Karnataka Government Holidays 2026: ಕರ್ನಾಟಕ ಸರ್ಕಾರಿ ಸಾರ್ವತ್ರಿಕ ರಜೆ ಪಟ್ಟಿ: 2026ರ ರಜಾದಿನಗಳ ಸಂಪೂರ್ಣ ಕ್ಯಾಲೆಂಡರ್‌ ಇಲ್ಲಿದೆ

ಬೆಂಗಳೂರು, ನ.18: 2026ನೇ ಸಾಲಿನ ಸಾರ್ವತ್ರಿಕ ರಜೆ, ರಾಜ್ಯ ಸರ್ಕಾರಿ ನೌಕರರಿಗೆ ಇರುವ ಪರಿಮಿತ ರಜೆ ಮತ್ತು ಭಾರತ ಸರ್ಕಾರದ ಒಳಾಡಳಿತ ವ್ಯವಹಾರಗಳ ಇಲಾಖೆಯ ಅಧಿಸೂಚನೆಯ ಆಧಾರದ ಮೇಲೆ ಕರ್ನಾಟಕದಲ್ಲಿ ನೀಡಲಾಗುವ ಸಾರ್ವತ್ರಿಕ ರಜೆಗಳ ಪಟ್ಟಿ ಪ್ರಕಟಗೊಂಡಿದೆ. ಎಲ್ಲಾ ಎರಡನೇ ಶನಿವಾರ, ನಾಲ್ಕನೇ ಶನಿವಾರ ಮತ್ತು ಭಾನುವಾರಗಳು ಸೇರಿ ಸಾರ್ವತ್ರಿಕ ರಜೆಗಳ ಮಾಹಿತಿ ಇಲ್ಲಿದೆ. ರಾಜ್ಯ ಸರ್ಕಾರದ 2026ನೇ ಸಾಲಿನ ಸಾರ್ವತ್ರಿಕ ರಜಾ ದಿನಗಳ ಪಟ್ಟಿಗೆ ಗುರುವಾರ ನಡೆದ ಸಚಿವ ಸಂಪುಟ ಸಭೆ ಮಂಜೂರಾತಿ ನೀಡಿದೆ. 20 ಸಾರ್ವತ್ರಿಕ ರಜಾ ದಿನಗಳ ಪಟ್ಟಿಯನ್ನು ರಾಜ್ಯ ಸರ್ಕಾರ ಅಧಿಕೃತವಾಗಿ ಪ್ರಕಟಿಸಿದೆ. ಒಟ್ಟು 20 ಸಾರ್ವತ್ರಿಕ ರಜೆ ದಿನ ಹಾಗೂ 21 ಪರಿಮಿತ ರಜಾ ದಿನಗಳ ಪಟ್ಟಿಗೆ ಮಂಜೂರಾತಿ ನೀಡಿದೆ.

ಈ ರಜಾ ಪಟ್ಟಿಯು ಭಾನುವಾರಗಳಂದು ಬರುವ ಮಹಾ ಶಿವರಾತ್ರಿ, ಕನ್ನಡ ರಾಜ್ಯೋತ್ಸವ, ನರಕ ಚತುರ್ದಶಿ ಮತ್ತು ಎರಡನೇ ಶನಿವಾರದಂದು ಬರುವ ಮಹಾಲಯ ಅಮವಾಸ್ಯೆಯನ್ನು ಒಳಗೊಂಡಿಲ್ಲ. ಸಾರ್ವತ್ರಿಕ ರಜಾ ದಿನಗಳಲ್ಲಿ ರಾಜ್ಯಾದ್ಯಂತ ಸರ್ಕಾರಿ ಕಚೇರಿಗಳು ಮುಚ್ಚಲ್ಪಟ್ಟಿರುತ್ತವೆ. ಈ ಪಟ್ಟಿಯಲ್ಲಿ ನೀಡಲಾದ ಮುಸಲ್ಮಾನ ಬಾಂಧವರ ಹಬ್ಬಗಳು ನಿಗದಿತ ದಿನಾಂಕದಂದು ಆಚರಿಸಲ್ಪಡದಿದ್ದರೆ, ಸರ್ಕಾರಿ ಸೇವೆಯಲ್ಲಿನ ಮುಸಲ್ಮಾನ ಬಾಂಧವರಿಗೆ ನಿಗದಿತ ರಜೆ ಬದಲಾಗಿ ಹಬ್ಬದ ದಿನ ರಜೆ ಮಂಜೂರು ಮಾಡುವಂತೆ ಪ್ರಕಟಣೆ ತಿಳಿಸಿದೆ.

16 HHL 2025 ಸಾರ್ವತ್ರಿಕ ರಜಾ

2026ರ ಸಾರ್ವತ್ರಿಕ ರಜೆ ಪಟ್ಟಿ: 1) ಜ.15- ಮಕರ ಸಂಕ್ರಾತಿ, ಉತ್ತರಾಯಣ ಪುಣ್ಯಕಾಲ, 2) ಜ.26 - ಗಣರಾಜ್ಯೋತ್ಸವ 3) ಮಾ.19 - ಯುಗಾದಿ , 4) ಮಾ.2 - ರಂಜಾನ್, 5) ಮಾ.31 - ಮಹಾವೀರ ಜಯಂತಿ, 6) ಏ.3 - ಗುಡ್‌ ಫ್ರೈಡೇ, 7) ಏ.14 - ಡಾ.ಬಿ.ಆರ್‌. ಅಂಬೇಡ್ಕರ್‌ ಜಯಂತಿ, 8) ಏ.20- ಬಸವ ಜಯಂತಿ, 9) ಮೇ 1- ಕಾರ್ಮಿಕ ದಿನಾಚರಣೆ, 10) ಮೇ 28- ಬಕ್ರೀದ್, 11) ಜೂ. 26- ಮೊಹರಂ ಕಡೆ ದಿನ, 12) ಆ.15- ಸ್ವಾತಂತ್ರ್ಯ ದಿನಾಚರಣೆ, 13) ಆ.26 - ಈದ್‌ ಮಿಲಾದ್ 14) ಸೆ.14- ವರಸಿದ್ಧಿ ವಿನಾಯಕ ವ್ರತ, 15) ಅ.2 - ಗಾಂಧಿಜಯಂತಿ, 16) ಅ.20 - ಆಯುಧಪೂಜೆ, 17) ಅ.21 - ವಿಜಯದಶಮಿ, 18) ನ.10- ಬಲಿಪಾಡ್ಯಮಿ, ದೀಪಾವಳಿ, 19) ನ.27 - ಕನಕದಾಸ ಜಯಂತಿ, 20) ಡಿ.25 - ಕ್ರಿಸ್‌ಮಸ್