ಕಾಬೂಲ್: ಅಫ್ಘಾನಿಸ್ತಾನ-ತಜಿಕಿಸ್ತಾನ್ ಗಡಿಯಲ್ಲಿ ಶನಿವಾರ 5.8 ತೀವ್ರತೆಯ ಭೂಕಂಪ ಸಂಭವಿಸಿದೆ. ಭೂಕಂಪವು (Earthquake) 92 ಕಿ.ಮೀ (57 ಮೈಲುಗಳು) ಆಳದಲ್ಲಿ ಸಂಭವಿಸಿದೆ ಎಂದು ಜರ್ಮನ್ ಭೂವಿಜ್ಞಾನ ಸಂಶೋಧನಾ ಕೇಂದ್ರ (GFZ) ತಿಳಿಸಿದೆ. ಜಮ್ಮು, ಶ್ರೀನಗರ, ಪಂಜಾಬ್ ಮತ್ತು ಪಂಜಾಬ್ ಮತ್ತು ದೆಹಲಿ-ಎನ್ಸಿಆರ್ನ ಕೆಲವು ಭಾಗಗಳಲ್ಲಿ ಭೂಕಂಪನದ ಅನುಭವವಾಗಿದೆ ಎಂದು ಭೂ ವಿಜ್ಞಾನಿಗಳು ತಿಳಿಸಿದ್ದಾರೆ. ಪಾಕಿಸ್ತಾನದ ಇಸ್ಲಾಮಾಬಾದ್, ಲಾಹೋರ್ ಮತ್ತು ದೇಶದ ಕೆಲವು ಭಾಗಗಳಲ್ಲಿಯೂ ಭೂಕಂಪನದ ಅನುಭವವಾಗಿದೆ ಎಂದು ತಿಳಿದು ಬಂದಿದೆ.
"ಸಮೀಕರಣ ಮಾಪನದ ಭೂಗೋಳಶಾಸ್ತ್ರ: 5.8, ದಿನಾಂಕ: 19/04/2025 12:17:53 IST, ಅಕ್ಷಾಂಶ: 36.10 ಉತ್ತರ, ಉದ್ದ: 71.20 ಪೂರ್ವ, ಆಳ: 130 ಕಿ.ಮೀ., ಸ್ಥಳ: ಅಫ್ಘಾನಿಸ್ತಾನ" ಎಂದು ರಾಷ್ಟ್ರೀಯ ಭೂಕಂಪಶಾಸ್ತ್ರ ಕೇಂದ್ರವು X ನಲ್ಲಿ ಪೋಸ್ಟ್ ಮಾಡಿದೆ. ಜರ್ಮನ್ ರಿಸರ್ಚ್ ಸೆಂಟರ್ ಫಾರ್ ಜಿಯೋಸೈನ್ಸಸ್ (GFZ) ಪ್ರಕಾರ, ಭೂಕಂಪನವು ಅಫ್ಘಾನಿಸ್ತಾನ-ತಜಿಕಿಸ್ತಾನ್ ಗಡಿಯ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಸಂಭವಿಸಿದೆ. ಯಾವುದೇ ಹಾನಿಯ ಬಗ್ಗೆ ತಕ್ಷಣದ ವರದಿಗಳು ಬಂದಿಲ್ಲ. .ನನಗೆ ಕಂಪನದ ಅನುಭವವಾಯಿತು. ನನ್ನ ಕುರ್ಚಿ ಅಲುಗಾಡಿದಾಗ ನಾನು ಕಚೇರಿಯಲ್ಲಿದ್ದೆ ಎಂದು ಶ್ರೀನಗರದ ಸ್ಥಳೀಯರೊಬ್ಬರು ಹೇಳಿದ್ದಾರೆ.
ಇಂದು ಬೆಳಿಗ್ಗೆ 7.38 ಕ್ಕೆ ಅಸ್ಸಾಂನ ನಾಗಾಂವ್ನಲ್ಲಿ 2.9 ತೀವ್ರತೆಯ ಭೂಕಂಪ ಸಂಭವಿಸಿದೆ. ಭೂಕಂಪನವು 10 ಕಿ.ಮೀ ಆಳದಲ್ಲಿ ಸಂಭವಿಸಿದೆ ಎಂದು ರಾಷ್ಟ್ರೀಯ ಭೂಕಂಪಶಾಸ್ತ್ರ ಕೇಂದ್ರ ತಿಳಿಸಿದೆ. ಕಳೆದ ಮೂರು ದಿನಗಳ ಹಿಂದೆ ಅಫ್ಘಾನಿಸ್ತಾನದಲ್ಲಿ ತೀವೃವಾದ ಭೂಕಂಪ ಸಂಭವಿಸಿತ್ತು. 6.4 ತೀವೃತೆಯಲ್ಲಿ ಭೂಕಂಪವಾಗಿತ್ತು. ಭೂಮಿಯ ಒಳಗೆ ಸುಮಾರು 121 ಕಿಲೋಮೀಟರ್ ಆಳದಲ್ಲಿ ಕಂಪನ ಉಂಟಾಗಿದೆ ಎಂದು ತಿಳಿದು ಬಂದಿತ್ತು. ಏಪ್ರಿಲ್ 15, 2025 ರಂದು, ಸರಿಸುಮಾರು ರಾತ್ರಿ 11:13 ಕ್ಕೆ ಅಫ್ಘಾನಿಸ್ತಾನದ ಹಿಂದೂ ಕುಶ್ ಪ್ರದೇಶದಲ್ಲಿ 6.1 ರಿಂದ 6.7 ರವರೆಗಿನ ತೀವ್ರತೆಯ ಭೂಕಂಪ ಸಂಭವಿಸಿದೆಪ್ರಾಥಮಿಕ ವರದಿಗಳ ಪ್ರಕಾರ, ಭೂಕಂಪವು 87 ರಿಂದ 121 ಕಿ.ಮೀ ಆಳದಲ್ಲಿ ಸಂಭವಿಸಿದೆ.
ಈ ಸುದ್ದಿಯನ್ನೂ ಓದಿ: Viral Video: ದಕ್ಷಿಣ ಕ್ಯಾಲಿಫೋರ್ನಿಯಾದಲ್ಲಿ ಭೂಕಂಪ; ಮರಿಗಳನ್ನು ರಕ್ಷಿಸಲು ಆನೆಗಳು ಮಾಡಿದ್ದೇನು?
ಅಫ್ಘಾನಿಸ್ತಾನದಲ್ಲಾದ ಭೂಕಂಪದಿಂದಾಗಿ ಪಾಕಿಸ್ತಾನದಲ್ಲಿಯೂ ಕಂಪನದ ಅನುಭವಾಗಿದೆ. ಅಫ್ಘಾನಿಸ್ತಾನದ ಪಾರೂನ್ನಿಂದ ಸುಮಾರು 69 ಕಿ.ಮೀ ವಾಯುವ್ಯ ದೂರದಲ್ಲಿರುವ ಭೂಕಂಪದ ಕೇಂದ್ರಬಿಂದುವಿನ ಬಳಿ ಬಲವಾದ ಕಂಪನ ಉಂಟಾಗಿದೆ. ಸಾವುನೋವುಗಳು ಅಥವಾ ಪ್ರಮುಖ ಹಾನಿಯ ಬಗ್ಗೆ ತಿಳಿದು ಬಂದಿಲ್ಲ.