Early Dinners For Health: ರಾತ್ರಿಯ ಊಟ ಬೇಗ ಮಾಡಿದಷ್ಟು ಆರೋಗ್ಯಕ್ಕೆ ಒಳಿತು
Early Dinners: ಹೆಚ್ಚಿನವರಿಗೆ ರಾತ್ರಿ ತಡವಾಗಿ ಊಟ ಮಾಡುವ ಅಭ್ಯಾಸ ಇದೆ. ಆದರೆ ಇತ್ತೀಚಿನ ಅಧ್ಯಯನವೊಂದು ರಾತ್ರಿ ತಡವಾಗಿ ಊಟ ಮಾಡುವುದು ಹಲವು ರೋಗಗಳಿಗೆ ಕಾರಣವಾಗಬಹುದು ಎಂದು ತಿಳಿಸಿದೆ. ರಾತ್ರಿಯ ಊಟ ಬೇಗನೆ ಅಂದರೆ 7-9 ಗಂಟೆಯೊಳಗೆ ಮಾಡುವುದರಿಂದ ನಮ್ಮ ಆರೋಗ್ಯ ಮತ್ತು ಜೀವನಶೈಲಿಯಲ್ಲಿ ದೊಡ್ಡ ಬದಲಾವಣೆಯನ್ನು ಉಂಟು ಮಾಡಬಹುದು.
Early Dinners -
Pushpa Kumari
Oct 8, 2025 7:00 AM
ಬೆಂಗಳೂರು: ನಾವು ದಿನನಿತ್ಯ ಸೇವಿಸುವ ಆಹಾರ ದೇಹಕ್ಕೆ ಹಿಡಿಸುವುದರ ಜತೆಗೆ, ಸರಿಯಾದ ಸಮಯದಲ್ಲಿ ಸೇವಿಸುವುದು ಕೂಡ ಮುಖ್ಯವಾಗುತ್ತದೆ. ಅದರಲ್ಲೂ ಹೆಚ್ಚಿನವರಿಗೆ ರಾತ್ರಿ ತಡವಾಗಿ ಊಟ ಮಾಡುವ ಅಭ್ಯಾಸ ಇದೆ. ಆದರೆ ಇತ್ತೀಚಿನ ಅಧ್ಯಯನವೊಂದು ಇಂತಹ ಅಭ್ಯಾಸ ಅಪಾಕಾರಿ ಎನ್ನುವುದನ್ನು ತಿಳಿಸಿದೆ. ರಾತ್ರಿ ತಡವಾಗಿ ಊಟ ಮಾಡುವುದು ಹಲವು ರೋಗಗಳಿಗೆ ಕಾರಣವಾಗಬಹುದು ಎಂದು ಎಚ್ಚರಿಸಿದೆ. ರಾತ್ರಿಯ ಊಟ 7-9 ಗಂಟೆಯೊಳಗೆ (Early Dinners) ಮುಗಿಸುವುದರಿಂದ ನಮ್ಮ ಆರೋಗ್ಯ ಮತ್ತು ಜೀವನಶೈಲಿಯಲ್ಲಿ ದೊಡ್ಡ ಬದಲಾವಣೆಯನ್ನು ತರಬಹುದು.
ಅಧ್ಯಯನಗಳ ಪ್ರಕಾರ ರಾತ್ರಿ ಬೇಗನೆ ಆಹಾರ ಸೇವಿಸುವುರಿಂದ ಚಯಾ ಪಚಯ ಕ್ರಿಯೆ ಸರಿಯಾಗುತ್ತದೆ, ಹೃದಯ ರಕ್ತನಾಳದ ಅಪಾಯ ಮತ್ತು ಹಲವಾರು ದೀರ್ಘಕಾಲದ ಕಾಯಿಲೆಗಳನ್ನು ದೂರ ಮಾಡುತ್ತದೆ ಎಂದು ಅಧ್ಯಯನದಲ್ಲಿ ಉಲ್ಲೇಖಿಸಲಾಗಿದೆ. ಹಾಗದರೆ ಬೇಗ ಊಟ ಮಾಡುವುದರಿಂದ ತಡೆಗಟ್ಟಬಹುದಾದ ಆರೋಗ್ಯ ಸಮಸ್ಯೆಗಳು ಯಾವುವು? ಇಲ್ಲಿದೆ ವಿವರ:
ಟೈಪ್ 2 ಮಧುಮೇಹ (Type 2 Diabetes): ಅಧ್ಯಯನಗಳ ಪ್ರಕಾರ, ಆರಂಭಿಕ ಊಟವು ಹೆಚ್ಚಿನ ಇನ್ಸುಲಿನ್ ಸಂವೇದನೆಯ ಅವಧಿಗಳಲ್ಲಿ ಕ್ಯಾಲೊರಿಗಳನ್ನು ಕೇಂದ್ರೀಕರಿಸುತ್ತದೆ. ಇದು ಇನ್ಸುಲಿನ್ ಕಡಿಮೆ ಮಾಡಿ ಮಧುಮೇಹದ ಅಪಾಯವನ್ನು ತಗ್ಗಿಸುತ್ತದೆ.
ಇದನ್ನು ಓದಿ:Health Tips: ಆಹಾರಕ್ಕೂ ಅಂಟಿವೆಯಲ್ಲ ಮಿಥ್ಯೆಗಳು!
ಬೊಜ್ಜು ಮತ್ತು ತೂಕ ಹೆಚ್ಚಳ (Obesity and Weight Gain): ಬೇಗನೆ ಊಟ ಮಾಡಿದರೆ ಕಡಿಮೆ ತಿನ್ನುವುದ ಜತೆಗೆ ಹಸಿವು ನಿಯಂತ್ರಣದಲ್ಲಿ ಇರುತ್ತದೆ. ಇದರಿಂದ ದೇಹ ಸ್ಥಿರವಾದ ತೂಕವನ್ನು ಕಾಪಾಡಿಕೊಳ್ಳಬಹುದು. ತಡವಾಗಿ ತಿನ್ನುವುದರಿಂದ ಹೆಚ್ಚು ಕ್ಯಾಲೊರಿ ಸಂಗ್ರಹವಾಗುತ್ತದೆ.
ಅಧಿಕ ರಕ್ತದೊತ್ತಡ ಮತ್ತು ಸಿವಿಡಿ (Hypertension and CVD): ಬೇಗ ಊಟ ಮಾಡುವುದು ರಕ್ತದೊತ್ತಡದ ಮಟ್ಟ ನಿಯಂತ್ರಿಸಲು ಸಹಾಯ ಮಾಡುತ್ತದೆ ಮತ್ತು ಹೃದಯ ರಕ್ತನಾಳದ ಕಾಯಿಲೆಯ ದೀರ್ಘಕಾಲೀನ ಅಪಾಯವನ್ನು ಕಡಿಮೆ ಮಾಡುತ್ತದೆ.
ಕೊಬ್ಬಿನ ಪಿತ್ತಜನಕಾಂಗದ ಕಾಯಿಲೆ ನಿವಾರಣೆ: ರಾತ್ರಿಯ ಆಹಾರ ಸೇವನೆಯನ್ನು ಕಡಿಮೆ ಮಾಡುವುದು ಮತ್ತು ಬೇಗನೆ ಆಹಾರ ಸೇವಿಸುವುದು ಯಕೃತ್ತಿನ ಕೊಬ್ಬಿನ ಆಮ್ಲೀಯತೆಯನ್ನು ಸುಧಾರಿಸುತ್ತದೆ. ತಡವಾಗಿ ಭೋಜನವನ್ನು ತಪ್ಪಿಸುವುದರಿಂದ ಯಕೃತ್ತಿನ ಲಿಪಿಡ್ ಲೋಡ್ ಮತ್ತು ಇನ್ಸುಲಿನ್-ಚಾಲಿತ ಕೊಬ್ಬಿನ ಶೇಖರಣೆ ಕಡಿಮೆಯಾಗುತ್ತದೆ.
ಎದೆ ಉರಿ ಕಡಿಮೆಯಾಗುತ್ತದೆ: ಊಟ ಮತ್ತು ಮಲಗುವ ಸಮಯದ ನಡುವಿನ ಅಂತರ ಕಡಿಮೆಯಿದ್ದರೆ ಆ್ಯಸಿಡ್ ರಿಫ್ಲೆಕ್ಸ್ (ಎದೆ ಉರಿ) ಅಪಾಯ ಹೆಚ್ಚುತ್ತದೆ. ಬೇಗ ಊಟ ಮಾಡುವುದರಿಂದ ಎದೆ ಉರಿಯಂತಹ ಲಕ್ಷಣಗಳು ಕಡಿಮೆಯಾಗುತ್ತವೆ.
ನಿದ್ರಾ ಸಮಸ್ಯೆಗಳು ಮತ್ತು ಆಯಾಸ (Sleep issues and fatigue): ಬೇಗ ಊಟ ಮಾಡುವುದು ಸಾಮಾನ್ಯ ಮೆಲಟೋನಿನ್ ಮತ್ತು ಉತ್ತಮ ನಿದ್ರೆಗೆ ಬೆಂಬಲ ನೀಡುತ್ತದೆ. ಇದು ಉತ್ತಮ ಚಯಾಪಚಯಕ್ಕೆ ಕಾರಣವಾಗಿ ಆರೋಗ್ಯ ಸುಧಾರಿಸುತ್ತದೆ.
ದೀರ್ಘಕಾಲದ ಉರಿಯೂತ (Chronic Inflammation): ಬೇಗ ಊಟ ಮಾಡುವುದರಿಂದ ಆಕ್ಸಿಡೇಟಿವ್ ಒತ್ತಡ ಮತ್ತು ಕೆಲವು ಉರಿಯೂತದ ಸಮಸ್ಯೆಗಳು ಕಡಿಮೆಯಾಗುತ್ತವೆ.