ನವದೆಹಲಿ, ಏ. 1: ಭಾರತದ ಎರಡು ದೊಡ್ಡ ವಿಮಾನಯಾನ ಸಂಸ್ಥೆಗಳಾದ ಏರ್ ಇಂಡಿಯಾ (Air India) ಮತ್ತು ಇಂಡಿಗೋ (IndiGo airlines) ಏಪ್ರಿಲ್ 1ರಂದು ತಮ್ಮ ಗಲ್ಫ್ ಕಾರ್ಯಾಚರಣೆಗಳಿಗಾಗಿ ಔಪಚಾರಿಕ ಪ್ರಯಾಣ ಸಲಹೆ ನೀಡಿವೆ. ಮಧ್ಯಪ್ರಾಚ್ಯ ಮಾರ್ಗಗಳಲ್ಲಿ ಸಾಗಲು ಟಿಕೆಟ್ ಬುಕ್ ಮಾಡಿದ ಪ್ರಯಾಣಿಕರು ತಮ್ಮ ವಿಮಾನ ಪ್ರಯಾಣದ ಬಗ್ಗೆ ಎಚ್ಚರಿಕೆಯಿಂದ ಪರಿಶೀಲಿಸಲು, ಸೇವೆಗಳು ಸ್ಥಗಿತಗೊಂಡಿರುವಲ್ಲಿ ಮರುಬುಕ್ಕಿಂಗ್ ಆಯ್ಕೆಗಳನ್ನು ಪಡೆಯಲು ಮತ್ತು ನಿರ್ಗಮನಕ್ಕೆ ಮುಂಚಿತವಾಗಿ ತಮ್ಮ ಸಂಪರ್ಕ ವಿವರಗಳನ್ನು ವಿಮಾನಯಾನ ಸಂಸ್ಥೆಗಳೊಂದಿಗೆ ನವೀಕರಿಸಲು ಸಲಹೆ ನೀಡಿವೆ.
ಮಧ್ಯಪ್ರಾಚ್ಯದಾದ್ಯಂತ ಪ್ರಯಾಣದ ಪರಿಸ್ಥಿತಿ ಬದಲಾಗುತ್ತಿರುವ ಹಿನ್ನೆಲೆಯಲ್ಲಿ ವಿಮಾನಯಾನ ಸಂಸ್ಥೆಗಳು ಈ ಸಲಹೆಗಳನ್ನು ನೀಡಿವೆ. ಮಧ್ಯಪ್ರಾಚ್ಯದಲ್ಲಿ ಪರಿಸ್ಥಿತಿ ಬದಲಾಗುತ್ತಿರುವುದರಿಂದ, ಏರ್ಲೈನ್ಸ್ಗಳು ತಮ್ಮ ಸೇವೆಗಳಲ್ಲಿ ಬದಲಾವಣೆ ಮಾಡುತ್ತಿವೆ. ಕೆಲವು ವಿಮಾನಗಳ ಸೇವೆ ಹೆಚ್ಚಿಸಲಾಗುತ್ತಿದ್ದರೆ. ಕೆಲವು ಮಾರ್ಗಗಳ ಪ್ರಯಾಣ ನಿಲ್ಲಿಸಲಾಗುತ್ತಿದೆ. ಕೆಲವು ಸೇವೆ ಯಥಾ ಪ್ರಕಾರ ಮುಂದುವರಿಯಲಿದೆ.
ಏರ್ ಇಂಡಿಯಾ ಮತ್ತು ಏರ್ ಇಂಡಿಯಾ ಎಕ್ಸ್ಪ್ರೆಸ್ ಸೇರಿ ಏಪ್ರಿಲ್ 1ರಂದು ಗಲ್ಫ್ ದೇಶಗಳಿಗೆ 30 ವಿಮಾನಗಳನ್ನು ಪ್ರಯಾಣ ಬೆಳೆಸಲಿವೆ. ಇದರಲ್ಲಿ ಸಾಮಾನ್ಯ ಮತ್ತು ವಿಶೇಷ (ಹೆಚ್ಚುವರಿ) ಸೇವೆಗಳು ಸೇರಿವೆ.
ಮಶಾದ್ ವಿಮಾನ ನಿಲ್ದಾಣದ ಮೇಲೆ ವೈಮಾನಿಕ ದಾಳಿ; ಭಾರತಕ್ಕೆ ಬರಬೇಕಿದ್ದ ಫ್ಲೈಟ್ಗೆ ಹಾನಿ
ಆ 30 ವಿಮಾನಗಳಲ್ಲಿ ಹದಿನಾರು ವಿಮಾನಗಳು ಯುನೈಟೆಡ್ ಅರಬ್ ಎಮಿರೇಟ್ಸ್ಗೆ ತೆರಳುತ್ತವೆ ಎಂದು ವಿಮಾನಯಾನ ಸಂಸ್ಥೆ ಸ್ಪಷ್ಟಪಡಿಸಿದೆ. ಈ ವಿಮಾನಗಳನ್ನು ಯುಎಇಯ ಸಂಬಂಧಿತ ಭಾರತೀಯ ಮತ್ತು ಸ್ಥಳೀಯ ನಿಯಂತ್ರಕ ಅಧಿಕಾರಿಗಳಿಂದ ಅಗತ್ಯ ಅನುಮತಿಗಳೊಂದಿಗೆ ನಿರ್ವಹಿಸಲಾಗುತ್ತಿದೆ.
ತನ್ನ ಇತರ ದೀರ್ಘ-ಪ್ರಯಾಣದ ಜಾಲಗಳಲ್ಲಿ, ಉತ್ತರ ಅಮೆರಿಕ, ಯುರೋಪ್, ಆಸ್ಟ್ರೇಲಿಯಾ ಮತ್ತು ಇತರ ಪ್ರದೇಶಗಳಿಗೆ ಹೋಗುವ ಎಲ್ಲ ವಿಮಾನಗಳು ವೇಳಾಪಟ್ಟಿಯ ಪ್ರಕಾರ ಕಾರ್ಯನಿರ್ವಹಿಸುವುದನ್ನು ಮುಂದುವರಿಸಿವೆ ಎಂದು ಏರ್ ಇಂಡಿಯಾ ದೃಢಪಡಿಸಿದೆ. ಆ ಕಾರಿಡಾರ್ಗಳಲ್ಲಿ ಯಾವುದೇ ಅಡಚಣೆಗಳು ವರದಿಯಾಗಿಲ್ಲ.
ಯಾವ ಮಾರ್ಗಗಳಲ್ಲಿ ವಿಮಾನ ಸೇವೆ ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆಯೋ, ಆ ಪ್ರಯಾಣಿಕರು ಉಚಿತವಾಗಿ ದಿನಾಂಕ ಬದಲಿಸಬಹುದು ಅಥವಾ ಸಂಪೂರ್ಣ ಹಣವನ್ನು ವಾಪಸ್ ಪಡೆಯಬಹುದು.
2026ರ ಟಾಪ್ 10 ವಿಶ್ವದ ವಿಮಾನ ನಿಲ್ದಾಣಗಳ ಪಟ್ಟಿ ಬಿಡುಗಡೆ: ದೆಹಲಿ, ಮುಂಬೈಗೆ ಯಾವ ಸ್ಥಾನ ?
ಏರ್ ಇಂಡಿಯಾ: ವಿಮಾನ ಟಿಕೆಟ್ ಮರು ಬುಕ್ ಮಾಡುವುದು ಅಥವಾ ರದ್ದುಗೊಳಿಸುವುದು ಹೇಗೆ?
- ಮರು ಬುಕ್ಕಿಂಗ್ ಅಥವಾ ರದ್ಧತಿ ವಿನಂತಿಯನ್ನು ಸಲ್ಲಿಸಲು ಏರ್ ಇಂಡಿಯಾ ವೆಬ್ಸೈಟ್ಗೆ ಭೇಟಿ ನೀಡಿ: airindia.com
- 24x7 ಗ್ರಾಹಕ ಬೆಂಬಲ ಹಾಟ್ಲೈನ್ ಅನ್ನು ಸಂಪರ್ಕಿಸಿ: +91 11 6932 9333 ಅಥವಾ +91 11 6932 9999.
- ಏರ್ ಇಂಡಿಯಾ ವಿಮಾನಯಾನ ಸಂಸ್ಥೆಯಲ್ಲಿ ನೋಂದಾಯಿಸಲಾದ ಮೊಬೈಲ್ ಸಂಖ್ಯೆಗಳ ಮೂಲಕ ಪ್ರಯಾಣಿಕರನ್ನು ಸಂಪರ್ಕಿಸಲಾಗುತ್ತದೆ.
- ಪ್ರಯಾಣಿಕರು ತಮ್ಮ ಪ್ರಸ್ತುತ ಮೊಬೈಲ್ ಸಂಖ್ಯೆಯನ್ನು ವಿಮಾನಯಾನ ವ್ಯವಸ್ಥೆಯ ಮೂಲಕ ನವೀಕರಿಸುವುದನ್ನು ಖಚಿತಪಡಿಸಿಕೊಳ್ಳುವಂತೆ ಕೋರಲಾಗಿದೆ.
ಇನ್ನು ಏರ್ ಇಂಡಿಯಾ ಎಕ್ಸ್ಪ್ರೆಸ್, ಯುಎಇಯಿಂದ ಭಾರತದ ವಿವಿಧ ಸ್ಥಳಗಳಿಗೆ ಹೆಚ್ಚುವರಿ ವಾಣಿಜ್ಯ ವಿಮಾನಗಳನ್ನು ಆರಂಭಿಸಿದೆ. ಮೂಲ ಬುಕ್ಕಿಂಗ್ನಲ್ಲಿ ವ್ಯತ್ಯಯಗೊಂಡ ಪ್ರಯಾಣಿಕರನ್ನು ಗಮನದಲ್ಲಿಟ್ಟುಕೊಂಡು ಈ ಕ್ರಮ ಕೈಗೊಳ್ಳಲಾಗಿದೆ. ಮುಖ್ಯವಾಗಿ, ಈ ಮರುಬುಕ್ಕಿಂಗ್ಗಳನ್ನು ಯಾವುದೇ ಹೆಚ್ಚುವರಿ ಶುಲ್ಕವಿಲ್ಲದೆ ಮಾಡಲಾಗುತ್ತದೆ.
ದುಬೈ, ಅಬುಧಾಬಿ, ರಿಯಾದ್, ಕುವೈತ್, ಬಹ್ರೇನ್, ಮಸ್ಕತ್ ಮತ್ತು ದೋಹಾಗಳಿಗೆ ಪ್ರಯಾಣಿಸುವ ಇಂಡಿಗೋದ ಪ್ರಯಾಣಿಕರು ವಿಮಾನ ನಿಲ್ದಾಣಕ್ಕೆ ಹೊರಡುವ ಮೊದಲು ವೆಬ್ಸೈಟ್ ಅಥವಾ ಮೊಬೈಲ್ ಅಪ್ಲಿಕೇಶನ್ ಮೂಲಕ ಸ್ಥಿತಿಯನ್ನು ಪರಿಶೀಲಿಸುವಂತೆ ಸೂಚಿಸಲಾಗಿದೆ.