E-Khanta: ಹಳ್ಳಿ ಮನೆಗೆ ಇ-ಖಾತಾ ಮಾಡಿಸೋದು ಹೇಗೆ? ಇಲ್ಲಿದೆ ಪಿನ್ ಟು ಪಿನ್ ವಿವರ!
How to create an e-khata for a village: ಗ್ರಾಮ ಪಂಚಾಯ್ತಿ ಇ-ಖಾತಾ ಎಂದರೇನು? ಹಳ್ಳಿಯ ಪ್ರದೇಶಗಳಲ್ಲಿ ಮನೆ ಅಥವಾ ಜಮೀನು ಖರೀದಿಸಿದ ಮೇಲೆ ಇ-ಖಾತಾ ಹೇಗೆ ಮಾಡಿಸಬೇಕು? ಅರ್ಜಿ ಪ್ರಕ್ರಿಯೆ, ಅಗತ್ಯ ದಾಖಲೆಗಳು, ಪಿಡಿಒ ವೆರಿಫಿಕೇಷನ್‌, ಹಾಗೂ ಬಿಬಿಎಂಪಿ ಖಾತಾಗೆ ವ್ಯತ್ಯಾಸ ಎಲ್ಲವನ್ನೂ ವಿವರವಾಗಿ ತಿಳಿಸಿದ್ದೇವೆ.
-
Pushpa Kumari
Oct 24, 2025 7:24 PM
ಬೆಂಗಳೂರು: ಹಳ್ಳಿಯಲ್ಲಿರುವ ರೆವೆನ್ಯೂ ಸೈಟ್‌ ಅಥವಾ ಗ್ರಾಮೀಣ ಭಾಗದ ಪ್ರಾಪರ್ಟಿ‌ಗಳಿಗೆ ಇ-ಖಾತಾ ಬೇಕಾ? (e khata) ಅದು ಹೇಗೆ ಮಾಡಿಸಬೇಕು? ಮತ್ತು ಅದು ಬಿ-ಖಾತಾ ಅಥವಾ ಬಿಬಿ ಎಂಪಿ ಖಾತಾಗೆ ಹೋಲಿಸಿದರೆ ಹೇಗಿರುತ್ತದೆ? ಈ ಎಲ್ಲಾ ಪ್ರಶ್ನೆಗಳಿಗೆ ಸ್ಪಷ್ಟ ಉತ್ತರಗಳನ್ನು ತಿಳಿಯೋಣ.ಮೊದಲು ಗ್ರಾಮ ಪಂಚಾಯ್ತಿ ಇ-ಖಾತಾ ಅಂದ್ರೇನು? ಅರ್ಥ ಮಾಡಿಕೊಳ್ಳೋಣ. ಖಾತಾ ಅಂದ್ರೆ ಪ್ರಾಪರ್ಟಿಯ ಮಾಲೀಕತ್ವ ಮತ್ತು ತೆರಿಗೆ ಕಟ್ಟುವ ದಾಖಲಾತಿ ಆಗಿದೆ. ನಗರಗಳಲ್ಲಿ ಇದು ಬಿಬಿಎಂಪಿ ಖಾತಾ / ಬಿಡಿಎ ಖಾತಾ, ಹಳ್ಳಿಗಳಲ್ಲಿ ಇದನ್ನು ಗ್ರಾಮ ಪಂಚಾಯ್ತಿ ಖಾತಾ ಅಂತ ಕರಿತಾರೆ.
ಹಿಂದೆ ಇದನ್ನು ರಿಜಿಸ್ಟರ್‌ನಲ್ಲಿ ಬರೆಯಲಾಗುತ್ತಿತ್ತು. ಈಗ ಕಾಲ ಬದಲಾಗಿದೆ. ಸರ್ಕಾರ ಇ-ಖಾತಾ ಸಿಸ್ಟಮ್ ಅಂದರೆ ಡಿಜಿಟಲ್ ಪ್ರಾಪರ್ಟಿ ರೆಕಾರ್ಡ್‌ ಸಿಸ್ಟಮ್ ತರಲಾಗಿದೆ. ಇ-ಖಾತಾ ಅಂದ್ರೆ ಪ್ರಾಪ ರ್ಟಿ‌ಯ ಸಂಪೂರ್ಣ ವಿವರಗಳು ಆನ್ಲೈನ್ನಲ್ಲಿ ಎಂಟ್ರಿ ಆಗಿರೋ ಡಿಜಿಟಲ್ ರೆಕಾರ್ಡ್‌. ಯಾರ ಮನೆ ಯಾರ ಹೆಸರಿನಲ್ಲಿದೆ, ಎಷ್ಟು ಏರಿಯಾ ಇದೆ, ಪ್ರಾಪರ್ಟಿ ಟ್ಯಾಕ್ಸ್‌ ಪಾವತಿ ಸ್ಥಿತಿ, ಅಪ್ರೂವಲ್‌ ಸ್ಟೇಟಸ್‌, ಇವೆಲ್ಲವೂ ಇ-ಖಾತಾ ಮೂಲಕ ನೋಡಬಹುದು.
ಗ್ರಾಮ ಪಂಚಾಯ್ತಿ ಇ-ಖಾತಾಗಾಗಿ ಯಾರು ಅರ್ಜಿ ಹಾಕಬಹುದು?
ರೆವೆನ್ಯೂ ಸೈಟ್‌ ಮಾಲೀಕರು, ಡಿಸಿ ಕನ್ವರ್ಷನ್‌ ಆಗಿರುವ ಸೈಟ್‌‌ಗಳು, ಗ್ರಾಮ ಠಾಣಾ ವ್ಯಾಪ್ತಿ ಒಳಗಿನ ಮನೆಗಳು, ವಿಲೇಜ್‌ ಸರ್ವೇ ನಂಬರ್‌ ಪ್ರಾಪರ್ಟಿಗಳು, ಈ ಮಾದರಿಯ ಆಸ್ತಿಗೆ ಗ್ರಾಮ ಪಂಚಾಯ್ತಿಯಲ್ಲಿ, ಇ-ಖಾತಾ ಸಲುವಾಗಿ ಅರ್ಜಿ ಸಲ್ಲಿಸಬಹುದು. ಅಂದರೆ, ಹಳ್ಳಿಯ ಪಂಚಾಯ್ತಿ ವ್ಯಾಪ್ತಿಯಲ್ಲಿರುವ ರೆಸಿಡೆನ್ಷಿಯಲ್‌ / ಕಮರ್ಷಿಯಲ್ ಪ್ರಾಪರ್ಟಿ ಎಲ್ಲದಕ್ಕೂ ಇ-ಖಾತಾ ಅತ್ಯಗತ್ಯ.
ಅರ್ಜಿಗೆ ಬೇಕಾದ ದಾಖಲೆಗಳೇನು?
ಇ-ಖಾತಾ ಪಡೆಯಲು ಬೇಕಾಗುವ ದಾಖಲೆಗಳು, 1. ಸೇಲ್‌ ಡೀಡ್, 2. ಕಳೆದ 3 ವರ್ಷಗಳಲ್ಲಿ ಪ್ರಾಪರ್ಟಿ ಟ್ಯಾಕ್ಸ್‌ ಕಟ್ಟಿರುವ ರಸೀತಿ, 3. ಡಿ.ಸಿ ಕನ್ವರ್ಷನ್‌ ಸರ್ಟಿಫಿಕೇಟ್‌, 4. ಸರ್ವೇ ಮ್ಯಾಪ್‌ ಅಥವಾ ವಿಲೇಜ್‌ ಮ್ಯಾಪ್‌ ಕಾಪಿ, 5. ಬಿಲ್ಡಿಂಗ್‌ ಪ್ಲಾನ್‌ ಅಪ್ರೂವಲ್‌, 6. ವಿದ್ಯುತ್‌ ಅಥವಾ / ನೀರಿನ ಬಿಲ್‌, 7. ಐಡಿ ಪ್ರೂಫ್‌, ಆಧಾರ್‌ ಅಥವಾ ಪ್ಯಾನ್‌, 8. ಅರ್ಜಿ ಸಲ್ಲಿಸುವವರ ಒಂದು ಫೋಟೊ ಮತ್ತು ಅಪ್ಲಿಕೇಷನ್‌ ಫಾರ್ಮ್. ಈ ದಾಖಲೆಗಳು ಪಂಚಾಯ್ತಿ ಕಚೇರಿ‌ಗೆ ಅಥವಾ ತಾಲೂಕು ಇ-ಗವರ್ನೆನ್ಸ್‌ ಕೇಂದ್ರಕ್ಕೆ ಸಲ್ಲಿಸಬಹುದು.
ಇದನ್ನೂ ಓದಿ:e-Khata Mela: ಇ-ಖಾತೆ ಮಾಡಿಸಿಕೊಳ್ಳಿ, ವಂಚನೆಯಿಂದ ತಪ್ಪಿಸಿಕೊಳ್ಳಿ: ಡಿಸಿಎಂ ಡಿ.ಕೆ. ಶಿವಕುಮಾರ್
ಅರ್ಜಿ ಪ್ರಕ್ರಿಯೆ ಹೇಗೆ ನಡೆಯುತ್ತದೆ?
- ಗ್ರಾಮ ಪಂಚಾಯ್ತಿ ಕಚೇರಿ ಅಥವಾ ತಾಲೂಕು ಮಟ್ಟದ ಇ-ಸ್ವತ್ತು ಪೋರ್ಟಲ್‌ ಮೂಲಕ ಅರ್ಜಿ ಸಲ್ಲಿಸಬಹುದು.
- ಪಂಚಾಯ್ತಿ ಡೆವೆಲೋಪ್ಮೆಂಟ್‌ ಆಫೀಸರ್‌ ಜಾಗಕ್ಕೆ ಬಂದು ಪರಿಶೀಲನೆ ಮಾಡ್ತಾರೆ. ಪ್ರಾಪರ್ಟಿಯ ಸರಹದ್ದು, ಬಳಕೆ ಮತ್ತು ದಾಖಲೆಗಳನ್ನು ಪರಿಶೀಲಿಸ್ತಾರೆ.
- ಎಲ್ಲ ವಿವರಗಳು ಆನ್ಲೈನ್ನಲ್ಲಿ ದಾಖಲಾಗಿ ಸಿಸ್ಟಮ್‌ನಲ್ಲಿ ಖಾತಾ ನಂಬರ್‌ ಜನರೇಟ್‌ ಆಗುತ್ತದೆ.
- ಕಾರ್ಯದರ್ಶಿ ಅಥವಾ ಪಿಡಿಒ ಖಾತಾ ಮಾನ್ಯತೆ ಮಾಡಿ, ಅರ್ಜಿದಾರರಿಗೆ ಇ-ಖಾತಾ ಸರ್ಟಿಫಿಕೇಟ್‌ ನೀಡುತ್ತಾರೆ.
- ಮಾನ್ಯತೆ ಪಡೆದ ಇ-ಖಾತಾ ಸರ್ಟಿಫಿಕೇಟ್‌ ಅನ್ನು ಇ-ಸ್ವತ್ತು ಪೋರ್ಟಲ್‌ ಅಥವಾ ಸೇವಾ ಸಿಂಧೂ ಮೂಲಕ ಡೌನ್ಲೋಡ್‌ ಮಾಡಬಹುದು.
ಸಾಮಾನ್ಯ ತಪ್ಪುಗಳು ಮತ್ತು ವಹಿಸಬೇಕಾದ ಎಚ್ಚರಿಕೆಗಳು
- ಫೇಕ್‌ ಇ-ಖಾತಾ ಸರ್ಟಿಫಿಕೇಟ್‌ ಹಂಚಿಕೆ ಇದೆ — ಹೀಗಾಗಿ ಪಿಡಿಒ ಸಹಿ ಮತ್ತು ಮುದ್ರೆ ವೆರಿಫೈ ಮಾಡಿ.
- ರೆವೆನ್ಯೂ ಸೈಟ್‌ಗಳಲ್ಲಿ ಮಾನ್ಯತೆ ಇಲ್ಲದೇ ಮನೆ ಕಟ್ಟೋದು ತಪ್ಪು.
- ಬ್ರೋಕರ್‌ ಮೂಲಕ ಖಾತಾ ಮಾಡಿಸೋ ಮೊದಲು ಪಂಚಾಯ್ತಿಯಲ್ಲಿ ಸ್ಟೇಟಸ್‌ ಚೆಕ್ ಮಾಡಿ.
ಗ್ರಾಮ ಪಂಚಾಯ್ತಿ ಇ-ಖಾತಾ ಅಂದ್ರೆ ಕೇವಲ ಟ್ಯಾಕ್ಸ್‌ ದಾಖಲೆ ಅಲ್ಲ – ಅದು ನಿಮ್ಮ ಪ್ರಾಪರ್ಟಿಗೆ ಸರಕಾರಿ ಮಾನ್ಯತೆ ನೀಡುವ ದಾಖಲೆ. ಹಳ್ಳಿಯಲ್ಲಿದ್ದರೂ, ದಾಖಲೆ ಸರಿಯಾಗಿದ್ದರೆ ಮನೆಗೆ ಲೀಗಲ್‌ ಸ್ಥಾನಮಾನ ಸಿಗುತ್ತದೆ.
ಲೇಖಕರು: ವಿಜೇತ್‌ ಕುಮಾರ್‌ ಡಿ.ಎನ್‌, ಸೀನಿಯರ್‌ ಡಿಜಿಟಲ್ ಕಂಟೆಂಟ್ ಎಡಿಟರ್‌