ಬೆಂಗಳೂರು: ವಾರವಿಡೀ ಕೆಲಸದ ಒತ್ತಡದಲ್ಲಿರುವ ಸಿಲಿಕಾನ್ ಸಿಟಿಯ ಮಂದಿಗೆ ವೀಕೆಂಡ್ ಬಂತೆಂದರೆ ಏನಾದರೂ ವಿಶೇಷತೆ ಇರಲೇಬೇಕು. ಶಾಪಿಂಗ್, ಮ್ಯೂಸಿಕ್ ಹಾಗೂ ಬಾಯಿಗೆ ರುಚಿ ನೀಡುವ ಆಹಾರ—ಇವೆಲ್ಲವೂ ಒಂದೇ ಸೂರಿನಡಿ ಸಿಕ್ರೆ ಹೇಗಿರುತ್ತೆ ಅಲ್ವಾ? ಇಂತಹದೊಂದು ಕಂಪ್ಲೀಟ್ ಪ್ಯಾಕೇಜ್ ನೀಡಲು ಬೆಂಗಳೂರಿನ ಪ್ರತಿಷ್ಠಿತ ಲೈಫ್ಸ್ಟೈಲ್ ಈವೆಂಟ್ಗಳಲ್ಲಿ ಒಂದಾದ 'ಸಂಡೇ ಸೋಲ್ ಸಂತೆ' ಭರ್ಜರಿಯಾಗಿ ಕಮ್ಬ್ಯಾಕ್ ಮಾಡುತ್ತಿದೆ.
ಬ್ರೂಕ್ಫೀಲ್ಡ್ ಪ್ರಾಪರ್ಟೀಸ್ ಆಯೋಜಿಸುತ್ತಿರುವ ಈ ಸಂತೆಯ 'ಕಲರ್ ಪ್ಲೇ' ಆವೃತ್ತಿಯು ಇದೇ ಮೇ 10ರಂದು ಬೆಳ್ಳಂದೂರಿನ ಇಕೋವರ್ಲ್ಡ್ನಲ್ಲಿರುವ 'ದಿ ಬೇ' ಆವರಣದಲ್ಲಿ ನಡೆಯಲಿದೆ. ಟಾಯ್ಟ್ ಸಹಯೋಗದೊಂದಿಗೆ ನಡೆಯುತ್ತಿರುವ ಈ ಕಾರ್ಯಕ್ರಮವು ಕಲೆ, ವಾಣಿಜ್ಯ ಮತ್ತು ಸಮುದಾಯವನ್ನು ಬೆಸೆಯುವ ಅದ್ಭುತ ವೇದಿಕೆಯಾಗಿದೆ.
200ಕ್ಕೂ ಹೆಚ್ಚು ಮಳಿಗೆಗಳು, 12,000ಕ್ಕೂ ಹೆಚ್ಚು ಗ್ರಾಹಕರ ನಿರೀಕ್ಷೆ!
ಸ್ಥಳೀಯ ಪ್ರತಿಭೆಗಳನ್ನು ಹಾಗೂ ದೇಶೀಯ ಬ್ರ್ಯಾಂಡ್ಗಳನ್ನು ಪ್ರೋತ್ಸಾಹಿಸುವ ಉದ್ದೇಶ ಹೊಂದಿರುವ ಈ ಈವೆಂಟ್ನಲ್ಲಿ 200ಕ್ಕೂ ಹೆಚ್ಚು ಮಳಿಗೆಗಳು ಇರಲಿವೆ. ಕರಕುಶಲ ವಸ್ತುಗಳು, ಇಂಡೀ ಫ್ಯಾಷನ್, ಗೃಹೋಪಯೋಗಿ ವಸ್ತುಗಳು ಹಾಗೂ ಟ್ರೆಂಡಿ ಉಡುಪುಗಳ ಭಾರಿ ಕಲೆಕ್ಷನ್ ಇರಲಿದೆ. ಸರಿಸುಮಾರು 12,000ಕ್ಕೂ ಹೆಚ್ಚು ಜನರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸುವ ನಿರೀಕ್ಷೆಯಿದೆ.
ಇದರ ಜೊತೆಗೆ ವಿವಿಧ ಲೈವ್ ವರ್ಕ್ಶಾಪ್ಗಳು ನಡೆಯಲಿದ್ದು, ಮಕ್ಕಳು ಆಟವಾಡಲು ಪ್ರತ್ಯೇಕ ಜಾಗ, ನಿಮ್ಮ ಮುದ್ದಿನ ಸಾಕುಪ್ರಾಣಿಗಳೊಂದಿಗೆ ಕಾಲ ಕಳೆಯಲು ಪೆಟ್ ಝೋನ್ ಮತ್ತು ಯುವಜನತೆಯ ನೆಚ್ಚಿನ ಸ್ನೀಕರ್ ಶೂಗಳಿಗಾಗಿಯೇ ಪ್ರತ್ಯೇಕ ವಲಯವನ್ನು ಸೃಷ್ಟಿಸಲಾಗಿದೆ. ಶಾಪಿಂಗ್ ಮಾಡಿ ಸುಸ್ತಾದವರ ಹೊಟ್ಟೆ ತಣಿಸಲು ರುಚಿಕರವಾದ, ಬಗೆಬಗೆಯ ಆಹಾರ ಹಾಗೂ ಪಾನೀಯಗಳ ವ್ಯವಸ್ಥೆಯೂ ಇಲ್ಲಿದೆ.
ಮ್ಯೂಸಿಕ್ ಪ್ರಿಯರಿಗೆ ರಸದೌತಣ!
ಸಂಡೇ ಸೋಲ್ ಸಂತೆಯ ಮತ್ತೊಂದು ಪ್ರಮುಖ ಆಕರ್ಷಣೆಯೆಂದರೆ ಅಲ್ಲಿನ ಲೈವ್ ಮ್ಯೂಸಿಕ್. ಈ ಬಾರಿ ಪ್ರೇಕ್ಷಕರನ್ನು ರಂಜಿಸಲು ಖ್ಯಾತ ಸೆಲೆಬ್ರಿಟಿ ಬ್ಯಾಂಡ್ 'ಮ್ಯಾಡ್ಬಾಯ್ ಮಿಂಕ್' ವೇದಿಕೆ ಏರಲಿದೆ. ಬಾಲಿವುಡ್ ನಟಿ ಹಾಗೂ ಗಾಯಕಿ ಸಬಾ ಆಜಾದ್ ಮತ್ತು ಇಮಾದ್ ಶಾ ನೇತೃತ್ವದ ಈ ಬ್ಯಾಂಡ್ ತಮ್ಮ ಡೈನಾಮಿಕ್ ಪರ್ಫಾರ್ಮೆನ್ಸ್ ಮೂಲಕ ಪ್ರೇಕ್ಷಕರನ್ನು ಕುಣಿದು ಕುಪ್ಪಳಿಸುವಂತೆ ಮಾಡಲಿದೆ. ಇವರ ಜೊತೆಗೆ ಜನಪ್ರಿಯ ಬ್ಯಾಂಡ್ ಆಗಿರುವ 'ಸ್ಟ್ರಿಂಗ್ಫಿಶರ್' ಕೂಡ ವೇದಿಕೆಯಲ್ಲಿ ಸಂಗೀತದ ರಸದೌತಣ ಉಣಬಡಿಸಲಿದೆ.
ಒಟ್ಟಿನಲ್ಲಿ, ಬ್ರೂಕ್ಫೀಲ್ಡ್ ಪ್ರಾಪರ್ಟೀಸ್ ನಿರ್ವಹಣೆಯಲ್ಲಿರುವ ಅತ್ಯಾಧುನಿಕ 'ದಿ ಬೇ' ಆವರಣವು ಮೇ 10ರಂದು ಸಂಭ್ರಮದ ಕೇಂದ್ರಬಿಂದುವಾಗಲಿದೆ. ನಿಮ್ಮ ಭಾನುವಾರವನ್ನು ವರ್ಣಮಯ ವಾಗಿಸಿ, ಸಂಗೀತಮಯವಾಗಿ ಹಾಗೂ ಸ್ಮರಣೀಯವಾಗಿ ಕಳೆಯಲು ನೀವು ಕೂಡ ಈ 'ಸಂಡೇ ಸೋಲ್ ಸಂತೆ'ಗೆ ಭೇಟಿ ನೀಡಬಹುದು.