ಟೆಕ್ಸಾಸ್: ಭಾರತದ ಕಂಪೆನಿಯೊಂದು (Reliance) ಈಗ ಅಮೆರಿಕದಲ್ಲಿ (America) ತೈಲ ಸಂಸ್ಕರಣಾಗಾರವನ್ನು (oil refinery) ಸ್ಥಾಪಿಸಲು ಮುಂದಾಗಿದೆ. ಈ ಕುರಿತು ಯೋಜನೆಯನ್ನು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ (US President Donald Trump ) ಘೋಷಣೆ ಮಾಡಿದ್ದಾರೆ. ಟ್ರುತ್ ಸೋಷಿಯಲ್ ಸಾಮಾಜಿಕ ಮಾಧ್ಯಮದಲ್ಲಿ ಈ ಬಗ್ಗೆ ಮಾಹಿತಿ ನೀಡಿದ ಅವರು, ಟೆಕ್ಸಾಸ್ನಲ್ಲಿ (Texas) ಸುಮಾರು 276 ಕೋಟಿ ರೂ. (300 ಬಿಲಿಯನ್ ಡಾಲರ್) ಮೌಲ್ಯದ ತೈಲ ಸಂಸ್ಕರಣಾಗಾರ ಸ್ಥಾಪನೆಗೆ ರಿಲಯನ್ಸ್ ಯೋಜನೆ ಹಾಕಿಕೊಂಡಿದ್ದು, ಇದಕ್ಕಾಗಿ ರಿಲಯನ್ಸ್ ಗೆ ಅವರು ಧನ್ಯವಾದಗಳನ್ನು ಹೇಳಿದ್ದಾರೆ.
ಅಮೆರಿಕದ ಇಂಧನ ಉತ್ಪಾದನೆಯನ್ನು ಹೆಚ್ಚಿಸುವ ಮತ್ತು ಅಂತಾರಾಷ್ಟ್ರೀಯ ಪಾಲುದಾರರೊಂದಿಗೆ ಆರ್ಥಿಕ ಸಂಬಂಧಗಳನ್ನು ಬಲಪಡಿಸುವ ಉದ್ದೇಶದೊಂದಿಗೆ ಟೆಕ್ಸಾಸ್ನ ಬ್ರೌನ್ಸ್ವಿಲ್ಲೆಯಲ್ಲಿ ರಿಲಯನ್ಸ್ ತೈಲ ಸಂಸ್ಕರಣಾಗಾರವನ್ನು ನಿರ್ಮಿಸಲಾಗುವುದು ಎಂದು ಅವರು ಹೇಳಿದರು.
ಹೊರ್ಮುಜ್ ಜಲಸಂಧಿಯಲ್ಲಿ ಹೆಚ್ಚಿದ ಆತಂಕ: ಇರಾನಿನ 16 ದೋಣಿ ನಾಶ
ಭಾರತದ ಅತಿದೊಡ್ಡ ಖಾಸಗಿ ಒಡೆತನದ ಇಂಧನ ಕಂಪನಿ ರಿಲಯನ್ಸ್ಗೆ ಸಾಮಾಜಿಕ ಮಾಧ್ಯಮದ ಮೂಲಕ ಧನ್ಯವಾದ ಹೇಳಿದ ಡೊನಾಲ್ಡ್ ಟ್ರಂಪ್, ಇದು ಸುಮಾರು ೫೦ ವರ್ಷಗಳ ಬಳಿಕ ಯುಎಸ್ನಲ್ಲಿ ನಿರ್ಮಿಸುತ್ತಿರುವ ಮೊದಲ ಹೊಸ ತೈಲ ಸಂಸ್ಕರಣಾಗಾರವಾಗಿದೆ. ಇದೊಂದು ಐತಿಹಾಸಿಕ ಮೈಲುಗಲ್ಲು ಎಂದು ಹೇಳಿದರು.
ಈ ಸಂಸ್ಕರಣಾಗಾರವು ಭಾರತದೊಂದಿಗಿನ ದೊಡ್ಡ ಒಪ್ಪಂದದ ಭಾಗವಾಗಿದೆ ಎಂಬುದನ್ನು ಅವರು ಉಲ್ಲೇಖಿಸಿಲ್ಲ. ಆದರೆ ಭಾರಿ ಪ್ರಮಾಣದ ಹೂಡಿಕೆಗಾಗಿ ಭಾರತದಲ್ಲಿನ ನಮ್ಮ ಪಾಲುದಾರರು ಮತ್ತು ಭಾರತದ ಅತಿದೊಡ್ಡ ಖಾಸಗಿ ಒಡೆತನದ ಇಂಧನ ಕಂಪನಿ ರಿಲಯನ್ಸ್ಗೆ ಧನ್ಯವಾದಗಳನ್ನು ಅವರು ಹೇಳಿದ್ದಾರೆ.
ಅಮೆರಿಕಾ ಈಗ ಮತ್ತೆ ಶಕ್ತಿಯುತ ರಾಷ್ಟ್ರವಾಗುತ್ತಿದೆ ಎಂದು ಹೇಳಿದ ಟ್ರಂಪ್, 50 ವರ್ಷಗಳ ಬಳಿಕ ಮೊದಲ ಹೊಸ ಯುಎಸ್ ತೈಲ ಸಂಸ್ಕರಣಾಗಾರವನ್ನು ಅಮೆರಿಕ ಟೆಕ್ಸಾಸ್ನ ಬ್ರೌನ್ಸ್ವಿಲ್ಲೆಯಲ್ಲಿ ತೆರೆಯುತ್ತಿದೆ ಎಂದು ಘೋಷಿಸಲು ಹೆಮ್ಮೆಪಡುತ್ತೇನೆ ಎಂದು ಅವರು ತಿಳಿಸಿದ್ದಾರೆ.
ಇದರಿಂದ ಸಾವಿರಾರು ಉದ್ಯೋಗಗಳು ಸೃಷ್ಟಿಯಾಗಲಿದೆ. ದಕ್ಷಿಣ ಟೆಕ್ಸಾಸ್ನಲ್ಲಿ ಆರ್ಥಿಕ ಬೆಳವಣಿಗೆಯನ್ನು ಇದು ಹೆಚ್ಚಿಸಲಿದೆ. ಬ್ರೌನ್ಸ್ವಿಲ್ಲೆ ಬಂದರಿನಲ್ಲಿ ಯೋಜಿಸಲಾದ ಸಂಸ್ಕರಣಾಗಾರವು ದೇಶೀಯ ಮಾರುಕಟ್ಟೆಗಳಿಗೆ ಇಂಧನ ನೀಡಲು ಮತ್ತು ಯುಎಸ್ ರಾಷ್ಟ್ರೀಯ ಭದ್ರತೆಯನ್ನು ಬಲಪಡಿಸಲು ರಫ್ತುಗಳನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ ಎಂದು ಹೇಳಿದರು.
ಇದು ವಿಶ್ವದ ಅತ್ಯಂತ ಸ್ವಚ್ಛವಾದ ಸಂಸ್ಕರಣಾಗಾರವಾಗಲಿದೆ ಎಂದ ಅವರು, ಅಮೆರಿಕ ಇಂಧನ ವಲಯಕ್ಕೆ ದೊಡ್ಡ ಪ್ರಮಾಣದ ಹೂಡಿಕೆಯನ್ನು ಆಕರ್ಷಿಸಲು ಸಾಧ್ಯವಾಗಿರುವುದಕ್ಕೆ ತಮ್ಮ ಆಡಳಿತದ ನೀತಿಗಳನ್ನು ಶ್ಲಾಘಿಸಿದರು.
ಹೊರ್ಮುಜ್ ಜಲಸಂಧಿ ಸಂಘರ್ಷ: 40 ರಾಷ್ಟ್ರಗಳಿಂದ ತೈಲ ಆಮದು ಮಾಡಿಕೊಳ್ಳಲು ಮುಂದಾದ ಭಾರತ
ಅಮೆರಿಕ ಮೊದಲು ಕಾರ್ಯಸೂಚಿ, ಪರವಾನಗಿಗಳನ್ನು ಸುವ್ಯವಸ್ಥಿತಗೊಳಿಸುವುದು ಮತ್ತು ತೆರಿಗೆಗಳನ್ನು ಕಡಿಮೆ ಮಾಡುವುದರಿಂದ ನಮ್ಮ ರಾಷ್ಟ್ರಕ್ಕೆ ಶತಕೋಟಿ ಡಾಲರ್ಗಳ ಒಪ್ಪಂದಗಳು ಮರಳಿ ಬರುತ್ತಿವೆ ಎಂದ ಅವರು, ಇದು ಜಾಗತಿಕ ರಫ್ತುಗಳಿಗೆ ಶಕ್ತಿ ತುಂಬುತ್ತದೆ ಮತ್ತು ಸಾವಿರಾರು ದೀರ್ಘಕಾಲದಿಂದ ಬಾಕಿ ಉಳಿದಿರುವ ಉದ್ಯೋಗಗಳು ಮತ್ತು ಬೆಳವಣಿಗೆಯನ್ನು ಅರ್ಹವಾದ ಪ್ರದೇಶಕ್ಕೆ ತರುತ್ತದೆ. ಇದರಿಂದ ಅಮೆರಿಕ ಇಂಧನ ಪ್ರಾಬಲ್ಯಗೊಳ್ಳುತ್ತದೆ. ಅಮೆರಿಕ ಯಾವಾಗಲೂ ಮೊದಲೇ ಎಂದು ಹೇಳಿರುವ ಅವರು ಇರಾನ್ ಜೊತೆಗೆ ಸಂಘರ್ಷಕ್ಕೆ ಇಳಿದಿರುವ ಮಧ್ಯೆಯೇ ಈ ಘೋಷಣೆಯನ್ನು ಮಾಡಿದ್ದಾರೆ.