ ಘಟನೆಯನ್ನು ಯುವತಿ ಶೇರ್ ಮಾಡಿಕೊಂಡಿದ್ದಾರೆ.
ಭೂಮಿ ಮೇಲೆ ಅಲ್ಲದೆ ನೀರೊಳಗಿನ ಮಹಿಳೆಯರಿಗೆ ಸುರಕ್ಷತೆ ಇಲ್ಲ ಎಂದು ಅನೇಕರು ಕಳವಳ ವ್ಯಕ್ತಪಡಿಸಿದ್ದಾರೆ. ರಾಶಾ ಮೆಡೀನ್ ಎಂಬ ಯುವತಿ ತನ್ನ ಮೇಲಾದ ಈ ದೌರ್ಜನ್ಯವನ್ನು ಶೇರ್ ಮಾಡಿಕೊಂಡಿದ್ದಾರೆ. ವಿಡಿಯೊದಲ್ಲಿ ತರಬೇತುದಾರನು ನೀರಿನ ಅಡಿಯಲ್ಲಿರುವಾಗ ಪದೇ ಪದೆ ಯುವತಿಯನ್ನು ಸ್ಪರ್ಶಿಸುತ್ತಿರುವುದು ಕಾಣಬಹುದು.
ವಿಡಿಯೊ ನೋಡಿ:
ಆರಂಭದಿಂದಲೂ ತರಬೇತುದಾರನ ನಡವಳಿಕೆ ಅಸಾಮಾನ್ಯವಾಗಿ ಕಾಣುತ್ತಿತ್ತು ಎಂದು ಮೆಡೀನ್ ಹೇಳಿಕೊಂಡಿದ್ದಾರೆ. ತರಬೇತುದಾರನು ಸುರಕ್ಷತೆಯ ನೆಪದಲ್ಲಿ ಅಶ್ಲೀಲವಾಗಿ ಸ್ಪರ್ಶಿಸಲು ಮುಂದಾಗಿದ್ದಾನೆ. ಆಕೆ ಆತನಿಂದ ದೂರ ಸರಿದರೂ ಮತ್ತೆ ಮತ್ತೆ ಮುಟ್ಟಲು ಪ್ರಯತ್ನ ಮಾಡಿದ್ದಾನೆ.
ಈ ದೇಶದ ಮಹಿಳೆಯರಿಗೆ ಬಾಡಿಗೆ ಗಂಡ ಬೇಕಂತೆ! ಸರ್ಕಾರವೇ ವಿದೇಶಿ ಹುಡುಗರಿಗೆ ಆಹ್ವಾನ ನೀಡುತ್ತೆ
ತನ್ನ ಅನುಭವವನ್ನು ಸಾರ್ವಜನಿಕವಾಗಿ ಹಂಚಿಕೊಂಡ ಅವರು ಇತರ ಮಹಿಳೆಯರು ಕೂಡ ಈ ರೀತಿಯಾದಾಗ ಮೌನವಾಗಿರದೆ ಧ್ವನಿ ಎತ್ತಬೇಕು ಎಂದಿದ್ದಾರೆ. ಈ ವಿಡಿಯೊ ಆನ್ಲೈನ್ನಲ್ಲಿ ವೇಗವಾಗಿ ವೈರಲ್ ಆಗಿದ್ದು ಕೆಲವೇ ಗಂಟೆಗಳಲ್ಲಿ ಸಾವಿರಾರು ವೀಕ್ಷಣೆ ಕಂಡಿದೆ. ಅನಗತ್ಯವಾಗಿ ದೇಹವನ್ನು ಮುಟ್ಟುವುದು ಕಾನೂನುಬಾಹಿರ ಎಂದು ಡೈವಿಂಗ್ ತಜ್ಞರು ಕೂಡ ಕಿಡಿಕಾರಿದ್ದಾರೆ.