ಬೆಂಗಳೂರು: ತನ್ನ 20ನೇ ವರ್ಷದ ಸಂಭ್ರಮದಲ್ಲಿರುವ ಇಂಟರ್ನ್ಯಾಷನಲ್ ಸ್ಕೂಲ್ ಆಫ್ ಮ್ಯಾನೇಜ್ಮೆಂಟ್ ಎಕ್ಸಲೆನ್ಸ್ (ISME), ಲೈವ್ ಆನ್ಲೈನ್ ಸ್ನಾತಕೋತ್ತರ ಪದವಿ( PGDM) ಕಾರ್ಯಕ್ರಮ ಪ್ರಾರಂಭವನ್ನು ಘೋಷಿಸುತ್ತಿದೆ. AICTE-ಅನುಮೋದಿತ ಈ ಸ್ನಾತಕೋತ್ತರ ಪದವಿ ಮಾರಾಟ ಮತ್ತು ಡಿಜಿಟಲ್ ಮಾರ್ಕೆಟಿಂಗ್, AI ಮತ್ತು ವ್ಯಾಪಾರ ವಿಶ್ಲೇಷಣೆ ಮತ್ತು ಕಾರ್ಯಾಚರಣೆಗಳು, ಲಾಜಿಸ್ಟಿಕ್ಸ್ ಮತ್ತು ಸರಬರಾಜು ಸರಪಳಿ ನಿರ್ವಹಣೆ ಕುರಿತಾಗಿ ಆಳವಾದ ಜ್ಞಾನವನ್ನು ಒದಗಿಸಲಿದೆ.
ಈ ಕುರಿತು ಪ್ರತಿಕ್ರಿಯಿಸಿರುವ ಐಎಸ್ಎಂಇ ಸ್ಥಾಪಕ ಮತ್ತು ನಿರ್ದೇಶಕ ಡಾ. ನಿತಿನ್ ಗರ್ಗ್, ಇಂದು ಔದ್ಯಮಿಕ ಜಗತ್ತು ಬದಲಾಯಿಸಲಾಗದಂತೆ ಬದಲಾಗಿದೆ. ನಮ್ಮ ವಿದ್ಯಾರ್ಥಿಗಳು ಮಹತ್ವಾಕಾಂಕ್ಷೆಯುಳ್ಳವರು, ಉದ್ಯೋಗಿಗಳು ಮತ್ತು ಸಮಯ-ಒತ್ತಡ ಹೊಂದಿರುವವರು. ಈ ಕಾರ್ಯಕ್ರಮವು ಅವರು ಇರುವ ಸ್ಥಳದಲ್ಲಿಯೇ ಆನ್ಲೈನ್ ಮೂಲಕ ಅಗತ್ಯ ಶಿಕ್ಷಣ ವನ್ನು ನೀಡುತ್ತದೆ’ ಎಂದರು.
ಪಠ್ಯಕ್ರಮವು 6 ಅವಧಿಗಳನ್ನು ಹೊಂದಿದ್ದು, ಪೂರ್ವ-ಅವಧಿಯಿಂದ ಪ್ರಾರಂಭವಾಗಿ ಕ್ಯಾಪ್ಸ್ಟೋನ್ ಯೋಜನೆ ಮತ್ತು ಪದವಿಯಲ್ಲಿ ಕೊನೆಗೊಳ್ಳುತ್ತದೆ. ವಿದ್ಯಾರ್ಥಿಗಳು 10 ವಾರಗಳ ಇಂಟರ್ನ್ಶಿಪ್ ಅನ್ನು ಕೈಗೊಳ್ಳುತ್ತಾರೆ ಮತ್ತು ಐಐಎಂಬಿ ಸೇರಿದಂತೆ ಮೂರು ಕ್ಯಾಂಪಸ್ ಭೇಟಿಗಳಿಗೆ ಅವಕಾಶ ಪಡೆಯುತ್ತಾರೆ.
ಇತ್ತೀಚಿನ ಪದವೀಧರರು ಹಾಗೂ ವೃತ್ತಿಪರರು ಇಬ್ಬರೂ ಈ ಪದವಿ ಕಾರ್ಯಕ್ರಮದಲ್ಲಿ ಭಾಗಿಯಾಗಬಹುದಾಗಿದೆ.