ಬೆಂಗಳೂರು: ಆಧುನಿಕ ಸವಾರರ ಅಗತ್ಯಗಳನ್ನು ಗಮನದಲ್ಲಿಟ್ಟುಕೊಂಡು ಯೆಜ್ಡಿ ಮತ್ತು ಬಿಎಸ್ಎ ಕಂಪನಿಗಳು ಭಾರತದಲ್ಲಿ ಎರಡು ಹೊಸ ಸ್ಕ್ರ್ಯಾಂಬ್ಲರ್ ಬೈಕ್ಗಳನ್ನು ಪರಿಚಯಿಸಿವೆ. ನಗರ ಸಂಚಾರ, ವಾರಾಂತ್ಯದ ಸಾಹಸ ಮತ್ತು ಹೆದ್ದಾರಿ ಪ್ರಯಾಣ—all-round ಬಳಕೆಗೆ ಹೊಂದುವಂತೆ 350ಸಿಸಿ ಮತ್ತು 650ಸಿಸಿ ವಿಭಾಗಗಳಲ್ಲಿ ಈ ಬೈಕ್ಗಳನ್ನು ವಿನ್ಯಾಸಗೊಳಿಸಲಾಗಿದೆ.
ಯೆಜ್ಡಿ ಸ್ಕ್ರ್ಯಾಂಬ್ಲರ್ 350 ದೇಶದಲ್ಲಿನ ತೂಕದಲ್ಲಿ ಅತ್ಯಂತ ಹಗುರವಾದ ಸ್ಕ್ರ್ಯಾಂಬ್ಲರ್ ಬೈಕ್ ಆಗಿದ್ದು, ‘ಕಟಾರ್’ ಎಂಬ ಹೊಸ ಲಿಕ್ವಿಡ್-ಕೂಲ್ಡ್ ಎಂಜಿನ್ ಹೊಂದಿದೆ. 30 ಬಿಹೆಚ್ಪಿ ಶಕ್ತಿ, 30 ಎನ್ಎಂ ಟಾರ್ಕ್ ಮತ್ತು 30 ಕಿಮೀ/ಲೀ ಇಂಧನ ದಕ್ಷತೆಯೊಂದಿಗೆ ನಗರ ಹಾಗೂ ಲಘು ಆಫ್ರೋಡ್ ಸವಾರಿಗೆ ಇದು ಸೂಕ್ತವಾಗಿದೆ. ಇದರ ಪ್ರಾರಂಭಿಕ ಬೆಲೆ ರೂ. 1,99,950.
ಇದನ್ನೂ ಓದಿ: Tata Motors: ಅತಿ ಹೆಚ್ಚು ಪೇಟೆಂಟ್ ದಾಖಲಾತಿ ಮೂಲಕ ಆರ್ಥಿಕ ವರ್ಷ 25ರಲ್ಲಿ ಹೊಸ ದಾಖಲೆ ಮಾಡಿದ ಟಾಟಾ ಮೋಟಾರ್ಸ್
ಬಿಎಸ್ಎ ಸ್ಕ್ರ್ಯಾಂಬ್ಲರ್ 650 ಭಾರತದಲ್ಲಿ ಈ ವಿಭಾಗದಲ್ಲಿನ ಏಕೈಕ 650ಸಿಸಿ ಸಿಂಗಲ್-ಸಿಲಿಂಡರ್ ಎಂಜಿನ್ ಹೊಂದಿದ್ದು, 45 ಬಿಹೆಚ್ಪಿ ಮತ್ತು 55 ಎನ್ಎಂ ಟಾರ್ಕ್ ಉತ್ಪಾದಿ ಸುತ್ತದೆ. ಗೋಲ್ಡ್ ಸ್ಟಾರ್ ಕ್ಯಾಟಲಿನಾ ಮತ್ತು ಎ10 ಸ್ಪಿಟ್ಫೈರ್ ಮಾದರಿಗಳಿಂದ ಪ್ರೇರಿತ ವಾದ ವಿನ್ಯಾಸವು ಇದಕ್ಕೆ ವಿಶಿಷ್ಟ ಗುರುತನ್ನು ನೀಡುತ್ತದೆ. ಇದರ ಪ್ರಾರಂಭಿಕ ಬೆಲೆ ರೂ. 3,24,950.
ಕ್ಲಾಸಿಕ್ ಲೆಜೆಂಡ್ಸ್ ಸಹ-ಸ್ಥಾಪಕರಾದ ಅನುಪಮ್ ಥರೆಜಾ ಅವರು, ಸ್ಕ್ರ್ಯಾಂಬ್ಲರ್ ಬೈಕ್ಗಳು ಭಾರತೀಯ ಸವಾರಿ ಸಂಸ್ಕೃತಿಯಲ್ಲಿ ಹೊಸ ದಿಕ್ಕು ತರುತ್ತವೆ ಎಂದು ಹೇಳಿದರು. ಬೋಮನ್ ಇರಾನಿ ಅವರು ಯೆಜ್ಡಿ ಬ್ರ್ಯಾಂಡ್ನ ಸ್ವತಂತ್ರ ಸ್ವಭಾವವನ್ನು ಒತ್ತಿ ಹೇಳಿದರು.
ಯೆಜ್ಡಿ ಬೈಕ್ 174 ಕೆಜಿ ತೂಕ, ಉತ್ತಮ ಹಿಡಿತ ಮತ್ತು ನಿಯಂತ್ರಣದೊಂದಿಗೆ ಬರುತ್ತದೆ. ಬಿಎಸ್ಎ ಬೈಕ್ ಭಾರತೀಯ ರಸ್ತೆ ಪರಿಸ್ಥಿತಿಗೆ ಹೊಂದುವಂತೆ ವಿನ್ಯಾಸಗೊಳಿಸಲಾಗಿದೆ.
ಎರಡೂ ಬೈಕ್ಗಳಿಗೆ 4 ವರ್ಷ/50,000 ಕಿಮೀ ವಾರಂಟಿ, ವಿಸ್ತೃತ ವಾರಂಟಿ, ರಸ್ತೆ ಸಹಾಯ ಹಾಗೂ AMC ಸೌಲಭ್ಯಗಳೊಂದಿಗೆ ಒಡೆತನ ಭರವಸೆ ಯೋಜನೆ ಲಭ್ಯವಿದೆ