ಸಂಪಾದಕೀಯ ಸದ್ಯಶೋಧನೆ
ಅಕ್ಟೋಬರ್ 8, 2024. ಟರ್ಕಿಶ್ ಏರ್‌ಲೈನ್ಸ್ ವಿಮಾನ ಸಿಯಾಟಲ್ ನಿಂದ ಇಸ್ತಾನ್‌ಬುಲ್‌ಗೆ ಹೋಗು ತ್ತಿತ್ತು. ಆ ವಿಮಾನದಂದು ದುರಂತ ಸಂಭವಿಸಿತು. ವಿಮಾನ ಹಾರುತ್ತಿದ್ದಾಗ, 59 ವರ್ಷದ ಕ್ಯಾಪ್ಟನ್ ಇಲ್ಚೆಹಿನ್ ಪೆಹ್ಲಿವಾನ್ ಹಠಾತ್ತನೆ ಕುಸಿದು ಬಿದ್ದ. ವೈದ್ಯಕೀಯ ಸಹಾಯ ಒದಗಿಸಲು ಸಿಬ್ಬಂದಿ ಪ್ರಯತ್ನಿಸಿದರೂ, ಆತ ವಿಮಾನದಲ್ಲೇ ದುರದೃಷ್ಟವಶಾತ್ ನಿಧನನಾದ. ಅನೇಕ ದಶಕ ಗಳ ಕಾಲ ಆಕಾಶವನ್ನೇ ಪ್ರೀತಿಸಿ, ಅದನ್ನೇ ತನ್ನ ಬದುಕಿನ ರಹದಾರಿ ಮಾಡಿಕೊಂಡಿದ್ದ ಆತ ಆಕಾಶದಲ್ಲಿಯೇ ಪ್ರಾಣ ಬಿಟ್ಟಿದ್ದು ವಿಧಿಯ ಕ್ರೂರ ಅಣಕವಾಗಿತ್ತು.
ಆತನ ಜತೆಗಿದ್ದ ಸಹ-ಪೈಲಟ್, ಏರ್ ಟ್ರಾಫಿಕ್ ಕಂಟ್ರೋಲ್ (ಎಟಿಸಿ)ಗೆ ರೇಡಿಯೋದಲ್ಲಿ, ‘ಮೊದಲಿಗೆ, ನಾವು ಮೂರು ಪೈಲಟ್‌ಗಳಿದ್ದೆವು, ಆದರೆ ಈಗ ನಾವು ಒಬ್ಬ ಕ್ಯಾಪ್ಟನ್ ಅನ್ನು ಕಳೆದು ಕೊಂಡಿದ್ದೇವೆ. ಅದಕ್ಕಾಗಿಯೇ ನಾವು ವಿಮಾನವನ್ನು ಜೆಎಫ್‌ ಕೆ ವಿಮಾನ ನಿಲ್ದಾಣಕ್ಕೆ ತಿರುಗಿಸು ತ್ತಿದ್ದೇವೆ’ ಎಂದು ತಿಳಿಸಿದ.
ಈ ಘಟನೆಗೆ ಸ್ಪಂದಿಸಿದ ನಿಯಂತ್ರಕರು, ವಿಮಾನ ನಿಲ್ದಾಣದಲ್ಲಿ ವೈದ್ಯಕೀಯ ಸಹಾಯವನ್ನು ಸಿದ್ಧಪಡಿಸಿದರು. ವಿಮಾನವು ನ್ಯೂಯಾರ್ಕ್‌ನ ಜೆಎಫ್ಕೆ ವಿಮಾನ ನಿಲ್ದಾಣದಲ್ಲಿ ಇಳಿಯಿತು. ಅಲ್ಲಿ ತುರ್ತು ವೈದ್ಯಕೀಯ ತಂಡಗಳು ವಿಮಾನದ ಆಗಮನಕ್ಕಾಗಿ ಕಾಯುತ್ತಿದ್ದವು. ಈ ಘಟನೆಯ ಕುರಿತು ಟರ್ಕಿಶ್ ಏರ್‌ಲೈ ನಂತರ ಕ್ಯಾಪ್ಟನ್ ಪೆಹ್ಲಿವಾನ್‌ಗೆ ಗೌರವ ಸಲ್ಲಿಸಿತು.
ಇದನ್ನೂ ಓದಿ: Vishweshwar Bhat Column: ಇದು ವಿಮಾನಯಾನದಲ್ಲಿ ಮಾತ್ರ ಸಾಧ್ಯ!
ಕೆಲವೇ ತಿಂಗಳುಗಳ ಹಿಂದೆ ಆತ ವೈದ್ಯಕೀಯ ತಪಾಸಣೆಯಲ್ಲಿ ಯಶಸ್ವಿಯಾಗಿ ತೇರ್ಗಡೆಯಾಗಿದ್ದ. ಅಲ್ಲದೆ, ಸುಮಾರು ಎರಡು ದಶಕಗಳ ಕಾಲ ಯಾವುದೇ ತೊಂದರೆಯಿಲ್ಲದೆ ಸುರಕ್ಷಿತವಾಗಿ ವಿಮಾನ ಹಾರಾಟ ಮಾಡಿದ್ದ. ಆ ವಿಮಾನದ ಪ್ರಯಾಣಿಕರು ನಂತರ ತಮ್ಮ ಇಸ್ತಾನ್‌ಬುಲ್ ಪ್ರಯಾಣವನ್ನು ಮುಂದುವರಿಸಿದರು. ಆದರೆ, ಈ ಘಟನೆಯ ನೆನಪು ಮಾತ್ರ ಶಾಶ್ವತವಾಗಿ ಉಳಿಯಿತು.
ಇದು ಪೈಲಟ್‌ಗಳ ಧೈರ್ಯ, ಬದುಕಿನ ಕ್ಷಣಿಕತೆ ಮತ್ತು ಆಕಾಶದಲ್ಲಿ ಹಾರುವವರ ನಡುವಿನ ಬಾಂಧವ್ಯವನ್ನು ನೆನಪಿಸುವಂತಿದೆ. ಪೈಲಟ್‌ಗಳಲ್ಲಿ ಒಬ್ಬರು ಹಾರಾಟದ ಸಮಯದಲ್ಲಿ ಕಾಕ್‌ಪಿಟ್‌ ನಲ್ಲಿ ನಿಧನರಾದಾಗ, ಏನು ಮಾಡಬೇಕು ಎಂಬ ಬಗ್ಗೆ ವಿಮಾನಯಾನ ನಿಯಮಗಳು ಮತ್ತು ಆಪತ್ಕಾಲೀನ ಪ್ರೋಟೋಕಾಲ್‌ಗಳು ಏನು ಹೇಳುತ್ತವೆ? ಇಬ್ಬರು ಪೈಲಟ್‌ಗಳಿರುವ ವಿಮಾನದಲ್ಲಿ, ಒಬ್ಬ ಪೈಲಟ್ ಅಸ್ವಸ್ಥನಾದಾಗ ಅಥವಾ ನಿಧನನಾದಾಗ ಇನ್ನೊಬ್ಬ ಪೈಲಟ್ ವಿಮಾನದ ಸಂಪೂರ್ಣ ನಿಯಂತ್ರಣವನ್ನು ತೆಗೆದುಕೊಳ್ಳುತ್ತಾನೆ.
ಆತ ತಕ್ಷಣವೇ ಎಟಿಸಿಗೆ ಪರಿಸ್ಥಿತಿಯ ಕುರಿತು ಮಾಹಿತಿ ನೀಡುತ್ತಾನೆ ಮತ್ತು ತುರ್ತು ಪರಿಸ್ಥಿತಿಯನ್ನು ಘೋಷಿಸುತ್ತಾನೆ. ಸಾಮಾನ್ಯವಾಗಿ, ಪೈಲಟ್‌ಗಳು ಒಬ್ಬರನ್ನೊಬ್ಬರು ನಿರ್ವಹಿಸುವ ಜವಾಬ್ದಾರಿ ಯನ್ನು ಹೊಂದಿರುತ್ತಾರೆ. ಈ ಸಮಯದಲ್ಲಿ ಒಬ್ಬ ಪೈಲಟ್‌ಗೆ ತೊಂದರೆಯಾದರೆ, ಮತ್ತೊಬ್ಬ ಪೈಲಟ್‌ಗೆ ವಿಮಾನವನ್ನು ನಿರ್ವಹಿಸಲು ತರಬೇತಿ ನೀಡಲಾಗಿರುತ್ತದೆ.
ತುರ್ತು ಪರಿಸ್ಥಿತಿಯನ್ನು ಘೋಷಿಸಿದ ನಂತರ, ವಿಮಾನದಲ್ಲಿ ವೈದ್ಯಕೀಯ ವೃತ್ತಿಪರರು ಇದ್ದಾ ರೆಯೇ ಎಂದು ಪೈಲಟ್ ಕೇಳುತ್ತಾನೆ. ಒಂದು ವೇಳೆ ವೈದ್ಯರು ಲಭ್ಯರಿದ್ದರೆ, ಅವರು ಕಾಕ್‌ಪಿಟ್‌ಗೆ ಬಂದು ಸಹಾಯ ಮಾಡುತ್ತಾರೆ. ವೈದ್ಯಕೀಯ ತುರ್ತುಸ್ಥಿತಿಗೆ ಅನುಗುಣವಾಗಿ, ವಿಮಾನವನ್ನು ಹತ್ತಿರದ ಮತ್ತು ಸೂಕ್ತವಾದ ವಿಮಾನ ನಿಲ್ದಾಣಕ್ಕೆ ತಿರುಗಿಸಲಾಗುತ್ತದೆ.
ಸಹ-ಪೈಲಟ್ ತುರ್ತು ಭೂಸ್ಪರ್ಶಕ್ಕೆ ಬೇಕಾದ ಅಗತ್ಯ ಅನುಮತಿಗಳನ್ನು ಪಡೆದುಕೊಳ್ಳುತ್ತಾನೆ. ಎಟಿಸಿ, ಇತರ ವಿಮಾನಗಳಿಗೆ ಮಾರ್ಗಗಳನ್ನು ಬದಲಾಯಿಸಿ, ವಿಮಾನಕ್ಕೆ ತಕ್ಷಣವೇ ಇಳಿಯಲು ಅನುಕೂಲ ಕಲ್ಪಿಸುತ್ತದೆ. ವಿಮಾನ ಯಶಸ್ವಿಯಾಗಿ ಭೂಸ್ಪರ್ಶ ಮಾಡಿದ ನಂತರ, ವಿಮಾನ ನಿಲ್ದಾಣದಲ್ಲಿ ಮೊದಲೇ ಸಿದ್ಧಪಡಿಸಲಾಗಿರುವ ತುರ್ತು ವೈದ್ಯಕೀಯ ತಂಡಗಳು, ಪೊಲೀಸ್ ಮತ್ತು ವಿಮಾನಯಾನ ಸಂಸ್ಥೆಯ ಅಧಿಕಾರಿಗಳು ಘಟನೆಯ ಸ್ಥಳಕ್ಕೆ ತಲುಪುತ್ತಾರೆ.
ಕ್ಯಾಪ್ಟನ್ ಅಥವಾ ಪೈಲಟ್ ನ ದೇಹವನ್ನು ಹೊರತೆಗೆದು ಸೂಕ್ತ ಕಾನೂನು ಪ್ರಕ್ರಿಯೆಗಳನ್ನು ಅನುಸರಿಸಲಾಗುತ್ತದೆ. ಪ್ರಯಾಣಿಕರ ಸುರಕ್ಷತೆಯನ್ನು ಖಚಿತಪಡಿಸಿದ ನಂತರ, ಅವರಿಗೆ ಮುಂದಿನ ಪ್ರಯಾಣದ ವ್ಯವಸ್ಥೆಗಳನ್ನು ಮಾಡಲಾಗುತ್ತದೆ. ಒಂದು ವಿಮಾನದಲ್ಲಿ ಯಾವಾಗಲೂ ಕನಿಷ್ಠ ಇಬ್ಬರು ಪೈಲಟ್‌ಗಳಿರುತ್ತಾರೆ. ಆದ್ದರಿಂದ ಒಬ್ಬರು ಅನಾರೋಗ್ಯಕ್ಕೊಳಗಾದರೂ ಅಥವಾ ನಿಧನ ರಾದರೂ ಮತ್ತೊಬ್ಬ ಪೈಲಟ್ ವಿಮಾನವನ್ನು ಸುರಕ್ಷಿತವಾಗಿ ನಿರ್ವಹಿಸುವ ಜವಾಬ್ದಾರಿಯನ್ನು ಹೊಂದಿರುತ್ತಾನೆ.
ಈ ರೀತಿಯ ಸನ್ನಿವೇಶಗಳನ್ನು ನಿಭಾಯಿಸಲು ಪೈಲಟ್‌ಗಳಿಗೆ ಸೂಕ್ತವಾದ ತರಬೇತಿ ನೀಡಲಾಗಿರು ತ್ತದೆ. ಈ ಕಾರಣಕ್ಕಾಗಿಯೇ ವಿಮಾನ ಪ್ರಯಾಣವು ಅತ್ಯಂತ ಸುರಕ್ಷಿತ ಎನ್ನಬಹುದು.