ಬೆಂಗಳೂರು: ಭಾರತದ ಸ್ವದೇಶಿ ಇ-ಕಾಮರ್ಸ್ ಮಾರುಕಟ್ಟೆಯಾದ ಫ್ಲಿಪ್ ಕಾರ್ಟ್, ಇಂದು ಭಾರತದ ಪ್ರಮುಖ ಸಾರಿಗೆ ಸೇವಾ ಸಂಸ್ಥೆಗಳಲ್ಲಿ ಒಂದಾದ ಉಬರ್ ಜೊತೆಗೆ ಸಹಭಾಗಿತ್ವ ಮಾಡಿ ಕೊಂಡಿದೆ. ಈ ಸಹಭಾಗಿತ್ವದ ಭಾಗವಾಗಿ ಬಳಕೆದಾರರಿಗೆ ಪ್ರತಿಯೊಂದು ಅರ್ಹ ಉಬರ್ ರೈಡ್ ನ ಮೇಲೆ ಸೂಪರ್ ಕಾಯಿನ್ಸ್ ಗಳಿಸುವ ಅವಕಾಶ ದೊರೆಯಲಿದೆ.
ಈ ಸಹಯೋಗವು ಸೂಪರ್ ಕಾಯಿನ್ಸ್ ವ್ಯವಸ್ಥೆಯನ್ನು ಕೇವಲ ಶಾಪಿಂಗ್ ಗೆ ಸೀಮಿತಗೊಳಿಸದೆ, ಗ್ರಾಹಕರ ದೈನಂದಿನ ಜೀವನಶೈಲಿಯ ಭಾಗವಾಗಿಸುವ ಗುರಿಯನ್ನು ಹೊಂದಿದೆ. ವಿಶೇಷವಾಗಿ ಬಳಕೆದಾರರು ತಮ್ಮ ದೈನಂದಿನ ಪ್ರಯಾಣದಲ್ಲಿ ಉತ್ತಮ ಪ್ರತಿಫಲವನ್ನು ಅಥವಾ ರಿವಾರ್ಡ್ಸ್ ಅನ್ನು ಗಳಿಸಲು ಅನುವು ಮಾಡಿಕೊಡುತ್ತದೆ. ಈ ಸಹಯೋಗವು ಭಾರತದ ಲಾಯಲ್ಟಿ ವಿಭಾಗ ವನ್ನು ಬಲಪಡಿಸುವ ಫ್ಲಿಪ್ ಕಾರ್ಟ್ ನ ಉದ್ದೇಶದ ಭಾಗವಾಗಿ ಮೂಡಿಬಂದಿದ್ದು, ಉಬರ್ ಗೆ ತನ್ನ ದೈನಂದಿನ ಸಾರಿಗೆ ಸೇವೆಯಲ್ಲಿ ಹೆಚ್ಚಿನ ಮೌಲ್ಯವನ್ನು ಒದಗಿಸಲು ಸಹಕಾರಿಯಾಗಿದೆ.
ಬಳಕೆದಾರರು ತಮ್ಮ ಫ್ಲಿಪ್ ಕಾರ್ಟ್ ಮತ್ತು ಉಬರ್ ಖಾತೆಗಳನ್ನು ಲಿಂಕ್ ಮಾಡುವ ಮೂಲಕ, ಪ್ರತಿ ಅರ್ಹ ಸವಾರಿಯ ಮೇಲೆ ತಮ್ಮ ಪ್ರಯಾಣದ ದರದ 4% ರಷ್ಟು ಸೂಪರ್ ಕಾಯಿನ್ಸ್ ಗಳನ್ನು ಗಳಿಸಬಹುದು (ಪ್ರತಿ ಸವಾರಿಗೆ ಗರಿಷ್ಠ 150 ಕಾಯಿನ್ ಗಳವರೆಗೆ). ಒಟ್ಟು ಗಳಿಕೆಗೆ ಯಾವುದೇ ಮಿತಿ ಇರುವುದಿಲ್ಲ. ಈ ಸೂಪರ್ ಕಾಯಿನ್ಸ್ ಗಳು ನೇರವಾಗಿ ಬಳಕೆದಾರರ ಫ್ಲಿಪ್ ಕಾರ್ಟ್ ಖಾತೆಗೆ ಜಮೆ ಯಾಗುತ್ತವೆ ಮತ್ತು ಇವುಗಳನ್ನು ಫ್ಲಿಪ್ ಕಾರ್ಟ್ ಮಿನಿಟ್ಸ್, ಕ್ಲಿಯರ್ ಟ್ರಿಪ್ ಮತ್ತು ಇತರ ಪಾಲುದಾರ ಸಂಸ್ಥೆಗಳಲ್ಲಿ ಬಳಸಿಕೊಳ್ಳಬಹುದು.
ಇದನ್ನೂ ಓದಿ: Ola Price Hike: ಗ್ರಾಹಕರಿಗೆ ಮತ್ತೊಂದು ಶಾಕ್; ಓಲಾ, ಉಬರ್ ಮೂಲ ದರಕ್ಕಿಂತ 2 ಪಟ್ಟು ಹೆಚ್ಚಿಸಲು ಕೇಂದ್ರ ಅನುಮತಿ
ಈ ಸಹಯೋಗವು ಸೀಮಿತ ಅವಧಿಯ ವಿಶೇಷ ಆಫರ್ ಗಳನ್ನು ಒಳಗೊಂಡಿದೆ. ಹೊಸ ಉಬರ್ ಬಳಕೆದಾರರು ಅಥವಾ ಕಳೆದ 84 ದಿನಗಳಿಂದ ಆಪ್ ಬಳಸದವರು, ಖಾತೆಗಳನ್ನು ಲಿಂಕ್ ಮಾಡಿದ 28 ದಿನಗಳೊಳಗೆ ತಮ್ಮ ಮೊದಲ ಸವಾರಿಯನ್ನು ಪೂರ್ಣಗೊಳಿಸಿದರೆ 150 ಬೋನಸ್ ಸೂಪರ್ ಕಾಯಿನ್ಸ್ ಗಳನ್ನು ಗಳಿಸಬಹುದು. ಹೆಚ್ಚುವರಿಯಾಗಿ, ಏಪ್ರಿಲ್ 15 ರಿಂದ ಏಪ್ರಿಲ್ 30, 2026 ರ ನಡುವೆ ತಮ್ಮ ಫ್ಲಿಪ್ ಕಾರ್ಟ್ ಮತ್ತು ಉಬರ್ ಖಾತೆಗಳನ್ನು ಲಿಂಕ್ ಮಾಡಿ, 28 ದಿನಗಳೊಳಗೆ ಮೊದಲ ಸವಾರಿ ಪೂರ್ಣಗೊಳಿಸುವ ಬಳಕೆದಾರರು ಇನ್ನೂ 50 ಬೋನಸ್ ಸೂಪರ್ ಕಾಯಿನ್ಸ್ ಗಳನ್ನು ಪಡೆಯಬಹುದು.
ಈ ಪಾಲುದಾರಿಕೆಯ ಕುರಿತು ಮಾತನಾಡಿದ ಫ್ಲಿಪ್ ಕಾರ್ಟ್ ನ ಪೇಮೆಂಟ್ಸ್ ಮತ್ತು ಸೂಪರ್ ಕಾಯಿನ್ಸ್ ವಿಭಾಗದ ವೈಸ್ ಪ್ರೆಸಿಡೆಂಟ್ ಗೌರವ್ ಅರೋರಾ ಅವರು, "ಸೂಪರ್ ಕಾಯಿನ್ಸ್ ವ್ಯವಸ್ಥೆಯು ದಿನನಿತ್ಯದ ಬಳಕೆಯ ಸಂದರ್ಭಗಳಲ್ಲಿ ಒಂದು ಅತ್ಯುತ್ತಮ ಪ್ರತಿಫಲ ಸೌಲಭ್ಯವಾಗಿ ಬೆಳೆದು ಬಂದಿದೆ. ಇದರ ಬೆಳವಣಿಗೆಗೆ ಸಾರಿಗೆ ವ್ಯವಸ್ಥೆ ಒಂದು ಸಹಜ ಭಾಗವಾಗಿದ್ದು, ಉಬರ್ ಜೊತೆಗಿನ ಈ ಸಹಭಾಗಿತ್ವವು ಗ್ರಾಹಕರ ದೈನಂದಿನ ವಹಿವಾಟುಗಳೊಂದಿಗೆ ನಾವು ಸುಲಭವಾಗಿ ಬೆರೆತುಕೊಳ್ಳಲು ಸಹಾಯ ಮಾಡುತ್ತದೆ. ಮುಂಬರುವ ದಿನಗಳಲ್ಲಿ, ನಮ್ಮ ಸಂಸ್ಥೆಗಳಲ್ಲಿ ಗ್ರಾಹಕರ ತೊಡಗಿಸಿಕೊಳ್ಳುವಿಕೆಯನ್ನು ಹೆಚ್ಚಿಸಲು ನಾವು ಸೂಪರ್ ಕಾಯಿನ್ಸ್ ಅನ್ನು ಇನ್ನೂ ಹೆಚ್ಚಿನ ವರ್ಗಗಳಿಗೆ ವಿಸ್ತರಿಸಲಿದ್ದೇವೆ" ಎಂದು ತಿಳಿಸಿದರು.
ಉಬರ್ ಇಂಡಿಯಾ ಮತ್ತು ದಕ್ಷಿಣ ಏಷ್ಯಾದ ಬಿಸಿನೆಸ್ ಡೆವಲಪ್ ಮೆಂಟ್ ಡೈರೆಕ್ಟರ್ ಅರ್ನಾಬ್ ಕುಮಾರ್ ಅವರು ಮಾತನಾಡಿ, "ಉಬರ್ ನಲ್ಲಿ ನಾವು ದೈನಂದಿನ ಸಂಚಾರವನ್ನು ಬಳಕೆದಾರರಿಗೆ ಹೆಚ್ಚು ಸುಗಮ ಮತ್ತು ಮೌಲ್ಯಯುತವಾಗಿಸುವತ್ತ ಗಮನಹರಿಸಿದ್ದೇವೆ. ಫ್ಲಿಪ್ ಕಾರ್ಟ್ ಜೊತೆಗಿನ ಈ ಸಹಯೋಗವು ನಮ್ಮ ಪ್ರಯಾಣಿಕರಿಗೆ ಸರಳವಾಗಿ ಮತ್ತು ಸುಲಭವಾಗಿ ಹೆಚ್ಚುವರಿ ಪ್ರಯೋಜನಗಳನ್ನು ಒದಗಿಸಲು ನಮಗೆ ಅನುವು ಮಾಡಿಕೊಡುತ್ತದೆ. ಅಲ್ಲದೆ, ವಿವಿಧ ಪ್ಲಾಟ್ ಫಾರ್ಮ್ ಗಳ ಮೂಲಕ ಬಳಕೆದಾರರು ದೈನಂದಿನ ಸೇವೆಗಳನ್ನು ಹೇಗೆ ಬಳಸಿಕೊಳ್ಳುತ್ತಾರೆ ಎನ್ನುವುದಕ್ಕೆ ಇದು ಹೊಸ ಆಯಾಮ ನೀಡುತ್ತದೆ" ಎಂದು ಹೇಳಿದರು.
ಈ ಪಾಲುದಾರಿಕೆಯು ಅತಿ ಹೆಚ್ಚು ಬಳಕೆಯಲ್ಲಿರುವ ಎರಡು ಗ್ರಾಹಕ ಸ್ನೇಹಿ ಪ್ಲಾಟ್ ಫಾರ್ಮ್ ಗಳನ್ನು ಒಗ್ಗೂಡಿಸಿದ್ದು, ಸಂಚಾರದಂತಹ ದಿನನಿತ್ಯದ ಅಗತ್ಯಗಳಿಗೂ ಪ್ರತಿಫಲಗಳನ್ನು (ರಿವಾರ್ಡ್ಸ್) ಒದಗಿಸಲಿದೆ. ಬಳಕೆದಾರರು ವಿವಿಧ ವಿಭಾಗಗಳಲ್ಲಿ ಪಡೆಯುವ ಸೇವೆಯ ಮೌಲ್ಯ ವನ್ನು ಹೇಗೆ ಹೆಚ್ಚು ಸರಳವಾಗಿ ಸಂಯೋಜಿಸಬಹುದು ಎಂಬ ವಿಚಾರವನ್ನು ಈ ಸಹಯೋಗವು ಉತ್ತಮ ರೀತಿಯಲ್ಲಿ ಸ್ಪಷ್ಟಪಡಿಸಿದೆ.
*
ಫ್ಲಿಪ್ ಕಾರ್ಟ್ ಮತ್ತು ಉಬರ್ ನ ರಾಷ್ಟ್ರವ್ಯಾಪಿ ವ್ಯಾಪ್ತಿಯನ್ನು ಸಂಯೋಜಿಸುವ ಈ ವಿಶಿಷ್ಟ ಪ್ರತಿಫಲ ಯೋಜನೆಯು ಎಲ್ಲಾ ಭಾರತೀಯ ಗ್ರಾಹಕರಿಗೆ ಉತ್ತಮ ಪ್ರಯೋಜನವನ್ನು ಒದಗಿಸುತ್ತದೆ.
- ಈ ಸೂಪರ್ ಕಾಯಿನ್ ಗಳನ್ನು ಫ್ಲಿಪ್ ಕಾರ್ಟ್, ಕ್ಲಿಯರ್ ಟ್ರಿಪ್ ಮತ್ತು ಇತರ ಪಾಲುದಾರ ಸಂಸ್ಥೆಗಳಲ್ಲಿ ಬಳಸಬಹುದು.
- ಈ ಯೋಜನೆಯು ಶಾಪಿಂಗ್ ಹೊರತಾಗಿ ದಿನನಿತ್ಯದ ಬಳಕೆಯ ಸಂದರ್ಭಗಳಲ್ಲೂ ಸೂಪರ್ ಕಾಯಿನ್ಸ್ ಬಳಸಲು ಅನುವು ಮಾಡಿಕೊಡುತ್ತದೆ.