ಭೋಪಾಲ್: ಮದುವೆ ಸಂಭ್ರಮದ ವೇಳೆ ಸೂತಕ ಆವರಿಸಿದ ಘಟನೆ ಮಧ್ಯಪ್ರದೇಶದ ಸಾಗರ್ನಲ್ಲಿ ನಡೆದಿದೆ. ಕಿವಿಗಡಚ್ಚಿಕ್ಕುವ ಅಬ್ಬರದ ಸಂಗೀತದ ಸದ್ದು ಏಕಾಏಕಿ ಮೌನವಾಗಿದೆ. ಮದುವೆ ಮೆರವಣಿಗೆಯಲ್ಲಿ (Wedding procession) 15 ವರ್ಷದ ಬ್ಯಾಂಡ್ ವಾದಕನ ಎದೆಗೆ ಗುಂಡು ಹಾರಿಸಿರುವ ಆಘಾತಕಾರಿ ಘಟನೆ ನಡೆದ ನಂತರ ಮದುವೆ ಮನೆಯು ಮಸಣ ಮನೆಯಂತಾಯಿತು (crime news).
ಗುರುವಾರ (ಫೆ.14) ತಡರಾತ್ರಿ ಮದ್ಯದಂಗಡಿಯ ಬಳಿ ಈ ಘಟನೆ ನಡೆದಿದ್ದು, ನಗರವನ್ನೇ ಬೆಚ್ಚಿಬೀಳಿಸಿದೆ. ವಿವೇಕ್ ಎಂಬುವವರ ಏಕೈಕ ಪುತ್ರ, ಕೇವಲ 15 ವರ್ಷ ವಯಸ್ಸಿನಲ್ಲೇ ಹೆಗಲ ಮೇಲೆ ಜವಾಬ್ದಾರಿ ತೆಗೆದುಕೊಂಡು ಮನೆ ನಿಭಾಯಿಸಲು ಮದುವೆ ಬ್ಯಾಂಡ್ಗಳನ್ನು ನುಡಿಸುತ್ತಿದ್ದ. ಗುರುವಾರ ತಡರಾತ್ರಿ ಸಾಗರ್ನಲ್ಲಿ, ಮನೆಗೆ ಆಧಾರಸ್ತಂಭವಾಗಿದ್ದ ಹುಡುಗನ ಜೀವ ಹಾರಿಹೋಗಿದೆ.
ಸೋನಿ ಎಂಬುವವರು ವಿವಾಹ ಮೆರವಣಿಗೆಯು ಮದುವೆ ಮಂಟಪಕ್ಕೆ ಡ್ರಮ್ಸ್ ಬಾರಿಸುತ್ತಾ ಮತ್ತು ನೃತ್ಯ ಮಾಡುತ್ತಾ ಮುಂದೆ ಸಾಗುತ್ತಿತ್ತು. ಪ್ರತ್ಯಕ್ಷದರ್ಶಿಗಳು ಹೇಳುವ ಪ್ರಕಾರ, ಮೆರವಣಿಗೆಯಲ್ಲಿದ್ದ ಯುವಕನೊಬ್ಬ ಇದ್ದಕ್ಕಿದ್ದಂತೆ ಪಿಸ್ತೂಲಿನಿಂದ ಗುಂಡು ಹಾರಿಸಿದ. ಕೆಲವೇ ಸೆಕೆಂಡುಗಳಲ್ಲಿ, ಬಟ್ಟೆಗಳು ರಕ್ತದಿಂದ ತೊಯ್ದುಕೊಂಡ ವಿವೇಕ್ ಎದೆಯನ್ನು ಹಿಡಿದುಕೊಂಡು ಕುಸಿದುಬಿದ್ದ.
ಪೊಲೀಸ್ ಆಕಾಂಕ್ಷಿಗೆ ಕಂಠ ಪೂರ್ತಿ ಮದ್ಯ ಕುಡಿಸಿ ಬಲವಂತದ ಮದುವೆ ಮಾಡಿದ ವಧುವಿನ ಸಂಬಂಧಿಕರು: ವಿಡಿಯೊ ವೈರಲ್
ಸಂಭ್ರಮಾಚರಣೆಯ ಜಾಗದಲ್ಲಿ ಭೀತಿ ಆವರಿಸಿತು. ಗುಂಡೇಟಿನ ಸದ್ದು ಮದುವೆಗೆ ಬಂದಿದ್ದ ಅತಿಥಿಗಳಲ್ಲಿ ಗೊಂದಲ ಮೂಡಿಸಿತು. ಇದ್ದಕ್ಕಿದ್ದಂತೆ, ದೊಡ್ಡ ಶಬ್ದವಾಯಿತು. ಬ್ಯಾಂಡ್ ನುಡಿಸುತ್ತಿದ್ದ ಹುಡುಗ ವಿವೇಕ್ ಕುಸಿದು ಬಿದ್ದನು ಎಂದು ಅವರ ಸ್ನೇಹಿತ ಖಿಲನ್ ಬನ್ಸಾಲ್ ಹೇಳಿದರು. ಮೊದಲಿಗೆ, ನಾವು ಅದು ಪಟಾಕಿ ಶಬ್ಧ ಎಂದೇ ಭಾವಿಸಿದ್ದೆವು. ನಂತರ ನಮಗೆ ರಕ್ತ ಕಾಣಿಸಿತು, ಎಲ್ಲರೂ ಕಿರುಚಲು ಪ್ರಾರಂಭಿಸಿದರು ಎಂದು ಪ್ರತ್ಯಕ್ಷದರ್ಶಿಗಳು ಹೇಳಿದರು.
ವಿವೇಕ್ ಅವರನ್ನು ಮೊದಲು ಹತ್ತಿರದ ಖಾಸಗಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ನಂತರ ಬುಂದೇಲ್ಖಂಡದ ವೈದ್ಯಕೀಯ ಕಾಲೇಜಿಗೆ ಕರೆದೊಯ್ಯಲಾಯಿತು. ಬಿಎಂಸಿ ವೈದ್ಯರು ಆತ ಮೃತಪಟ್ಟಿದ್ದಾಗಿ ಘೋಷಿಸಿದರು. ವೈದ್ಯಕೀಯ ಮೂಲಗಳ ಪ್ರಕಾರ, ಗುಂಡು ಅವರ ಎದೆಯ ಅತ್ಯಂತ ಸೂಕ್ಷ್ಮ ಭಾಗಕ್ಕೆ ತಗುಲಿ, ಭಾರಿ ರಕ್ತಸ್ರಾವ ಉಂಟಾಗಿತ್ತು ಎಂದು ವೈದ್ಯರು ಹೇಳಿದ್ದಾರೆ.
ಬ್ಯಾಂಡ್ ವಾದಕನ ಸಾವಿನ ಸುದ್ದಿ ಹರಡುತ್ತಿದ್ದಂತೆ, ನೂರಾರು ಸಂಬಂಧಿಕರು ಮತ್ತು ಸ್ಥಳೀಯ ನಿವಾಸಿಗಳು ವೈದ್ಯಕೀಯ ಕಾಲೇಜಿನ ಹೊರಗೆ ಜಮಾಯಿಸಿ ಪ್ರತಿಭಟನೆ ನಡೆಸಿದರು. ಪರಿಸ್ಥಿತಿಯನ್ನು ನಿಯಂತ್ರಿಸಲು ಪೊಲೀಸರು ಮಧ್ಯಪ್ರವೇಶಿಸಬೇಕಾಯಿತು. ಆರೋಪಿಗಳ ವಿರುದ್ಧ ಕೊಲೆ ಪ್ರಕರಣ ದಾಖಲಿಸಬೇಕೆಂದು ಒತ್ತಾಯಿಸಿ ಕುಟುಂಬವು ಆಸ್ಪತ್ರೆಯ ಹೊರಗೆ ಮತ್ತು ನಂತರ ಪೊಲೀಸ್ ಠಾಣೆಯ ಬಳಿ ಪ್ರತಿಭಟನೆ ನಡೆಸಿತು.
ಮದುವೆ ಮಂಟಪದಲ್ಲೇ ವಧುವಿನ ಬ್ಯಾಗ್ ಎಗರಿಸಿದ ಕಳ್ಳ! ಚಾಲಾಕಿಯ ಕೃತ್ಯ ಕ್ಯಾಮರಾದಲ್ಲಿ ಸೆರೆ
ಸಂಭ್ರಮಾಚರಣೆ ವೇಳೆ ಗುಂಡು ಹಾರಿಸಿದಾಗ ಆಕಸ್ಮಿಕವಾಗಿ ಅದು ವಿವೇಕ್ಗೆ ಬಡಿದಿರಬಹುದು ಎಂದು ಶಂಕಿಸಲಾಗಿದೆ. ಇನ್ನೊಂದು ಮೂಲಗಳ ಪ್ರಕಾರ, ಇಬ್ಬರು ಯುವಕರು ರಾಯ್ ನೃತ್ಯ ಸಂಗೀತವನ್ನು ನುಡಿಸುವ ಬಗ್ಗೆ ಬ್ಯಾಂಡ್ ಸದಸ್ಯರೊಂದಿಗೆ ವಾಗ್ವಾದ ನಡೆಸುತ್ತಿದ್ದರು. ನಂತರ ಅವರಲ್ಲಿ ಒಬ್ಬರು ವಿವೇಕ್ಗೆ ಹತ್ತಿರದಿಂದ ಗುಂಡು ಹಾರಿಸಿದ್ದಾರೆ ಎಂದು ಹೇಳಲಾಗಿದೆ.
ಒಬ್ಬ ಶಂಕಿತನನ್ನು ಬಂಧಿಸಲಾಗಿದ್ದು, ಮತ್ತೊಬ್ಬ ಪರಾರಿಯಾಗಿದ್ದಾನೆ ಎಂದು ಪೊಲೀಸ್ ಅಧಿಕಾರಿ ಜಸ್ವಂತ್ ಸಿಂಗ್ ರಜಪೂತ್ ಹೇಳಿದ್ದಾರೆ. ಡ್ರೋನ್ ದೃಶ್ಯಾವಳಿಗಳು ಮತ್ತು ಸಿಸಿಟಿವಿಯನ್ನು ಪರಿಶೀಲಿಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಇನ್ನು ಆಡಳಿತವು, ದುಃಖಿತ ಕುಟುಂಬಕ್ಕೆ 50,000 ರೂ.ಗಳನ್ನು ಸಹಾಯ ನೀಡಿದೆ. ಆದರೆ, ತಮ್ಮ ಏಕೈಕ ಮಗನನ್ನು ಕಳೆದುಕೊಂಡ ತಾಯಿ ಮತ್ತು ತಂದೆಯ ರೋದನ ಮುಗಿಲುಮುಟ್ಟಿದೆ. ಮದುವೆಯ ಆಚರಣೆಯಾಗಿ ಪ್ರಾರಂಭವಾದದ್ದು ಅಂತ್ಯಕ್ರಿಯೆಯ ಮೆರವಣಿಗೆಯಾಗಿ ಕೊನೆಗೊಂಡಿತು.